སྤྱིར་འདི་ལོར་༧གོང་ས་རྒྱལ་བ་རིན་པོ་ཆེ་མཆོག་དགུང་གྲངས་བརྒྱད་ཅུར་ཕེབས་ཡོད་པ་དང་། ལྷག་དོན་དུ་ཟླ་འདིའི་ཚེས་ ༨ ཉིན་ནི་རོང་ཆེན་བསྟན་པའི་སྒྲོན་མེ་བཀའ་ཟུར་ཀིརྟི་རིན་པོ་ཆེ་མཆོག་གི་སྐུའི་འཁྲུངས་ཚེ་ལ་འཁེལ་ཡོད་པ་བཅས་ལ་བརྟེན་ཏེ། རྔ་པ་ཀིརྟི་དགོན་གྲོང་གཉིས་གཙོས་པའི་བོད་གཞིས་བྱེས་གཉིས་ཀྱི་འབྲེལ་ཡོད་དགོན་པ་སོ་སོ་དང་སློབ་གྲྭ། དེ་བཞིན། ས་ཁུལ་སོ་སོའི་མང་ཚོགས་བཅས་ཀྱིས་རྒྱ་བོད་སྨན་པ་མཁས་པ་གདན་འདྲེན་ཞུས་ཏེ་ནད་པ་མང་པོར་རིན་མེད་བརྟག་དཔྱད་དང་སྨན་སྦྱིན། རྒན་གསོ་ཁང་དང་དབང་བོ་སྐྱོན་ཅན། འབྱོར་མེད་ཉམ་ཐག་སོགས་ལ་རོགས་སྐྱོར། སློབ་ཕྲུག་ཚོར་སློབ་རོགས་སྐྱོར་དང་། མང་ཚོགས་ལ་ནང་ཆོས་ངོ་སྤྲོད། གནས་ཆེན་ཁག་ལ་མཆོད་འབུལ་དང་ཚེ་ཐར་སྲོག་བླུ། ཆང་དང་ཐ་མག རྐུན་ཇག་དང་། འཁོན་འཛིང་སོགས་མི་བྱེད་པའི་དམ་བཅའ་འཇོག་པ་སོགས་ཀྱི་སྡིག་སྤངས་དགེ་བསྒྲུབ་ཀྱི་ལས་འགུལ་སྣ་ཚོགས་སྤེལ་ཡོད་འདུག
