མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཕྱི་ལོ་ ༢༠༢༡ ལོའི་སྲིད་སྐྱོང་འོས་མི་རྭ་རྒྱ་བསྟན་འཛིན་ནམ་རྨ་དུག་ལྕེ་ལགས།

བོད་ཀྱི་དུས་བབ།
༢༠༢༠/༠༣/༡༡
Share on FacebookShare on TwitterShare on EmailShare on Whatsapp

རྭ་རྒྱ་བསྟན་འཛིན་ལགས་ཀྱིས་སྲིད་སྐྱོང་འོས་མིར་ལངས་དགོས་པའི་དམིགས་ཡུལ་གཙོ་བོ་བཙན་བྱོལ་བོད་མིའི་སྤྱི་ཚོགས་ཁྲོད་སྲིད་སྐྱོང་ལ་ལངས་ན་བཀའ་ཟུར་དང་སྤྱི་ཟུར་སོགས་ཡིན་དགོས་པའི་ལོག་རྟོག་བསལ་ནས་གཞོན་སྐྱེས་ཤེས་ཡོན་ཅན་མང་པོ་ཡོང་ཆེད་ཡིན་སྐོར་གསུངས་བྱུང་།

ཁ་སང་ཕྱི་ཚེས་ ༡༠ ཉིན། བོད་མིའི་སྒེར་ལངས་གསུམ་བཅུའི་དུས་དྲན་དང་བསྟུན་རྭ་རྒྱ་བསྟན་འཛིན་ནམ་སྨྱུག་མིང་ལ་རྨ་དུག་ལྕེ་ལགས་ཀྱིས།  ཁོང་རང་སྒེར་གྱི་ངོ་དེབ་སྤྱི་ཚོགས་དྲ་ལམ་བརྒྱུད་ཁོང་ཕྱི་ལོ་ ༢༠༢༡ ལོའི་སྲིད་སྐྱོང་འོས་མིར་དངོས་སུ་ལངས་པ་ཡིན་པའི་གསལ་བསྒྲགས་ཤིག་སྤེལ་ཡོད་པ་ལྟར། འདི་ག་དུས་བབ་གསར་འགོད་པས་ཁོང་ལ་འབྲེལ་བ་བྱས་ཏེ་སྲིད་སྐྱོང་ལ་ལངས་པའི་ཁྱབ་བསྒྲགས་དེ་དངོས་བདེན་ཡིན་མིན་དྲིས་པར་ཁོང་གིས་ལངས་ཀྱི་ཡོད་སྐོར་གསུངས་བྱུང་ལ། ཁོང་གིས་སྤྱི་ཚོགས་དྲ་ལམ་དུ་སྤེལ་བའི་གསལ་བསྒྲགས་ནང་ཕྱི་ཟླ་ ༣ ཚེས་ ༡༠ ཉིན་སྟེ། རང་ཅག་ཁ་བ་ཅན་གྱི་མགོ་བོ་ཁྲག་ལ་བསྒྲེས་པའི་ཉིན་མོ་དང་བསྟུན། རྭ་རྒྱ་བསྟན་འཛིན་ནམ་རྨ་དུག་ལྕེ་བོད་རྒྱལ་ཁབ་ཆེན་པོའི་རང་དབང་སླར་གསོའི་ཆེད། ཕྱི་ལོ་ ༢༠༢༡ ལོའི་སྲིད་སྐྱོང་འོས་མིར་ལངས་པ་ཡིན་ལ། རྣམ་པ་ཚོས་རྒྱབ་སྐྱོར་བྱོས་དང་ང་ཚོས་མཉམ་དུ་རྒྱལ་ཁབ་སླར་གསོ་བྱ་ཞེས་བསྒྲགས་འདུག

སྲིད་སྐྱོང་འོས་མིར་བཞེངས་པའི་དགོས་དམིགས་ག་རེ་ཡིན་དྲིས་པར་ཁོང་གིས། ང་སྲིད་སྐྱོང་འོས་མིར་ལངས་དགོས་པའི་དམིགས་ཡུལ་གཙོ་བོ་ནི་དེ་སྔོན་བཀའ་བློན་དང་སྲིད་སྐྱོང་སོགས་ཀྱིས་སྣང་མེད་དུ་ལྷག་ཤིང་། བོད་མི་རིགས་ལ་ཧ་ཅང་གལ་འགངས་ཆེ་བའི་བྱ་བཞག་འགའ་བསྒྲུབ་ཆེད་ཡིན་ལ། བཙན་བྱོལ་བོད་མིའི་ཁྲོད་སྲིད་སྐྱོང་ལ་ལངས་ན་བཀའ་ཟུར་དང་སྤྱི་ཟུར་སོགས་ཡིན་དགོས་པའི་ལོག་རྟོག་བསལ་ནས་གཞོན་སྐྱེས་ཤེས་ཡོན་ཅན་མང་པོ་སྲིད་སྐྱོང་འོས་མིར་ལངས་ཆེད་ཡིན། ཞེས་དང་། ངའི་ཆབ་སྲིད་ཀྱི་ལྟ་གྲུབ་ནི་དབུ་མའི་ལམ་དང་རང་བཙན་གཉིས་ཀྱི་བར་གྱི་དབུ་མའི་ལམ་ཞིག་གི་སྟེང་ནས་མདུན་སྐྱོད་བྱ་རྩིས་ཡོད། དེ་ནི་མདུང་རྩེ་གཉིས་ཤིག་དང་འདྲ་བར་མདུན་རྒྱབ་གཉིས་ཀར་ཕན་ཐོགས་པའི་ཡིད་ཆེས་ཡོད། ལངས་ཕྱོགས་ཡང་དེ་བཞིན་ཡིན། ཞེས་གསུངས་བྱུང་།

ད་ལྟ་བར་ཁོང་ལ་སྒྲིག་འཛུགས་དང་ཚོགས་པ་སོགས་ཀྱི་ནང་འཛིན་སྐྱོང་གི་ཉམས་མྱོང་མེད་པས། གལ་སྲིད་སྲིད་སྐྱོང་ཐོབ་པ་ཡིན་ན་མགོ་འཁྲིད་ཀྱི་ནུས་པའི་ཕྱོགས་ནས་དཀའ་ངལ་ཡོད་པ་རེད་བསམ་ཀྱི་འདུག་མིན་དྲིས་པར་ཁོང་གིས། དྲི་བ་དེ་ཧ་ཅང་གནད་འགག་ཅིག་ཡིན་པ་དང་། ང་ལ་མཚོན་ན་དཀའ་ངལ་འདི་ལ་ཡང་ཡང་བསམ་བློ་གཏོང་གིན་ཡོད་ལ། མ་འོངས་པར་འོས་ཐོབ་རྗེས་ཆེད་དུ་ཉམས་མྱོང་ཅན་གྱི་བཀའ་ཟུར་དང་ཚོགས་ཟུར་མང་དག་སློབ་སྟོན་པར་གདན་འདྲེན་ཞུ་རྩིས་ཡོད་ལ། དུས་ཚོད་གང་འཚམ་སྤྱད་ནས་འདིའི་ཕྱོགས་ལ་ཟབ་སྦྱོང་དང་རྒྱུས་ལོན་བྱ་རྩིས་ཡོད། ཅེས་དང་། མ་འོངས་པར་རྒྱལ་ཁ་ཐོབ་པ་ཡིན་ན་ངའི་བཀའ་ཤག་གི་ལས་ཀ་གཙོ་བོ་དེ་བཙན་བྱོལ་བའི་སྟོབས་ཤུགས་སླར་གསོ་བྱ་རྒྱུ་དེ་ཡིན་ལ། དེ་ཡང་ཁ་གསལ་ཙམ་ཞུས་ན་ཁ་ཡོད་ལག་ཡོད་ཐོག་མཐུན་ལམ་གོང་འཕེལ་དང་ཤེས་ཡོན་ཡར་རྒྱས་གཏོང་རྒྱུ་ཡིན། ཞེས་གསུངས་བྱུང་།

མཇུག་ཏུ་ཁོང་ལ་འོས་བསྡུའི་དྲིལ་བསྒྲགས་སྐོར་སྐྱོད་སོགས་ག་དུས་ནས་མགོ་འཛུགས་རྒྱུ་ཡིན་དྲིས་པར། འོས་བསྡུའི་དྲིལ་བསྒྲགས་ད་དུང་དམིགས་བསལ་ཟླ་ཚེས་གཏན་ཁེལ་བྱས་མེད་ལ། མ་འོངས་པར་ཡུལ་ལུང་གང་སར་འགྲིམས་ནས་འོས་ཤོག་སློང་འཆར་མེད་པར་གཙོ་བོ་སྤྱི་ཚོགས་དྲྭ་ལམ་བརྒྱུད་ནས་དྲིལ་བསྒྲགས་བྱ་རྩིས་ཡོད་སྐོར་གསུངས་བྱུང་།

རྭ་རྒྱ་བསྟན་འཛིན་ནམ་རྨ་དུག་ལྕེ་ལགས་ནི་ཕྱི་ལོ་ ༡༩༧༧ ལོའི་ཟླ་ ༤ ཚེས་ ༡༥ ཉིན་རྒྱ་ནག་གཞུང་གིས་བཅད་བགོས་བྱས་པའི་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་ཁོངས་རྭ་རྒྱ་རུ་སྐྱེས་ཤིང་། ཕྱི་ལོ་ ༡༩༩༣ ལོར་རྒྱ་གར་དུ་འབྱོར་ཡོད་པ་དང་ཕྱི་ལོ་ ༢༠༡༠ ལོར་ཧྥ་རན་སིར་སོང་སྟེ། ད་ལྟའི་ཆར་ཧྥ་རན་སིའི་རྒྱལ་ས་ཕ་རི་སར་གནས་སྡོད་བྱེད་བཞིན་ཡོད་པ་དང་། ཁོང་གིས་དུས་རྒྱུན་སྒེར་གྱི་སྤྱི་ཚོགས་དྲ་ལམ་དུ་གནད་དོན་འདྲ་མིན་ཐོག་དཔྱད་གཏམ་མང་པོ་སྤེལ་ཡོད་པ་དང་། བོད་ཕྱི་ནང་གཉིས་ཀྱི་དུས་དེབ་དང་དྲ་རྒྱ་སོགས་སུ་རིག་གནས་དང་སྤྱི་ཚོགས་ཀྱི་གནད་དོན་འདྲ་མིན་ཐད་དཔྱད་བརྗོད་རྩོམ་ཡིག་སྤེལ་ཏེ་གླེང་སློང་རིགས་མང་པོ་བྱུང་ཡོད་པ་རེད།

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

Mobile App

རྒྱ་གཞུང་གིས་བོད་ཀྱི་དགེ་འདུན་པ་རྣམས་ལ་རྒྱལ་གཅེས་ཟེར་བའི་བསམ་བློ་སྤེལ་ཆེད་རྒྱ་ནག་ཏུ་ལྟ་སྐོར་ཁྲིད།

ཆུ་ཚོད་ ༢ སྔོན་ལ།
Mobile App

ཉིན་གསུམ་རིང་གི་སེམས་དང་སྲོག་གི་བགྲོ་གླེང་ཐེངས་ ༣༩ བ་དབུ་འཛུགས་གནང་།

ཆུ་ཚོད་ ༣ སྔོན་ལ།
Mobile App

ཞིང་གཤེགས་དམ་པ་མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་ལགས་སུ་སྙིང་སྟོབས་གཟེངས་རྟགས་ཕུལ།

༢༠༢༥/༡༠/༡༣
༧གོང་ས་མཆོག གསུང་འཕྲིན།

༸གོང་ས་མཆོག་ནས་ནོ་སྦེལ་ཞི་བདེའི་གཟེངས་རྟགས་བཞེས་མཁན་ལྕམ་མཱ་རི་ཡ་ལགས་སུ་འཚམས་འདྲི་མཛད།

༢༠༢༥/༡༠/༡༣
ཁུང་ཙིའི་སློབ་མའི་བསླབ་བྱ།
Mobile App

རྒྱ་གཞུང་གིས་འཆར་གཞི་ལྡན་པའི་སྒོ་ནས་ཞིང་ལྗོངས་ལྔའི་བོད་ཁུལ་སློབ་གསོ་བཅོས་སྒྱུར་དང་མཐོ་རྒྱུགས་ཁྲོད་བོད་ཡིག་གདམས་གསེས་ལག་བསྟར་བྱས་པའི་སྐོར་རགས་ཙམ་གླེང་བ།

༢༠༢༥/༡༠/༡༣
པར། བདག་དབང་། བོད་ཀྱི་དཔེ་མཛོད་ཁང་།
Mobile App

གསར་འགྱུར་མེ་ལོང་ལོ་ ༡༠༠ འཁོར་བའི་རྗེས་དྲན།

༢༠༢༥/༡༠/༡༡

མཆན། 0

  1. ཨ་འདུས་ཨ་ཀ་མ། says:
    ལོ་ 5 སྔོན།

    ང་ཚོས་ཡང་བསྐྱར་ཞིང་བྲན་ལམ་ལུགས་འཛུག་པར་རྒོལ་ངེས་ཡིན།

    Reply
  2. འཛམ་གླིང་སྤྱི་དམངས། says:
    ལོ་ 6 སྔོན།

    ‘ཡུལ་ལུང་གང་སར་འགྲིམས་ནས་འོས་ཤོག་སློང་འཆར་མེད་པར་གཙོ་བོ་སྤྱི་ཚོགས་དྲྭ་ལམ་བརྒྱུད་ནས་དྲིལ་བསྒྲགས་བྱ་རྩིས་ཡོད་སྐོར’བཤད་སྟངས་འདིར་བལྟས་ན། འགྲོ་སོང་སྐར་གང་ཡང་གཏོང་རྩིས་མེད་པ་འདྲ། ཧ་ཧ། གང་ལྟར་ཁྱད་པར་མི་འདུག མང་གཙོ་ནི་རེད། བསམ་བསམ་པོ་བཤད་ན་ཆོག་གི་རེད། ཡིན་ཡང་འགྲུབ་དགོས་ན་འགུལ་དགོས་ནི་རེད། སྤྱིར་བཏང་ནས་བརྐོ་མི་དགོས་པའི་གྲོ་མ་རྟ་འདྲ་ཞིག་ས་ཆ་གང་དུའང་མེད་དོ། །

    Reply
  3. Gendun says:
    ལོ་ 6 སྔོན།

    གཙང་པོ་ཡར་ལ་བཞུར། ཉི་མ་ནུབ་ནས་ཤར།

    Reply
  4. ངག་དང་ནོར་བུ། says:
    ལོ་ 6 སྔོན།

    ༄༅། །དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་གི་མཚན་གནད་དང་ཞབས་སྟེགས་འདི་བཞིན་ཕྲུ་གུས་རྩེ་མོ་རྩེ་སའི་རྩེ་རྭ་འདྲ་པོ་བཟོ་གིན་འདུག སྲིད་སྐྱོང་ནི་བོད་མི་ས་ཡ་དྲུག་གིས་རེ་བ་དང་བློས་འགེལ་སའི་ཆབ་སྲིད་ཀྱི་དབུ་འཁྲིད་ཞིག་དང་། ལྷག་པར་དུ་༧གོང་ས་མཆོག་གི་ཕྱག་གཡས་པ་ཡིན་པས་བརྩི་འཇོག་དང་གུས་བཀུར་གྱིས་མི་གང་བྱུང་མང་བྱུང་ནས་ང་ཡང་སྲིད་སྐྱོང་ལ་ལངས་ཡེ་ཡིན་སོགས་མཚམས་འཇོག་ཀྱིས་ཤེས་འབྱོན་གཉིས་ལྡན་ཞིག་དང་། ལྷག་པར་དུ་རྙོག་གླེང་དང་མིང་ཆད་མེད་པའི་གང་ཟག་ཞིག་ལ་རྒྱབ་སྐྱོར་གནང་དགོས་པར་མངོན།

    Reply
  5. བཙན་གྲོལ། says:
    ལོ་ 6 སྔོན།

    རྨ་དུག་ལྕེ་ལགས། ད་བཞུགས་ན་ཡག་ཆེ་འགི སྤྱི་ཚོགས་དྲ་ལམ་ན་ཁྱེད་རང་དང་། བོང་རྫི་གཉིས་དཀའ་ངལ་དེ་གསལ་བསྡད་ན་དེ་ཡག་པ་མི་འདུག་གམ།

    Reply
  6. ཨོ་རིག says:
    ལོ་ 6 སྔོན།

    ཧ་ཧ་ཧ་ཧ་ཧ་ཧ་ཧ་ཧ་ཧ་ཧཧ་ཧ་ཧ་

    Reply
  7. བདེ་སྦྱིན་མ། says:
    ལོ་ 6 སྔོན།

    རྨ་དུག་ལྕེ་ཟེར་བའི་སྐད་འཕྲིན་ཚོགས་པའི་ནང་དུ་ཉོག་གཏམ་བཤད་མཁན་དེ་ཡིན་ན་འོས་མི་འཕེན་ཁོ་ཐག་ཡིན།

    Reply
  8. abcd xyz says:
    ལོ་ 6 སྔོན།

    ཁོང་རང་གི་འདྲ་པར་ཞིག་མཉམ་སྦྱར་ཡོད་ན་གང་ལེགས་ཡོང་བ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese