ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་སྐུ་ཞབས་ཇོ་རི་ཨོ་བྷིར་ཧྥལ་ཛིལ (Jiri Oberfalzer)མཆོག་གིས་ཅེག་ལ་གཞན་གྱིས་བཙན་འཛུལ་བྱས་པའི་མཉམ་མྱོང་ཡོད་པ་ལྟར་མུ་མཐུད་བོད་དོན་ལ་རྒྱབ་སྐྱོར་གནང་རྒྱུ་ཡིན་སྐོར་གསུངས་སོང་།
ཟླ་འདིའི་ཕྱི་ཚེས་ ༡༠ ཉིན་གྱི་ཉིན་རྒྱབ་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ། བོད་མིའི་རང་དབང་སྒེར་ལངས་ཆེན་མོ་གསུམ་བཅུའི་དུས་དྲན་ཐེངས་ ༦༣ པའི་གཞུང་འབྲེལ་མཛད་སྒོའི་སྐུ་མགྲོན་གཙོ་བོ་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་སྐུ་ཞབས་ཇོ་རི་ཨོ་བྷིར་ཧྥལ་ཛིལ (Jiri Oberfalzer) མཆོག་གིས་དབུ་འཁྲིད་པའི་སྐུ་ཚབ་ཚོགས་ཆུང་གིས་གསར་འགོད་གསལ་བསྒྲགས་ཞིག་གནང་སོང་།
སྐབས་དེར་སྐུ་ཞབས་ (Jiri Oberfalzer) ལགས་ཀྱིས། ང་ཚོ་ཅེག་སྤྱི་མཐུན་རྒྱལ་ཁབ་ཀྱིས་བོད་རྒྱལ་ཁབ་ལ་རྒྱབ་སྐྱོར་ཡོད། ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་དང་༧གོང་ས་མཆོག་རྣམ་གཉིས་གྲོགས་པོ་ཡིན་ལ། དེ་རིང་ཞོགས་པར་༧གོང་ས་མཆོག་གིས་ནས་དེའི་སྐོར་གསུང་གླེང་མཛད་པ་ལྟར། ང་ཚོས་མུ་མཐུད་ནས་རྒྱབ་སྐྱོར་བྱེད་ཀྱི་ཡིན། རྒྱུ་མཚན་ནི་དེ་སྔ་ང་ཚོའང་གནས་སྟངས་དེ་འདྲའི་འོག་ནས་ཕྱིན་ཡོད་པ་དང་། རྒྱ་ནག་གིས་བོད་མི་རྣམས་བཙན་གནོན་དང་རིག་གཞུང་རྩ་མེད་བཟོ་ཡི་ཡོད་པའི་གནས་ལུགས་རྟོགས་ཀྱི་ཡོད། དེར་བརྟེན་ང་ཚོས་བོད་དོན་དང་བོད་མི་རྣམས་ལ་རྒྱབ་སྐྱོར་ཡོད། ཅེས་གསུངས་སོང་།
གསར་འགོད་གསལ་བསྒྲགས་སྟེང་གསར་འགོད་པས་བོད་ནང་ཡོད་པའི་བོད་མི་ཚོར་བརྡ་ལན་ག་རེ་ཡོད་དྲིས་པར་ཁོང་གིས། བོད་ནང་དུ་ཡོད་པའི་བོད་མི་ཚོའི་འཚོ་བ་སྐྱེལ་སྟངས་དང་ད་ལྟའི་གནས་སྟངས་ག་འདྲ་ཡོད་མེད་ཤེས་ཀྱི་མེད། ཡིན་ནའང་བོད་ནང་དུ་ཡོད་པའི་བོད་མི་དེ་དག་གི་རེ་བ་མུ་མཐུད་གནས་པར་བྱ་དགོས། གལ་ཏེ་རེ་བ་བརླག་པ་ཡིན་ན། ཁྱེད་རང་ཕམ་པ་དང་གཅིག་མཚུངས་རེད། གནས་སྟངས་ཛ་དྲག་པོ་དེ་འདྲའི་སྐབས་སུ་མུ་མཐུད་ནས་རེ་བ་བྱ་རྒྱུ་དེ་ཁག་པོ་རེད། ཅེས་གསུངས་སོང་།
ཡང་ས་གནས་གསར་འགོད་པས་དེ་རིང་༧གོང་ས་མཆོག་དང་མཇལ་འཕྲད་སྐབས་བཀའ་མོལ་ག་རེ་བྱུང་སྐོར་དྲིས་པར་ཁོང་གིས། ཁ་སང་ང་ཚོར་༧གོང་ས་མཆོག་ལ་མཇལ་འཕྲད་ཞུ་རྒྱུའི་གོ་སྐབས་ཡོད་པ་ཧ་གོ་ནས་ཧང་སངས་སོང་། དེ་ན་སྲིད་སྐྱོང་སྤེན་པ་ཚེ་རིང་མཆོག་གིས་གོ་སྒྲིག་གནང་བ་རེད་ལ། དེ་རིང་ཞོགས་པར་ང་ཚོ་དང་ལྷན་དུ་ཕེབས་ཡོད་པ་རེད། དེ་ནས་ཐོག་མར་༧གོང་ས་མཆོག་ཆུང་དུས་སྐབས་ཀྱི་མི་ཚེའི་སྐོར་གསུངས་བྱུང་ལ། ༧གོང་ས་མཆོག་ཡང་སྲིད་དུ་ངོས་འཛིན་གནང་སྟངས་ཀྱི་སྐོར་ངོ་སྤྲོད་གནང་བྱུང་། དེ་ནས་དེ་རིང་གསུམ་བཅུའི་དུས་དྲན་དེ་ཉིན་མོ་གལ་ཆེན་ཡིན་སྐོར་དང་། ག་འདྲ་བྱུང་བའི་སྐོར་གསུངས་བྱུང་། ད་དུང་རྒྱ་ནག་གིས་བོད་ལ་བཙན་འཛུལ་བྱེད་སྐབས། ༧གོང་ས་མཆོག་བོད་ནས་རྒྱ་གར་དུ་བྲོས་བྱོལ་དུ་ཕེབས་ཚུལ་སྐོར་གསུངས་བྱུང་། གཞན་ཡང་། ཕྱི་ལོ་ ༡༩༥༩ ལོར་༧གོང་ས་མཆོག་རྒྱ་གར་ནང་བཙན་བྱོལ་དུ་ཕེབས་སྐབས་རྒྱ་གར་གཞུང་གིས་དགའ་བསུ་གནང་སྟེ་བཀའ་དྲིན་ཆེན་པོ་ཡིན་ལ། བོད་མི་ཚོ་རྒྱ་གར་གྱི་མི་མང་དང་རྒྱལ་ཁབ་འདིའི་མགྲོན་པོ་ཡིན་སྐོར་སོགས་གསུངས་བྱུང་། ཞེས་གསུངས་སོང་།
མཇུག་ཏུ་བོད་མིའི་སྒྲིག་འཛུགས་ཀྱི་ཕྱི་འབྲེལ་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས། བོད་མིའི་སྒྲིག་འཛུགས་ཀྱི་ཚབ་ཞུས་ནས་དེ་རིང་གསུམ་
གསར་འགོད་པ། བསྟན་འཛིན་ཕུར་བུ།
![Ren Quanniu said the Henan Provincial Justice Department revoked his licence over comments he made in court in a 2018 case [File: Leo Ramirez/ AFP]](https://tibettimes.net/wp-content/uploads/2025/07/Untitled-2-360x180.jpg)
