ཕྱི་ལོ་ ༢༠༢༦ ལོའི་འཛམ་གླིང་རྐང་སྤོལ་འགྲན་ཚོགས་ཀྱི་རྟིང་རྩོད་འགྲན་སྡུར་ཁྲོད་སི་པེན་རྒྱལ་ཁབ་ཀྱིས་གསེར་གྱི་བུམ་པ་དེ་བཀྱགས་སོང་།
དེ་རིང་ཕྱི་ཚེས་ ༢༠ ཉིན་ཨ་རིའི་ནེའུ་ཇར་སི་རུ་ཕྱི་ལོ་ ༢༠༢༦ ལོའི་འཛམ་གླིང་རྐང་སྤོལ་འགྲན་ཚོགས་ཀྱི་རྟིང་རྩོད་འགྲན་ཚོགས་དེ་བསྡུས་ཡོད་ཅིང་། ལྷོ་ཨ་མེ་རི་ཁའི་རྒྱལ་ཁབ་ཨར་ཇིན་ཊི་ན་དང་། ཡུ་རོབ་ཀྱི་སི་པེན་རྒྱལ་གཉིས་བར་ཐོག་མའི་དུས་ཡུན་སྐར་མ་ ༩༠ རྩེད་འགྲན་ནང་འདྲ་མཉམ་ཆགས་ནས། ཐེངས་གཉིས་ལ་སྐར་མ་ ༡༥ རེ་ཕྱིར་འགྱངས་བྱས་ཏེ་ཁྱོན་སྐར་མ་ ༡༢༠ རིང་རྟིང་རྩོད་བྱས་མཐར། སི་པེན་གྱིས་སྤོ་ལོ་གཅིག་བླུགས་ནས། འདི་ལོའི་གསེར་གྱི་བུམ་པ་དེ་སི་པེན་གྱིས་བཀྱགས་སོང་། དེ་ནི་སི་པེན་རྒྱལ་ཁབ་ཀྱིས་ཕྱི་ལོ་༢༠༡༠ རྗེས་གསེར་གྱི་བུམ་པ་བཀྱགས་ཐེངས་དང་པོར་གྱུར།
འདི་ལོའི་རྩེད་འགྲན་ཁྲོད་སི་པེན་གྱི་རུ་དཔོན་རོ་དྷུ་ (Rodri) ལགས་ལ་རྩེད་འགྲན་པ་ཡག་ཤོས་ཀྱི་གསེར་གྱི་སྤོ་ལོའི ( golden ball) བྱ་དགའ་ཐོབ་ཡོད་པ་དང་། དེ་བཞིན་སི་པེན་གྱི་སྒོ་ར་བ་སི་མན་( unai Simon )ལ་གསེར་གྱི་ལག་ཤུབ་ (golden gloves)། དེ་བཞིན་སི་པེན་གྱི་འགོག་སྲུང་རྩེད་འགྲན་པ་ཀ་བྷར་སི( Cubarsi) ལ་ལོ་ཆུང་རྩེད་འགྲན་པ་ཡག་ཤོས་ཀྱི་བྱ་དགའ་ཐོབ་ཡོད་པ་རེད་འདུག
ཧྥི་ཧྥ་རྩེད་འགྲན་ཕྱི་ལོ ༡༩༣༠ ལོར་མགོ་བརྩམས་པ་ནས་བཟུང་ད་བར་གྱི་རྩེད་འགྲན་ཁྲོད། བྷི་རཱ་ཛིལ (Brazil ) གྱིས་གསེར་གྱི་རྟགས་མ་ཐེངས་ ༥ བཀྱགས་ཡོད་པ་དང་། འཇར་མ་ནི( Germany) དང་( Italy )ཡིས་ཐེངས་ ༤ རེ། ཡུ་རུ་གྷེ་ཡ( Uruguary)དང་ཧྥ་རན་སི་ ༢ རེ། ཨར་ཇིན་ཊི་ན་ཡིས་ཐེངས་ ༣ ཆགས་ཡོད་པ་རེད་ལ། འདི་ལོར་ལོའི་འཛམ་གླིང་རྐང་སྤོལ་རྩེད་འགྲན་དེ་བྱང་ཨ་རི་དང་། ཁེ་ན་ཊ། མེ་སི་ཁོ་(Mexico)བཅས་རྒྱལ་ཁབ་གསུམ་གྱིས་མཉམ་དུ་གོ་སྒྲིག་བྱས་འདུག
གྲགས་ཆེ་བའི་རྐང་རྩེད་སྤོ་ལོའི་འགྲན་ཚོགས་དེ་ནི་ཕྱི་ལོ་ ༡༩༣༠ ལོར་ལྷོ་ཨ་མེ་རི་ཁའི་རྒྱལ་ཁབ་ཡུ་གྷེ་རུ་ ( Uruguay ) རུ་ཐོག་མའི་ས་བོན་འབུས། དེ་ནས་བཟུང་ལོ་བཞི་རེའི་མཚམས་སུ་ལོ་ལྟར་རྩེད་འགྲན་དེ་བསྡུ་འཆར་ཡོད་ཀྱང་། འཛམ་གླིང་དམག་ཆེན་གཉིས་པའི་རྐྱེན་གྱིས་ཕྱི་ལོ་ ༡༩༤༢ དང་ ༡༩༤༦ གཉིས་སུ་རྩེད་འགྲན་བསྡུས་མེད་ཀྱང་། ཕྱི་ལོ ༡༩༥༠ ལོར་ལྷོ་མེ་རི་ཁའི་བྷི་རཱ་ཛིལ ( Brazil ) གྱིས་རྩེད་འགྲན་གོ་སྒྲིག་བྱས་རྗེས། ད་བར་ལོ་བཞི་རེའི་མཚམས་སུ་གཅིག་ཀྱང་མ་ཆད་པར་ལུ་གུ་རྒྱུད་དུ་བསྡུས་ཡོད་དེ། ཡུ་རོབ་ཀྱི་རྒྱལ་ཁབ་ཧྥ་རན་སི ( France ) དང་འཇར་མི་ནི་(Germany ) ཨི་ཊ་ལི (Italy ) བཅས་ཀྱིས་ཐེངས་གཉིས་རེར་རྩེད་འགྲན་གོ་སྒྲིག་བྱས་འདུག དེ་བཞིན་སི་པེན( Spain ) དང་དབྱིན་ཡུལ། ཨར་ཇིན་ཊི་ན་( Argentina ) སོགས་ཀྱིས་ཐེངས་གཅིག་རེར་གོ་སྒྲིག་བྱས་འདུག ལྷག་པར་དུ་ཕྱི་ལོ་ ༢༠༠༢ ལོའི་རྩེད་འགྲན་དེ་ཉི་ཧོང་དང་ལྷོ་ཀོ་རི་ཡར་འཚོགས་ཡོད་ཅིང་། དེ་ནི་ཨེ་ཤ་ཡའི་ནང་དུ་རྒྱལ་སྤྱིའི་སྐྱེས་པའི་རྐང་སྤོལ་འགྲན་ཚོགས་བསྡུ་ཐེངས་དང་པོར་གྱུར་ཡོད་འདུག་ལ། ཕྱི་ལོ་ ༢༠༢༢ རྩེད་འགྲན་ཐེངས་ ༢༢ པ་དེ་ཨེ་ཤ་ཡའི་ཁོ་ཊར་རྒྱལ་ཁབ་ཏུ་འཚོགས་ཡོད་ཅིང་། དེ་ནི་ཨེ་ཤ་ཡའི་ནང་བསྡུ་ཐེངས་གཉིས་པ་དེ་ཆགས་ཡོད་པ་རེད་འདུག་ལ། ཧྥི་ཧྥ་རྐང་སྤོལ་རྩེད་འགྲན་ནི་གོ་ལ་ཡོངས་ཀྱི་རྐང་སྤོལ་རྩེད་འགྲན་གྱི་སྡིངས་ཆ་ཆེ་ཤོས་ཤིག་ཏུ་ངོས་འཛིན་བྱེད་ཀྱིན་ཡོད།
ཕྱི་ལོ ༢༠༢༢ ལོར་ཁོ་ཊར་དུ་འཚོགས་པའི་རྩེད་འགྲན་ཁྲོད། རྩེད་རིགས་དབྱེ་ཞིབ་པ་མང་པོ་ཞིག་གིས། ཐོག་མའི་རྩེད་འགྲན་གྱི་རིམ་པ་དང་། རྩེད་འགྲན་པ་རྣམས་ཀྱི་ནུས་རྩལ་དང་དྲག་འདེམས་ཀྱི་རིམ་པ། རུ་ཁག་གི་སྤྱི་ཡོངས་ཀྱི་རྩེད་འགྲན་པ་རྣམས་ལ་གཞིགས་ནས། ལོ་དེའི་རྒྱལ་སྤྱིའི་ཧྥི་ཧྥ་གསེར་གྱི་རྟགས་མ་དེ། ཧྥ་རན་སི་ ( France )དང་། བྷི་རཱ་ཛིལ (Brazil ) འཇར་མ་ནི( Germany) སི་པེན (Spain) ཨར་ཇིན་ཊི་ན( Argentina) དབྱིན་ཡུལ་གང་རུང་ཞིག་ལ་འཐོབ་རྒྱུའི་ཚོད་དཔག་བྱེད་ཀྱི་ཡོད་ཀྱང་། མཐར་རྣོ་ངར་ལྡན་པའི་རྩེད་འགྲན་གྱི་ཁྲོད་ནས་ཨར་ཇིན་ཊི་ནས་འཛམ་གླིང་རྐང་སྤོལ་གྱི་གསེར་གྱི་བུམ་པ་དེ་བཀྱགས་ཡོད་ཅིང་། ད་ལོའང་རྩེད་རིགས་དབྱེ་ཞིབ་རྣམས་ཀྱིས་དབྱེ་ཞིབ་དང་ཚོད་དཔག་མང་དག་ཅིག་བྱས་ཡོད་ཀྱང་། མཐར་སི་པེན་རྒྱལ་ཁབ་ཀྱིས་གསེར་བུམ་བཀྱགས་ནས་འཛམ་གླིང་ཡོངས་སུ་སྐད་གྲགས་བཞག་སོང་།
ཧྥི་ཧྥ་རྩེད་འགྲན་ཕྱི་ལོ ༡༩༣༠ ལོར་མགོ་བརྩམས་པ་ནས་བཟུང་ད་བར་གྱི་རྩེད་འགྲན་ནང་། བྷི་རཱ་ཛིལ (Brazil ) གྱིས་གསེར་གྱི་རྟགས་མ་ཐེངས་ ༥ བཀྱགས་ཡོད་པ་དང་། འཇར་མ་ནི( Germany) དང་( Italy ) ཡིས་ཐེངས་ ༤ རེ། ཨར་ཇན་ཊི་ན་ཐེངས་ ༣ ། ཡུ་རུ་གྷེ་ཡ( Uruguary) ཧྥ་རན་སི་གཉིས་ཀྱིས་ཐེངས་ ༢ རེར་བཀྱགས་ཡོད་འདུག
གསར་འགོད་པ། དཔལ་ལྡན།
