ཁ་སང་ཕྱི་ཚེས་ ༡༩ ཉིན་གྱི་སྔ་དྲོར་བོད་མིའི་སྒྲི ག་འཛུགས་ཀྱི་སྲིད་སྐྱོང་སྤེན་པ་ ཚེ་རིང་མཆོག་རྒྱ་གར་གྱི་མངའ་སྡེ ་ནུབ་བྷེང་གྷལ་གྱི་བྷག་ཌོ་ར་གནམ་ ཐང་དུ་བདེ་འབྱོར་བྱུང་སྟེ་ཉིན་གྲངས་ ༩ ཙམ་རིང་ཀ་རྡོར་སྒང་གསུམ་གྱིས་ མཚོན་པའི་རྒྱ་གར་ཤར་ཕྱོགས་ཁུལ་དུ་ གནས་སྡོད་བོད་མིའི་གནས་སྟངས་ལ་ གཟིགས་ཞིབ་གནང་བཞིན་ཡོད་འདུག
Sikyong being welcomed on arrival at Bagdogra airport near Siliguri on the first leg of his visit to Darjeeling, Kalimpong, and Sikkim on 19 October 2021.
ཁ་སང་བྷག་ཌོ་ར་གནམ་ཐང་དུ་ཀ་ལིམ་ པོང་དང་། སོ་ན་ཌ། རྡོ་རྗེ་གླིང། ས་ལུ་གྷུ་རུ་བཅས་ནང་འདུས་སྡོད་ས་ གནས་བོད་མི་རྣམས་ཀྱིས་སྲིད་སྐྱོ ང་མཆོག་ལ་ཕེབས་བསུ་ཞུས་པ་དང་འབྲེ ལ། སྲིད་སྐྱོང་མཆོག་ནས་འཚམས་གཟིགས་ ཀྱི་ཉིན་དང་པོར་སོ་ན་ཌ་བཀྲ་ཤིས་ གླིང་བོད་མིའི་གཞིས་ཆགས་དང་ཁར་ཤངས་(Kurseong)ཁུལ་གྱི་བོད་མི་རྣ མས་ལ་ཐུག་འཕྲད་གནང་། ཕྱི་དྲོར་ཨོ་རྒྱན་ཀུན་བཟང་ཆོས་ འཁོར་གླིང་དང་། ཕུན་ཚོགས་པདྨ་ཆོས་འཁོར་གླིང་། རྡོ་རྗེ་གླིང་འཛི་སྒར་ཐུབ་བསྟན་ བཤད་སྒྲུབ་གླིང་བཅས་སུ་མཆོད་མཇལ་ གནང་ཡོད་འདུག
བོད་མིའི་སྒྲིག་འཛུགས་ཀྱི་གཞུང་ འབྲེལ་དྲ་བའི་གནས་ཚུལ་ལྟར་ན། སྲིད་སྐྱོང་མཆོག་གིས་སོ་ན་ཌ་དང་ཁར་ཤངས་ཁུལ་གྱི་མི་མང་རྣམས་ལ། བོད་མིའི་སྒྲིག་འཛུགས་ཀྱི་བསྒྲུ བ་བྱ་གཉིས་ཏེ། གཉིས་ཕན་དབུ་མའི་ལམ་བརྒྱུད་ནས་ བོད་རྒྱའི་དཀའ་རྙོག་སེལ་ཐབས་དང་ བཙན་བྱོལ་བོད་མིའི་བདེ་སྡུག་ལ་ ལྟ་རྟོག་བྱེད་ཐབས་སྐོར་དང་། བོད་མི་གཞོན་སྐྱེས་རྣམས་ཀྱིས་ ༧གོང་ས་རྒྱལ་བ་རིན་པོ་ཆེ་མཆོག་ གི་ཐུགས་དགོངས་རྟོགས་པའི་ཆེད་དུ ་ཁོང་གི་བཀའ་སློབ་ལ་སློབ་སྦྱོང་ བྱེད་དགོས་པ། དེ་བཞིན་ད་ལྟ་རྒྱ་གར་ནང་བོད་དོ ན་ཐད་རྒྱབ་སྐྱོར་སྔར་ལྷག་ཡོང་ གཞི་དེ་རྒྱ་དཀར་ནག་དབར་འཕགས་བོ ད་ས་མཚམས་ཐད་དཀའ་རྙོག་བྱུང་བ་དེ ས་ཡིན་པ་དང་། རྒྱ་ནག་གཞུང་གིས་བོད་ས་ཁྱོན་དུ་བོད་མི་རི གས་ཀྱི་སྐད་ཡིག་དང་ངོ་བོ་རྩ་བརླ ག་གཏོང་ཆེད་བོད་ཕྲུག་རྣམས་ལ་རྒྱ འི་སྐད་ཡིག་གི་ལམ་ནས་སློབ་ཁྲིད་ བྱེད་ཀྱི་ཡོད་པའི་བོད་ནང་གི་གནས་སྟངས་སྐོར་ངོ་སྤྲོད་གནང་ཡོད་འདུག་ལ། གཞན་ཡང་རྒྱ་གར་ནང་ཡོད་པའི་བོད་ སློབ་འཛིན་ཚོགས་ཁྱབ་ཁོངས་ཀྱི་སློ བ་གྲྭ་ཁག་ཏུ་སློབ་མ་འཛུལ་ཞུགས་ བྱེད་མཁན་ཇེ་ཉུང་དུ་འགྲོ་བཞིན་ པའི་གནས་སྟངས་དང་འབྲེལ། བོད་སློབ་ཁག་རྒྱ་གར་གཞུང་གིས་བོ ད་མིར་གཡར་པོ་གནང་བ་ཞིག་ཡིན་སྟ བས། ཅི་སྟེ་བོད་མིར་དགོས་གལ་མ་བྱུང་ ཚེ་རྒྱ་གར་གཞུང་ལ་ཕྱིར་སློག་བྱ་ དགོས་སྐོར་སོགས་གསུངས་ཡོད་འདུག
Sikyong with members of the Tibetan community of Kurseong, 19 October 2021.
སྤྱིར་སྲིད་སྐྱོང་མཆོག་རྒྱ་གར་ བྱང་ཤར་རྟ་དབང་ཁུལ་དུ་གཞུང་འབྲེ ལ་འཚམས་གཟིགས་གནང་གཏན་འཁེལ་ཡོད་ ནའང་། རྒྱ་དཀར་ནག་གི་དབར་གྱི་འབྲེལ་ ལམ་ཅུང་ཛ་དྲག་ཏུ་གྱུར་བའི་རྐྱེ ན་གྱིས་གཟིགས་སྐོར་ཕྱིར་འཐེན་གནང་དགོས་བྱུ ང་ཡོད་པ་རེད། དེ་ཡང་ཉེ་ཆར་ཟླ་འདིའི་ཕྱི་ཚེས་ ༡༨ ཉིན་སྲིད་སྐྱོང་སྤེན་པ་ཚེ་རིང་ མཆོག་གིས་སྨན་རྩིས་ཁང་དབུ་བརྙེ ས་པའི་མཛད་སྒོའི་སྟེང་། ཐོག་མའི་འཆར་གཞི་ལྟར་ན་དེ་རིང་ ང་རྒྱ་གར་གྱི་གུ་ཝཱ་ཧཱ་ཊིར་འབྱོ ར་དགོས་པ་རེད། རྒྱ་གར་བྱང་ཤར་ཁུལ་ལ་བཅར་རྒྱུ་ བང་བསྒྲིགས་པ་ཡིན། འོན་ཀྱང་འདས་པའི་ཉིན་ཤས་རིང་རྟ་ དབང་ཁུལ་ལ་རྒྱ་དཀར་ནག་གཉིས་དབར་ འཕགས་བོད་ས་མཚམས་དང་འབྲེལ་བའི་ གནས་ཚུལ་ཅུང་ཙམ་རྣོ་ངར་ཆགས་པར་ བརྟེན་རྒྱ་གར་གཞུང་ལ་ཐུགས་སུན་ བཟོ་མི་དགོས་པའི་ཆེད་དུ་ཨ་རུ་ན་ ཅལ་ལ་བཅར་མི་དགོས་པའི་ཐག་གཅོད་ བྱས་པ་ཡིན། དེའི་ཚབ་ཏུ་ཀ་རྡོར་སྒང་གསུམ་ལ་ བཅར་རྒྱུ་ཐག་གཅོད་བྱས་པ་ཡིན། ཞེས་གསུངས་ཡོད་པ་རེད།
Sikyong offering prayers at Zigar Thupten Shedrupling monastery, 19 October 2021.
ཤེས་རྟོགས་བྱུང་བ་ལྟར་ན། ད་ལན་སྲིད་སྐྱོང་མཆོག་ཀ་རྡོར་སྒང་གསུམ་གྱི་བོད་མི་གནས་སྡོད་བྱས་ཡོད་པའི་ས་ཁུལ་ཆེ་ཆུང་ཚང་མའི་ནང་གཟིགས་ཞིབ་ཏུ་ཕེབས་འཆར་ཡོད་པ་དང་། ཟླ་འདིའི་ཕྱི་ཚེས་ ༢༦ ཡས་མས་སུ་ཕྱིར་དྷ་རམ་ས་ལར་ཕེབས་འབྱོར་གནང་རྒྱུ་དང་། དེ་ནས་ཡུ་རོབ་ཁུལ་དུ་ཕེབས་རྒྱུ་ཡིན་འདུག
གསར་འགོད་པ། པ་སངས་ཚེ་རིང་།