Prime Minister of Nepal K.P. Sharma Oli departs for Beijing on a four-day official visit to China, in Kathmandu, Nepal, on December 2, 2024. | Photo Credit: PTI
རྒྱ་ནག་གི་སྲིད་བློན་ལི་ཆང་ (Li Qiang) གིས་མགྲོན་འབོད་བྱས་ཏེ། དེ་རིང་ཕྱི་ཚེས་ ༢ ནས་ ༥ བར་བལ་ཡུལ་གྱི་སྲིད་བློན་ཤར་མཱ་ཨོ་ལི་(K P Sharma Oli ) རྒྱ་ནག་ལ་གཞུང་འབྲེལ་སྐོར་སྐྱོད་དུ་འགྲོ་ཡི་ཡོད་འདུག ད་ཐེངས་ཁོས་རྒྱ་ནག་གི་མགོ་ཁྲིད་ཞི་ཅིན་ཕིན་དང་། སྲིད་བློན་ལི་ཆང་། དེ་བཞིན་རྒྱ་ནག་གི་ཆེས་མཐོའི་མགོ་འཁྲིད་ཁག་ཅིག་དང་ཐུག་འཕྲད་བྱ་རྒྱུ་ཡིན་འདུག་ལ། རྒྱ་ནག་ཕྱི་སྲིད་བློན་ཆེན་ལས་ཁུངས་ཀྱི་མགྲིན་ཚབ་པ་མའོ་ཉིང་(Mao Ning) ཟེར་བས་རྒྱུན་ལྡན་གྱི་གསར་འགོད་གསལ་བསྒྲགས་ཤིག་གི་ཐོག ད་ལན་གྱི་ཕྱོགས་གཉིས་ཀྱི་མགོ་ཁྲིད་ཀྱི་ཐུག་འཕྲད་སྐབས། ཕྱོགས་གཉིས་ཀྱི་དུས་ཡུན་རིང་པོའི་ལོ་རྒྱུས་རང་བཞིན་ལྡན་པའི་མཛའ་འབྲེལ་གྱི་གནད་དོན་དང་། རྒྱུད་གཅིག་ལམ་གཅིག་གི་མཉམ་ལས་ཀྱི་ནུས་པ་སྔར་ལས་སྐྱེད་ཐབས། ཕྱོགས་གཉིས་ཀྱི་ཁེ་ཕན་ལ་དམིགས་པའི་རྒྱལ་སྤྱི་དང་ས་གནས་རིམ་པའི་གནད་དོན་ཚུད་པའི་མཉམ་ལས་དང་བརྗེ་བསྒྱུར་གྱི་ལས་དོན་ཐད་ལ་སྐད་ཆ་བཤད་རྒྱུ་ཡིན་ལ། རྒྱ་ནག་ཕྱོགས་ནས་ཐབས་ཇུས་ལྡན་པའི་མཉམ་ལས་བྱེད་པར་གྲ་སྒྲིག་ཨང་གསར་ཡོད་ལུགས་ཙམ་བརྗོད་ཡོད་པ་ལས། འདས་པའི་ལོ་ཤས་ནང་རྒྱ་ནག་གཞུང་གིས་བོད་བལ་ས་མཚམས་ཁག་བཅུ་ཙམ་གྱི་ནང་གཞུང་ལམ་དང་གྲོང་སྡེ་གསར་རྒྱག དམག་སྡེ་འདུགས་སྐྲུན་བྱས་ཏེ་མཐའ་མཚམས་ཀྱི་མི་མང་ལ་དཀའ་ངལ་འཕྲད་བཞིན་པའི་གནད་དོན་སོགས་ཀྱི་སྐོར་གླེང་རྒྱུ་ཡིན་མིན་བཤད་མི་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
