ཕྱི་ལོ་ ༢༠༡༦ ཟླ་ ༡༠ ཚེས་ ༣༠ ཉིན་གྱི་ཕྱི་དྲོའི་ཆུ་ཚོད་ ༣ སྟེང་། དྷ་ས་མེག་གྷན་བོད་ཁྱིམ་ཉིན་སློབ་རྩེད་ཐང་དུ། ༧གོང་ས་མཆོག་གི་གསུང་རྩོམ་དང་ཕྱག་དཔེ་བསྡུ་བསྒྲིགས་གནང་མཁན་མགོན་པོ་རྒྱལ་ལགས་ཀྱིས་དཔེ་དེབ་འགྲེམས་སྟོན་ཞིག་དང་འབྲེལ་ཏེ། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་ཆེད་དུ་གདན་འདྲེན་ཞུས་ཏེ། ༼དཔེ་ཀློག་གི་རིན་ཐང་དང་ཤེས་ཡོན་ལ་འཇུག་ཚུལ།༽ཞེས་པའི་བརྗོད་གཞིའི་ཐོག མི་མང་ལ་ཆུ་ཚོད་གཅིག་ལྷག་རིང་གསུང་བཤད་དང་དྲི་བ་དྲིས་ལན་བཅས་གནང་ཡོད་པ་རེད།་་་
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བོད་ཀྱི་དུས་བབ་ཀྱིས་བརྙན་ཕབ་སྤེལ་བ་འདི་མདུན་སྐྱོད་ཆེན་པོ་ཞིག་རེད། ད་བར་བོད་ཀྱི་དུས་བབ་བོད་ཡིག་རྐྱང་པའི་བརྒྱུད་ལམ་ཞིག་ཡིན་སྟབས་བོད་པའི་སྤྱི་ཚོགས་ནང་གི་བོད་ཡིག་བོད་སྐད་རྐྱང་པའི་ཁོར་ཡུག་ལ་ཞབས་ཞུ་རླབས་པོ་ཆེ་ཞིག་ཞུས་ཡོད་ཀྱང་། བཙན་བྱོལ་སྤྱི་ཚོགས་འདི་བོད་ཡིག་བོད་སྐད་རྐྱང་པའི་སྤྱི་ཚོགས་ཤིག་ཆགས་མེད་པ་མ་ཟད། བོད་ཡིག་བོད་སྐད་མི་ཤཻས་མཁན་ཡང་མང་པོ་ཞིག་ཡོད་སྟབས་ད་སྔ་བོད་ཀྱི་དུས་བབ་བརྒྱུད་ལམ་འདི་སྤྱི་ཚོགས་ཁྱོན་ཡོངས་ལ་ཁྱབ་ཐུབ་པ་ཞིག་ཆགས་མེད་ཀྱང་། ད་ལྟ་བརྙན་ཕབ་ཀྱི་བརྒྱུད་ལམ་ཞིག་ཏུ་འཕེལ་རྒྱས་སོང་བ་དང་བསྟུན་ཏེ་དུས་བབ་ཀྱི་ཁོར་ཡུག་སྔར་ལས་ལྷག་གི་རྒྱ་ཆེ་རུ་ཕྱིན་ཏེ་བཙན་བྱོལ་སྤྱི་ཚོགས་ཙམ་མ་ཟད་བོད་ཕྱི་ནང་གཉིས་ཞབས་ཞུ་བསྒྲུབ་ཐུབ་མཁན་ཞིག་དང་འཛམ་གླིང་ཡོང་ལ་བོད་དོན་ཁྱབ་བསྒྲགས་དང་ཁྱབ་སྤེལ་གྱི་ནུས་པ་དང་ཆ་རྐྱེན་ཡོངས་སུ་ཚང་བ་ཞིག་ཆགས་ཡོད་པར་ཡིད་རངས་སྔགས་བརྗོད་ཞུ་བཞིན་ཡོད། བོད་ཀྱི་དུས་བབ་ཀྱི་མགོ་ལས་ཡོངས་ལ་བཀྲ་ཤིས་བདེ་ལེགས་དང་མུ་མཐུད་དུ་འབད་བརྩོན་ལྷོད་མེད་གནང་སྟེ་བོད་པའི་བྱུང་རབས་ཐོག་རླབས་ཆེན་གྱི་ཕྱག་རྗེས་འཇོག་ཐུབ་པའི་སྨོན་ལམ་ཡོད།