༄༅། །སློབ་མ་གསར་བསྡུའི་གསལ་བསྒྲགས། སློབ་དུས་ཕྱི་ལོ་ ༢༠༢༢ ནས་ ༢༠༢༣

༄༅། །སློབ་མ་གསར་བསྡུའི་གསལ་བསྒྲགས། སློབ་དུས་ཕྱི་ལོ་ ༢༠༢༢ ནས་ ༢༠༢༣
Admission Announcement Academic Year-2022-2023) 

༄༅། །སྦེང་ལོར་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་བོད་ཀྱི་རིག་གནས་ཉེ་བའི་གཙུག་ལག་རབ་འབྱམས་པ་ (BA in Tibetan Studies) དང་། གཙུག་ལག་རབ་འབྱམས་པའི་སློབ་མ་ (MA in Tibetan Studies) གསར་འཇུག་གསལ་བསྒྲགས། གཤམ་གསལ་དོན་ཚན་ཁག་དང་མཐུན་པར་འཚང་སྙན་འབུལ་གནང་འཐུས།
ཀ༽ ཉེ་བའི་གཙུག་ལག་རབ་འབྱམས་པར་སློབ་མ་ ༦༠ ལ་ས་མིག་ཡོད། ཚུད་རྒྱུགས་དང་འབྲེལ་བའི་གསལ་བཤད།
༡༽ རྒྱལ་ཡོངས་འཛིན་རིམ་བཅུ་གཉིས་ཀྱི་ཐོབ་སྐར་ཆ་སྙོམ་བརྒྱ་ཆ ༥༠ དང་བོད་ཡིག་ལ་བརྒྱ་ཆ་ ༦༠ ལོན་པའི་སློབ་མ་རྣམས་ཚུད་རྒྱུགས་མི་དགོས་པར་ཐད་ཀར་སློབ་འཇུག་གནང་ཆོག
༢༽ ལག་འཁྱེར་མེད་ཀྱང་འཛིན་རིམ་བཅུ་གཉིས་ཀྱི་ཤེས་ཚད་མཉམ་པ་ཡོད་ན་ཚུད་རྒྱུགས་ཀྱི་ལམ་ནས་སློབ་འཇུག་གནང་རྒྱུ་ཡིན།
༣༽ ཚུད་རྒྱུགས་ལ་བོད་ཡིག་དང་དབྱིན་ཡིག་གི་འབྲི་རྒྱུགས་དང་། དེ་བཞིན་ངག་རྒྱུགས་བཅས་ལ་ཆ་སྙོམ་བརྒྱ་ཆ ༥༠ དང་བོད་ཡིག་ལ་བརྒྱ་ཆ་ ༦༠ ལོན་དགོས།
ཁ༽ བོད་ཀྱི་རིག་གནས་ཐོག་གཙུག་ལག་རབ་འབྱམས་པའི་ནང་སློབ་མ་ ༤༠ ལ་ས་མིག་ཡོད། རིག་ཚན་རེར་སློབ་མ་བཅུ་རེ་ཞུགས་ཆོག
༡༽ བོད་ཀྱི་སྐད་ཡིག་གཙུག་ལག་རབ་འབྱམས་པར་ས་མིག ༡༠ (MA in Tibetan Language-10)  ​
༢༽ བོད་ཀྱི་རྩོམ་རིག་གཙུག་ལག་རབ་འབྱམས་པར་ས་མིག ༡༠ (MA in Tibetan Literature-10)
༣༽ ནང་པའི་ལྟ་གྲུབ་གཙུག་ལག་རབ་འབྱམས་པར་ས་མིག ༡༠ (MA in Buddhist Philosophy-10)
༤༽ བོད་ཀྱི་ལོ་རྒྱུས་གཙུག་ལག་རབ་འབྱམས་པར་ས་མིག  ༡༠ (MA in Tibetan History-10)
ག༽ གཙུག་ལག་རབ་འབྱམས་པའི་གསར་ཞུགས་སློབ་མའི་ཤེས་ཚད།
༡༽ འདི་ག་མཐོ་སློབ་ནས་ཉེ་བའི་གཙུག་ལག་རབ་འབྱམས་ཐོན་པ་དང་ཝཱ་ཎ་གཙུག་ལག་སློབ་གཉེར་ཁང་ནས་ཤསྟཱི་ཐོན་པ། ཡང་ན་སཱ་ར་དང་ནོར་གླིང་མཐོ་སློབ་ནས་རིག་གནས་རབ་འབྱམས་པ་ཐོན་པ།
༢༽ རིས་མེད་ཆོས་བརྒྱུད་ཁག་གི་བཤད་གྲྭ་ནས་དབུ་མ་རབ་འབྱམས་ཐོན་པའམ་དེ་དང་ཚད་མཉམ་པའི་ཤེས་ཚད་ཀྱི་ལག་འཁྱེར་ཡོད་པ་རྣམས་ལ་ཚུད་རྒྱུགས་སུ་ཞུགས་རྒྱུའི་གོ་སྐབས་ཡོད།
༣༽ གོང་གསལ་སློབ་ཐོན་ཁོངས་ནས་ཐོབ་སྐར་བརྒྱ་ཆ་ ༦༠ དང་དེའི་ཡན་ལོན་པ་དག་ཚུད་རྒྱུགས་ནང་ཞུགས་ཆོག
❖ གོང་གསལ་རིག་ཚན་གང་གི་ཁོངས་སུ་ཞུགས་མིན་སྙན་ཞུའི་འགེངས་ཤོག་ནང་ཁ་གསལ་འགོད་དགོས།
ང༽ ཚུད་རྒྱུགས་གཏོང་ཕྱོགས།

• ཚུད་རྒྱུགས་གཏོང་ཡུལ་དང་དུས་ཚེས་ཁ་གསལ་ ༢༠༢༢ ཟླ་ ༦ ཚེས་ ༡༥ རྗེས་སྙན་ཞུའི་གྲངས་འབོར་དང་ས་གནས་ལ་གཞིགས་ནས་གསལ་བསྒྲགས་བྱ་རྒྱུ།
  ཅ༽ སློབ་ཡོན།

• ཤེས་རིག་ནས་སློབ་མ་ལྔར་སློབ་ཡོན་གནང་གི་ཡོད་པ་ཚུད་རྒྱུགས་རྩེ་ཕུད་ལྔ་ལ་སྤྲོད་རྒྱུ་དང་། བོད་ཁྱིམ་སློབ་ཁོངས་མིན་ཀྱང་བོད་པའི་སློབ་མ་རྣམས་ལ་བོད་ཁྱིམ་ནས་དམིགས་བསལ་སློབ་ཡོན་དགོངས་བཞེས་གནང་རྒྱུ།
  ཆ༽ དགོས་མཁོའི་ཡིག་ཆ།
  ༡༽ སློབ་ཐོན་ལག་འཁྱེར་ངོ་བཤུས་ཐོག་ཁོངས་སོ་སོའི་འགན་འཛིན་ནས་དག་མཆན་དང་རྒྱབ་གཉེར་ཡི་གེ་བཅས་དགོས།
  ༢༽ བོད་པ་ཚོས་བཙན་བྱོལ་བོད་མིའི་དང་བླང་དཔྱ་དངུལ་གཙང་ཕུལ་ཟིན་པའི་དག་མཆན་འཁོད་པའི་དཔྱ་དེབ་ངོ་བཤུས་བཅས་ཞུ་སྙན་ལྷན་འབུལ་དགོས།

སྙན་ཞུ་འབུལ་ཕྱོགས་དང་དུས་བཀག

• འཛུལ་ཞུགས་སྙན་ཞུའི་འགེངས་ཤོག (Google Form) གྱི་དྲ་རྟགས་ཟུར་སྦྱར་བརྒྱུད་སོ་སོའི་གློག་འཕྲིན་དང་ད་ལྟའི་སྡོད་གནས་ཁ་བྱང་། ཁ་པར་ཨང་གྲངས་སོགས་དགོས་ངེས་ལོ་རྒྱུས་ཁ་གསལ་བཅས་ཕྱི་ཟླ་ ༦ པའི་ཚེས་ ༡༥ འགྱངས་མེད་འབུལ་ཐུབ་པ་དགོས།
  ❖ དོགས་འདྲི་གནང་དགོས་ཚེ་ཆེད་སྦྱོང་སྡེ་ཚན་རིག་སྡེ་འགན་འཛིན་གྱི་གློག་འཕྲིན་ཁ་བྱང་། སྙན་ཞུ་དྲྭ་ལམ་ནས་འབུལ་མ་ཐུབ་ཚེ་གཤམ་གསལ་གློག་འཕྲིན་བརྒྱུད་འབུལ་ཀྱང་འཐུས།
  Email: dean-specialized-studies@dalailamainstitute.edu.in དང་ཁ་པར་ཨང་། 8318168863 ཐོག་འབྲེལ་བ་གནང་རོགས་ཞུ།