འབྲེལ་ཡོད་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ཚེས་ ༢ ཉིན་གྲྭ་ཡེ་ཤེས་སྦྱིན་པ་རྒྱ་གཞུང་གིས་ལྷ་ས་ནས་འཛིན་བཟུང་བྱས་ཡོད་འདུག
ཡེ་ཤེས་སྦྱིན་པ་ནི་སོག་རྫོང་ཙན་དན་དགོན་པའི་གྲྭ་པ་ཡིན་པ་དང་ད་ལོ་རང་ལོ་ ༤༤ ཡིན། ཕ་ཡི་མིང་ལ་གུ་རུ་བསོད་ནམས་ཟེར་གྱི་ཡོད་པ་རེད། ཁོང་ནམ་རྒྱུན་གཟུགས་གཞི་བདེ་བོ་མེད་རྐྱེན་ལྷ་སར་སྨན་བཅོས་བྱེད་བཞིན་བསྡད་ཡོད་པ་རེད། འོན་ཀྱང་གློ་བུར་དུ་རྒྱ་གཞུང་གིས་འཛིན་བཟུང་བྱས་ནས་ད་ལྟ་ནག་ཆུ་གྲོང་ཁྱེར་གྱི་བཙོན་ཁང་ཞིག་ཏུ་བཅུག་ཡོད་པའི་གནས་ཚུལ་ཤེས་རྟོགས་བྱུང་བ་ཙམ་ལས། འཛིན་བཟུང་བཙོན་འཇུག་བྱེད་དགོས་པའི་རྒྱུ་མཚན་གང་ཡང་ཕྱིར་བསྒྲགས་བྱས་མེད་པ་ མ་ཟད། ནང་མི་སྤུན་མཆེད་སུ་ལ་ཡང་འབྲེལ་གཏུག་བྱེད་བཅུག་མེད་པ་རེད་འདུག
གནས་ཚུལ་མཁོ་སྤྲོད་པ་ངག་དབང་ཐར་པ་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དངོས་གནས་རེད། གྲྭ་ཡེ་ཤེས་སྦྱིན་པ་ལ་བོད་ཀྱི་ཤ་ཁྲག་ཞིག་ཡོད་བདེན་པ་རེད། དེ་ཡང་རྒྱ་དམར་གྱིས་གསལ་གསལ་ཐིང་ཐིང་ཤེས་ཀྱི་ཡོད། དེར་བརྟེན་མུ་མཐུད་དེ། ཤེས་ཡོན་ཅན་དང་སྤྱི་པའི་དོན་དུ་ལས་འགན་སྒྲུབ་མཁན་རེ་རེ་ནས་འཇུ་བྱེད་ཀྱིན་འདུག འདི་མུར་ཡུན་རིང་ལུས་པ་ཡིན་ན་བོད་ནང་གི་ཤེས་ལྡན་མི་སྣ་ཡོད་ཚད་འཇུ་བཟུང་གིས་མེད་པ་བཟོ་ཐབས་ཀྱིན་འདུག ད་ཚོས་ཐབས་ལམ་གང་འདྲ་ཞིག་དང་། ལས་འགུལ་ཅི་འདྲ་སྤེལ་དགོས་སམ།
རྒྱ་དམར་ཁྲམ་པ་ཧམ་པ་ཇེ་ཆེ་རེད་།།
བོད་ཀྱི་གནས་སྟངས་ཇེ་སྡུག་ཇེ་ཞན་རེད་།།
ད་ནི་རང་མགོ་ཅི་ཐོན་མི་བྱེད་པ།།
རང་ནུས་གང་ལྕོགས་སྤྱི་དོན་རྒྱ་མཚོ་རུ།།
བློ་ལྡན་རྣམས་ཀྱི་ཆ་ཤས་ཐིགས་པ་ཙམ།།
ད་ནས་འབུལ་རན་ཡིན་པས་བློ་མ་འཁུམས།།
དྲ་གྲོགས་རྣམ་པ་ལགས། ང་ཚོ་རང་དབང་ལུང་པར་ གང་ཟག་སྒེར་གྱི་ངོས་ནི་བོད་ཀྱི་རྩ་དོན་ཞིག་བསྒྲུབ་འདོད་ན་ ལས་འགུལ་སྟབས་བདེ་བ་ཕན་ཐོགས་ཆེ་བ་ཅི་ཞིག་སྤེལ་ཐུབ་ན་བཟང་ངམ་ སློབ་སྟོན་དང་དགོངས་ཚུལ་གནང་རོགས།།
ཁ་འཇམ་པོའི་ཚིག་ཞིག་ལས་མ་བྱུང་ཡང་དངོས་སུ་ལས་གྲུབ་མཁན་ཁྱེད་རྣམས་ལ་ཕུལ་བཞིན་ཡོད། དེ་ནི་སེམས་འདུན་མཚོན་ཆེད་ཙམ་ཡིན། བོད་རྒྱལ་ལོ༎
སྐུ་ཞབས་ཡེ་ཤེས་སྦྱིན་པས་གཙོས་པའི་ཉེས་མེད་གང་བྱུང་འཛིན་བཟུང་བྱ་བཞིན་པའི་བོད་མི་རྣམས་གང་མགྱོགས་བདེན་པའི་མཐའ་གསལ་ཏེ་གློད་འགྲོལ་ཡོང་བའི་སྨོན་ལམ་ཞུ་རྒྱུ་དང༌། གནས་ཚུལ་མཁོ་བཏོན་དང་འགོད་སྤེལ་གནང་མཁན་རྣམས་ལའང་དུས་ཐོག་སྤེལ་གནང་བར་ཐུགས་རྗེ་ཆེ་ཞུ། ང་ཚོས་དུས་རྟག་ཏུ་ཐུགས་རྗེ་ཆེ་མང་དུ་ཞུ་བ་ནི་རང་ཉིད་ཀྱི་ལས་མ་ཐུབ་པའི་ཁ་འཇམ་པོའི་ཚིག་ཞིག་མ་བྱུང་ཡང་སོ་སོའི་མི་རིགས་དང་སྤྱི་པའི་དོན་དུ་ལས་ཀ་བྱ་མཁན་ཚོར་ཕུལ་གང་ཐུབ་བྱ་གི་ཡོད།
གྲྭ་ཡེ་ཤེས་སྦྱིན་པ་ལ་བོད་ཀྱི་ཤ་ཁྲག་ཅིག་ཡོད་པས་མིན་ནམ།
གངས་ཅན་ཞིང་གི་ཆོས་སྲིད་བྱ་བའི་དུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་། །སྐྱེ་ཀུན་ཕྱག་ན་པདྨོས་རྗེས་བཟུང་ཤོག །
ཁམས་སོག་རྫོང་དུ་དམིགས་བསལ་གྱི་དམ་དྲག་བྱེད་པ་དེང་སྐབས་ཙམ་མ་ཡིན་པར་དགུ་བཅུ་གོ་བཞི་གོ་ལྔ་ཡན་མས་ནས་དམ་དྲག་ཤུགས་ཆེར་བྱས་ཡོད། དེའི་འབྱུང་རྐྱེན་གཙོ་བོ་སྐབས་དེ་དུས་སོག་རྫོང་དུ་བོད་ཕོ་གསར་བཅུ་གྲངས་ཤིག་གིས་རྒྱ་མིའི་ཚོང་ཁང་དང་ཟ་ཁང་སོགས་གཅིག་ཀྱང་མ་ལུས་པར་གཏོར་བཅོམ་བྱས་ཏེ་སོག་རྫོང་རྒྱ་མིའི་ཁེ་གཉེར་བ་གཅིག་ཀྱང་མེད་པར་བྱས་ཡོད། དེར་མ་ཟད་འགད་རྫས་འཐོར་བ་དང་དུས་ཡུན་རིང་པོར་བོད་རང་བཙན་གྱི་སྦྱར་ཡིག་གིས་ས་ཕྱོགས་གང་སར་ཁྱབ་པར་བྱས་ཡོད། དེའི་རྐྱེན་གྱིས་ས་གནས་དཔོན་རིགས་དང་ཉན་རྟོག་ལས་ཁུངས་ཀྱིས་གནས་ཚུལ་རྩད་གཅོད་བྱས་པ་བརྒྱུད་ཙན་དན་དགོན་གྱི་གྲྭ་འགའ་ཞིག་ལ་ཚེ་བཙོན་དང་། ལ་ལར་མི་ལོ་བཅོ་ལྔའི་ཁྲིམས་ཐག་བཅད་ཡོད། རྗེས་སུ་ས་གནས་དཔོན་རིགས་ཀྱིས་རྒྱབ་སྐྱོར་འོག་རྒྱ་རིགས་ཚོར་གཉེར་བ་ཕོན་འབྱོར་ནས་བོད་མིར་བརྙས་བཅོས་ཆེད་གསོད་ཚད་མེད་བྱས་པར་བརྟེན་ཡུལ་འདིའི་མི་རྣམས་ཀྱིས་རྒྱ་མིར་འཁོན་འཛིན་ཆེན་པོ་བྱེད་ཀྱིན་ཡོད།
དེ་ནས་བཟུང་ས་གནས་དེ་དང་དགོན་པ་དེར་ཞི་བདེ་ལྷིང་འཇགས་ཀྱི་འཚོ་བ་རོལ་ཕར་ཞོག དུས་རྟག་ཏུ་འདྲི་རྩད་དང་སོ་ལྟ་ལྐོག་ཉན་རླུང་འཚུབས་འོག་ནས་ཡུལ་འདིའི་སྐྱ་སེར་ཕལ་མོ་ཆཻར་ཁྲིམས་ཆད་རྡུང་རྡིག་ཚད་ལས་བརྒལ་བ་ཕོག་ཡོད།
༢༠༠༧ལོར་སླར་ཡང་རྒྱ་རིགས་དང་བོད་རིགས་དབར་འཁྲུག་རྩོད་བྱུང་སྟེ། ས་གནས་དེའི་བོད་སྟོང་ཕྲག་མང་པོ་འདུ་འཛོམས་ཀྱིས་རྒྱ་དམར་རྒྱང་ཕུད་ཐེངས་ཤིག་བྱས་སྐད་འདུག གནས་ཚུལ་དེ་དག་ལ་བརྟེན་དམིགས་བསལ་གྱི་དམ་དྲག་བྱེད་ཀྱི་ཡོད།
རྒྱ་དམར་གུང་ཁྲན་གིས་མི་ལོ་དྲུག་བཅུའི་རིང་ལ། གཞིས་ལུས་བོད་མི་ཐོག་ལ་སྡུག་རྒྱང་གནར་བཅོད་བཏང་བཞིན་པ་དེ། ང་ཚོ་མི་རབ་གསར་པ་སྐྱ་སེར་ཕོ་མོ་སུ་ཡིན་ན་ཡང་མ་འོངས་པའི་གཞོན་ནུ་དག་གི སེམས་ལ་གནས་ཐུབ་པ་ཞིག་ང་ཚོའི་མི་ཐོག་འདིས་ལས་མགན་ཡིན་པ་ཚང་མས་་ཤེས་དགོས།
ཁམས་སོག་རྫོང་ཕྱོགས་ལ་དམིགས་གསལ་གྱིས་དམ་དྲག་འདྲ་ཞིག་བྱེད་ཀྱིན་ཡོད་ས་རེད། རྒྱ་རྩོག་དེ་ཚོ། གཞིས་ལུས་བོད་མིའི་མངོན་འདོད་རྒྱལ་གྱུར་ཅིག