རྒྱ་ནག་ཕྱི་སྲིད་ལྷན་ཁང་གིས་གསལ་བསྒྲགས་སྤེལ་ཏེ་སོག་ཡུལ་དང་རྒྱ་ནག་གཉིས་བར་གྱི་བཟང་ཕྱོགས་ཀྱི་འབྲེལ་ལམ་བརྟན་ལྷིང་ཡོང་ཆེད་༧གོང་ཏཱ་ལའི་བླ་མ་སོག་ཡུལ་དུ་ཕེབས་པར་མཐའ་གཅིག་ཏུ་ངོ་རྒོལ་ཡོད་ཟེར།
དེ་རིང་ཕྱི་དྲོར་ཨེ་ཕེ་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པ་གིང་ཧྲང་ (Geng Shuang) ཟེར་བ་ཞིག་གིས། ཏཱ་ལའི་བླ་མ་རྒྱ་གར་ལ་སྐྱབས་བཅོལ་དུ་ཕྱིན་པ་ནས་ཆོས་ལུགས་ཀྱི་མིང་ཐོག་ནས་བོད་རྒྱ་གཉིས་ཁ་བྲལ་གཏོང་བའི་བྱ་འགུལ་སྤེལ་གྱིན་ཡོད། ང་ཚོས་སོག་ཡུལ་དང་རྒྱ་ནག་གཉིས་བར་གྱི་བཟང་ཕྱོགས་ཀྱི་འབྲེལ་ལམ་བརྟན་ལྷིང་ཡོང་ཆེད་ཏཱ་ལའི་བླ་མ་སོག་ཡུལ་དུ་ཕེབས་པར་མཐའ་གཅིག་ཏུ་ངོ་རྒོལ་ཡོད་ལ། སོག་ཡུལ་ནས་ཏཱ་ལའི་ཤོག་ཁག་ལ་རྒྱབ་སྐྱོར་དང་ཁེ་ཕན་བསྒྲུབ་པར་ཡང་མཐའ་གཅིག་ཏུ་ངོ་རྒོལ་ཡོད། ཅེས་བཤད་འདུག
སོག་ཡུལ་གྱི་ནང་པའི་དགོན་པ་དགའ་ལྡན་ཐེག་ཆེན་གླིང་གིས་གདན་འདྲེན་ཞུས་པ་ལྟར། ༧གོང་ས་མཆོག་ཕྱི་ཚེས་ ༡༩ ནས་ ༢༢ ཉིན་བར་སོག་ཡུལ་དུ་ཆིབས་བསྒྱུར་བསྐྱང་རྒྱུ་ཡིན་པ་དང་། ཐེངས་འདིའི་མཛད་འཆར་ཁོངས་སུ་ནང་ཆོས་དང་ཚན་རིག་བར་གྱི་བགྲོ་གླེང་དང་། སོག་ཡུལ་གྱི་མངའ་སྡེ་ཁག་གི་ནང་པའི་དགོན་པ་དང་ཆོས་ཚོགས་ཁག་གི་དབུ་ཁྲིད་དང་མཁན་པོ་ཚོར་བཀའ་སློབ་གནང་རྒྱུ་དང་། སོག་པོའི་རྒྱལ་ས་ཨོ་ལོན་པ་ཋོར་གྱི་སློབ་གྲྭ་ཆེན་མོ་ཁག་ཅིག་ནང་བཀའ་སློབ་གནང་རྒྱུ་བཅས་ཀྱི་མཛད་འཆར་ཡོད་འདུག ཐེངས་འདི་ནི་༧གོང་ས་མཆོག་སོག་ཡུལ་དུ་ཕེབས་ཐེངས་ ༩ དེ་ཆགས་ཀྱི་ཡོད་འདུག
སོག་ཡུལ་དང་རྒྱ་གར་བར་དཔལ་འབྱོར་ཚོང་འབྲེལ་ཤུགས་ཆེན་པོ་ཡོད་པ་དང་། ཉེ་ཆར་རྒྱ་ནག་ནས་སོག་ཡུལ་ལ་ཨ་སྒོར་དུང་ཕྱིར་ ༤།༢ གྱི་བུན་དངུལ་གཡར་ཡོད་འདུག
གསར་འགོད་པ། པདྨ་རྒྱལ།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
བོད་བརྒྱུད་ནང་བསྟན་ཡོངས་རྫོགས་ཀྱི་མངའ་བདག་༧རྒྱལ་མཆོག་ཕྱག་ན་པདྨོ་མཆོག་སོག་ཡུལ་དུ་ཆིབས་སྒྱུར་གནང་ཐུབ་པ་དེ་སོག་པོ་དད་ལྡན་མང་ཚོགས་རྣམས་ཀྱི་བསོད་ནམས་རེད། སརྦ་མངྒ་ལཾ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དེ་རིང་ཕྱི་ཟླ་ ༡༡་ཚེས་༡༨་ཉིན་སོག་ཡུལ་གྱི་རྒྱལ་ས་ཨུ་ལན་བ་ཏུར་རུ་ཞབས་སོར་བདེ་བར་འཁོད་གནང་མཛད་སོང་།
དེ་ཡང་༧གོང་ས་༧སྐྱབས་མགོན་ཆེན་པོ་མཆོག་ཨུ་ལན་བ་ཏུར་གྱི་ཇན་ཀིསི་ཁཱན་གྱི་གནམ་ཐང་དུ་སོག་ཡུལ་གྱི་ཚོུད་བཞི་དང་ཕྱེད་ཀ་ཙམ་ལ་ཉི་ཧོང་ནས་ཞབས་སོར་འཁོད་སྐབས་སོག་ཡུལ་གཞུང་གི་སྐུ་ཚབ་དང་། དགའ་ལྡན་དགོན་པ་གཙོས་པའི་སོག་ཡུལ་གྱི་དགོན་སྡེ་ཁག་གི་མཁན་པོ་རྣམ་པ། རྒྱ་གར་གཞུང་གི་སྐུ་ཚབ་སོགས་ཕེབས་བསུར་བཅར་ཞིང་། སོག་ཡུལ་དུ་བཅའ་ཞུགས་བོད་རིགས་བླ་སྤྲུལ་དགེ་བཤེས་དང་སོག་ཡུལ་གྱི་དད་ལྡན་པ་ཁག་གཅིག་ཀྱང་ཕེབས་བསུར་བཅར་འདུག
དེ་རིང་སྔ་ཐོག་ནས་སོག་ཡུལ་གྱི་རྒྱལ་ས་ཨུ་ལཱན་བ་ཏུར་རུ་གངས་བབས་ཤིང་། གནམ་གཤིས་གྲངས་ཚད་ནི་གླད་སྒོར་འོག་གི་Celsius ༢༥་ཙམ་སྟེ། ཧ་ཅང་གྲངས་ངར་ཆེ་བའི་ཉིན་མོ་ཞིག་ཆགས་ཡོད།
༧གོང་ས་སྐྱབས་མགོན་ཆེན་པོ་སྐུ་འཁོར་དང་བཅས་པ་གནམ་ཐང་ནས་ཐད་ཀར་སོག་ཡུལ་གཞུང་གི་གསོལ་མགྲོན་ཁང་ཨེཧཀ་ཏེང་གྷིར་རུ་(Ikh Tenger)གདན་འདྲེན་ཞུས་ཤིང་། གསོལ་མགྲོན་ཁང་དེའི་ནང་རྣམ་ཀུན་ཕྱིའི་རྒྱལ་ཁབ་ཁག་གི་དབུ་ཁྲིད་རྣམ་པ་ཕེབས་སྐབས་བཞུགས་ཡུལ་གྱི་མགྲོན་ཁང་དེ་ཡིན་པ་རེད།
སང་ཉིན་ཕྱི་ཟླ་༡༡་ཚེས་༡༩་སྔ་དྲོ་༧གོང་ས་༧སྐྱབས་མགོན་ཆེན་པོ་མཆོག་སོག་ཡུལ་གྱི་དགོན་པ་ཆེ་ཤོས། དགའ་ལྡན་ཐེག་ཆེན་གླིང་དུ་གནས་གཟིགས་དང་། དེ་རྗེས་༧གོང་ས་སྐྱབས་མགོན་ཆེན་པོ་མཆོག་གིས་སོག་ཡུལ་གྱི་མངའ་སྡེ་༢༡་རྩ་གཅིག་གི་དགོན་སྡེ་ཁག་གི་མཁན་པོ་དང་དབུ་ཁྲིད་རྣམས་ལ་བཀའ་སློབ་སྩོལ་གནང་མཛད་རྒྱུ་དང་། སོག་ཡུལ་ནང་པའི་དབུ་ཁྲིད་ཁཱལ་ཁ་རྗེ་བཙུན་དམ་པ་སྐུ་ཕྲེང་དགུ་པའི་བླ་བྲང་དུ་ཞབས་ཅག་གནང་རྒྱུ་ཡིན་འདུག
སོག་ཡུལ་དགའ་ལྡན་དགོན་པ་འདི་ནི་ཁཱལ་ཁ་རྗེ་བཙུན་དམ་པ་སྐུ་ཕྲེང་ལྔ་པས་ཕྱི་ལོ་༡༨༠༥་ལོར་ཕྱག་བཏབ་པ་ཞིག་ཡིན་ཞིང་། ཕྱི་ལོ་༡༩༠༤་ལོར་དབྱིན་དམག་བོད་དུ་འབྱོར་སྐབས་༧གོང་ས་རྒྱལ་དབང་༧སྐུ་ཕྲེང་བཅུ་གསུམ་པ་མཆོག་སོག་ཡུལ་དུ་ཉེན་གཡོལ་དུ་ཕེབས་སྐབས་དགོན་པ་འདིར་ཟླ་བ་འགའ་ཤས་རིང་བཞུགས་གནང་མཛད་ཡོད་པ་རེད།
ད་རེས་༧གོང་ས་སྐྱབས་མགོན་ཆེན་པོ་མཆོག་སོག་ཡུལ་དུ་ཆིབས་བསྒྱུར་བསྐྱངས་པར་རྒྱ་ནག་གཞུང་གིས་སྐྱོན་བརྗོད་བྱས་ཡོད་ཀྱང་། སོག་ཡུལ་དགའ་ལྡན་དགོན་པས་ཆིབས་བསྒྱུར་གདན་ཞུ་ཐོག་གཞུང་གི་སྲིད་འཛིན་དང་། སྲིད་བློན། གྲོས་ཚོགས་ཀྱི་ཚོགས་གཙོ་བཅས་ཀྱི་རྒྱབ་སྐྱོར་གནང་པ་ཞིག་ཡིན་འདུག
སང་ཉིན་ཕྱི་ཚེས་༡༩་ཉིན་རྒྱབ་སོག་ཡུལ་དགའ་ལྡན་དགོན་པའི་སྤྱན་རས་གཟིགས་གྲྭ་ཚང་གི་མདུན་ཐང་དུ་དད་ལྡན་མང་ཚོགས་ལ་བཀའ་སློབ་སྩོལ་གནང་མཛད་རྒྱུ་སོགས་ཀྱི་མཛད་འཆར་ཡོད་པ་རེད།
རྒྱ་ནག་དམར་པོའི་རིང་ལུགས་རྨོངས་གཉིད་ལས་གྲོལ་ན་བཟང་།། འཛམ་གླིང་ཞི་བདེའི་དེད་དཔོན་འཕགས་མཆོག་ཕྱག་ན་པདྨོ་རྒྱལ་དབང་བསྟན་འཛིན་རྒྱལ་མཚོ་མཆོག་ནི་འགྲོ་བ་སེམས་ཅན་ཀུན་ལ་བྱམས་དང་བརྩེ་བའི་བདག་ཉིད་ཞིག་ཡིན་པའི་མི་སུ་གང་གིས་དགེར་གཅོད་བྱེད་མི་ནུས་བར་མ་ཟད་ཁོང་ལ་དད་གུས་ཆེ་བའི་འཛམ་གླིང་མི་མང་དམངས་གཙོ་གཙོ་འཛིན་བྱེད་མཁན་དག་ལ་ཁྱེད་ཚོའི་རྨི་ལམ་དེ་ནམ་ཡང་འགྲུབ་ཐབས་མེད་པ་ཞིག་ཡིན།།
ཉིན་ཞིག་རྒྱ་ནག་མི་མང་ཀྱང་དམངས་གཙོ་ཅན་ཏུ་ངེས་པར་དུ་འགྱུར་རྒྱུ་ཡིན་པ་བཤད་ག་ལ་དགོས།། ནམ་ཡང་འགོག་ཐབས་མེད།།
ལྷག་དོན་བོད་སོག་གཉིས་ནི་མི་རིགས་འདྲ་ཆོས་ཅན་ཞིག་ཡིན་པར་མ་ཟད་ལོ་ངོ་བརྒྱ་ཕྲག་དུ་མའི་ཡར་སྔོན་ནས་ཆོས་སྲིད་གང་གིས་ཆ་ནས་ཀྱང་འབྲེལ་བ་ཧ་ཅིང་གཏེང་ཟབ་ཡོད་མཁན་གྱི་མི་རིགས་ཆེན་པོ་གཉིས་ཡིན།། རྒྱ་ནག་རྒྱལ་ཁོང་ལ་བཀའ་རྒྱ་གཏོང་བ་ནང་བཞིན་ཕྱི་རྒྱལ་དམངས་གཙོའི་རིང་ལུགས་ཅན་དག་ལ་བཀའ་རྒྱ་གཏོང་བ་ནི་སྟོང་བསམ་ཡིན་པ་ཤེས་དགོས།། ངོ་མ་དགོད་ཁ་ཤོར་ཡ་རང་རེད།།