མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

འདི་ལོ་ནས་ན་གཞོན་གཟེངས་རྟགས་སྤྲོད་རྒྱུ་ཡིན་འདུག

བོད་ཀྱི་དུས་བབ།
༢༠༡༩/༠༦/༡༤
Share on FacebookShare on TwitterShare on EmailShare on Whatsapp

བོད་རིགས་ན་གཞོན་མང་པོར་སེམས་ཤུགས་དང་བཟང་ཕྱོགས་ཀྱི་མིག་དཔེ་སྟོན་ཆེད་ན་གཞོན་གཟེངས་རྟགས་ཞེས་པ་སྤྲོད་རྒྱུ་ཡིན་སྐོར་གསར་འགོད་གསལ་བསྒྲགས་གནང་སོང་།དེ་རིང་སྔ་དྲོའི་ཆུ་ཚོད་ ༡༠།༣༠ སྟེང་། དྷ་སའི་ནོར་བུ་གསོལ་མགྲོན་ཁང་གི་ཚོགས་ཁང་དུ། རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་སློབ་ཕྲུག་བཞི་ནས་གསར་འགོད་ལྷན་ཚོགས་ཤིག་བསྐོངས་ཏེ།  འདི་ལོ་ནས་བཟུང་ཕྱི་ཟླ་ ༨ ཚེས་ ༣ ལ་ཤེས་འཇོན་ལྷག་བསམ་ལྡན་པའི་བོད་མི་ན་གཞོན་ཚོར་རང་རེའི་སྤྱི་ཚོགས་ཁྲོད་ཆེ་མཐོང་དང་ངོས་འཛིན་ཡོང་སླད་དུ། ན་གཞོན་གཟེངས་རྟགས་ཞེས་པའི་གཟེངས་བསྟོད་ཕྱག་འཁྱེར་དང་། ཧིན་སྒོར་འབུམ་ ༡ གི་བྱ་དགའ་སྤྲོད་རྒྱུ་ཡིན་པ་ཡོངས་བསྒྲགས་གནང་སོང་།

ཐོག་མར་རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་ཚོགས་གཙོ་ཉི་མ་ལགས་ཀྱིས་ན་གཞོན་གཟེངས་རྟགས་དང་འབྲེལ་ནས་རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་དགོས་དམིགས་སྐོར་ངོ་སྤྲོད་གནང་སྐབས།  ང་ཚོའི་ཚོགས་པ་འདི་ཕྱི་ལོ་ ༢༠༡༦ ལོར་དྲ་ཐོག་བརྒྱུད་བཙུགས་ཤིང་། ཚོགས་པའི་དམིགས་ཡུལ་ནི་ཡོང་རྒྱུ་བསྡད་པའི་སློབ་མ་རྣམས་མཐོ་རིམ་སློབ་གྲྭར་སློབ་འཇུག་བྱེད་པར་རོགས་རམ་བྱེད་པའི་ཚོགས་པ་ཞིག་ཡིན།  རྗེས་སུ་སློབ་ཕྲུག་མང་པོ་ཞིག་གིས་སློབ་མ་སྤྱི་ཡོངས་ལ་ཁྱབ་ཐུབ་པའི་ཚོགས་པ་ཞིག་ཡོད་པ་ཡིན་ན་ཧ་ལས་པའི་ཡག་པོ་ཡོད་པའི་བསམ་ཚུལ་མཐུན་པ་མང་པོ་བྱུང་བ་ལྟར། རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཞེས་ཤེས་ཡོན་དང་ཀུན་སློང་། ཆིག་སྒྲིལ་བཅས་ལྟ་གྲུབ་གསུམ་གྱི་ཐོག་ནས་གཞོན་སྐྱེས་སློབ་ཕྲུག་ཕན་ཚུན་བར་ལམ་སྟོན་དང་རོགས་རམ། སེམས་ཤུགས་སྤར་ཐབས་ཀྱིས། བོད་པའི་གཞོན་སྐྱེས་ཚོ་འཛམ་གླིང་རྒྱལ་ཁབ་གཞན་གྱི་གཞོན་སྐྱེས་དང་དཔུང་པ་གཅིག་མཚུངས་ཀྱིས་འགྲོ་ཐུབ་ཆེད་དུ་བཟོས་པ་ཡིན། ཚོགས་པ་འདི་སློབ་ཕྲུག་རང་གི་ཚོགས་པ་ཞིག་ཡིན་དུས། ང་ཚོའི་ལངས་ཕྱོགས་ནང་ཆབ་སྲིད་དང་ཆོས་ལུགས་མེད་པར་སློབ་མའི་ཤེས་ཡོན་དང་ནུས་པ་གོང་འཕེལ་གཏོང་རྒྱུ་ཁོ་ན་དེ་ཡིན། ཞེས་བརྗོད་སོང་།

ཡང་ཁོང་གིས། ཚོགས་པའི་ལས་དོན་ཆེ་གྲས་ཁག་ཅིག་ཞུས་ན། བོད་རིགས་སློབ་མ་ནང་ཁུལ་དུ་རིག་རྩལ་འགྲན་བསྡུར་དང་ཤེས་ཡོན་གྱི་ལས་གཞི་སྤེལ་བ། བོད་པའི་གཞོན་སྐྱེས་ཤེས་ཡོན་པ་ཚོ་བསྡུ་རུབ་ཀྱིས་བགྲོ་གླེང་དང་། སློབ་ཕྲུག་གི་ཕ་མ་དང་ཐུག་འཕྲད་ཀྱིས་ཕ་མས་སློབ་ཕྲུག་གི་སློབ་གསོ་ཡར་རྒྱས་གཏོང་བར་རམ་འདེགས་ག་རེ་གནང་དགོས་པ། དེ་བཞིན། མི་ཞིག་ཤེས་ཡོན་ཅན་ཞིག་ཆགས་པར་དཔེ་ཀློག་ནི་གལ་ཆེ་ཤོས་ཤིག་ཆགས་ཀྱི་ཡོད་སྟབས་དཔེ་ཀློག་ཚོགས་པ་སོགས་བཙུགས་ཡོད། ཅེས་སོགས་བརྗོད་སོང་།

དེའི་རྗེས་རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་དྲུང་ཆེ་དང་ན་གཞོན་གཟེངས་རྟགས་ཀྱི་རྐང་འགན་འཁུར་མཁན་ཉི་འོད་ལགས་ཀྱིས།  ང་ཚོའི་བརྟན་འཇགས་ཀྱི་ལས་གཞི་ཁག་ཕུད་པའི་ད་ལོ་ནས་ན་གཞོན་གཟེངས་རྟགས་ཞེས་པའི་དམིགས་བསལ་ལས་གཞི་ཞིག་མགོ་རྩོམ་གྱི་ཡོད། ན་གཞོན་གཟེངས་རྟགས་འབུལ་དགོས་པའི་དགོས་དམིགས་གཙོ་བོ་ནི་ང་ཚོ་རྒྱལ་སྤྱིའི་སློབ་མའི་ལྷན་ཚོགས་ཀྱི་ལངས་ཕྱོགས་ཤེས་ཡོན་དང་སྐུལ་འདེད། མཐུན་སྒྲིལ་ལབ་ནས་རྩ་དོན་གསུམ་གཞི་ལ་བཞག་སྟེ། བོད་མི་ན་གཞོན་ཤེས་ཡོན་ཐོག་གཟེངས་སུ་ཐོན་པ་དང་། སྤྱི་ཚོགས་ཞབས་ཞུའི་ཐོག་གཟེངས་སུ་ཐོན་པ། དེ་བཞིན། ཤེས་འཇོན་ལྷག་བསམ་ལྡན་པའི་ན་གཞོན་ཞིག་ལ་གཟེངས་རྟགས་ཕུལ་བ་བརྒྱུད། གཟེངས་སུ་ཐོན་པའི་ན་གཞོན་ཚོར་ང་ཚོའི་སྤྱི་ཚོགས་ནང་ཆེ་མཐོང་དང་ངོས་འཛིན་འཐོབ་རྒྱུ་མ་ཟད། ན་གཞོན་མང་པོ་ཞིག་ལ་སེམས་ཤུགས་དང་བཟང་ཕྱོགས་ཀྱི་མིག་དཔེ་ཐེབས་པའི་དམིགས་ཡུལ་བཟུང་ཡོད། ཅེས་དང་། འདི་ལོའི་ན་གཞོན་གཟེངས་རྟགས་ཀྱི་སྦྱིན་བདག་ནོར་རྒྱས་ལག་ཤེས་བཟོ་ཚོང་ཁང་དང་མནྡ་ལ་ཚོང་ལས་ཁང་གཉིས་ཡིན་སྐོར་བརྗོད་སོང་།

ཡང་ཁོང་གིས་ན་གཞོན་གཟེངས་རྟགས་ཁོངས་ཞུགས་མཁན་ལ་ཆ་རྐྱེན་ཅི་དགོས་སྐོར་ངོ་སྤྲོད་བྱས་པ་ལྟར་ན། དཔྱ་ཁྲལ་ལག་དེབ་ཡོད་པའི་བོད་རིགས་གཙང་མ་ཞིག་དང་། ལོ་ཚད་༡༨ ནས་ ༣༥ བར་ཡིན་དགོས་པ། དེ་བཞིན། ཤེས་ཡོན་ཐད་ཉུང་མཐར་གཞི་རིམ་གོང་མ་ཐོན་པ་དང་། བོད་པའི་སྤྱི་ཚོགས་ནང་ཞབས་འདེགས་ཞུས་ཡོད་པ་དང་བཟང་ཕྱོགས་ཀྱི་ཤུགས་རྐྱེན་སྤྲོད་ཐུབ་པའི་གང་ཟག་ཞིག་ཡིན་དགོས་ཀྱི་འདུག

རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་གསར་འགོད་བསྒྲགས་གཏམ་ནང་། ན་གཞོན་གཟེངས་རྟགས་ཐོབ་པར་ཕྱི་གསལ་ནང་གསལ་གྱི་ལམ་ནས་འདེམ་གསེས་ཀྱི་བརྒྱུད་རིམ་དུ་མ་ཞིག་བརྒྱུད་དགོས་པ་ཡིན། ཐོག་མར་ངོས་འཛིན་ཡོད་པའི་སློབ་ཕྲུག་ཚོགས་པ་ཁག་གི་ངོས་ནས་མ་མཐའི་ཆ་རྐྱེན་ཁག་གཞིར་བཞག་སྟེ་འོས་མི་གཉིས་རེ་མཚམས་སྦྱོར་གནང་རྒྱུ་དང་། སློབ་ཕྲུག་ཚོགས་པ་ཁག་གི་མཚམས་སྦྱོར་གནང་བའི་འོས་མིའི་ཁྲོད་ནས་མཚམས་སྦྱོར་མང་ཤོས་ཐོབ་མཁན་གྱི་མི་སྣ་ལྔ་རྟིང་རྩོད་དུ་གདམ་རྒྱུ་ཡིན། རྟིང་རྩོད་དུ་འདེམས་ཐོན་བྱུང་པའི་མི་སྣ་ལྔ་པོའི་ལོ་རྒྱུས་དང་བཅས་པ་སྤྱི་ཚོགས་དྲ་ལམ་ཁག་ཏུ་སྤེལ་ཏེ་མང་ཚོགས་ལ་འོས་ཤོག་འཕེན་རྒྱུའི་གོ་སྐབས་སྤྲོད་རྒྱུ་དང་།  ཡིད་ཆེས་བློས་འགེལ་ཐུབ་པའི་མི་སྣ་ལྔ་ཡིས་གྲུབ་པའི་དམིགས་བསལ་འདེམས་སྒྲུག་ཚོགས་ཆུང་ཞིག་བཙུགས་ཏེ། དེ་དག་གིས་ཀྱང་རྟིང་རྩོད་དུ་ཚུད་པ་དག་ལ་འོས་ཤོག་འཕེན་དུ་འཇུག་རྒྱུ་ཡིན། མང་ཚོགས་ཀྱི་འོས་ཤོག་ལ་བརྒྱ་ཆ་སུམ་ཅུ་དང་དམིགས་བསལ་འདེམས་སྒྲུག་ཚོགས་ཆུང་ལ་བརྒྱ་ཆ་བདུན་ཅུར་ཆ་བགོས་བྱས་ཏེ། དེ་དག་གི་གྲུབ་འབྲས་ལྟར་རྩེ་ཐོག་གཅིག་བདམས་ཏེ་དངུལ་འབུམ་གཅིག་དང་སྤུས་ཚད་ལེགས་པའི་ཆེ་བསྟོད་རྟགས་མ་བཅས་ཀྱི་གཟེངས་རྟགས་འབུལ་རྒྱུ་ཡིན། ཞེས་བརྗོད་འདུག

ཡང་དེ་རིང་གི་གསར་འགོད་ལྷན་ཚོགས་འདི་དང་འབྲེལ་ཏེ། རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་ཀྱི་ལྡི་ལིའི་ས་གནས་ཚོགས་གཙོ་ཞི་བདེ་ཟླ་བ་ལགས་ཀྱིས་འདི་ལོའི་རྒྱ་གར་རྒྱལ་ཡོངས་ཀྱི་བོད་རིགས་སློབ་ཕྲུག་ནང་ཁུལ་གྱི་་མཛའ་འབྲེལ་རིག་རྩལ་འགྲན་ཚོགས་ཆེན་མོ་སྐོར་ལ་གསལ་བསྒྲགས་ཤིག་སྤེལ་ཏེ། འདི་ལོའི་རིག་རྩལ་འགྲན་ཚོགས་ཆེན་མོ་དེ་ལྡི་ལིའི་བོད་ཁྱིམ་སྡོད་ཁང་དུ་ཚོགས་གཏན་འཁེལ་ཡོད་པ་དང་། རིག་རྩལ་འགྲན་ཚོགས་ཆེན་མོ་དེར་དམིགས་ཡུལ་གསུམ་ཡོད་པ་ལས་དང་པོ་བོད་རིགས་གཞོན་སྐྱེས་ནང་ཁུལ་དུ་འཆམ་མཐུན་དང་འདུ་ཤེས་བསྐྲུན་ཐབས། གཉིས་པ་སློབ་ཕྲུག་སྒེར་གྱི་རིག་རྩལ་དང་སྒྱུ་རྩལ་གོང་འཕེལ་གཏོང་སའི་སྡིངས་ཆ་ཞིག་བསྐྲུན་ཐབས།  གསུམ་པ་མི་རབས་གསར་པའི་ཐུན་མོང་མ་ཡིན་པའི་མགོ་འཁྲིད་ཀྱི་ནུས་པ་སྐྱེད་སྲིང་བྱ་རྒྱུ་བཅས་ཡིན་སྐོར་བསྒྲགས་སོང་།

མཇུག་ཏུ་གསར་འགོད་པས་ན་གཞོན་གཟེངས་རྟགས་ཀྱི་འོས་མི་ག་དུས་ནས་འདེམས་སྒྲུག་བྱས་ཏེ་ཡོངས་བསྒྲགས་བྱ་རྒྱུ་ཡིན་མིན་དྲིས་པར་དྲུང་ཆེ་ཉི་འོད་ལགས་ཀྱིས། ཟླ་འདིའི་ཕྱི་ཚེས་ ༡༨ ཉིན་ནས་མགོ་འཛུགས་ཀྱིས་ཕྱི་ཟླ་ ༧ ཚེས་ ༡༥ ཡས་མས་སུ་གཏན་འཁེལ་གྱི་ཡོད་པ་དང་། ཕྱི་ཟླ་ ༨ ཚེས་ ༣ ཉིན་རྒྱལ་སྤྱིའི་བོད་ཀྱི་སློབ་མའི་ལྷན་ཚོགས་དབུ་བརྙེས་པའི་ཉིན་མོ་དང་བསྟུན་གཟེངས་རྟགས་སྤྲོད་རྒྱུ་ཡིན་སྐོར་སོགས་བརྗོད་བྱུང་།

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

Front Slider

ལྷོ་ཤར་ཨེ་ཤ་ཡའི་ནང་པའི་རྒྱལ་ཁབ་ཁག་བཅུ་གཅིག་གིས་བརྟན་བཞུགས་བསྟར་འབུལ་ཞུས།

༢༠༢༥/༠༩/༢༠
༧གོང་ས་མཆོག་ལ་ལྷོ་ཤར་ཨེ་ཤ་ཡའི་ནང་པའི་རྒྱལ་ཁབ་ཁག་གིས་བརྟན་བཞུགས་བསྟར་འབུལ་ཞུས། ༢༠༢༥།༠༩།༢༠ དུས་བབ་ཀྱི་སྐུ་པར།
༸གོང་ས་མཆོག གསར་འགྱུར།

ལྷོ་ཤར་ཨེ་ཤ་ཡའི་ནང་པའི་རྒྱལ་ཁབ་ཁག་གིས་བརྟན་བཞུགས་བསྟར་འབུལ་ཞུས།

༢༠༢༥/༠༩/༢༠
Mobile App

རྒྱ་ནག་གོང་མ་ཆིན་ཧྲི་ཧོང་གིས་བོད་ནང་དུ་འཆི་མེད་བདུད་རྩི་འཚོལ་ཞིབ་སླད་མི་སྣ་མངགས་གཏོང་བྱས་ཡོད་ཟེར།

༢༠༢༥/༠༩/༡༩
Mobile App

གསང་བའི་ལྷ་ཁང་ཞིག་གི་གསང་བ་བརྟོལ་བ།

༢༠༢༥/༠༩/༡༩
བོད་ཀྱི་ཆབ་སྲིད་བཙོན་ཟུར་རྣམ་སྐྱིད་ལགས་ཇི་ནི་ཝའི་རྒྱལ་ཚོགས་ལས་ཁུངས་སུ་བཅར་བ།  ༢༠༢༥།༢།༡༢
Mobile App

རྒྱལ་ཚོགས་ཀྱི་ཆེད་མཁས་པ་དྲུག་གིས་རྒྱ་ནག་གཞུང་ལ་གནད་དོན་ཁ་གསལ་དགོས་པའི་སྐུལ་འདེད་གནང་།

༢༠༢༥/༠༩/༡༩
Mobile App

བོད་མི་མང་སྤྱི་འཐུས་གྲོས་ཚོགས་ཚོགས་དུས་བཅུ་པ་མཇུག་བསྒྲིལ། 

༢༠༢༥/༠༩/༡༨

མཆན། 1

  1. kalsang dawa says:
    ལོ་ 6 སྔོན།

    ༄།བོད་ཀྱི་སློབ་མའི་ལྷན་ཚོགས་ནས་ལས་འགུལ་འདི་ལྟ་བུ་སྤེལ་བ་རྗེས་སུ་ཏིད་རང་ཞུ།འོན་ཀྱང་་་་ང་ཚོས་ལངས་ཕྱོགས་ནང་ཆབ་སྲིད་དང་ཆོས་ལུགས་མེད་པ་ཟེར།སློབ་མའི་ལྷན་ཚོགས་ཀྱི་ཆབ་སྲིད་ལགས་ཕྱོགས་འདི་ཡིན་དང་ཆོས་ལུགས་འདི་ཡིན་ཟེར་བ་གཏན་འབེབས་མེད་ན་ཡང་འགྲིག་ཀྱང་།ལྷན་ཚོགས་ཀྱི་ལངས་ཕྱོགས་ནང་ཆབ་སྲིད་དང་ཆོས་ལུགས་གཉིས་ཀ་མེད་ན་མ་འོང་བོད་ཀྱི་འཐབ་རྩོད་དང་འགོ་ཁྲིད་ཇི་ལྟར་བྱེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese