དེ་རིང་ཞོགས་པར་བོད་རིགས་དམག་དགེ་བཀྲ་ཤིས་ཟླ་བ་ལགས་ཀྱི་སྐུ་ཕུང་རྣམ་གྲོལ་གླིང་དགོན་པའི་དུར་ཁྲོད་དུ་ཞུགས་འབུལ་གནང་ཡོད་འདུག
དེ་རིང་ཞོགས་པར་རྒྱ་གར་ལྷོ་ཕྱོགས་རྣམ་གྲོལ་བཤད་སྒྲུབ་དར་རྒྱས་གླིང་གི་ཆོས་རའི་ནང་དུ། དགེ་འདུན་པ་རྣམས་ཀྱིས་རྒྱ་གར་མཁའ་དམག་གི་དགེ་རྒན་བཀྲ་ཤིས་ཟླ་བ་ལགས་ཀྱི་ཆེད་དུ་བསྔོ་སྨོན་གསུང་འདོན་གནང་གྲུབ་རྗེས། ཁོང་གི་བྱས་རྗེས་ལ་ཆེད་བསྟོད་དང་གུས་བརྩི་མཚོན་སླད་དམག་དཔུང་རུ་སྒྲིག་གིས་སྐུ་ཕུང་རྣམ་གྲོལ་གླིང་དགོན་པའི་དུར་ཁྲོད་དུ་གདན་འདྲེན་གྱིས་ཞུགས་འབུལ་གནང་སོང་།
གསར་འགོད་པས་སྐུ་ཕུང་གདན་ཞུ་བྱེད་མཁན་གྱི་གྲས་སུ་ཡོད་པའི་བོད་རིགས་དམག་དཔོན་ཚེ་རྣམ་ལགས་སུ། ཟླ་བ་བཀྲ་ཤིས་ལགས་ཀྱི་གྲོངས་རྐྱེན་གང་ཡིན་དྲིས་པར་ཁོང་གིས། གྲོངས་རྐྱེན་ངོ་མ་ཅི་ཡིན་སྐོར་ད་ལྟ་ཞིབ་འཇུག་བྱེད་བཞིན་པའི་སྒང་ཡིན་ལ། གོང་རིམ་ནས་བཀའ་ནན་པོ་གནང་བ་ལྟར་གནས་ཚུལ་དེའི་སྐོར་བཤད་ཆོག་གི་མེད་སྐོར་བརྗོད་བྱུང་།
ཁ་སང་ཟླ་བ་བཀྲིས་ལགས་ཀྱི་ཕུང་པོ་དམག་སྒར་ནས་ཐད་འཕུར་གནམ་གྲུའི་ནང་སྦེང་ལོར་གྲོང་ཁྱེར་དུ་གདན་འདྲེན་ཞུས་ཏེ། དམག་དཔུང་གིས་ཆེད་བསྟོད་གུས་བརྩི་དང་མྱ་ངན་གྱི་བྱེད་སྒོ་ཟབ་རྒྱས་ཤིག་སྤེལ་རྗེས། ཕྱི་ཚེས་༡༤ ཉིན་གྱི་སྔ་དྲོར་སྦེལ་ཀོབ་བོད་མིའི་ལུགས་བསམ་གཞིས་ཆགས་ཀྱི་གྲོང་སྡེ་གསུམ་པའི་ནང་ཡོད་པའི་རང་ཁྱིམ་དུ་གདན་འདྲེན་བྱས་ཡོད་པ་དང་། སྐུ་ཕུང་གདན་ཞུ་བྱེད་མཁན་ནང་རྒྱ་གར་གྱི་དམག་དཔོན་དང་དམག་མི་ ༡༣། དེ་བཞིན་བོད་དམག་གསུམ་བཅས་ཁྱོན་དམག་མི་ ༡༦ ཕེབས་ཡོད་པ་དང་། གཞན་ཡང་། སྦེལ་ཀོབ་ས་གནས་དང་ཀོ་ལི་གྷལ་ཧོན་སོར་སོགས་ནས་དང་ཟུར་དམག་མི་ ༡༦༠ ཡས་མས་འཛོམས་ཡོད་པ་རེད།
བཀྲིས་ཟླ་བ་ལགས་ཀྱི་གཅེན་པོ་ཚེ་དགའ་ལགས་ཀྱིས། ཕྱི་ཟླ་བཅུ་གཉིས་པའི་ནང་རང་ཁྱིམ་དུ་གུང་གསེང་ལ་ཡོང་རྒྱུའི་འཆར་གཞི་ཡོད་སྐོར་དང་། ཁོང་ནི་ནམ་རྒྱུན་སྤྱོད་ལམ་ཡ་རབས་ཚུལ་ལྡན་པ་ཞིག་ཡིན་སྐོར་བརྗོད་བྱུང་།
ཟླ་བ་བཀྲིས་ལགས་དམག་ཁོངས་སུ་ཞུགས་ཏེ་ལོ་ངོ་༢༤ ཙམ་འགྲོ་གི་ཡོད་པ་དང་། ཁོང་གི་ཁྱིམ་དུ་ཨ་མ་རྒན་མོ་ཞིག་དང་གཅེན་པོ་གཅུང་པོ། བཟའ་ཟླ་དང་ཕྲུ་གུ་གཉིས་བཅས་ཡོད་པ་དང་། ཁོང་གི་བཟའ་ཟླ་འབྲས་ལྗོངས་སྒང་ཏོག་ནས་ཡིན་འདུག
རྒྱ་གར་ལྷོ་ཕྱོགས་ས་གནས་གསར་འགོད་པ་དོན་འགྲུབ་བཀྲ་ཤིས།
གཡུལ་ལས་རྣམ་པར་རྒྱལ་ལ་ལས་སྨོན་དགོས་།
གཡུལ་སར་དགྲ་དང་གདོང་ཐུག་དུས་ལ་བློ་རྩ་བརྟན་།
གཡུལ་ལམ་འགག་པའི་ཐབས་ཇུས་ཞན་པས་ན་།
གཡུལ་སར་ཚེ་ཡིའི་འཕེན་པ་འབྱུང་བས་བསྡུ་།
ཨོམ་མ་ཎི་པདྨེ་ཧུང་ཧྲི་་་་་་་ཧྲི་་་་་་་་ ཧྲི་་་་
བློ་ཕམ་ཆེན་པོ་བྱུང།