༧གོང་ས་རྒྱལ་བ་རིན་པོ་ཆེ་མཆོག་
༧གོང་ས་རྒྱལ་བ་རིན་པོ་ཆེ་མཆོག་ལ་དགེ་བཤེས་ལྷ་རམས་པའི་བཀའ་དྲིན་རྗེས་དྲན་གྱི་གཟེངས་རྟགས་ཕུལ། ༢༠༢༥།༡༢།༡༤ དགའ་ལྡན་ཕོ་བྲང་གི་སྐུ་པར།
དེ་རིང་ཕྱི་ལོ་༢༠༢༥ ཟླ་ ༡༢ ཚེས་ ༡༤ ཉིན་ཏེ་དགའ་ལྡན་ལྔ་མཆོད་ཀྱི་ཉི
སྐབས་དེར་ཤར་རྩེ་མཁན་པོ་བྱང་ཆུ༧གོང་ས་རྒྱ དི་ཉིད་གུས་ཅག་སྐྱ
Representatives from the Gelugpa Buddhist Cultural Society holding a commemorative award in honour of the 51st anniversary of His Holiness the Dalai Lama being formally awarded the degree of Geshé Lharampa during Ganden Ngamchö Celebrations at Drepung Monastery in Mundgod, Karnataka, India on December 14, 2025. Photo by Tenzin Choejor མཁན་པོ་ལགས་ཀྱིས་དགེ་བཤེས་ལྷ་ ཕྱི
རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲྭ་ཚང་དུ་དད་ལྡན་སེར་སྐྱ་མི་མང་འདུ་འཛོམས། ༢༠༢༥།༡༢།༡༤ དགའ་ལྡན་ཕོ་བྲང་གི་པར། ཡང་ཁོང་གིས། ཕྱི་ལོ་ ༢༠༢༡ ནས་ལྷ་རམས་ལོ་རིམ་གཉིས་ལ། ཚད་ཆེན་རྩ་འགྲེལ་དང་ཚད་མ་ཀུན་བཏུས། བྱམས་ཆོས་ཕྱི་མ་བཞི། དབུ་མ་རིགས་ཚོགས་དྲུག་དང་། དབུ་མ་སྙིང་པོ་རྩ་འགྲེལ། དབུ་མ་རྒྱན་དང་དབུ་མ་སྣང་བ་སོགས་དབུ་ཕར་ཚད་གསུམ་གྱི་རྒྱ་གཞུང་ཁོ་ན་སློབ་ཚན་དུ་བཞག་སྟེ་རྩོད་རྒྱུགས་དང་གཞུང་བཤད་གཉིས་ཀྱི་སྒོ་ནས་རྒྱུགས་འབུལ་ཞུ་བཞིན་ཡོད་ལ། དེའི་སྔོན་འགྲོར་བྱམས་ཆོས་དང་རིགས་ཚོགས་དགུན་ཆོས་ཆེན་མོ་ལོ་ལྟར་གདན་ས་གསུམ་དུ་འཚོགས་རེས་གནང་སྟེ་ལོ་དགུ་འགྲོ་བཞིན་ཡོད། དགེ་ལུགས་རྒྱུགས་སྤྲོད་ཆེན་མོའི་སློབ་གཉེར་བའི་གྲངས་ཚད་ལ། འདི་ལོར་མཚོན་ན། བཀའ་རམས་ལོ་རིམ་གཉིས་དང་། སློབ་དཔོན་ལོ་རིམ་གཉིས། ལྷ་རམས་ལོ་རིམ་གཉིས་བཅས་འཛིན་གྲྭ་དྲུག་ལ། གདན་ས་ཆེན་པོ་སེ་འབྲས་དགའ་གསུམ་གྱི་གྲྭ་ཚང་དྲུག་དང་། བཀྲ་ཤིས་ལྷུན་པོ། ར་སྟོད་གྲྭ་ཚང་བཅས་ཀྱི་སློབ་གཉེར་བ་གྲངས་ ༡༢༦༩ ཡོད་པ་ལས། འདི་ལོའི་གསར་ཞུགས་པ་གྲངས་ ༢༤༥ དང་། འདི་ལོ་དགེ་ལུགས་རྒྱུགས་སྤྲོད་ཐོན་པ་ལྷ་རམས་པ་གྲངས། ༢༡༥ བྱུང་ཡོད། ཕྱི་ལོ་ ༡༩༧༥ ནས་ ༢༠༢༥ བར་ལོ་ངོ་ ༥༠ རིང་དགེ་ལུགས་རྒྱུགས་སྤྲོད་ཆེན་མོར་ཞུགས་མཁན་སློབ་གཉེར་བ་གྲངས་ ༤༥༩༦ བྱུང་བ་ནས། ད་བར་དགེ་བཤེས་ལྷ་རམས་པའི་ཕྱག་འཁྱེར་བཞེས་མཁན་གྲངས་ ༢༢༦༠ བྱུང་ཡོད། གཞན་ཡང་༧གོང་ས་རྒྱལ་བ་རིན་པོ་ཆེ་མཆོག་གི་རླབས་ཆེན་གྱི་དགོངས་གཞི་དང་བཀའ་སློབ་ལམ་སྟོན་སྔ་རྗེས་ཕེབས་དགོངས་བཞིན། ཝ་ཎ་སྨོན་ལམ་ཚོགས་པ་ནས་ལོ་ལྟར་༸རྒྱལ་བའི་འཁྲུངས་སྐར་དུས་ཆེན་ཉིན། ཝཱ་ར་ཎ་སི་ས་གནས་ཡུལ་མི་ཉམ་ཐག་གི་ཕྲུ་གུ་ ༡༡༣ ལ་སློབ་ཡོན་ཕུལ་དང་འབུལ་བཞིན་པ་ནས་ད་བར་ཐེངས་ ༡༣ ཙམ་ཕུལ་ཡོད། ཝཱ་ར་ཎ་སི་བོད་ཀྱི་མཐོ་རིམ་གཙུག་ལག་སློབ་གཉེར་ཁང་དུ་སློབ་ཕྲུག་གསར་ཞུགས་པ་རྣམས་ལ་ཟུར་སྦྱོང་ཟླ་བ་གསུམ་ལྷག་བཞུགས་གནས་ཁང་པ་རིན་མེད་ཐོག་མཐུན་འགྱུར་ཞུ་བཞིན་པ་དང་། དེ་བཞིན་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་གཞུང་ཆེན་རིགས་གཅིག་རྐང་འཛིན་དང་ཉམས་ཞིབ་ལས་གཞི་ཐེངས་གཉིས་པ་འགྲོ་བཞིན་པ། པཱ་ལི་དང་ལེགས་སྦྱར་ཆོས་བརྒྱུད་འཛིན་པའི་བར་ཤེས་ཡོན་བརྗེ་ལེན་གྱི་ལས་གཞི་ཐེངས་བཞི་པ་འགྲོ་བཞིན་པ། རྒྱལ་སྤྱིའི་ངོས་ལེན་ཡོད་པའི་ནང་པའི་སློབ་གཉེར་ཁང་གི་བཅའ་ཁྲིམས་གཏན་འབེབས་དང་འབྲེལ་གསར་འཛུགས་ཞུ་རྒྱུའི་ལས་གཞི་འགྲོ་བཞིན་ཡོད་པས་མཚོན་༸གོང་ས་རྒྱལ་བ་རིན་པོ་ཆེ་མཆོག་གི་བཀའ་དགོངས་གཞིར་བཟུང་ལས་གཞི་མི་ཉུང་བ་ཞིག་ལག་བསྟར་འགྲོ་བཞིན་ཡོད། ཅེས་གསུངས་སོང་།
གསར་འགོད་པ་དཔལ་ལྡན་གྱིས་འབྲས་
