ཉེ་སྔོན་རྔ་བ་རྫོང་གི་འབྲེལ་ཡོད་ལས་བྱེད་པས་རྔ་བ་ཀིརྟིའི་དགོན་གྱི་གྲྭ་ཤག་རེ་རེ་བཞིན་དགོན་པའི་གྱོད་དཔེ་ཀློག་དེབ་ཟེར་བའི་དེབ་ཅིག་སྤྲད་དེ་གྲྭ་བ་ཚོས་དེ་ལ་སློབ་སྦྱོང་ནན་ཏན་དགོས་པའི་བཙན་བཀའ་བཏང་ཡོད་འདུག
ཀིརྟིའི་བྱེས་པ་གྲྭ་
དེའི་སྐོར་ལ་བོད་ནང་ནས་འགྲེལ་བརྗོད་གནང་དོན། ལས་འགུལ་འདི་ནི་རྒྱ་གཞུང་གིས་བོད་ཐོག་ལ་གདུག་རྩུབ་ཀྱི་བྱ་སྤྱོད་ག་རེ་སྤེལ་ཡང་ཁྲིམས་མཐུན་ཡིན་ལུགས་དང་། བོད་མི་རྣམས་ཀྱིས་བདེན་པའི་གནས་ལུགས་རེ་བཤད་པ་དང་། སྡུག་སྨྲེ་རེ་བཏོན་པའང་ཁྲིམས་འགལ་ཡིན་ལུགས་སྒྲུབ་བྱེད་ཀྱི་དབང་མཐའ་སྒེར་གཅོད་ཀྱི་གདོང་རིས་ངོ་མ་ཞིག་ཡིན་པའི་བསམ་ཚུལ་མང་པོ་ཡོང་གི་འདུག
དེ་སྔོན་རྒྱལ་གཅེས་དཔའ་བོ་བློ་བཟང་ཕུན་ཚོགས་ཀྱི་ཨ་ཁུ་དང་ཤག་གི་དགེ་རྒན་ཡིན་པའི་དགེ་འདུན་པ་བློ་བཟང་བརྩོན་འགྲུས་ལགས་ལ་ཕུན་ཚོགས་བསད་པའི་ཉེས་མིང་གཡོག་ནས་ལོ་༡༡ བཙོན་འཇུག་ཁྲིམས་ཐག་བཅད་ཡོད་པ་དང་། དེ་བཞིན་དགེ་འདུན་པ་བློ་བཟང་དཀོན་མཆོག་གིས་རང་ལུས་མེར་སྲེག་ལ་བརྒྱུད་སྐུལ་བྱས་པའི་ཉེས་མིང་གཡོག་ནས་ལོ་གཉིས་ནར་འགྱང་གིས་སྲོག་ཐོག་གི་ཉེས་ཆད་བཅད་པ། ཡང་མཛོད་དགེ་རྫོང་ནས་དཀོན་མཆོག་དབང་མོས་རང་ལུས་མེར་སྲེག་གནང་བ་མོ་རང་གི་ཁྱོ་ག་སྒྲོལ་མ་སྐྱབས་ལ་བཟའ་ཟླ་བསད་པའི་ཉེས་མིང་གཡོག་ནས་སྲོག་ཐོག་གི་ཉེས་ཆད་བཅད་པ་སོགས་རང་ལུས་མེར་སྲེག་གཏོང་མཁན་རྣམས་ཀྱི་ཤུལ་ལུས་འབྲེལ་ཡོད་ནང་མི་སྤུན་མཆེད་སོགས་ལ་མི་སྤྱོད་ལས་འདས་པའི་དཀའ་སྡུག་མནར་གཅོད་སྣ་ཚོགས་བཏང་ཡོད་པ་རེད།
གསར་འགོད་པ། པདྨ་མཚོ།
