མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

༧གོང་ས་མཆོག་གིས་རྒྱ་གར་གྱི་འཕྲུལ་རིག་སློབ་ཆེན་སློབ་མ་རྣམས་ལ་བཀའ་ཆོས་བསྩལ།

བོད་ཀྱི་དུས་བབ།
༢༠༢༠/༡༢/༡༥
Share on FacebookShare on TwitterShare on EmailShare on Whatsapp

༧གོང་ས་མཆོག་གིས་འཚེ་མེད་དང་བྱམས་བརྩེ་ནི་བདེ་སྐྱིད་ལྡན་པའི་སྤྱི་ཚོགས་དང་འཛམ་གླིང་ཞིག་སྐྲུན་ཐབས་ཀྱི་གཞི་རྩ་ཡིན་སྟབས། རྒྱ་གར་ངོས་ནས་འཛམ་གླིང་ཡོངས་ལ་འཚེ་མེད་དང་བྱམས་བརྩེའི་བསླབ་བྱ་ཐོག་ནས་ཆོས་ལུགས་མཐུན་སྒྲིལ་གྱི་དཔེ་སྟོན་དགོས་གསུངས།

དེ་རིང་སྔ་དྲོའི་ཆུ་ཚོད་ ༩ པའི་ཐོག་ ༧གོང་ས་རྒྱལ་བ་རིན་པོ་ཆེ་མཆོག་ནས་བཞུགས་སྒར་དྷ་སའི་རྒྱལ་བའི་ཕོ་བྲང་ནས་བརྙན་ལམ་བརྒྱུད། རྒྱ་གར་གྱི་ལྷོ་ཕྱོགས་གྲོང་ཁྱེར་མཱམ་བྷའེ་རུ་རྟེན་གཞི་བྱས་པའི་རྒྱ་གར་གྱི་འཕྲུལ་རིག་སློབ་ཆེན་ (IIT) གྱིས་ཇི་ལྟར་གསོལ་བ་བཏབ་པ་ལྟར། གནའ་བོའི་རྒྱ་གར་གྱི་རིག་གཞུང་དང་དེང་དུས་ཀྱི་ཤེས་ཡོན་གཉིས་ཟུང་སྦྲེལ་བྱེད་ཐབས་སོགས་ཀྱི་སྐོར་ནས་བཀའ་འདྲི་བཀའ་ལན་གནང་སྐབས། མགོན་པོ་གང་ཉིད་ཀྱིས་རྒྱ་གར་ངོས་ནས་འཛམ་གླིང་ཡོངས་ལ་འཚེ་མེད་དང་བྱམས་བརྩེའི་བསླབ་བྱ་ཐོག་ནས་ཆོས་ལུགས་མཐུན་སྒྲིལ་གྱི་སློབ་སྟོན་བྱ་དགོས་སྐོར་བཀའ་སློབ་བསྩལ་ཡོད་འདུག

དེ་ཡང་༧གོང་ས་མཆོག་ནས་བཀའ་སློབ་ཀྱི་ཐོག་མར། རྒྱ་གར་ནང་མི་ལོ་སྟོང་ཕྲག་སྔ་རོལ་ནས་འཚེ་མེད་དང་བྱམས་བརྩེའི་བསམ་བློ་དར་འཕེལ་བྱུང་བ་དེར་ངོས་རང་དགའ་པོ་ཞེ་དྲགས་བྱུང་། དེའི་རྐྱེན་གྱིས་རིམ་པས་རྒྱ་གར་གྱི་བསམ་བློ་བ་དང་མཁས་པ་རྣམས་ཀྱིས་བྱམས་བརྩེ་དང་འཚེ་བ་མེད་པའི་ལྟ་བ་དེ་གཉིས་རིགས་པའི་ལམ་ནས་རྒྱུན་སྤེལ་བྱས་ཐུབ་ཡོད། ངོས་ཀྱིས་ཆོས་ལུགས་མཐུན་སྒྲིལ་དགོས་སྐོར་བཤད་ཀྱི་ཡོད་སྟབས། ངས་ཆོས་ལུགས་ཚང་མར་བརྩི་བཀུར་ཞུ་ཡི་ཡོད། ཡིན་ནའང་ང་ཚོས་རིག་པའི་ཐོག་ནས་བརྟག་དཔྱད་བྱས་པ་ཡིན་ན། རྒྱ་གར་གྱིས་ལོ་ངོ་སྟོང་ཕྲག་རིང་ནས་བསམ་བློ་འདི་དག་རིགས་པའི་ལམ་ནས་གཏན་ལ་ཕབ་ཡོད། དངོས་ཡོད་ལག་ལེན་གྱི་སྟེང་ནས་ད་ལྟའི་འཛམ་གླིང་འདིར་འཚེ་བ་མེད་པ་དང་བྱམས་བརྩེ་དགོས་གལ་ཧ་ཅང་ཆེ། གལ་ཏེ་དེ་གཉིས་གསོན་པོར་གནས་ཐུབ་པ་དང་། མི་མང་བས་དེར་དོ་སྣང་བྱས་ཚེ། ང་ཚོའི་འཛམ་གླིང་འདི་སྔར་བས་ཞི་བདེ་བག་ཕེབས་དང་ལེགས་པ་ཡོང་ཐུབ། དེ་བཞིན་གནད་འགག་གཞན་དེ་ཆོས་ལུགས་དང་མ་འབྲེལ་བའི་བཟང་སྤྱོད་རེད། ཆོད་ལ་དད་པ་ཡོད་མེད་དེ་མི་སྒེར་གྱི་གནས་ཚུལ་ཞིག་རེད། དོན་དངོས་ཐོག་འཚེ་བ་མེད་པ་དང་བྱམས་བརྩེ་ཟེར་བ་གཉིས་ཆོས་ལུགས་དང་མ་འབྲེལ་བའི་བཟང་སྤྱོད་རེད། ཅེས་དང་། དེ་རིང་ངོས་རང་རྒྱལ་ཁབ་འདི་རང་ནས་ཡིན་པའི་མི་དང་ལྷན་དུ་བཀའ་མོལ་ཞུ་རྒྱུར་དགའ་སྤོབས་ཆེན་པོ་བྱུང་སོང་། དོན་དངོས་ཐོག་ང་ཚོ་ནི་རྒྱ་གར་གྱི་གནའ་བོའི་རིག་གཞུང་འདིའི་སློབ་མ་རེད། ངས་དུས་རྒྱུན་ལོ་ངོ་སྟོང་ཕྲག་སྔོན་ལ་ཁྱེད་ཚོ་ང་ཚོའི་སློབ་དཔོན་དང་། ང་ཚོ་ཁྱེད་ཚོའི་སློབ་མ་རེད་ཟེར་གྱི་ཡོད། ང་ཚོས་རྒྱ་གར་ས་ནས་བསླབས་པ་རེད། ཅེས་གསུངས་བ་དང་སྦྲགས། བོད་ཀྱི་བཙན་པོས་རྒྱ་གར་ནས་སངས་རྒྱས་པའི་ཆོས་ལུགས་ནང་འདྲེན་གནང་ཚུལ་སྐོར་གསུངས་ཡོད་འདུག

ཡང་ཁོང་གིས་མུ་མཐུད་གསུངས་དོན། དེང་སྐབས་ང་ཚོའི་འཛམ་གླིང་འདིར་འབྱུང་བཞིན་པའི་དཀའ་ངལ་མང་པོ་ཞིག་ང་ཚོ་མི་རང་གིས་བཟོས་པ་ཞིག་རེད། སུ་གཅིག་ལའང་དཀའ་ངལ་དགོས་ཀྱི་མེད་ནའང་། ང་ཚོས་ད་དུང་དཀའ་ངལ་འདི་འདྲ་མང་པོ་བཟོ་ཡི་ཡོད་པ་རེད། དེའི་རྒྱུ་མཚན་གང་རེད་ཟེར་ན། ང་ཚོའི་བསམ་བློ་གཏོང་སྟངས་དེ་འཚེ་མེད་དང་བྱམས་བརྩེ་གཉིས་དང་འབྲེལ་བ་མེད་པས་རེད། དེར་བརྟེན་ལོ་ངོ་སྟོང་ཕྲག་ལྷག་གི་ལོ་རྒྱུས་ཡོད་པའི་རྒྱ་གར་གྱི་བསམ་བློ་ཉར་ཚགས་ཙམ་དུ་མ་ཟད་བསྐྱར་གསོ་དགོས་ཀྱི་ཡོད་པ་རེད། དེ་ཡང་ཆོས་ལུགས་དང་འབྲེལ་བའི་ཐབས་ལམ་གྱི་སྒོ་ནས་བསྐྱར་གསོ་དགོས་པ་རེད། ཡེ་ཤུ་དང་ཁ་ཆེ། ཇེའུ་ཆོས་ལུགས་སོགས་ཚང་མ་མི་སྒེར་གྱི་གདམ་ཀ་ཡིན་ནའང་འཚེ་བ་མེད་པ་དང་བྱམས་བརྩེ་ནི་སྐྱེ་འགྲོ་ཀུན་ལ་ཁྱབ་པ་ཞིག་ཡིན། དེར་བརྟེན་དེང་རབས་ཀྱི་དུས་ཚོད་འདིར། མི་འབོར་ཆེས་མང་བའི་རྒྱལ་ཁབ་གཅིག་ཡིན་པའི་ཆ་ནས་རྒྱ་གར་འདི་ཧ་ཅང་ཞི་བདེ་བག་ཕེབས་རེད། འཛམ་གླིང་སྟེང་གི་ཆོས་ལུགས་ཆེ་ཁག་ཚང་མ་མཉམ་གནས་བྱས་ནས་བསྡད་ཡོད།  དཔེར་ན་ཁ་ཆེའི་རྒྱལ་ཁབ་ནང་ཤཱི་ཡ་དང་སུ་ནིའི་བར་ལ་རྩོད་པ་འབྱུང་གི་ཡོད། འོན་ཀྱང་རྒྱལ་ཁབ་འདིའི་ནང་ངས་ད་བར་རྒྱ་གར་ཤཱི་ཡ་དང་སུ་ནིའི་དབར་རྩོད་རྙོག་ཡོད་པ་ཐོས་མྱོང་མེད། ང་ཚོའི་ཁྱིམ་མཚེས་རྒྱལ་ཁབ་ནང་དཀའ་ངལ་ཡོད་པ་ཐོས་དུས་ང་རང་ཧང་སངས་ཀྱི་འདུག དེར་བརྟེན་འཚེ་མེད་དང་བྱམས་བརྩེ་ནི་བདེ་སྐྱིད་ལྡན་པའི་སྤྱི་ཚོགས་དང་འཛམ་གླིང་ཞིག་སྐྲུན་ཐབས་ཀྱི་གཞི་རྩ་ཡིན་སྟབས། རྒྱ་གར་ངོས་ནས་འཛམ་གླིང་ཡོངས་ལ་འཚེ་མེད་དང་བྱམས་བརྩེའི་བསླབ་བྱ་ཐོག་ནས་ཆོས་ལུགས་མཐུན་སྒྲིལ་གྱི་དཔེ་བསྟན་དགོས། ཞེས་བཀའ་སློབ་བསྩལ་གནང་ཡོད་འདུག

སློབ་མ་ཞིག་གིས་ལུས་པོ་དང་སེམས་ཀྱི་འཕྲོད་བསྟེན་གཉིས་ལྗིད་སྙོམས་ཡོང་ཐབས་ཇི་འདྲ་ཡོད་མེད་བཀའ་འདྲི་ཞུས་པར་༧གོང་ས་མཆོག་གིས། ང་ཚོས་དུས་རྒྱུན་ཕྱི་ལུས་པོའི་འཕྲོད་བསྟེན་བཤད་ཀྱི་ཡོད་པ་རེད། ཡིན་ནའང་དཔེར་ན་ཁྲག་ཤེད་ལྟ་བུ་ཡིན་ན་སེམས་ཀྱི་ཞི་བདེ་ལ་ཧ་ཅང་བརྟེན་བསྡད་ཡོད་པ་རེད། སེམས་ནང་ཞེད་སྣང་དང་། དངངས་འཚབ་མེད་དུས་ཁྲག་ཤེད་ཀྱང་མར་ཆག་གི་ཡོད་པ་རེད། དེར་བརྟེན་ཕྱོགས་ཡོངས་ནས་སེམས་ལ་ངལ་གསོ་ཐོབ་པ་དེས་ཕྱི་ལུས་པོར་ཡང་ཕན་ཐོགས་བྱེད་ཀྱི་ཡོད་པ་རེད། དེང་སྐབས་ཁོང་ཁྲོ་དང་ཞེད་སྣང་མང་དྲགས་པའི་རྐྱེན་གྱིས་ན་ཚང་མང་པོ་བྱུང་གི་ཡོད་སྟབས། ཕྱིའི་ལུས་པོའི་འཕྲོད་བསྟེན་དེ་སེམས་ཀྱི་གནས་སྟངས་ལ་བརྟེན་བསྡད་ཡོད། ཅེས་བཀའ་ལན་བསྩལ་ཡོད་འདུག

གསར་འགོད་པ། པ་སངས་ཚེ་རིང་།

འབྲེལ་ཡོད་གསར་འགྱུར།

༸གོང་ས་རྒྱལ་བ་རིན་པོ་ཆེན་པོ་མཆོག་ནས་ལ་དྭགས་གླེ་ཇོ་བོའི་གཙུག་ལག་ཁང་བསྐྱར་བཞེངས་ཀྱི་རྨང་རྡོ་དབུ་འབྱེད་རབ་གནས་མཛད། ༢༠༢༥།༠༨།༠༣ དགའ་ལྡན་ཕོ་བྲང་གི་སྐུ་པར།
༸གོང་ས་མཆོག གསར་འགྱུར།

༧གོང་ས་མཆོག་ནས་ལུས་ཀྱི་ཆ་ལུགས་བརྗེས་བ་ཙམ་མ་ཡིན་པར་སློབ་གཉེར་རྒྱག་རྒྱུ་གལ་ཆེན་པོ་རེད་ཅེས་བཀའ་སློབ་བསྩལ།

ཆུ་ཚོད་ ༡༢ སྔོན་ལ།
རྒྱ་ནག་རྐང་རྩེད་སྤོ་ལོའི་མཐུན་ཚོགས་སྒྲིག་ཁྲིམས་འགན་འཛིན་ཟུར་པར་ལོ་ ༡༠ ཁྲིམས་ཐག་བཅད། དྲ་ལམ་གྱི་པར།
Mobile App

རྒྱ་ནག་རྐང་རྩེད་སྤོ་ལོའི་མཐུན་ཚོགས་ནང་ལྐོག་ཟ་རུལ་སུངས་ཀྱི་གནད་དོན་བསྟུད་མར་བྱུང་།

༢༠༢༥/༠༨/༠༢
Mobile App

དབྱིན་ཡུལ་གྲོས་ཚོགས་འོག་མས་རྒྱ་ནག་ཉིན་རེའི་ཚགས་པར་འགྲེམས་སྤེལ་བཀག་འགོག་གནང་།

༢༠༢༥/༠༨/༠༢
དྲ་ལམ་གྱི་པར།
Mobile App

ཁུང་ཙིའི་སློབ་གླིང་ཁག་སྒོ་རྒྱག་རྒྱུ་ཡིན་པའི་ཉེན་བརྡ་བཏང་།

༢༠༢༥/༠༨/༠༢
Former Pakistan prime minister Imran Khan, gestures as he speaks with Reuters during an interview, in Lahore, Pakistan March 17, 2023. REUTERS/Akhtar Soomro
Mobile App

པཱ་ཀི་སི་ཐན་གྱི་གྲོས་ཚོགས་འཐུས་མི་ཟུར་བ་ ༡༠༨ ལ་ལོ་བཅུ་རེའི་ཁྲིམས་ཐག་བཅད།

༢༠༢༥/༠༨/༠༡
ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་ལོ་ ༡༥ ཡི་ཁྲིམས་ཐག་བཅད་འདུག
Mobile App

ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་མི་ལོ་ ༡༥ ཡི་ཁྲིམས་ཐག་བཅད་འདུག

༢༠༢༥/༠༨/༠༡

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese