རྒྱལ་སྤྱིའི་ཆུ་བོ་སྲུང་སྐྱོབ་ཉིན་མོ་གཙི་སྲུང་དང་བསྟུན་བོད་ཀྱི་སྲིད་ཇུས་ཉམས་ཞིབ་ཁང་སོགས་ཀྱིས་བོད་ནང་གི་ཛ་དྲག་གནས་སྟངས་ཐོག་དོན་ཚན་བཅུ་ཅན་གྱི་འབོད་སྐུལ་ཞུ་ཡིག་བསྒྲགས་སོང་།
དེ་རིང་སྔ་དྲོ་ཆུ་ཚོད་ ༡༠།༣༠ ཐོག་གངས་སྐྱིད་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ། བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག རྒྱལ་སྤྱིའི་ཆུ་བོ་སྲུང་སྐྱོབ་ཉིན་མོ་(International Day of Action for Rivers) གཙི་སྲུང་དང་བསྟུན། ད་ལྟའི་བོད་ནང་གི་ཛ་དྲག་གནས་སྟངས་ཐོག་བགྲོ་གླེང་ཚོགས་འདུ་ཞིག་འཚོགས་སོང་།
ཐེངས་འདིའི་བགྲོ་གླེང་ཐོག་བོད་ཀྱི་སྲིད་ཇུས་ཉམས་ཞིབ་ཁང་གི་འགན་འཛིན་གཞོན་པ་འཛམ་ལྷ་བསྟན་པ་རྒྱལ་མཚན་ལགས་དང་། སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བདེ་ཆེན་དཔལ་མོ་ལགས། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་བསྟན་འཛིན་ལུང་རྟོགས་ལགས། རྒྱལ་སྤྱིའི་བོད་དོན་འབྲེལ་མཐུད་ཁང་གི་ཉམས་ཞིབ་པ་བློ་བཟང་དབྱངས་མཚོ་ལགས། བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བསྟན་འཛིན་ལྷ་སྒྲོན་ལགས། གཞུང་ཁོངས་མིན་པའི་ཚོགས་སྡེ་ཁག་གི་སྐུ་ཚབ་དང་ཉམས་ཞིབ་པ་བཅས་མཉམ་ཞུགས་གནང་འདུག
ཐེངས་འདིའི་བགྲོ་གླེང་སྐོར་ལ་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་འཛམ་ལྷ་བསྟན་པ་རྒྱལ་མཚན་ལགས་ཀྱིས་གསར་འགོད་པར། དེ་རིང་ནི་རྒྱལ་སྤྱིའི་ཆུ་བོ་སྲུང་སྐྱོབ་ཉིན་མོ་ཆགས་ཀྱི་ཡོད་པ་དང་བསྟུན། ང་ཚོའི་ངོས་ནས་བོད་ཀྱི་ཆུ་བོ་སྲུང་སྐྱོབ་ཐོག་བགྲོ་གླེང་ཞིག་འཚོག་དགོས་པ་གལ་ཆེན་ཏུ་མཐོང་སོང་། ད་ལྟའི་ཆར་རྒྱ་ནག་གཞུང་གིས་བོད་ཀྱི་སྡེ་དགེ་ཁུལ་དུ་ཆུ་མཛོད་བརྒྱབ་སྟེ་ཡུལ་མི་མང་པོ་གནས་སྤོ་དང་རིག་གཞུང་གཏོར་བཤིག་གཏོང་བཞིན་པའི་ཛ་དྲག་གི་གནས་སྟངས་ཤིག་ཆགས་ཡོད། ཐེངས་འདིའི་མཁས་པའི་བགྲོ་གླེང་བརྒྱུད་ནས་རྒྱ་གཞུང་གིས་ཆུ་མཛོད་འཛུགས་སྐྲུན་གྱི་ལས་གཞིས་མི་མང་དང་། ཁོར་ཡུག རིག་གཞུང་སོགས་ལ་གཏོར་བཤིག་གཏོང་བཞིིན་པ་གསལ་སྟོན་བྱེད་ཆེད་ཡིན་པ་མ་ཟད། རྒྱ་གཞུང་གིས་བོད་མི་མང་གི་བདེ་སྡུག་ལ་འགན་འཁུར་བྱེད་དགོས་པ་ར་སྤྲོད་བྱེད་ཀྱི་ཡོད། དེ་བཞིན་ཐེངས་འདིར་འབོད་སྐུལ་དོན་ཚན་བཅུ་ཅན་ཞིག་བཏོན་ཡོད་པའང་བོད་ནང་གི་དཀའ་ངལ་གྱི་དོན་གནད་ཞིག་ཡིན་པས་རྒྱ་གཞུང་དང་རྒྱལ་སྤྱིའི་ཐོག་དོ་སྣང་བྱ་རྒྱུ་གལ་ཆེན་པོ་ཡིན། ཞེས་བརྗོད་སོང་།
བགྲོ་གླེང་སྐོར་ལ་རྒྱལ་སྤྱིའི་བོད་དོན་འབྲེལ་མཐུད་ཁང་གི་ཁོར་ཡུག་ཉམས་ཞིབ་པ་བློ་བཟང་དབྱངས་མཚོ་ལགས་ཀྱིས། རྒྱ་གཞུང་གིས་བོད་ཀྱི་སྡེ་དགེ་ཁུལ་དུ་ཆུ་མཛོད་གསར་རྒྱག་ལས་གཞི་འགྲོ་བཞིན་ཡོད་པར་རྒྱལ་སྤྱིའི་ཆུ་བོ་སྲུང་སྐྱོབ་ཉིན་མོ་དང་འབྲེལ་བ་ཤུགས་ཆེན་ཆགས་ཡོད། རྒྱ་གཞུང་གིས་རྒྱལ་སྤྱིའི་ཐོག་ཁོར་ཡུག་སྲུང་སྐྱོབ་མང་པོ་བཤད་ཀྱིན་ཡོད་ཀྱང་། དངོས་གནས་ཚུལ་ཐོག་བོད་ཀྱི་ནང་དུ་དཀའ་ངལ་འབྱུང་བཞིན་པ་མངོན་གསལ་དོད་པོ་རེད། རྒྱལ་སྤྱིའི་ཐོག་བོད་ནང་གི་གནས་སྟངས་ལ་གསལ་བཤད་བྱེད་མཁན་ཧ་ཅང་ཉུང་ཉུང་ཡིན་པས། རྒྱལ་སྤྱིའི་གནས་སྟངས་འོག་རྒྱ་ནག་གི་ཁོར་ཡུག་སྲུང་སྐྱོབ་དང་འབྲེལ་ནས་བོད་སྡེ་དགེ་ཁུལ་གྱི་དཀའ་ངལ་དང་འབྲེལ་བའི་སྐོར་བགྲོ་གླེང་བྱས་ཡོད་ཅིང་། རྒྱ་གཞུང་གིས་རྒྱལ་སྤྱིའི་ཐོག་ཁས་ལེན་མང་པོ་ཞིག་བྱས་ཡོད་པ་རེད། རྒྱ་གཞུང་གིས་ཁས་ལེན་བྱས་པ་དག་ལག་བསྟར་བྱེད་སྐབས་སུ་ལ་དོ་ཕོག་འགྲོ་ཡི་ཡོད་མེད་ཤེས་དགོས་པ་གལ་ཆེན་རེད། རྒྱ་གཞུང་གིས་རྒྱལ་སྤྱིའི་ཐོག་ཆུ་མཛོད་འཛུགས་སྐྲུན་བྱེད་པ་ཁོར་ཡུག་སྲུང་སྐྱོབ་ཀྱི་ལས་གཞི་ཡིན་པར་སྒྲོག་གིན་ཡོད་ཀྱང་། ཆུ་མཛོད་འཛུགས་སྐྲུན་གྱིས་བོད་ཀྱི་ས་ཆ་དང་། ཁོར་ཡུག མི་མང་སོགས་ལ་དོ་ཕོག་འགྲོ་བཞིན་ཡོད་པ་རྒྱལ་སྤྱིའི་ཐོག་ཤེས་ཀྱི་མེད་པ་གསལ་བོ་བཟོ་དགོས་པ་གལ་ཆེན་པོ་རེད། རྒྱ་གཞུང་གིས་བོད་ནང་ཆུ་རགས་འཛུགས་སྐྲུན་དེ་ཁོར་ཡུག་སྲུང་སྐྱོབ་ཀྱི་ལས་གཞི་གལ་ཆེན་དུ་བརྩི་བཞིན་ཡོད་ཀྱང་། དངོས་ཡོད་གནས་སྟངས་ཐོག་ཕན་ཐོགས་གང་ཡང་བྱུང་གི་མེད། དེ་བཞིན་རྒྱ་གཞུང་གིས་ཉི་གློག་འཛུགས་སྐྲུན་གྱིས་བོད་ནང་གི་རྩྭ་སར་གནོད་སྐྱོན་ཐེབས་བཞིན་པ་སོགས་རྒྱ་གཞུང་གི་སྲིད་ཇུས་དང་ལག་ལེན་གཉིས་མཐུན་གྱི་མེད་པ་གསལ་བོ་རེད། ཅེས་འགྲེལ་བརྗོད་གནང་སོང་།
བོད་ནང་གི་ཆུ་རགས་ཀྱི་སྐོར་ལ་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བདེ་ཆེན་དཔལ་མོ་ལགས་ཀྱིས། རྒྱ་གཞུང་གིས་འབྲི་ཆུའི་རྒྱུད་དུ་ཆུ་རགས་བཅུ་གསུམ་འཛུགས་སྐྲུན་བྱ་རྒྱུའི་འཆར་གཞི་ཡོད་ཅིང་། ད་ལྟའི་ཆར་བརྒྱབ་ཟིན་པའི་ཆུ་རགས་ཀྱི་གནས་ཚུལ་ཤེས་རྟོགས་བྱུང་ཐུབ་ཡོད་ཀྱང་། བོད་ནང་སྡེ་དགེ་ཁུལ་གྱི་སྐམ་ཐོག་ཆུ་མཛོད་འཛུགས་སྐྲུན་ལ་མི་མང་གིས་ངོ་རྒོལ་ཤུགས་ཆེན་བྱས་རྐྱེན། བོད་ནང་གི་ཆུ་རགས་འཛུགས་སྐྲུན་གྱི་ལས་གཞི་དང་འབྲེལ་བའི་གནས་ཚུལ་ཆ་ཚང་དྲ་ཐོག་ནས་བཀག་སྡོམ་བྱས་འདུག ད་ལྟའི་ཆར་བོད་ནང་དུ་ཆུ་མཛོད་འཛུགས་སྐྲུན་གྱི་དཀའ་ངལ་ཞིག་ཆགས་ཀྱི་ཡོད་པ་དང་། མ་འོངས་པར་རྒྱ་གཞུང་གིས་བོད་ནང་དུ་ཆུ་མཛོད་མང་པོ་རྒྱག་འཆར་ཡོད་པས། དེ་ཨེ་ཤ་ཡའི་ཁྱོན་ཡོངས་ཀྱི་དཀའ་ངལ་ཆགས་རྒྱུ་ཡིན་པར་བརྟེན། རྒྱལ་སྤྱིའི་སྤྱི་ཚོགས་ནས་ཀྱང་མཉམ་རུབ་ཀྱིས་ཨེ་ཤ་ཡའི་ཆུའི་དཀའ་ངལ་ཐོག་རྒྱ་གཞུང་ལ་གདོང་ལེན་བྱེད་དགོས་པའི་དུས་ཚོད་ཅིག་རེད། ཅེས་འགྲེལ་བརྗོད་གནང་སོང་།
ཐེངས་འདིའི་བགློ་གླེང་ཐོག་འབོད་སྐུལ་དོན་ཚན་བཅུ་ཅན་ཞིག་འགྲེམས་
གསར་འགོད་པ། བྱམས་པ་ཚེ་རིང་། རྩོམ་སྒྲིག་པ། སྐལ་བཟང་སྦྱིན་པ།
