མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་པའི་བུད་མེད་རྐང་སྤོལ་རུ་ཁག་ཐེངས་དང་པོར་རྒྱལ་སྤྱིའི་སྡིངས་ཆའི་སྟེང་ཐོན།

བོད་ཀྱི་དུས་བབ།
༢༠༡༧/༠༧/༡༡
Share on FacebookShare on TwitterShare on EmailShare on Whatsapp

བོད་ཀྱི་བུད་མེད་རྐང་སྤོ་རུ་ཁག་ཁེ་ན་ཌའི་བན་ཁའོ་བཱར་རྒྱལ་སྤྱིའི་རྐང་སྤོ་དུས་སྟོན་ལ་ཞུགས་ཏེ་རྩེད་འགྲན་ཁྲོད་རྒྱལ་ཁ་ལངས་མེད་ཀྱང་། བོད་ཀྱི་ལོ་རྒྱུས་སུ་རྒྱལ་སྤྱིའི་རང་བཞིན་ཅན་གྱི་རྐང་སྤོ་འགྲན་རྩོད་ནང་བུད་མེད་མཉམ་ཞུགས་བྱས་བ་ཐོག་མ་དེ་ཆགས་ཡོད་འདུག

ཁེ་ན་ཌའི་གསར་ཁང་(News 1130)གིས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༧ ནས་ ༩ ཉིན་ཧི་མ་ལ་ཡི་གངས་འདབས་ནས་འཚར་ལོངས་བྱུང་ཞིང་། ལང་ཚོ་དར་ལ་བབ་ཅིང་རྐང་རྩེར་འཁྱུག་རྩལ་ལྡན་པའི་བོད་པའི་བུད་མེད་རྐང་རྩེད་སྤོ་ལོའི་རུ་ཁག་གིས་ཁེ་ན་ཌའི་གྲོང་ཁྱེར་བན་ཁའོ་བཱར་རྒྱལ་སྤྱིའི་རྐང་སྤོལ་དུས་སྟོན་(Vancouver International Soccer Festival)ཐེངས་ ༡༣ པའི་ཐོག་མཉམ་ཞུགས་བྱས་ཏེ། འཛམ་གླིང་གི་གསར་འགྱུར་བརྒྱུད་ལམ་ཁག་གིས་དོ་སྣང་ཆེན་པོ་བྱས་ཡོད་འདུག

བན་ཁའོ་བཱར་རྒྱལ་སྤྱིའི་རྐང་སྤོལ་དུས་སྟོན་དེ་ནི་འཛམ་གླིང་ཐོག་གི་མི་རིགས་དང་རིག་གཞུང་སྣ་ཚོགས་ལས་གྲུབ་པའི་རྐང་སྤོལ་རུ་ཁག་དག་ལ་དབྱེ་འབྱེད་མེད་པར་འདྲ་མཉམ་གྱི་གོ་སྐབས་སྐྲུན་བཞིན་ཡོད་ཅིང་། ཐེངས་འདིར་དམིགས་བསལ་གྱིས་བོད་པའི་བུད་མེད་རྐང་སྤོལ་རུ་ཁག་རྒྱལ་སྤྱིའི་རྐང་སྤོལ་རྩེད་འགྲན་དེར་མཉམ་ཞུགས་བྱས་བ་ཐོག་མ་དེ་ཆགས་ཡོད་པ་རེད།

བཙན་བྱོལ་བོད་མིའི་སྤྱི་ཚོགས་ཁྲོད་བོད་པའི་བུད་མེད་ཀྱི་རྐང་རྩེད་སྤོ་ལོའི་རུ་ཁག་གཉིས་ཆགས་ཡོད། (གནས་ཚུལ་དེའི་སྐོར་དྲ་ཐག་འདིར་གཟིགས་རོགས།) ཐེངས་འདིར་ཁེ་ན་ཌར་སྐྱོད་པའི་རུ་ཁག་དེ་ནི་ཨ་རི་བ་ལྕམ་ཁེ་སི་ཆལ་ཌིར་(Cassie Childers)ཞུ་བ་ཞིག་གིས་བདག་སྐྱོང་བྱེད་བཞིན་ཡོད་པའི་བོད་པའི་བུད་མེད་རྐང་རྩེད་སྤོ་ལོའི་རུ་ཁག་ཅིག་ཡིན་པ་དང་། གཞན་དེ་ནི་བོད་རྒྱལ་ཡོངས་རྩེད་རིགས་ཚོགས་པས་བདག་སྐྱོང་བྱེད་བཞིན་ཡོད། ལྕམ་ཁེ་སི་ཆལ་ཌིར་ལགས་ཐོག་མ་བོད་རྒྱལ་ཡོངས་རྩེད་རིགས་ཚོགས་པའི་སྦྱིན་བདག་གྲས་ཤིག་ཡིན་ཞིང་། བར་ལམ་བོད་རྒྱལ་ཡོངས་རྩེད་རིགས་ཚོགས་པ་དང་ཁོ་མའི་བར་མ་མཐུན་པའི་དབང་གིས་ ༢༠༡༢ ལོ་ནས་ཁོང་མོ་ལོགས་སུ་ཐོན་ཏེ་བོད་པའི་བུད་མེད་རྐང་རྩེད་སྤོ་ལོའི་རུ་ཁག་འདིར་སྣེ་འཁྲིད་བྱས་ཡོད་འདུག བོད་རྒྱལ་ཡོངས་རྩེད་རིགས་ཚོགས་པས་བརྗོད་པ་ལྟར་ན། ལྕམ་ཁེ་སི་ཆལ་ཌིར་གྱིས་མགོ་འཁྲིད་བཞིན་པའི་བོད་པའི་བུད་མེད་རྐང་སྤོལ་རུ་ཁག་དེ་བོད་མིའི་སྒྲིག་འཛུགས་ཀྱིས་ངོས་ལེན་མེད་ཟེར།

གསར་འགྱུར་དེའི་ནང་འཁོད་དོན། ཐེངས་འདིའི་ཁེ་ན་ཌའི་གྲོང་ཁྱེར་བན་ཁའོ་བར་རྐང་སྤོལ་དུས་སྟོན་དེར་མི་རིགས་དང་རིག་གཞུང་འདྲ་མིན་གྱི་རུ་ཁག་ ༣༠ མཉམ་ཞུགས་བྱས་ཡོད་པ་དང་། དེའི་ཁྲོད་བོད་ཀྱི་བུད་མེད་རྐང་སྤོལ་རུ་ཁག་གིས་ཐོག་མར་ཁེ་ན་ཌའི་རུ་ཁག་དང་ལྷན་དུ་གྲོགས་པོའི་འབྲེལ་བའི་ལམ་ནས་ཚོད་ལྟའི་རྩེད་འགྲན་ཞིག་བྱས་ཡོད་པ་དང་། འགྲན་བསྡུར་དངོས་གཞིའི་སྐབས་བོད་པའི་རུ་ཁག་གིས་པོ་ལན་ཌི་(Poland)དང་ཨི་རན(Iran)། དེ་བཞིན། པོ་ཇིལ་གྷལ་(Portugal)རུ་ཁག་བཅས་རུ་ཁག་གསུམ་ལ་འགྲན་བསྡུར་བྱས་ཡོད།

པོ་ལན་ཌི་དང་བོད་པའི་རུ་ཁག་བར་སྤོ་ལོ་གཅིག་ཀྱང་བླུག་མ་ཐུབ་པར་གཉིས་ཀ་ཀླད་གོར་ཆགས་ཡོད་པ་དང་། ཨི་རན་དང་བོད་པའི་རུ་ཁག་བར་སྤོ་ལོ་ ༢ དང་ ༡ ཆགས་ཏེ་བོད་པའི་རུ་ཁག་ཤོར་ཡོད་ཀྱང་། མི་མང་གིས་དགའ་མོས་བྱེད་ཡུལ་དེ་བོད་པའི་རུ་ཁག་ཆགས་ཡོད། པོ་ཇིལ་གྷལ་དང་བོད་པའི་རུ་ཁག་བར་ཕྱི་ཚེས་ ༩ ཉིན་འགྲན་བསྡུར་བྱས་སྐབས། སྤོ་ལོ་ ༥ དང་ ༢ ཆགས་ཏེ་བོད་པའི་རྐང་སྤོལ་རུ་ཁག་ཤོར་ཡོད་ཀྱང་། གོང་ལྟར་མི་མང་གི་དགའ་མོས་དང་རྩེད་འགྲན་པ་ཚོའི་བཟང་སྤྱོད་ཀྱིས་ལྟད་མོ་བ་ཚོ་ཡིད་འཚིམ་ཡོད།

བོད་ཀྱི་བུད་མེད་རྐང་སྤོལ་རུ་ཁག་དེར་རྒྱ་གར་དང་བལ་ཡུལ་ནང་སྐྱབས་བཅོལ་དུ་སྡོད་པའི་ལོ་ཆུང་བུ་མོ་ ༡༤ ཙམ་མཉམ་ཞུགས་བྱས་ཡོད་པ་དང་། ཁོ་ཚོ་ད་ལོའི་ཕྱི་ཟླ་ ༢ པའི་ནང་ཨ་རིའི་ཌོ་ལཱ་སི་(Dallas Cup)རྒྱལ་སྤྱིའི་ན་གཞོན་རྐང་སྤོལ་རྩེད་འགྲན་དུ་གདན་ཞུ་བྱས་ཏེ། སྐབས་དེའི་དམིགས་བསལ་སྐུ་མགྲོན་ཞིག་ཏུ་བརྩིས་ཆོག་ཀྱང་། ཨ་རིའི་སྲིད་འཛིན་ཌོ་ནལ་ཊི་རུམ་ཕིས་ཕྱི་མི་གནས་སྤོ་བ་བཀག་སྡོམ་སྲིད་ཇུས་འོག་ཨ་རིའི་གཞུང་གིས་ཁོ་ཚོར་ཕྱི་སྐྱོད་ཐོངས་མཆན་སྤྲད་མེད། འོན་ཀྱང་། དགའ་འོས་བ་ཞིག་ལ་སྐབས་དེར་བོད་པའི་བུད་མེད་རྐང་སྤོལ་རུ་ཁག་ཨ་རིར་ཐོངས་མཆན་མ་རག་པའི་གནས་ཚུལ་དེས་བོད་དོན་རྒྱལ་སྤྱིའི་སྟེང་ཁྱབ་ཆེན་པོ་ཕྱིན་པ་དང་། ཁེ་ན་ཌའི་བན་ཁའོ་བཱར་རྐང་སྤོལ་དུས་སྟོན་གོ་སྒྲིག་བྱེད་མཁན་སྐུ་ཞབས་ཨན་ཌི་རི་ཧམ་མལ་(Adri Hamael)ལགས་ཀྱིས་གནས་ཚུལ་དེ་ཐོས་ཏེ། ཐེངས་འདིར་ཁོང་ཚོ་ཁེ་ན་ཌར་མགྲོན་བརྡ་བཏང་ཡོད་ཅིང་། དུས་དེ་ནས་བཟུང་བོད་པའི་རྐང་སྤོལ་རུ་ཁག་གིས་དྲ་ལམ་བརྒྱུད་དེ་དུས་སྟོན་དེར་ཞུགས་པར་ལམ་གྲོན་ཞལ་འདེབས་བསྡུ་སློང་བྱས་ཏེ་ཐེངས་འདིར་མཉམ་ཞུགས་བྱེད་ཐུབ་པ་བྱུང་ཡོད་པ་རེད།

ཁེ་ན་ཌ་དང་བོད་ཀྱི་བུད་མེད་རྐང་སྤོ་རུ་ཁག་གཉིས་བར་གྱི་འབྲེལ་བ་དེ་རྐང་སྤོལ་འགྲན་བསྡུར་ཁོ་ན་མ་ཡིན་པར། ཁེ་ན་ཌའི་ནང་སེམས་ཅན་དང་ཁོར་ཡུག་ལ་སྲུང་སྐྱོབ་དང་། འགྲོ་བ་མིའི་ཐོབ་ཐང་དོན་གཉེར་བྱེད་པའི་ཚོགས་སྡེ་ཁག་གི་རྒྱབ་བརྟེན་དུ་གྱུར་བའི་ཚོགས་པ་ལཱོ་ཤི་(Lush Cosmetics)ཡེས་ཐེངས་འདིར་བོད་ཀྱི་བུད་མེད་རྐང་སྤོལ་རུ་ཁག་ལ་དཔལ་འབྱོར་རྒྱབ་བརྟེན་བྱས་ཡོད།

ལཱོ་ཤི་ཚོགས་པས་བརྗོད་པ་ལྟར་ན། བོད་ཀྱི་བུད་མེད་རྐང་སྤོལ་རུ་ཁག་གིས་ཕྱི་ལོ་ ༢༠༡༢ ལོ་ནས་བོད་པའི་བུད་མེད་ཀྱི་ནུས་སྟོབས་གོང་སྤེལ་དང་ཕོ་མོ་འདྲ་མཉམ་ཐོག་བརྡ་ལན་དང་ཡར་སྐུལ་གྱི་ནུས་པ་ཆེན་པོ་ཐོན་ཡོད་ཅེས་བརྗོད་ཡོད་པ་དང་། བོད་ཀྱི་བུད་མེད་རྐང་སྤོལ་རུ་ཁག་ཁེ་ན་ཌའི་ནང་འབྱོར་བ་དང་། ལཱོ་ཤི་ཚོགས་པས་ཁོ་ཚོར་ཐུག་འཕྲད་བྱས་ཏེ་ཉིན་དེའི་ཕྱི་ཉིན་ཚོགས་པ་དེས་གོ་སྒྲིག་འོག་བོད་ཀྱི་བུད་མེད་རྐང་སྤོལ་རུ་ཁག་དང་ཁེ་ན་ཌའི་རྐང་སྤོལ་རུ་ཁག་བར་གྲོགས་པོའི་ལམ་ནས་ཚོད་ལྟའི་རྩེད་འགྲན་ཐེངས་གཅིག་བྱས་ཡོད།

ལོ་ན་ ༢༠ ཡིན་པའི་ལྷ་མོ་ཚེ་རིང་ལགས་ཀྱིས་བརྗོད་དོན་ “རྐང་སྤོལ་རྩེད་རྒྱུ་ནི་ང་རང་གི་དགའ་ཕྱོགས་ཡིན། ང་རང་ཐེངས་འདིར་རྒྱལ་སྤྱིའི་བན་ཁའོ་བཱར་རྐང་སྤོལ་རྩེད་འགྲན་ནང་མཉམ་ཞུགས་བྱེད་ཐུབ་པར་ཧ་ཅང་དགའ་པོ་བྱུང་སོང་”ཞེས་དང་། “ང་ལ་མཚོན་ན་རྐང་སྤོལ་རྩེད་རྒྱུ་ནི་མི་དང་མིའི་བར་གྱི་འབྲེལ་བ་ཇེ་ཟབ་དུ་གཏོང་ཐབས་ཤིག་ཏུ་ངོས་འཛིན་བྱེད་ཀྱི་ཡོད། རྐང་སྤོལ་རྩེད་བར་མགོ་ཁྲིད་ཀྱི་ཁྱད་ཆོས་དང་རང་ཚུགས་བརྟན་པོ་དགོས། གང་ཡིན་ཟེར་ན། ང་ཚོས་རྐང་སྤོལ་རྩེད་སྐབས་གདེང་ཚོད་མེད་དུ་མི་རུང་བའི་ཆ་རྐྱེན་ཞིག་ཆགས་ཡོད་”ཅེས་སོགས་བརྗོད་ཡོད།

ལྷ་མོ་ལགས་ཀྱིས་བརྗོད་པ་ལྟར་ན། ཁོ་མོའི་ཕ་མ་གཉིས་ཀྱིས་ཁོ་མོར་རྐང་སྤོལ་རྩེད་བར་རྒྱབ་སྐྱོར་བྱེད་ཀྱི་ཡོད་ཟེར། འོན་ཀྱང་། རུ་ཁག་དེའི་ནང་གི་བུ་མོ་ཁ་ཤས་ཕ་མ་དང་ཁ་བྲལ་བ་དང་། ཡང་ཁ་ཤས་ལ་ཕ་མ་ཚོ་རྙིང་ཞེན་གྱི་དབང་གིས་རྒྱབ་སྐྱོར་དེ་ཙམ་མེད་པའང་ཡོད་འདུག

བན་ཁའོ་བཱར་རྒྱལ་སྤྱིའི་རྐང་སྤོལ་དུས་སྟོན་གྱི་འགན་འཛིན་སྐུ་ཞབས་ཨན་ཌི་རི་ལགས་ཀྱིས་བརྗོད་དོན། ཨ་རིས་བོད་པའི་བུད་མེད་རྐང་སྤོལ་རུ་ཁག་ལ་ཐོངས་མཆན་སྤྲད་མེད་པའི་གསར་འགྱུར་མང་པོ་ཞིག་ཁྱབ་བཞིན་པ་མཐོང་སྐབས། ཐོག་མར་ང་རང་ཁོང་ཁྲོ་ལངས་སོང་། རྒྱུ་མཚན་ནི། བོད་པའི་བུ་མོ་ ༡༤ ཡིས་ཨ་རིའི་གཞུང་ལ་ཉེན་ཁ་ཅི་ཞིག་བཟོ་སྲིད་དམ་བསམ་བྱུང་། སྐབས་དེའི་ཁོང་ཁྲོ་རིམ་གྱིས་བསམ་བློ་གཏོང་སའི་གཞི་རྩ་ཞིག་ཆགས་ཏེ་བོད་པའི་བུ་མོ་དེ་དག་ཁེ་ན་ཌར་སྐད་གཏོང་རྒྱུ་ཡིད་ལ་དྲན་ཏེ། ད་རེས་ཁོ་རང་ཚོ་འདིར་མགྲོན་འབོད་བྱས་པ་ཡིན་ཞེས་བརྗོད་སོང་།

སྐུ་ཞབས་ཨན་ཌི་རིས་ཐོག་མ་བོད་ཀྱི་བུད་མེད་རྐང་སྤོལ་རུ་ཁག་ཁེ་ན་ཌའི་ནང་ཕེབས་རྒྱུར་དཀའ་ངལ་ཅི་ཙམ་ཡོད་པ་ཤེས་མེད་ཀྱང་། ཁེ་ན་ཌའི་གཞུང་ཚབ་ཀྱིས་རྒྱབ་སྐྱོར་བྱས་བར་བརྟེན་ཏེ་ཁོང་ཚོར་དཀའ་ངལ་མེད་པའི་ཐོག་ནས་འདིར་འབྱོར་ཐུབ་པ་བྱུང་ཡོད་པའི་སྐོར་ལ་ཁོང་གིས། “ཧང་སང་དགོས་པ་ཞིག་ལ་ང་ཚོའི་གཞུང་གིས་ཁོ་ཚོར་རྒྱབ་སྐྱོར་བྱས་སྟབས་ང་ལ་དཀའ་ངལ་གཅིག་ཀྱང་འཕྲད་མེད་”ཅེས་བརྗོད།

སྐུ་ཞབས་ཨན་ཌི་རི་ལགས་ཀྱིས་ཁེ་ན་ཌ་རྐང་སྤོལ་ལྷན་ཚོགས་དང་རྒྱལ་སྤྱིའི་གནས་བབ་ལྡན་པའི་(B.C)རྐང་སྤོལ་ཚོགས་པ་གཉིས་ཀྱིས་བོད་ཀྱི་རྐང་སྤོལ་རུ་ཁག་བན་ཁའོ་བཱར་རྒྱལ་སྤྱིའི་རྐང་སྤོལ་དུས་སྟོན་ལ་ཞུགས་པར་བཀག་འགོག་བྱས་སྐོར་བརྗོད་དོན། ཁེ་ན་ཌའི་རྐང་སྤོལ་ཚོགས་པ་དང་བྷི་ཨེ་སི་རྐང་སྤོལ་ཚོགས་པ་གཉིས་ཀྱིས་གློ་བུར་དུ་བོད་པའི་རྐང་སྤོལ་རྩེད་མཁན་དག་གི་འགྲུལ་བཞུད་ཡིག་ཆ་དང་། རྐང་སྤོལ་དུས་སྟོན་སྒྲིག་གཞིའི་ཡིག་ཆ་འཁྱེར་ཤོག་ལབ་སྟེ། ཁོ་ཚོས་བོད་ཀྱི་རྐང་སྤོལ་རུ་ཁག་དུས་སྟོན་སྟེང་ཞུགས་པར་འགོག་རྐྱེན་བཟོས་སོང་བས། ངས་ལོ་ངོ་ ༡༣ རིང་བན་ཁའོ་བཱར་རྒྱལ་སྤྱིའི་རྐང་སྤོལ་དུས་སྟོན་གཙོ་འཛིན་བྱས་ཏེ་ཚོགས་པ་དེ་དག་དང་འབྲེལ་བ་དམ་ཟབ་ཡོད་ཀྱང་། ཐེངས་འདིར་ངས་ཁོ་ཚོ་དང་འབྲེལ་ལམ་བཅད་དེ་བོད་པའི་རྐང་སྤོལ་རུ་ཁག་གདན་འདྲེན་ཞུས་པ་ཡིན། ཞེས་སོགས་བརྗོད་ཡོད།

ཕྱི་ལོ་ ༡༩༥༡ ལོ་ནས་རྒྱ་ནག་བཅིངས་བགྲོལ་དམག་མིས་བོད་བཙན་བཟུང་བྱས་ཏེ། བོད་ནི་ཁ་འབྲལ་ཐབས་མེད་པའི་རྒྱ་ནག་གི་ཆ་ཤས་ཤིག་ཡིན་པའི་ངོས་འཛིན་བྱས་ཡོད་པ་དང་། ཕྱི་ལོ་ ༡༩༥༩ ལོར་བོད་ཀྱི་དབུ་ཁྲིད་༧ཏཱ་ལའི་བླ་མ་མཆོག་ཀྱང་རྒྱ་གར་ལ་བཙན་བྱོལ་དུ་ཕེབས་དགོས་བྱུང་ཡོད་པ་དང་། དུས་དེ་ནས་བཟུང་བོད་པ་སྟོང་ཕྲག་མང་པོས་རྒྱ་ནག་གཞུང་གི་བོད་ནང་དམ་དྲག་དང་གཉའ་གནོད་བྱེད་བཞིན་པར་གཡོལ་ཏེ་རྒྱ་གར་ནང་སྐྱབས་བཅོལ་དུ་ཡོང་བཞིན་ཡོད།

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

བོད་མི་གཉིས་ཀྱིས་ཧྥ་རན་སིའི་ནང་ཞི་བའི་གོམ་བགྲོད་བྱེད་བཞིན་འདུག པར་འབྲེལ་ཡོད་ནས་འདི་གའི་གསར་ཁང་ལ་མཁོ་སྤྲོད་གནང་། ༢༠༢༥།༥།༣༠
Mobile App

བོད་མི་གཉིས་ཀྱིས་ཧྥ་རན་སིའི་ནང་ཞི་བའི་གོམ་བགྲོད་བྱེད་བཞིན་འདུག

༢༠༢༥/༠༥/༣༠
Tibetan Children at China’s Colonial Boarding School in Nagchu area, Tibet
Mobile App

རྒྱ་ནག་དམར་ཤོག་ཚོགས་པར་ངོ་རྒོལ་བྱེད་པའི་ནང་དོན་ཅན་ཡོད་མེད་ཞིབ་བཤེར་གཏན་འགོག་བྱ་རྒྱུ་ཡིན་འདུག

༢༠༢༥/༠༥/༢༩
རྒྱལ་སྤྱིའི་བོད་དོན་འབྲེལ་མཐུད་ཁང་གི་པར། ༢༠༢༥།༥།༢༩
Mobile App

བལ་ཡུལ་ནང་རྒྱ་གཞུང་གི་དྲིལ་བསྒྲགས་གློག་བརྙན་སྟོན་རྒྱུ་ཕྱིར་འཐེན་བྱེད་དགོས་པའི་འབོད་སྐུལ་གནང་།

༢༠༢༥/༠༥/༢༩
U.S. Secretary of State Marco Rubio testifies at a House Foreign Affairs Committee hearing on U.S. President Donald Trump's State Department budget request for the Department of State, on Capitol Hill in Washington, D.C., U.S., May 21, 2025. REUTERS/Elizabeth Frantz/File Photo  Purchase licensing Right
Mobile App

ཨ་རིས་རྒྱ་རིགས་སློབ་མ་རྣམས་ཀྱི་ཐོངས་མཆན་ཕྱིར་བསྡུ་བྱ་རྒྱུ་ཡིན་འདུག

༢༠༢༥/༠༥/༢༩
ཕྱི་དྲིལ་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག བོད་ནང་ས་བབ་ཤིན་ཏུ་མཐོ་བའི་སྐྱེ་ཁམས་གནས་སྤོའི་ལས་གཞི་ཞེས་པའི་ཉམས་ཞིབ་སྙན་ཐོ་འདོན་སྤེལ་དང་བགྲོ་གླེང་གནང་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༢༨
Mobile App

བོད་ནང་ས་བབ་ཤིན་ཏུ་མཐོ་བའི་སྐྱེ་ཁམས་གནས་སྤོའི་ལས་གཞི་ཞེས་པའི་ཉམས་ཞིབ་སྙན་ཐོ་འདོན་སྤེལ་དང་བགྲོ་གླེང་འཚོགས།

༢༠༢༥/༠༥/༢༨
རྒྱལ་ཡུམ་ཆེན་མོའི་རྐང་སྤོལ་འགྲན་སྡུར་ཐེངས་ ༣༠ པ་འཚོག་ལ་ཉེ། བོད་ཀྱི་དུས་བབ་ཀྱིས་པར་སྒྲིག་སྦྱོར་བྱས། ༢༠༢༥།༥།༢༨
Mobile App

འདི་ལོའི་རྒྱལ་ཡུམ་ཆེན་མོའི་རྩེད་འགྲན་ཁྲོད་རུ་ཁག་བཅུ་དྲུག་གིས་མཉམ་ཞུགས་གནང་རྒྱུ་ཡིན་འདུག 

༢༠༢༥/༠༥/༢༨

མཆན། 5

  1. གཞུང་པ་ཚེ་དབང་བསོད་ནམས་ says:
    ལོ་ 8 སྔོན།

    རྩེད་མགྲན་ནང་ཡོད་པའི་བོད་པའི་བུ་མོ་ཚོར་རྒྱལ་ཁ་ཐོབ་མིན་ལ་མ་ལྟོས་པར་བཀྲིས་བདེ་ལེགས་ཞུ་གི་ཡོད་།
    བོད་མི་རིགས་དང་འབྲེལ་བ་ཡོད་པའི་ལས་དོན་ག་འདྲ་ཞིག་ཡིན་ཀྱང་དབུས་བོད་མིའི་སྒྲིག་འཛུགས་ཀྱིས་ངོས་ལེན་ཆོག་མཆན་རྒྱུད་ནས་འགྲོ་དགོས་པ་དེ་བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱིས་ཡུལ་མིའི་ལས་འགན་ཞིག་ཡིན་པའི་ངོས་འཛིན་ཞུ་གི་ཡོད་།

    Reply
  2. འདམ་སྐྱེས། says:
    ལོ་ 8 སྔོན།

    ད་ལམ་བོད་པའི་ན་གཞོན་མ་རྐང་རྩེད་སྤོ་ལུའི་རུ་ཁག་ནས་རྒྱལ་སྤྱིའི་རྐང་སྤོལ་རུ་ཁག་ནང་ཐེང་དང་པོར་ཞུགས་ཐུབ་པ་དང་ཆེས་བསྔགས་འོས་ཀྱི་གནས་སུ་གྱུར་འདུག་པར་དགའ་བསུ་དང་ལེགས་བརྗོད་ཡོད། འདི་ནི་གཞུང་འབྲེལ་དང་དེ་མིན་སུ་ཞིག་ཡིན་ཀྱང་དགའ་བསུ་ཞུ་དགོས་པ་ནི་བོད་མི་ཡོངས་ཀྱི་ལས་འགན་དུ་མཐོང་།

    Reply
  3. རང་བཙན་བུ། says:
    ལོ་ 8 སྔོན།

    ད་ཡིན་ན་སུས་འཇོན་ནའི་དེ་ལ་རྒྱབ་སྐྱོར་བྱེད་རྐྱང་ཡིན། བོད་རྒྱལ་ཡོངས་རྩེད་རིགས་ཚོགས་པ་ཟེར་བ་དེ་རྡ་སའི་ནང་བོད་སྐད་ཡིག་གཏོར་བཤིགས་གཏོང་མཁན་ཚོགས་པ་གསུམ་བཞི་ཞིག་ཡོད་པ་ནས་གཅིག་རེད།

    Reply
  4. ཕོ་ཉ། says:
    ལོ་ 8 སྔོན།

    ཞལ་འདེབས་སློང་བ་དང་སྦྱིན་བདག་མང་པོའི་དངུལ་ཟོས་ནས་སྡོད་པ་ལས་ནུས་པ་དང་འཇོན་ཐང་གང་ཡང་མེད་པའི་ཉེར་ལེན་ལ་བརྟེན་ཏེ་གནས་སྟངས་འདི་བྱུང་བ་རེད། ཨ་རིའི་སྐུལ་ལྕམ་ཁེ་སི་མཆོག་ལ་རྒྱབ་སྐྱོར་བརྒྱ་ཆའི་བརྒྱ་ཡོད། མོ་རང་གི་འོག་གི་བོད་པའི་བུ་མོ་རྣམས་ལའང་བསྔགས་བརྗོད་ཡོད།

    Reply
  5. ཉི་མ་ཚེ་རིང་། says:
    ལོ་ 8 སྔོན།

    བོད་རྒྱལ་ཡོངས་རྩེད་རིགས་ཚོགས་པ་ཟེར་བ་དེས་ཁེ་བཟང་ཟོས་ནས་སྡོད་པ་ལས་ཅི་གང་འཇོན་གྱི་མི་འདུག དེས་བས་ཕྱི་རྒྱལ་སྐྱེས་དམན་ཅིག་གིས་སྣེ་འཁྲིད་དེ་བོད་པའི་བུད་མེད་ཚོ་རྒྱལ་སྤྱིའི་སྡིངས་ཆའི་སྟེང་འགྲོ་ཐུབ་ན་ཡག་ཤོས་རེད། རྒྱལ་ཡུམ་ཆེ་མོའི་སིལ་སྤོ་གོ་སྒྲིག་གནང་མཁན་སྐལ་བཟང་ཕུན་ཚོགས་ཟེར་བ་དེས་ཅི་གང་མ་འཇོན་སྟབས་གནས་སྟངས་འདིར་བསྐྱལ་བ་རེད། བོད་མིའི་སྒྲིག་འཛུགས་ཀྱང་རྩེད་རིགས་ཚོགས་པའི་ཁ་རྗེས་འབྲང་སྟེ་སྦམ་མདོག་ནས་ཕྱི་རྒྱལ་བ་དེའི་སྤོ་ལོ་རུ་ཁག་ལ་ངོས་ལེན་མེད་མདོག་མདོག་བཤད་པ་རེད། ནུས་པ་ཡོད་ན་སོ་སོས་བདག་པོ་ཡག་པོ་རྒྱག་དགོས་པ་རེད། རྒྱལ་སྤྱིའི་སྡིངས་ཆའི་སྟེང་ལ་བོད་པའི་བུད་མེད་ཚོ་སྐྱེལ་དགོས་པ་རེད། ག་རེ་བྱས་ནས་མ་འཁྲིད་པ་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese