དགེ་རྒན་གཉིས་ཀྱི་ས་མིག་གསལ་བསྒྲགས།
༈ འདི་ག་ཀུ་ལུ་འབྲུག་བདེ་ཆེན་ཆོས་འཁོར་དགོན་གྱི་གཞི་རིམ་གོང་འོག་གཉིས་ལ་བོད་ཡིག་དགེ་རྒན་གཅིག་དང་། དབྱིན་ཡིག་དགེ་རྒན་གཅིག་དགོས་མཁོ་ཆེ་བས་རང་རེའི་སྤྱི་ཚོགས་ཁྲོད་དུ་གཤམ་གསལ་ཆ་རྐྱེན་ཚང་ཞིང་གོང་གསལ་ས་མིག་ཐོག་ཞབས་ཞུ་གནང་འདོད་ཡོད་རིགས་ནས་རང་ཉིད་ཀྱི་ལོ་རྒྱུས་དང་། སྙན་ཞུ། དགོས་མཁོའི་ལག་འཁྱེར་ཡིག་ཆ་སོགས་ཀྱི་ངོ་བཤུས་རྣམས་གཤལ་གསལ་ཁ་བྱང་ཐོག་ཕྱི་ལོ་ ༢༠༡༨ ཕྱི་ཟླ་ ༥ ཚེས་ ༡༥ ལས་འགྱངས་མེད་འདི་ག་བདེ་ཆེན་ཆོས་འཁོར་རྒྱུན་ལས་ཁང་དུ་སྙན་ཞུ་འབུལ་དགོས་པ་དང་། རིམ་པས་དོ་བདག་སོ་སོའི་ཤེས་ཡོན་དང་ལྷག་བསམ་གཞིར་བཟུང་ཐོག་བསྐོ་གཞག་གནང་རྒྱུ་དང་། ཟླ་ཕོགས་ཧིར་སྒོར་གཅིག་ཁྲི་ནས་འགོ་བཙུགས་ཏེ་དུས་ཚོད་ངེས་ཅན་ནང་སྤར་ཆ་ཡོད།
བོད་ཡིག་དགེ་རྒན་གྱི་ཆ་རྐྱེན།
༡༽ བཤད་གྲྭ་ཁག་ནས་ལོ་རིམ་མཐར་ཕྱིན་པའི་ཆ་རྐྱེན་དང་།
༢༽ མཐོ་སློབ་ཁག་ནས་རབ་འབྱམས་པ་ (B.A) ཡང་ན་དེ་དང་མཉམ་པའི་ལག་འཁྱེར་ཚད་ལྡན་ཡོད་པ།
༣༽ གོང་གསལ་ཆ་རྐྱེན་གཉིས་མེད་ཚེ་དགེ་རྒན་འོས་སྦྱོར་དང་ལོ་གཉིས་ནང་སུམ་རྟགས་དག་གསུམ་གྱི་སློབ་ཁྲིད་ཀྱི་ཉམས་མྱོང་ཚད་ལྡན་ཡོད་པ།
དབྱིན་ཡིག་དགེ་རྒན་གྱི་ཆ་རྐྱེན།
༡༽ འཛིན་རིམ་བཅུ་གཉིས་ཀྱི་སློབ་མཐར་ཕྱིན་པའི་ལག་འཁྱེར་དང་ཡང་ན་དེ་དང་མཉམ་པའི་ཤེས་ཚད་ཡོད་པ།
༢༽འཛིན་རིམ་བཅུ་གཉིས་དང་མཐོ་སློབ་སོགས་ཀྱི་ལག་འཁྱེར་མེད་ཚེ་ལོ་གསུམ་ལྷག་གི་སློབ་ཁྲིད་ཀྱི་ཉམས་མྱོང་ཚད་ལྡན་ཡོད་པ།
ཐུན་མོང་གི་ཆ་རྐྱེན་ལ།
༡༽ བོད་མིའི་རྒྱ་གར་ནང་གནས་སྡོད་ཆོག་པའི་ལག་འཁྱེར་དང་། གནས་ཡུལ་འདིར་བཞུགས་ཆོག་པའི་མཐོང་མཆན་ལག་འཁྱེར་ཚད་ལྡན་ཡོད་པ། ༢༽ ཚད་ལྡན་སྨན་ཁང་ཞིག་ནས་གཟུགས་གཞི་བདེ་ཐང་ཡིན་པའི་ཚད་འཛིན་ངོས་སྦྱོར། ༣༽ ཚོགས་སྡེ་གང་རུང་ནང་ཕྱག་ལས་གནང་མུས་ཡིན་ཚེ་དགག་བྱ་མེད་པའི་ངོས་སྦྱོར། ༤༽ མ་མཐར་ལོ་གཉིས་རིང་སློད་ཁྲིད་གནང་ཐུབ་པའི་འགན་ལེན་བཅས།
