ཁ་སང་ཕྱི་ཚེས་ ༡༧ ཉིན། རྒྱ་གར་གྱི་སི་ཨན་ཨན་བརྙན་འཕྲིན་ཁང་(CNN TV 18)གིས། ཉེ་སྔོན་ཕྱི་ཟླ་ ༧ ནང་རྒྱ་གར་གཞུང་གིས་འཛིན་བཟུང་བྱས་པའི་རྒྱ་མི་ལའོ་སང་ཟེར་བ་དེར་རྒྱ་གར་གཞུང་གིས་འདས་པའི་ཟླ་ངོ་གཉིས་ལྷག་རིང་འདྲི་རྩད་བྱས་པ་བརྒྱུད། ལའོ་སང་གིས་༧གོང་ས་རྒྱལ་བ་རིན་པོ་ཆེ་མཆོག་གི་སྐོར་ལ་སོ་མྱུལ་གྱི་ལས་དོན་ཆེད་བོད་པའི་བླ་མ་དང་དགེ་འདུན་པ་ ༧ ལ་དངུལ་སྤྲད་ཡོད་པའི་མིང་དང་དངུལ་གྱི་གྲངས་འབོར་བཅས་གསལ་འདོན་བྱས་ཡོད་པ་མ་ཟད། དངུལ་གྱི་ཡོངས་ཁུངས་རྒྱ་ནག་གཞུང་ཡིན་པ་སོགས་ར་འཕྲོད་བྱུང་ཡོད་སྐོར་བསྒྲགས་འདུག
དེ་འབྲེལ་གནས་ཚུལ་ནང་རྒྱ་གར་གཞུང་འབྲེལ་གནད་ཡོད་མི་སྣ་ཞིག་གིས། ལའོ་སང་ངམ་ཆཱར་ལེ་ཕེན་གྱིས་མིང་འདོན་བྱས་པའི་བོད་པའི་དགེ་འདུན་པ་འཇམ་དབྱངས་སྦྱིན་པ་ཞེས་པ་ཞིག་ལ་ཧིར་སྒོར་འབུམ་ ༣༢ དང་། ཐུབ་བསྟན་ཆོས་གྲགས་ལ་ཧིན་སྒོར་འབུམ ༡༥། ཕུན་ཚོགས་དར་རྒྱས་ལ་ཧིན་སྒོར་འབུམ་ ༡༢ ། བཀྲ་ཤིས་ཆོས་འཕེལ་ལ་ཧིན་སྒོར་འབུམ་ ༡༡།༥༠། ངག་དབང་བློ་གསལ་ལ་ཧིན་སྒོར་འབུམ་ ༡༠།༥༠ ། པན་མིང་མིང་(pan Ming Ming)ལ་ཧིན་སྒོར་འབུམ་ ༡༠། བློ་བཟང་རྡོ་རྗེ་ལ་ཧིན་སྒོར་འབུམ་ ༡༨ བཅས་སྤྲོད་ལུགས་བརྗོད་འདུག
གནས་ཚུལ་དེའི་ནང་གྲྭ་པ་དེ་དག་ས་གནས་གང་དང་དགོན་པ་གང་ནས་ཡིན་སོགས་གསལ་ཁ་མེད་ན་ཡང་། ལའོ་སང་གིས་མི་དེ་དག་ལ་༧གོང་ས་རྒྱལ་བ་རིན་པོ་ཆེ་མཆོག་གི་གནས་ཚུལ་སྐོར་དང་། བཙན་བྱོལ་བོད་མིའི་གནད་ཡོད་མི་སྣར་ཉེ་བཅར་ཆེད་དངུལ་འབོར་ཆེན་བཏང་ཡོད་པ་དང་། དངུལ་དེ་དག་གི་འབྱུང་ཁུངས་རྒྱ་ནག་གཞུང་ནས་ཡིན་པ་ཤེས་རྟོགས་བྱུང་ཡོད་པ་མ་ཟད། དངུལ་སྤྲོད་སྐབས་མང་པོ་ཞིག་དངུལ་དམར་ལག་ནང་དུ་སྤྲད་ཡོད་པ་དང་། ཁ་ཤས་ལ་ཁོ་རང་གི་ཧ་ཝ་ལ་ཁེ་གཉེར་ཁང་བརྒྱུད་ནས་བཏང་ཡོད་སྐོར་བརྗོད་འདུག
འདི་ལོའི་ཕྱི་ཟླ་ ༨ ནང་། རྒྱ་གར་དབུས་དཔྱ་ཁྲལ་དོ་དམ་ཁང་(Central Board of Direct Taxes)གིས་རྒྱ་གར་རྒྱལ་ས་ལྡི་ལིའི་ཉེ་ཁུལ་གྱི་ས་གནས་ཁག་ ༢༡ ནང་དངུལ་དངོས་གཏོང་ལེན་དང་འབྲེལ་བའི་ཞིབ་བཤེར་ཞིག་བྱས་པ་བརྒྱུད། ལའོ་སང་དང་མིང་གཞན་ལ་ཆྰར་ལེ་ཕེན་(Charlie Peng)ཞེས་པ་དེས་རྒྱ་གར་མི་སེར་གྱི་ལག་འཁྱེར་རྫུན་བཟོ་བྱས་ཏེ། རྒྱ་ནག་གི་མིང་ཐོག་ནས་དྲ་ལམ་ཚོང་ལས་ཁང་ཧཱ་ཝ་ལ(hawala network)ཞེས་པ་ཆེད་འཛུགས་ཀྱིས། ཧིན་སྒོར་བྱེ་བ་ ༣༠༠ ལྷག་ཁྲིམས་འགལ་ངང་གཏོང་ལེན་བྱས་པ་ཤེས་རྟོགས་བྱུང་སྟེ་བསྐྱར་དུ་འཛིན་བཟུང་བྱས་ཡོད་པ་རེད།
ཉེ་སྔོན་ཁོ་འཛིན་བཟུང་བྱས་པ་དང་འབྲེལ། ཁོས་འདས་པའི་ལོ་ངོ་གཉིས་རིང་བོད་ཀྱི་གྲྭ་པ་ ༡༠༠ མ་ཟིན་ཙམ་ཞིག་ལ་ཧིན་སྒོར་འབུམ་མང་པོ་སྤྲད་ཡོད་པའི་གནས་ཚུལ་ཐོན་ཡོད་པ་ལྟར། རྒྱ་གར་གཞུང་གིས་བོད་མི་འདུས་སྡོད་ཁུལ་གྱི་རྒྱ་གར་ལྷོ་ཕྱོགས་སེ་ར་དགོན་དང་འབྲས་སྤུངས་བློ་གསལ་གླིང་། ལྡི་ལི་བསམ་ཡས་གླིང་གི་དགོན་པ་བཅས་ལ་ཞིབ་བཤེར་དང་། ཧི་མ་ཅཱལ་མངའ་སྡེའི་སྦིར་སོགས་སུ་བོད་མི་དང་ཕྱི་མི་རེ་གཉིས་ལ་འདྲི་རྩད་བྱེད་བཞིན་ཡོད་པའི་གནས་ཚུལ་ཐོན་ཡོད་པ་རེད།
རྒྱ་གར་གྱི་སི་ཨན་ཨན་བརྙན་འཕྲིན་ཁང་གི་གནས་ཚུལ་ནང་བཤད་པ་ལྟར་ན། རྒྱ་གར་གཞུང་གིས་ལའོ་སང་དང་འབྲེལ་བའི་སོ་མྱུལ་གནད་དོན་ཐད་ཞིབ་མཇུག་མཐར་ཕྱིན་པ་གནང་རྒྱུ་ཡིན་པ་དང་། འདས་པའི་ནང་ཁོ་ལ་འདྲི་རྩད་དང་ཞིབ་བཤེར་རིམ་པ་བརྒྱུད་ད་ལྟའི་ཆར་གནད་དོན་མང་པོ་ཞིག་ཕྱིར་འདོན་དང་། གནད་དོན་མང་པོ་ཞིག་ལ་ཐག་ཉེ་བོ་དང་གསལ་ཁ་ཇེ་ཆེར་འགྲོ་བཞིན་ཡོད་སྐོར་སོགས་བརྗོད་ཡོད་པ་དང་། རྒྱ་གར་གཞུང་དང་ཧི་མ་ཅཱལ་མངའ་སྡེའི་མཐོ་རིམ་མི་སྣ་མང་པོས་༧གོང་ས་རྒྱལ་རིན་པོ་ཆེ་མཆོག་ལ་སོ་མྱུལ་བྱས་པའི་གནད་དོན་དེ་རྩད་གཅོད་མཐར་ཕྱིན་པ་དང་། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་ཕྱྭའི་ཐད་སྔར་ལས་ཚགས་ཚུད་དགོས་པའི་འབོད་སྐུལ་གནང་བཞིན་ཡོད་པ་རེད།
ཕྱི་ལོ་ ༢༠༡༨ ལོར་རྒྱ་མི་དེས་བཙན་བྱོལ་བོད་མིར་གསང་བའི་མྱུལ་ཞིབ་བྱེད་ཀྱི་ཡོད་པའི་དོགས་གཞིའི་འོག་འཛིན་བཟུང་བྱས་ཡོད་ཀྱང་། ཕྱིས་སུ་གཏའ་དངུལ་བཞག་སྟེ་ཀློད་གྲོལ་བཏང་ཡོད་པ་དང་། སྐབས་དེར་ཉེན་རྟོག་པས་ལའོ་སང་ཟེར་བ་དེར་འདྲི་ཞིབ་བྱེད་སྐབས། ཁོ་ཕྱི་ལོ་ ༡༩༧༨ ལོར་བོད་ཀྱི་རྒྱལ་ས་ལྷ་སར་སྐྱེས་པ་དང་ལོ་ན་ ༨ ཡིན་དུས་རྒྱ་ནག་ནན་ཅིན་དུ་ཕྱིན། རང་ལོ་ ༡༨ ཐོག་ཕྱིར་ལྷ་སར་ལོག་ཡོད་སྐོར་དང་། ཕྱི་ལོ་ ༢༠༠༩ ལོར་རྒྱ་གར་ནང་ཡོང་རྩིས་ཀྱིས་བོད་མི་སྐྱབས་བཅོལ་བ་ ༦ དང་ལྷན་དུ་རྐང་པ་བརྒྱབ་ནས་བལ་ཡུལ་དུ་འབྱོར་བ་དང་། བལ་ཡུལ་དུ་གྲྭ་པ་བྱས་ཏེ་ལོ་དྲུག་རིང་བསྡད་རྗེས་སྐྱ་སར་བབས་ཏེ་ཚོང་ལས་གཉེར་ཡོད་པ་དང་། ཕྱི་ལོ་ ༢༠༡༤ ལོར་བལ་ཡུལ་ནས་སྤྱི་སྤྱོད་རླངས་འཁོར་ནང་བསྡད་ནས་རྒྱ་གར་ནང་འཛུལ་ཡོད་ཚུལ་བརྗོད་ཡོད་འདུག
གསར་འགོད་པ། སངས་རྒྱས་དཀོན་མཆོག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
མཁས་མང་བྱེ་བའི་གླིང་གིས།།
གསར་འགྱུར་མགོ་མཇུག་མ་ཀློག།
གོ་ལོག་རང་མཚང་བསྟན་ཏེ།།
དོན་མེད་བསྒྲགས་གཏམ་སྤེལ་གདའ།།
ཁ་ཕོ་ཆེན་པོ་བཤད་དེ།།
གསར་འགྱུར་ནག་བསུབས་གཏོང་དགོས།།
གསལ་བཤད་དགོས་པར་བསྐུལ་ཡང་།།
དོན་འབྲས་གང་ཡང་མ་སོན།།
སྤྱི་ཚོགས་དཀྲུག་གཞིར་གྱུར་སོང་།།
ཨ་ཁ་འདི་འདྲ་མ་གནང་།།
གཟབ་གཟབ་ཟིག་ཟིག་གནང་རོགས།།
སྤྱི་དོན་སྒེར་ལ་མ་ཕྱོགས།།
སྤྱི་ལ་འགན་འཁུར་གནང་རོགས།།
བསོད་ནམས་ཟླ་མིང་བས་རང་ཤག་ནས་ཕྱི་ཟླ་ ༩ ཚེས་ ༢༡ ཉིན་རྒྱ་གར་གསར་འགྱུར་ཁང་དེ་ཚོའི་གནས་ཚུལ་དང་བློ་གསལ་གླིང་གི་བསྒྲགས་གཏམ་དེ་ཀློག་ནས་ཤར་མར་བྲིས་སོ།།
བློ་གསལ་གླིང་གིས་ད་ལན་དུས་བབས་ཀྱི་གསར་འགྱུར་ཡག་པོ་མ་ཀློགས་པར་ལམ་སང་གྲྭ་ཚང་གི་ལས་ཤོག་ཐོག་གནད་ལ་མ་ཁེལ་བའི་བསྒྲགས་གཏམ་སྤེལ་བ་མ་ཚད། གསར་འགྱུར་ཕྱིར་བསྡུ་དགོས་ལབ་ནས་འཇིགས་སྐུལ་བྱས་པ་དེ་ཧ་ཅང་ཐབས་སྐྱོ་བོ་ཆགས་སོང་། བློ་གསལ་གླིང་ལ་ཁ་མིན་དོན་གྱི་དགའ་ཞེན་ཡོད་མཁན་ཞིག་གི་ཆ་ནས་བློ་ཕམ་པོ་བྱུང་། གསར་འགྱུར་གྱི་ཁུངས་དེ་ཚོ་རྒྱ་གར་གྱི་ཁྲལ་བསྡུ་དང་བདེ་སྲུང་ལས་ཁུངས་ནས་སྔ་ཕྱིར་བཏང་ཡོང་བ་ཞིག་ཡིན་དུས། ཁོ་ཚོ་ལ་ཡོངས་གྲགས་ཐོག་སྙན་ཞུ་བརྒྱབས་ནས་དཀར་ནག་མཐའ་འདེད་དགོས་པ་མ་ཟད། དཀར་པོ་ཡིན་ན་སྤྱི་ཚོགས་ནང་གསལ་བཤད་དགོས་ལབ་དགོས་པ་ཆགས་འདུག་པས། བློ་གསལ་གླིང་ནས་དེ་བཞིན་གནང་ཐུབ་པར་བོད་མི་ཚང་མས་རེ་སྒུག་བྱེད་ཀྱི་ཡོད། དུས་བབ་ཀྱིས་གོང་གི་གསར་འགྱུར་དེ་ཕྱིར་བསྡུ་མ་གནང་བར་བཀུར་འོས་རྩོམ་སྒྲིག་པ་ལགས་གཙོ་བོ་ཡིན་པའི་གསར་འགོད་པ་ཁོང་སོགས་ཚང་མར་ཐུགས་རྗེ་ཆེ་ཞུ།
P II: སྔ་མོ་རྒྱ་གར་གསང་བ་ལས་ཁུངས་ཀྱི་ ༧གོང་ས་མཆོག་གིས་སྐུ་སྲོག་ཉེན་ཁ་དེ་ དོད་རྒྱལ་ཚོགས་པ་མ་གཏོགས་མིན་འདུག་བཤད་ཡོད། དོད་རྒྱལ་ཚོགས་པའི་བེལ་ཀོབ་གདོན་བཅོད་རྡུང་རྡེག་དང་། དགའ་ལྡན་མེ་བརྒྱབ་ཡོད། མི་གསོད་ཁྲག་སྦྱོར། ཁྲིམས་འགལ་བྱ་བ་ད་ག་སེ་བྱས་ན་ཡང་ཁོང་ཚོ་མེད་པ་བཟོ་རྒྱུ་ཕར་ཞོག བྲོས་ཤོར་ཁུངས་ལ་བཏང་ནས་ ཉེས་ཆད་ཡང་བཅད་མེད། ཧ་ནི་གོ་གིས་ཡོད། STD ནང་ནས་ཁ་པར་བཏང་ནས་འབྲེལ་བ་བྱེད་པ། Taxi ནམ་བར། Kangra ལ་ Room ག་པ་སྡད་ཡོད་མེད། རྒྱ་མི་ལ་འབྲེལ་བ་ཡོད་པ་སྔོན་མ་ནས་ཧ་གོ་གིས་ཡོད། ༧ཁོང་གིས་སྐུ་སྲོག་ཉེན་ཁ་ཡོད་ན་་་ མེད་པ་བཟོ་མི་དགོས་དོན་ཅི་ཡིན་ ? ད་དུང་རྒྱ་གར་གཞུང་གི་མེད་པ་བཟོ་རྒྱུ་ཕར་བཞག ཟུར་དུ་བཞག་ཡོད། ཁོང་ཚོ་ལ་་་ DC ཞིག་གིས་་་ རྒྱ་གར་བཀའ་དྲིན་ཆེན་པོ་མ་རེད། མི་གཅིག་ལ་རྟེན་ནས་བཞག་ཡོད། Criminal རེད་ཏེ། ད་དུང་ RC སྒང་ལ་ ཁྱེད་ཚོ་ illegal རེད་ བཤད་པ་རེད་ཟེར།། དོད་རྒྱལ་ཚོགས་པ་ལ་དམ་བསྒྲགས་ཞེ་པོ་བྱེད་ཀྱི་ཡོད་དོག་དོག ད་ལྟ་ ལའོ་སང་ཟེར་བ་དེ་ཡང་ གཏའ་མ་བཞག་ནས་གློས་བྲོལ་བཏང་ཟེར།། རྒྱ་གར་གྱི་མ་འོང་པར་འདི་གེ་དེ་དམིག་ཡུལ་ཅི་ ! ! ! བོད་པ་ཚང་མ་ བྱ་སྤྱོད་འདི་གེ་ དོ་སྣང་བྱེད་དགོས་པར་མཐོང་།།
P I: འོ་དེ་འདྲ་ཡིན་ན་ གྲྭ་པ་བླ་མ་འདི་གེ་མིང་བསྟོན་པ་བཙམ་ལས་ ས་ཆ་གང་ནས་ཡིན་ དགོན་པ་གང་ནས་ཡིན་ མིང་བསྟོན་མི་དགོས་དོན་ཅི་ཡིན་ བསྟོན་ན་ཕྲ་ཞིང་ཕྲ་བ་བསྟོན་དགོས་རེད་པ། དུས་བབ་ཚང་ཟབ་ཟབ་གནང་། འོ་ཚོད་ཚོད་བཀོད་མི་ཉན། དགོན་སྡེ་ཁག་ལ་ཕྱིན་ནས་ གོ་བསྡུར་ངེས་པར་དུ་གནང་འགལ་ཆེ། ཞབས་དྲན་བཞག་ན་བོད་པ་ཚང་མ་མཉམ་དུ་རེད། ཟབ་ཟབ་བྱེད་ན་མ་གཏོགས་ དེང་སང་རྒྱ་དཀར་ནག་གཉིས་བོད་ས་ཧབ་རྩོད་སྐབས་ཡིན་པས།། ཁ་སང་སྔ་སྟོད་ལ་དྭགས་དུ་ ༼ ཅོ་ མོ་དིའི་གཏམ་བཤད་ནང་་་ སྟོབས་ཤུགས་དང་དཔའ་སྤོབས་མེད་མཁན་ཚོས་དུས་ནམ་ཡང་ཞི་བདེ་ལ་འབད་པར་མི་བརྩོན་པ་དང་།༽ འདི་སྐད་ཆ་དེ་ ང་ཚོ་བོད་པ་བཙན་བྱོལ་གཞུང་ལ་གོ་དགོས། དེ་དང་ ༼ PT ལ་དྭགས་ཕུན་ཚོགས་སྟོབ་ལྡན་ལགས་ཀྱི་ ༧གོང་ས་མཆོག་ཁུ་སིམ་མེར་བཞུགས་ཀྱི་འདུག༽ ཟེར་ཡ་དེ་རེད། ཡང་ ༼ མོ་དི་མཆོག་གིས་་་ ང་ཚོས་ས་མཚམས་སྲུང་སྐྱོབ་ཀྱི་བྱེད་ཐབས་དང་གཤིས་སྤྱོད་མང་པོ་ཞིག་དུས་དང་མཐུན་པ་བྱུང་ཡོད་པ་རེད་ལ། སྟོན་པ་གཽ་ཏམ་མཆོག་གིས་ སྙིང་སྟོབས་ནི་བྱམས་བརྩེ་དང་། སྙིང་སྟོབས་བསྐྱེད་པ་ནི་བདེན་པའི་ལམ་དུ་ཕྱོགས་པ་ཡིན་སྐོར་གསུངས་བ་ལྟར།༽ མོ་དི་ཟེར་མཁན་མི་དེ་གང་འདྲ་ཞིག་ཡོད་ས་རེད་ སངས་རྒྱས་ཆོས་ནང་ ས་མཚམས་སྲུང་སྐྱོབ་ཀྱི་བྱེད་ཐབས་ སྐོར་ལ་ཡོད་རེད་པས་ ? དོར་སྡུད་ན་་་ ༧གོང་ས་མཆོག་ནས་འཛམ་གླིང་ནང་ ནང་པ་དད་ལྡན་པ་ཚོ་ལ་ བྱམས་བརྩེ་ནུས་སྟོབ་ཀྱང་ཀྱང་བཤད་ནས་ ས་མཚམས་ཐོག་ལ་དོ་སྣང་བྱས་ཀྱི་མིན་འདུག་དོག་དོག་རེད་པ་ ! ད་ལྟ་རྒྱ་གར་ སྟོན་པ་གཽ་ཏམ་མཆོག་གིས་ སྙིང་སྟོབས་ནི་བྱམས་བརྩེ་དང་། སྙིང་སྟོབས་བསྐྱེད་པ་ནི་བདེན་པའི་ལམ་དུ་ཕྱོགས་པ་ཡིན་ན་ བོད་དོན་ཐོག་ཁ་ཚིག་ཀྱང་བསྒྲགས་མི་དགོས་དོན་ཅི་ཡིན། ད་ལྟ་ས་མཚམས་དཀའ་རྙོག་དེ་སུས་བཟོས་པ་རེད་ ? རྒྱ་གར་ 1954 Paanch Sheel Agreements མ་དྲན་པའི་ཁུལ་ཡིན་ན་ ! རྒྱ་གར་དབུས་གཞུང་དང་། མངའ་སྡེ་གཞུང་གཉིས་༧གོང་ས་མཆོག་ལ་སེམས་འཁུར་ཞེ་པོ་བྱེད་ཀྱི་ཡོད་དོག་དོག ང་ཚོ་བོད་པ་རེ་ཟུང་མ་གཏོག་ ཚང་མ་ཀླད་པ་སྐྱོ་པོ་དེ་འདྲ་རང་ད་ཨེ་ཡིན། ང་ཚོའི་བོད་པས་ རྒྱ་གར་གྱི་བོད་རྒྱ་དམར་ཆ་ཤས་ལ་བཏང་ན་ཡང་ Thank Q INDIA བཀའ་དྲིན་རྗེས་དྲན་ཞུ་ཡོད། རྒྱ་གར་གྱི་བོད་པ་ Thank Q མ་ལབ་ན་ སྡུག་ཡུས་དང་ངོ་གསོ་བྱེད་དགོས་དོན་ཅི། བོད་པ་ཚང་མ་རྒྱ་གར་ཕྱོགས་ལ་བླངས་ཐབས་ཡིན་སྲིད།། བོད་ཀྱི་ནང་ཆོས་ནི་ རྒྱ་གར་ནས་དར་པས་སངས་རྒྱས་པའི་ཆོས་དེ་ འཚེ་བ་མེད་པས་ལྟ་སྒྲུབ་དང་། ཚང་མ་ཉེ་རིང་མེད་པ་བཏང་སྙོམས་རེད་པ། དགྲ་ལ་སྡང་། གཉེན་ལ་ཞེན་མ་རེད་པ། རྒྱ་གར་གྱི་ Gandhi G ཡང་ བདེན་པའི་ཨུ་ཚུགས་སྒང་ལ་ཕྱིན་པས་སྐད་ཆ་རེད་པ། འ་ཛི་ ཆགས་སྒོ། རྒྱ་གར་གྱི་སྡུག་ཡུས།།
ན་ནིང་ད་ལོར་བཙན་བྱོལ་སྤྱི་ཚོགས་ནང་གཞུང་གི་ལས་ཤོག་ཐོག་སྒེར་གྱི་སེམས་ཚོར་ཡིན་ལ་མིན་ལ་རྣམས་སྤུངས་ཏེ་སྤྱི་ཚོགས་དྲ་ལམ་དུ་བཀྲམ་འདུག་པའི་འབྲེལ་ཡོད་འགན་འཛིན་རྣམ་པས་བོད་སྤྱི་པར་འགན་མ་འཁུར་བའི་ངན་རྟགས་ཤིག་ཟ་དང་ཟུར་ནས་ཐེངས་མང་ཐོན་སོང་། འདི་རིགས་ལ་ཧ་ཅང་གཟབ་གཟབ་བྱེད་དགོས་པ་ཞིག་རེད་འདུག ད་ལན་བོད་ཀྱི་དུས་བབ་ཀྱིས་ལམ་སང་ལམ་སང་ལས་ཤོག་སོགས་བེད་སྤྱོད་བཏང་སྟེ་བློ་གསལ་གླིང་ལ་གསལ་བཤད་འདྲ་བོ་དང་། གྲྭ་ཚང་དེའི་འཇིགས་སྐུལ་བྱས་པ་ནང་བཞིན་གསར་འགྱུར་གལ་ཆེན་དེ་ཕྱིར་འཐེན་མ་བྱས་པ་དེ་ལ་ཡི་རང་དང་བསྔགས་བརྗོད་ཡོད། སླད་མར་མུ་མཐུད་བབ་བརླིང་བརྟན་གསུམ་གྱི་ཐོག་ནས་སྤྱི་དོན་རང་ལ་བསམ་བློ་བཏང་ནས་ལས་དོན་སྒྲུབ་ཐུབ་པའི་སྨོན་འདུན་ཡོད།
བློ་གསལ་གླིང་གིས་ད་ལན་དངོས་གནས་མདོག་ངན་ཞིག་སྟོན་ཡོང་གི་འདུག ད་ལྟ་དུས་བབ་ཀྱིས་ཁྱེད་རང་ཚོ་དཀར་འདོན་བྱེད་ཐུབ་པ་མེད་རེད། དེ་ལས་རྒྱ་གར་དབུས་ཁྲལ་བསྡུ་ལས་ཁུངས་དང་བདེ་འཇགས་ལས་ཁུངས་གཉིས་ནས་བརྒྱུད་བསྒྲགས་བྱས་ཡོང་བའི་གནས་ཚུལ་དེ་ཁུངས་དང་བདེན་དཔང་གང་ཡོད་ཟེར་ནས་རྒྱ་གར་གཞུང་བརྡ་འདེད་གཏོང་དགོས་རེད། དངོས་གནས་གཙང་མ་ཡིན་ཟེར་གྱི་ཡོད་ན། རྒྱ་གར་གཞུང་གི་ལས་ཁུངས་དེ་གཉིས་ལ་ང་ཚོ་གྲྭ་ཚང་དང་དགོན་པར་མཚན་ཤས་བཟོས་སོང་དཀར་ནག་ཕུ་འདེད་གཏོང་རོགས་ཟེར་ནས་སྙན་ཞུ་རིམ་འབུལ་ཞུ་དགོས་རེད། ཡོངས་ཁྱབ་ཡི་གེ་གཏོང་དགོས་རེད། དེ་མིན་ཧམ་པ་འདྲ་རང་བཤད་ནས་རང་མགོ་རང་གིས་གཡོགས་ཐབས་བྱས་ནས་ཕན་མེད་དོ།།
བོད་ཀྱི་དུས་བབས་གསར་ཁང་ནས་ཕྱི་ལོ་ ༢༠༢༠ ཟླ་བ་ ༠༩་ཚེས་ ༡༨ ཉིན་དྲྭ་ཐོག་གནས་ཚུལ་སྤེལ་བའི་ འགོ་བརྗོད་དུ་ རྒྱ་མི་གསང་མྱུལ་བ་དང་འབྲེལ་བ་ཡོད་པའི་བོད་པའི་དགེ་འདུན་པ་བདུན་གྱི་མིང་བཏོན། ཞེས་འཁོད་པའི་ནང་རྒྱ་གར་གྱི་སི་ཨེན་ཨེན་བརྙན་འཕྲིན་ཁང་ (CNN TV 18) གི་གནས་ཚུལ་བོད་ བསྒྱུར་གྱིས་བཀོད་འདུག་པ་དང་། དེའི་སྟེང་ཁ་སྣོན་ལྟ་བུར་རྒྱ་གར་གཞུང་གིས་བོད་མི་འདུས་སྡོད་ཁུལ་གྱི་ རྒྱ་གར་ལྷོ་ཕྱོགས་སེ་ར་དགོན་དང་འབྲས་སྤུངས་བློ་གསལ་གླིང་། ལྡི་ལི་བསམ་ཡས་གླིང་གི་དགོན་པ་ བཅས་ལ་ཞིབ་བཤེར་དང་། ཧི་མ་རྣལ་མངའ་སྡེའི་སྨིར་སོགས་སུ་བོད་མི་དང་ཕྱི་མི་རེ་གཉིས་ལ་འདྲི་རྩད་ བྱེད་བཞིན་ཡོད་པའི་གནས་ཚུལ་ཐོན་ཡོད་བ་རེད། ཅེས་བཀོད་འདུག་པས། གནས་ཚུལ་འདི་རིགས་ནི་གྲྭ་ ཚང་འདི་ཉིད་ལ་ཤ་ཞེན་ཅན་དང་གཞན་ཡང་འབྲེལ་ཡོད་མང་པོར་ཐུགས་འཚབ་འགྱུར་གཞིར་སོང་ཞིབ་ འཇུག་གཏན་ནས་མེད་པའི་གཏམ་འཆལ་རིགས་སྤེལ་དགོས་པའི་རྒྱུ་མཚན་གསལ་བཤད་ངེས་པར་བྱེད་ དགོས། འབྲས་སྤུངས་བློ་གསལ་གླིང་གྲྭ་ཚང་ནི་༸གོང་ས་མཆོག་གིས་བཀའ་དགོངས་དང་། གནས་ཡུལ་ རྒྱ་གར་གཞུང་དང་དབུས་བོད་མིའི་སྒྲིག་འཛུགས་ཀྱིས་ལམ་སྟོན་འོག་ཤར་བསྐྱོད་གནང་མཁན་ཙམ་མ་ 251 རྒྱ་གར་དུ་འབྱོར་བ་ནས་བཟུང་ད་བར་འབྲས་སྤུངས་བློ་གསལ་གླིང་གྲྭ་ཚང་ནས་ས་གནས་ཡུལ་ ཁྲིམས་དང་འགལ་བའི་ལས་འགུལ་སྤེལ་ནས་འབྲེལ་ཡོད་སྡེ་ཚན་གང་གིས་ཀྱང་ཉེས་འཛུགས་ཀྱིས་ཞིབ་ གཤེར་བྱས་མྱོང་མེད། དེས་ན་དུས་བབས་གསར་ཁང་ནས་གོང་འཁོད་གནས་ཚུལ་དེ་ཕྲལ་མར་ཕྱིར་ འཐེན་གྱིས་གསལ་བསྒྲགས་སྤེལ་དགོས་པ་དང༌། སླད་མར་ཞིབ་འཇུག་དང་ཁུངས་འཕེར་མེད་པའི་གནས་ ཚུལ་འདི་རིགས་མི་སྤེལ་བའི་འབོད་བསྐུལ་དང་བཅས།
ཞབས་འདྲེན་པ་དེ་ཚོ་གང་འགྱོག་འཇུ་གཟུང་ཐུབ་ན་བཟང་།
རྒྱ་མི་ཞིག་གིས་དངུལ་འཁྱེར་ནས་བོད་པའི་སྤྱི་ཚོགས་ནང་ཡོང་དུས་བླ་མ་ཡིན་རུང་བཙོང་།་་་རྒྱལ་ཁབ་ཡིན་རུང་བཙོང་།་་མི་རིགས་ཡང་བཙོང་།་་་ཚང་མ་བཙོང་ནས་ཞེ་ཆགས་སའི་ཤོག་དངུལ་ཁག་ལ་ལྟ་གིན་ལྟ་གིན་གསར་འགྱུར་འདི་ཉན་གིན་ཉན་གིན་བསམ་བློ་བཏང་གིན་བཏང་གིན་བློ་མ་བདེ་གཉིད་མ་ཁུག་ནས་ཡོད་ཚོད་རེད།་་་་