གནངས་ཉིན་ནས་བདུན་ཕྲག་གཅིག་རིང་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ ༢༠ པ་པེ་ཅིན་དུ་འཚོག་རྒྱུ་ཡིན་པས་ཆོས་ཕྱོགས་ཀྱི་མཛད་སྒོ་སོགས་མི་མང་འདུ་འཛོམས་རིགས་གཏན་ནས་མི་ཆོག་པ་མ་ཟད་སྤྱི་ཚོགས་དྲ་ལམ་དུ་ཆོས་ལུགས་དང་འབྲེལ་བ་ཡོད་པའི་ཡི་གེ་དང་པར་རིས་སོགས་སྤེལ་མི་ཆོག་པའི་བཀའ་བཏང་འདུག
རྒྱ་ནག་དམར་ཤོག་ཚོགས་པའི་ཚོགས་ཆེན་འཚོག་ལ་ཉེ་བའི་སྐབས་འདིར། རྒྱ་ནག་གཞུང་གིས་ཏོག་དབྱིབས་རིམས་ནད་གཙང་སེལ་གྱི་སྲིད་ཇུས་ཟེར་བ་ཞིག་སྤེལ་ནས། མི་རྣམས་ཀྱི་འགྲོ་འདུག་ལ་དམ་དྲག་དང་དྲག་གནོན་ཤུགས་ཆེན་བྱེད་མུས་ཡིན་པ་ལྟར། ཉེ་ལམ་ནས་བཟུང་རྒྱ་ནག་གཞུང་གིས་བོད་ཀྱི་རྒྱལ་ས་ལྷ་ས་དང་མངའ་རིས། དཀར་མཛེས། རྔ་བ། མཚོ་སྔོན་ཞིང་ཆེན་གྱི་མཚོ་ལྷོ་ཁུལ་དང་། རྨ་ལྷོ་ཁུལ། མཚོ་བྱང་ཁུལ། མཚོ་ཤར་ཁུལ་སོགས་སུ་དམག་མི་སྔར་ལས་མང་བ་ཞིག་འགྲེམས་འཇོག་བྱས་ཏེ། རིམས་ནད་ལ་ཁ་གཡར་ནས་བོད་རིགས་མང་ཚོགས་ཀྱི་འགྲོ་འདུག་ལ་བཀག་སྡོམ་དང་ཁ་པར་སོགས་ཀྱི་ནང་ཞིབ་བཤེར་ནན་མོ་བྱེད་བཞིན་ཡོད་སྟབས། སྐད་འཕྲིན་ཚོགས་པ་ཁག་གི་ནང་ཆོས་ཕྱོགས་ཀྱི་པར་རིས་དང་། སངས་རྒྱས་ཀྱི་སྐུ་པར། མ་ཎི་ཡིག་དྲུག་སོགས་ཕན་ཚུན་བསྐུར་མི་ཆོག་པ་དང་། གལ་སྲིད་བསྐུར་བ་ཡིན་ན་དྲ་ལམ་དུ་དཀྲོག་གཏམ་སྤེལ་བའི་ཉེས་ཆད་གཅད་རྒྱུ་ཡིན་པས་ཚང་མས་ཡིད་གཟབ་དགོས་པའི་འབོད་སྐུལ་བྱས་འདུག
གནས་ཚུལ་མཁོ་སྤྲོད་པ་ཞིག་གིས་འདི་གའི་གསར་འགོད་པར། ད་ལྟའི་ཆར་བོད་ནང་གི་མཚོ་སྔོན་ཞིང་ཆེན་ཁོངས་ཀྱི་ཁུལ་དང་རྫོང་། གྲོང་བརྡལ། ཐ་ན་སྡེ་བ་སོ་སོར་ཉེན་རྟོག་པ་དང་ལས་བྱེད་མི་སྣས་ཆེད་མངག་གི་ཞིབ་བཤེར་ས་ཚིགས་བཙུགས་ཏེ། མང་ཚོགས་ཀྱི་འགྲོ་སྐྱོད་ལ་བཀག་སྡོམ་བྱེད་མུས་ཡིན་པ་མ་ཟད། བདུན་ཕྲག་རེ་རེ་བཞིན་དགོན་པའི་ནང་དུ་ཉེན་རྟོག་པ་ཡོང་ནས་ཆོས་ར་ཚོགས་པར་བཀག་འགོག་བྱེད་ཀྱི་འདུག་ལ། ཏོག་དབྱིབས་གཉན་རིམས་ལ་འགོག་སྲུང་དང་མང་ཚོགས་ཀྱི་འཕྲོད་བསྟེན་ཆེད་དུ་ཡིན་ཟེར་གྱི་འདུག་ཀྱང་། དོན་དངོས་སུ་དེ་འདྲ་ཞིག་གཏན་ནས་མ་རེད། འགོག་སྲུང་ས་ཚིགས་ཀྱི་ལས་བྱེད་དང་དམག་མི་དེ་དག་གིས། ཡར་མར་འགྲོ་འོང་བྱེད་པའི་བོད་མི་རྣམས་ཀྱི་ཁ་པར་ནང་སྔོག་བཤེར་བྱེད་ཀྱི་ཡོད་པ་མ་ཟད། ག་བར་འགྲོ་ཡི་ཡོད་པ་དང་གང་དུ་བསྡད་རྒྱུ་ཡིན་མིན་སོགས་འདྲི་རྩད་བྱས་ཏེ་ཐོ་འགོད་བྱེད་ཀྱི་ཡོད་ཀྱང་། དོན་དངོས་སུ་ལས་བྱེད་དང་ཉེན་རྟོག་པ་ཁོ་རང་ཚོས་ཀྱང་ཁ་རས་གྱོན་མེད་སྐོར་དང་། ཞིབ་བཤེར་ས་ཚིགས་སུ་ཡོད་པའི་དམག་མི་དེ་དག་གིས། ཏང་གི་ཚོགས་ཆེན་གྲོལ་རྗེས་རིམས་ནད་ཀྱི་བཀག་སྡོམ་གློད་རྒྱུ་ཡིན་པས། ཏང་གི་ཚོགས་ཆེན་མ་གྲོལ་བར་དུ་རང་ཁྱིམ་ལས་ས་གནས་གཞན་ལ་འགྲོ་མི་ཆོག་པ་མ་ཟད། གལ་ཏེ་ཁོང་ཚོས་བཤད་པ་བཞིན་མ་བྱས་ན། རིམས་ནད་སྐབས་སུ་ཁྲིམས་འགལ་ཚབས་ཆེན་བྱས་པའི་ནག་ཉེས་འོག་བཀག་ཉར་བྱ་རྒྱུ་ཡིན་ལུགས་ཀྱི་འཇིགས་སྐུལ་བྱེད་ཀྱི་ཡོད་སྐོར་བརྗོད་བྱུང་།
ཉེ་ལམ་ནས་རྒྱ་ནག་གཞུང་གིས་བོད་མཚོ་སྔོན་ཞིང་ཆེན་གྱི་ས་གནས་མང་པོར་རྒྱ་སྐད་དུ་(村警)དང་བོད་སྐད་དུ་སྡེ་དམག་ཞེས་པའི་དམག་མི་རེ་རེ་མངག་གཏོང་བྱས་ཏེ། གྲོང་མི་ཚོའི་འགྲོ་འདུག་སྤྱོད་གསུམ་ལ་རྟོག་ཞིབ་དང་། གྲོང་སྡེ་སོ་སོའི་ནང་ཕྱི་ནས་ཡོང་མཁན་སུ་སུ་ཡོད་མེད་ཞིབ་འཇུག་བྱས་ཏེ། ས་གནས་ཉེན་རྟོག་ཁང་དུ་འབོད་འགུག་བྱས་ནས་ཐོ་འགོད་འདྲི་རྩད་བྱེད་དགོས་ཀྱི་ཡོད་འདུག གནས་ཚུལ་མཁོ་སྤྲོད་པས་སྡེ་དམག་ཅེས་པ་དེ་མངགས་ནས་མི་གསུམ་ཙམ་མཉམ་དུ་འགྲོ་ཡི་ཡོད་ནའང་ལྟ་ཞིབ་དོགས་གཟོན་བྱེད་ཀྱི་ཡོད་སྐོར་འགྲེལ་བརྗོད་བྱས་བྱུང་།
ཁ་སང་རྒྱ་ནག་པེ་ཅིན་མཁར་གྱི་ཆེས་སྟོབས་འབྱོར་ཅན་དུ་ངོས་འཛིན་བྱེད་བཞིན་པའི་ནུབ་བྱང་ཁུལ་གྱི་ཧའེ་ཏིན་ཁུལ་གྱི་སི་ཐོང་ཟམ་པའི་ཐོག་ཏུ་དུ་ནག་ལང་ལོང་དུ་འཕྱུར་ཞིང་། ངོ་རྒོལ་འཕྲེད་དར་རིང་པོ་གཉིས་དཔྱངས་ཏེ་ཞི་ཅིན་ཕིང་དང་དམར་ཤོག་གཞུང་ལ་ངོ་རྒོལ་བྱས་ཡོད་པའི་ཡུལ་དངོས་ཀྱི་གནས་ཚུལ་ཞིག་འཛམ་གླིང་གང་སར་ཁྱབ་སྟེ། པེ་ཅིན་དུ་ལྕགས་འཁྲབ་འཁོར་ལོའི་མདུན་འགོག་མཁན་གསར་པ་(New Tank man)ཞིག་བསླེབས་འདུག་ཅེས་གླེང་གཞི་ཆེན་པོ་ཆགས་ཡོད་པ་རེད། ད་ལྟའི་ཆར་རྒོལ་གཏམ་སྒྲོག་མཁན་དེ་སུ་ཡིན་མིན་དང་ད་ལྟ་གང་དུ་ཡོད་མེད་སོགས་ཀྱི་གནས་ཚུལ་གང་ཡང་གོ་རྒྱུ་མེད་ཀྱང་། ཁ་སང་ཕྱི་དྲོར་དེ་མ་ཐག་འཕྲེད་དར་གཉིས་མར་བླངས་ཏེ་དུ་ནག་འཕྱུར་བའི་མེ་བསད་པ་དང་ཁུལ་དེར་ཉེན་རྟོག་དམག་མི་མང་པོ་འགྲེམས་འཇོག་བྱས་ཡོད་པ་རེད།
ཞི་ཅིན་ཕིང་དང་དམར་ཤོག་ཚོགས་པར་ངོ་རྒོལ་གྱི་འཕྲེད་དར་གཅིག་གི་ནང་དུ། ང་ཚོར་ནད་དུག་བརྟག་
ཉེ་ཆར་ནས་རྒྱ་ནག་གི་གྲོང་ཁྱེར་ཁག་ ༧༠ ལྷག་གི་ནང་ཏོག་དབྱིབས་གཉན་རིམས་འགོག་སྲུང་གི་མིང་ཐོག་ནས་ཐེམ་སྤང་བཀའ་རྒྱ་ལག་བསྟར་བྱེད་བཞིན་ཡོད་འདུག་ལ། ལྷག་པར་དུ་པེ་ཅིན་མཁར་གྱི་ཕྱི་མི་དང་གཏན་སྡོད་མི་མང་བཅས་ལ་རྒྱལ་སྟོན་དུས་ཆེན་སྐབས་ས་གནས་གཞན་དུ་ཕྱིན་པ་དང་ཕྱིར་ལོག་བྱས་པར་བསྙད་དེ། ཉུང་མཐར་བདུན་ཕྲག་གཅིག་རིང་རང་ཁྱིམ་དུ་སྡོད་དགོས་པའི་བཀའ་རྒྱ་ལག་བསྟར་བྱེད་བཞིན་ཡོད་པ་མ་ཟད། དམངས་གཙོ་དོན་གཉེར་བ་དང་
གསར་འགོད་པ། དཔལ་ལྡན།
