བོད་ཀྱི་དུས་བབ་སྤྱིའི་འདོན་ཐེངས་ ༤༧༣ པའི་སྟེང་གི་རྩོམ་སྒྲིག་པའི་གཏམ།
ད་བར་གྱི་མི་ལོ་དགུའི་རིང་པེ་ཅིན་དང་ངྷ་ས་གཉིས་ཀྱིས་གནད་དོན་ཅི་ཙམ་གྱི་སྟེང་གོ་བསྡུར་ག་ཚོད་བྱས་རུང་མདོར་བསྡུས་ན་ཕན་ཚུན་བར་ཡིད་ཆེས་མ་རྙེད་པ་དེས་ཕམ་ཞིང་། ད་ནི་ཡིད་ཆེས་བསྐྲུན་སྟངས་ཤིག་ཡོད་མེད་ཀྱང་བཤད་ཚོད་ཐིག་གི་མེད།
ཕྱོགས་གཉིས་ཀས་འཁང་ར་འདོན་སྐབས་ཅིག་ཤོས་ཀྱི་བཤད་སྟངས་དང་སྒྲུབ་སྟངས་བར་ན་འགལ་བ་སྟོང་ཕྲག་རེ་ཡོད་པར་བཤད་ཅིང་། ནམ་ཡང་ཡིད་ཆེས་བློ་གཏོད་མེད་ལུགས་བགྲངས། དེ་བས་ཕྱོགས་གཉིས་ཀས་ཁ་བཤད་ཀྱི་ལམ་ནས་ཕན་ཚུན་གྱི་ཡིད་ཆེས་འཚོལ་རྒྱུ་བཞག་སྟེ་ལག་ལེན་གྱི་ཐོག་ནས་ཕན་ཚུན་ལ་གོ་སྐབས་བསྐྲུན་རེས་བྱེད་དགོས་ཀྱི་འདུག
ང་ཚོའི་ངོས་ནས་བཤད་ན། གོ་སྐབས་འདི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་ནས་སྤྲོད་རེས་བྱས་ན་འགྲིག ཐོག་མ་དེར། ཆོལ་གསུམ་གཅིག་གྱུར་གྱི་ཚད་མཐོའི་རང་སྐྱོང་གི་གནས་བབ་དང་༧གོང་ས་མཆོག་རྒྱ་ནག་རི་བོ་རྩེ་ལྔར་ཕེབས་རྒྱུའི་དགོངས་ཚུལ་དེ་དག་སྐྱུར་ཏེ། པེ་ཅིན་དང་ངྷ་ས་གཉིས་ཐུན་མོང་གིས་གཉེར་བའི་ཏཱ་ལའི་བླ་མའི་དྲ་ཚིགས་ཤིག་གམ། ཡང་ན། དེ་མིན་གྱི་བརྒྱུད་ལམ་ཞིག་གང་མྱུར་བོད་ས་ཁུལ་གཙོས་རྒྱ་ནག་རྒྱལ་ཡོངས་ལ་སྒོ་ཕྱེ་དགོས་པར་འདུག དྲ་ཚིགས་དེ་བརྒྱུད་ནས་༧གོང་ས་མཆོག་གིས་ཁོང་གི་ལྷག་བསམ་ལ་རྨ་མེད་པའི་དབུ་མའི་ལམ་གྱི་དགོངས་གཞིའི་སྟེང་ནས་བོད་རྒྱ་གཉིས་མཉམ་གནས་ཡོང་ཐབས་དང་། བོད་རིགས་མི་དམངས་ཀྱིས་ཁ་བྲལ་དང་དྲག་པོའི་ལས་འགུལ་མི་སྤེལ་བར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་འགལ་བའི་ཐོག་ནས་བོད་རང་གི་རིག་གཞུང་དང་ཁོར་ཡུག་སྲུང་སྐྱོབ་གནང་ཕྱོགས་སྐོར་ལ་བཀའ་སློབ་དང་ལམ་སྟོན་གནང་དགོས་པར་འདོད། ད་དུང་སྲིད་འཛིན་ཧུའུ་ཅིན་ཐའོ་ཡི་འཆམ་མཐུན་སྤྱི་ཚོགས་ཀྱི་དགོངས་དོན་ཁག་ཀྱང་དྲ་ཚིགས་འདི་བརྒྱུད་དེ་སྤེལ་ཆོག
གོ་སྐབས་འདི་ནི་ད་གཟོད་ཡིད་ཆེས་ཀྱི་ཁོར་ཡུག་བསྐྲུན་ས་ལེགས་ཤོས་དེ་ཡིན་ལ། ཕྱོགས་གང་ཡིན་རུང་ཁ་བཤད་དང་ལག་ལེན་བར་དུ་འགལ་བ་ཡོད་མེད་ཀྱི་དོགས་པ་རྣམ་རྟོག་སེལ་སའང་བརྒྱུད་ལམ་འདི་ཡིན། པེ་ཅིན་ལ་འདི་ལྟའི་གདེང་ཚོད་ཅིག་ཡོད་དམ།
ད་དུང་འཐབ་ཕྱོགས་གཅིག་གྱུར་ཁང་དང་༧གོང་ས་མཆོག་གི་དམིགས་བསལ་སྐུ་ཚབ་ཚོས་ཕན་ཚུན་ལ་གོ་བརྡ་འཕྲོད་ཀྱི་ཡོད་མེད་ལ་དོགས་པ་ཟ་མཁན་ཡང་ཡོད་སྟབས། ༧གོང་ས་མཆོག་སྐུ་དངོས་ཀྱིས་དྲ་ཐོག་གམ་བརྒྱུད་ལམ་གཞན་ནས་རྒྱ་རིགས་དང་བོད་རིགས་མི་དམངས་ཀྱིས་གཙོས་པའི་ཀྲུང་གོའི་མི་རིགས་ཚང་མར་བཀའ་སློབ་ལམ་སྟོན་གནང་སྟེ། ཧུའུ་ཅིན་ཐའོ་ཡི་འཆམ་མཐུན་གྱི་སྤྱི་ཚོགས་འཛུགས་སྐྲུན་གནང་ཕྱོགས་ལ་ཕྱག་ལས་གནང་རྒྱུ་ནི་ཐབས་ལེགས་ཤོས་དེ་ཡིན་ངེས།
ད་ལྟའི་ཆར་༧གོང་ས་མཆོག་གི་སྐུ་ཚབ་ཚོ་ནི་པེ་ཅིན་དང་ངྷ་སའི་བར་གྱི་བརྒྱུད་ལམ་དེ་ཆགས་ཡོད་མོད། ད་བར་གྱི་ཉམས་མྱོང་ལ་བལྟས་ན་བརྒྱུད་ལམ་འདིའི་གྲུབ་འབྲས་ཇེ་ཆུང་དུ་གྱུར་ཡོད། དེ་བས་སྐུ་ཚབ་ལས་ལྷག་པའི་བརྒྱུད་ལམ་གཞན་དེ་ཕྱེ་ན་ལེགས་པར་འདོད་དོ།།
ཆབ་སྲིད་ཀྱི་དགོས་མཁོའི་དབང་གི་འཕྲེད་འཛིན་བྱས་པ་ལས། རྒྱ་ནག་གཞུང་ནས་༸གོང་ས་མཆོག་གི་དགོང་གཞི་མ་རྟོག་པ་ག་ལ་ཡིན། དེས་ན་རྒྱུད་ལམ་དེ་འདྲ་ཞིག་ཕྱེས་ན་དེ་ནི་རྒྱ་ནག་མི་མང་ནས་༸གོང་ས་མཆོག་གི་དགོང་པར་རྒྱུས་ལོན་བྱེད་ས་ཞིག་ཡིན་དགོས་ལ། རྒྱ་ནག་གཞུང་ལ་འདི་འདྲའི་མདོད་པ་ཞིག་མེད་ངེས་རེད། གང་ལག་ཞེ་ན། རྒྱ་ནག་གཞུང་ནས་རྟག་ཏུ་༸གོང་ས་མཆོག་གི་དགོང་པར་འབྲེལ་བཤད་ལོག་པ་བརྒྱབ་ཏེ་མི་མང་ལ་མགོ་བསྐོར་གཏོང་གི་ཡོད་པ་མིན་ནམ།
༡ ད་ཡོད་ཀྱི་བརྒྱུད་ལམ་འདི་ལ་བརྟེན་ནས། ༢༠༠༢ནས་ད་ལྟ་ཚུན་ལ་གནས་སྟངས་ལ་འགྲེལ་བཤད་དང་ཡིག་ཆ་ལ་རྒྱས་འགྲེལ་བྱས་ནས་བསྡད་འདུག ད་དུས་ཚོད་དེ་རྫོགས་འདུག
༢ ད་ཡོད་ཀྱི་བརྒྱུད་ལམ་འདིའི་སྟེང་ན། ང་ཚོའི་གཞུང་གི་ངོས་ནས། ༧གོང་ས་མཆོག་གི་དམིགས་བསལ་སྐུ་ཚབ་ཟེར་བ་དང་རྒྱ་ནག་གཞུང་གི་ངོས་ནས་ཏཱ་ལའི་བླ་མའི་སྐུ་ཚབ་ཟེར་བ་འདིའི་སྒང་ན་བསྡད་འདུག རིམ་པ་འདི་ལས་གོང་དུ་འཕགས་པའི་ལམ་ཁ་འགག་ནས་ཡོད།
༣ ད་ཡོད་ཀྱི་བརྒྱུད་ལམ་འདི་ལ་བརྟེན་ནས་བྱེད་དགོས་བའི་ལས་ཀ་དེ་ཕལ་ཆེར་བྱས་ཚར་འདུག དེ་ནི་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་རྒྱ་ནག་གཞུང་གི་མདུན་ལ་འཇོག་རྒྱུ་དེ་རེད། དེ་བཞག་པས་མ་ཚད་དེའི་འགྲེལ་བཤད་རྒྱས་པ་དེ་ཡང་སྤྲད་ཚར་ཡོད། བརྒྱུད་ལམ་འདི་ལ་དེ་ལས་ལྷག་པའི་ལས་ཀ་བྱེད་རྒྱུ་མེད།
གོང་བཀོད་རྒྱུ་མཚན་གནས་བསྡུས་འདི་ཚོར་བརྟེན། བརྒྱུད་ལམ་ལ་འགྱུར་བ་གཏོང་དགོས་རེད་ལབ་ཀྱི་ཡོད།
དེ་ནས་སྐུ་ཚབ་ལ་འགྱུར་བ་གཏོང་དགོས་རེད་ཟེར་བའི་བསམ་ཚུལ་དེ་ཡིན།
སྐུ་ཚབ་ལ་འགྱུར་བ་གཏོང་དགོས་རེད་ཟེར་དོན་ནི་། སྐུ་ཚབ་ཀྱི་དགུང་ལོའི་བབ་དང་དུས་ཡུན་གྱི་གཉིས་ཀྱི་ཆ་ནས་ཡིན། དགུང་ལོ་བགྲེས་བ་དང་དུས་ཡུན་རིང་བའི་ཆ་ནས་ཡིན།
གལ་སྲིད་ད་ཡོད་ཀྱི་སྐུ་ཚབ་མུ་མཐུད་དུ་བཞུགས་པ་ཡིན་ན་ཡང་། དམིགས་བསལ་ཡིན་པ་དེར་དམིགས་བསལ་གྱི་ཕྱག་ལས་གནང་རྒྱུ་ལྷག་མེད་འདོད།
སྐུ་ཚབ་ལ་འགྱུར་བ་གཏོང་དགོས་བའི་ཐད་ཀྱི་བསམ་ཚུལ་ཞིག་འདི་རུ་ཡང་འདུག ཞོར་འཕྲོས་ཅུང་ཙམ་གླེང་ན། ད་ཡོད་ཀྱི་སྐུ་ཚབ་འདིས། ཕར་ཕྱོགས་ལ་ཕྱིན་ནས་ཁས་ལེན་འདྲ་བྱས། ཚུར་ཕྱོགས་ལ་སླེབས་ནས་ལག་ལེན་མ་བསྟར་བའི་གནད་དོན་ཁ་ཤས་ལ། སྔོན་མར་སྐྱོན་བརྗོད་ཡི་གེ་སླེབས་པའི་གནས་སྟངས་ཡང་འཕྲད་མྱོང་ཡོད། འོན་ཀྱང་། དེ་ཚོ་ང་ཚོའི་གཞུང་གི་ཕྱི་གསལ་ནང་གསལ་ཟེར་བའི་སྲིད་ཇུས་དེའི་རྒྱབ་ཀྱི་སྐད་ཆ་རེད།
འབྲེལ་མོལ་མཐུད་རྒྱག་སྟངས་ལ་འགྱུར་བ་གཏོང་དགོས་རེད་ཟེར་དོན་ནི། ད་ལྟའི་འབྲེལ་མོལ་གྱི་མཐུད་རྒྱག་སྟངས་ནི། ཡིག་ཆ་འགའ་མཐུད་རྒྱག་པ་དང་ཡིག་ཆ་དེ་ཡང་གྲོས་མོལ་དངོས་ཀྱི་རྨང་གཞི་མེད་པའི་ཐོག་ནས་མཐུད་རྒྱག་བཞིན་ཡོད་ལ། མཐུད་དེ་ཡང་མཐུད་ཀྱི་སྣེ་མོ་འཇུ་ས་མེད་ས་ཞིག་ལ་རྒྱག་གིན་ཡོད།
གང་ལྟར། མདོར་ན། འབྲེལ་མོལ་གྱི་བརྒྱུད་རིམ་ལ་འགྱུར་བ་ཕྱིན་ན། སྐུ་ཚབ་དང་འབྲེལ་མོལ་གྱི་མཐུད་རྒྱག་སྟངས་གཉིས་ལ་ཡང་འགྱུར་བ་འགྲོ་གི་རེད།
བསམ་ཚུལ་འདིར་རྒྱབ་སྐྱོར་ཡོད།
འབྲེལ་མོལ་ཐེངས་དགུ་བའི་སྐོར་ལ་ངས་མགོ་ཚོད་ལ་མ་ཚོད་ཅིག་སློབ་སྦྱོང་བྱས་པ་ལྟར་ན།
བོད་ཀྱི་བཞུགས་མོལ་ཚོགས་འདུ་ཐེངས་ལྔ་བའི་སྟེང་གཏན་འབེབས་བྱས་པའི་བོད་ཀྱི་སྲིད་བྱུས་དང་། བཙན་བྱོལ་བོད་གཞུང་གིས་རྒྱ་ནག་ལ་ཕུལ་བའི་རང་སྐྱོང་སྐོར་གྱི་ཡིག་ཆ་གཉིས་རྩ་བའི་ཆ་ནས་ཐོ་ཐུག་སོང་ཟེར་བ་འདི་ད་རེབ་ཀྱི་བརྗོད་དོན་གཙོ་བོ་དེ་ཆགས་འདུག
སྲིད་བྱུས་འདི་ཡང་དག་པར་ལག་ལེན་དུ་བསྟར་བ་ཡིན་ན་ད་ནི་དེ་ལས་ལྷག་གི་རེ་བ་ཞིག་ང་ཚོར་ཡང་མེད། ལག་བསྟར་བྱ་མིན་ལ་ང་ཚོས་ལྟ་གི་ཡིན་ཅེས་པ་འདི་ཐེངས་འདིའི་གྲོས་མོལ་གྱི་སྡོམ་འདྲ་བོ་ཆགས་འདུག
ད་ང་ཚོ་བྱེད་རྒྱུ་གཅིག་ལྷག་ཡོད་པ་ནི། བཙན་བྱོལ་གཞུང་ལྟེབས་ནས་དུས་གཅིག་ལ་དགྱ་ནག་གི་ཕྱི་སྡོད་བོད་མིའི་མིང་ཐོག་ནས་ཆ་རྐྱེན་གང་ཡང་འདོན་རྒྱུ་མེད་པར་ཕར་ལོག་རྒྱུ་དེ་རེད།
དགྱ་ནག་གི་ཕྱོགས་ནས་དེ་གཅིག་བུ་མ་གཏོགས་གཞན་གང་ལའང་སྐད་ཆ་བཤང་ཀྱིན་མི་འདུག
རྒྱ་གཞུང་ནི་རྡོ་ལྟ་བུ་རེད་ཅེས་བཤད་ན་འདོད་རུང་རྡོ་ལ་ཨི་ཁུང་བུག་ཐུབ་ཀྱིན་ཡོད། རྡོ་ལས་ཀྱང་མཁྲེགས་བའི་རྒྱ་གཞུང་ལ་དྲང་བདེན་དང་ཞི་བདེའི་གྲོས་མོལ་བྱེད་ས་མེད་ཅིང་། ཞི་མོལ་གྱི་ཐབས་ལམ་དང་དྲང་བདེན་གྱི་ཁ་ཕྱོགས་འཚོལ་བ་ནི་རྫུན་མ་རྫུན་རྐྱང་ལྟ་བུ་རེད། ད་ནི་ང་ཚོས་རྡོ་ཆེན་འདི་གཏོར་བར་ལྕགས་ཀྱི་ཐོ་བ་ཆུང་ཆུང་རེ་འཚོལ་སྒྲུག་བྱེད་པར་འགྲོ་དགོས་ཀྱིན་འདུག ད་ནས་བཟུང་ང་ཚོས་རང་ཐག་རང་གིས་ཆོད་ནས་བོིད་མི་སུ་འདྲ་ཞིག་དྲག་པོའི་ལམ་དུ་ཆས་འགྲོ་མཁན་ཡོད་དོ་ཅོག་རྣམས་གསང་བའི་སྒྲིག་འཛུགས་ཤིག་གི་འོག་ནས་ཕན་ཚུན་རྒྱུས་ལོན་གྲོས་བསྡུར་གྱིས་རྒྱ་ནག་གི་ས་ཁུལ་གང་ས་གང་དུའང་འ་ཆད་འུ་ཐུག་པའི་དྲག་པོའི་གཏོར་རྒོལ་གཏོང་དགོས་པའི་དུས་ལ་བབ་ཡོད། སྐྱེས་བའི་ཐ་མ་འཆི་རྒྱུ་ནི་ཆོས་ཉིད་ཙམ་དུ་མ་ཟད་མི་མཐོང་ལག་ཟིན་གྱི་ནང་ཆོས་དང་ཚན་རིག་གི་ལྟ་གྲུབ་ཐུན་མོང་བ་ཞིག་ཡིན་པ་རེད། ད་ནི་ང་ཚོས་དྲག་པོའི་ལྷ་དང་གདོན། བཙན། འདྲེ་མོ་ སྲུང་མ་གསོན་པོ་འཁྲབ་དགོས་པའི་དུས་ལ་བབ་ཡོད་པ་མཁྱེན་པར་གྱིས། ཉི་མ་དེ་རིང་ནས་བཟུང་ང་ནི་དྲག་པོའི་ལམ་དུ་ཆས་ཤིང་འགྲོ་མྱོང་བའི་མི་རྒན་རེ་གཉིས་སར་དྲག་པོའི་བཀའ་སློབ་ཞུ་ས་འགྲོ་ཐག་ཆོད་ཡིན།
ངེད་ཀྱིས་འདི་འདྲ་བསམ། གནད་འགག་ཐུག་ས་ནི། རྒྱ་ནག་གཞུང་གི་ངོས་ནས་བོད་མིའི་མངོན་འདོད་དང་འཚམས་པའི་བོད་ཀྱི་གནད་དོན་ཐག་གཅོད་བྱེད་ཀྱི་ཐབས་ལམ་ཞིག་རྙེད་ཀྱི་མེད་པ་དེ་རེད། ཡིད་ཆེས་ཡོད་མེད་ཟེར་བ་དེ། ཡིག་ཆའི་སྒང་ནས་ཐག་གཅོད་དགོས་བའི་སྐད་ཆ་ཞིག་རེད་འདོད།
རྒྱ་རི་ཕྱི་ལོ ༢༠༠༢ལོ་ནས་ཕྱི་ལོ ༢༠༡༠ལོར་སྐུ་ཚབ་གནང་བའི་འབྲས་བུ་བོད་དོན་ཏཱ་ལའི་ཅན་ནས་ཏཱ་ལའི་སྒེར་དོན་ཅན་ལ་བསྐུལ་འདེད་གནང་ཡོད་པས། བྱས་རྗེས་ཟེར་ན་འདི་འདྲ་དགོས། སྐུ་ཚབ་ཟེར་ན་འདི་འདྲ་དགོས། བོད་དོན་ཚར་རག་བར་དུ་སྐུ་ཚབ་གནང་བར་ཤོག བོད་པ་འཇིག་རག་བར་དུ་སྐུ་ཚབ་གནང་བར་ཤོག
བདེན་གི་ཡིད་ཆེས་མེད་པས་རེད། ཁ་སང་གི་ཟིན་བྲིས་དེ་རིག་ནས་འདིའི་ཕྱོགས་སུ་རེ་བ་མེད་པ་ཧ་གོ་སོང་། ཡིད་ཆེས་ཡ་ཡིད་ཆེས། ཁྱོད་ཇི་ལྟར་བྱས་ནས་ཡོང་གི་རེད། བོད་རྒྱ་དབར་དུ་གང་བྱས་ནས་སླེབས་ཀི་རེད། ལུང་རིགས་ལགས་ཀྱིས་འདི་འདྲའི་སྡོམ་ཚིག་ཅིག་བྲིས་པ་དགའ་ཡོད།
ལུང་རིགས་ལགས། ཟིན་བྲིས་ནང་གི་རྩོམ་ཡིག་དག་གི་གཤམ་དུ་ཡང་རྩོམ་ཡིག་དེ་ཀློག་གྲངས་ཀྱི་ཨང་ཀི་དེ་དག་འཆར་ཐུབ་པ་ཞིག་བཟོ་རོགས་གནོངས། སྐུ་མཁྱེན།
ལུང་རིགས་ལགས། འདི་འདྲའི་ཐབས་ལམ་འཚོལ་པར་བཀའ་དྲིན་ཆེ། རྒྱུ་མཚན་ལྡན་གི་འོན་ཀྱང་རྒྱ་རྒན་ཚང་ལ་དེའི་བློ་ཁོགས་ཡོད་མ་རེད།གང་ཡིན་ཟེར་ན་ཁོང་ཚོ་་ལ་གཡོ་སྒྱུ་དང་ཧམ་བཤད་བྱེད་རྒྱ་ལས་དྲངས་བདེན་དང་དངོས་ཡོད་ཀྱི་དྲ་རྒྱ་ཞིག་མཉམ་འབྲེལ་བྱེད་རྒྱུ་མ་རེད་འདོད། ད་སྐབས་བོད་ནང་ཁུལ་ན་དངོས་ཡོད་ཀྱི་གསར་འགྱུར་ {BBC ] CNN] ལྟ་བུ་ཡང་ལྟ་ཀློག་བྱེད་ཐུབ་གི་མེད་པ་དངོས་ཡོད་རེད་ དྲ་གྲོགས་ཚོ་་ད་དུང་ཐབས་ལམ་གང་ཞིག་འདུག་བསམ་གཞིགས་རེ་གནོང་དང།་བཀའ་དྲིན་ཆེ།།
སྔར་མོ་ཡིན་ན་བོད་ཀྱི་གཞོན་ནུ་ཚོགས་པ་དེ་ལ་ཡིད་ཆེས་ཆེན་པོ་ཡོད་ལ་རེ་བ་ཡང་དེ་ལྟར་ཡོད།ད་ལྟ་ཁོང་ཚོ་ཡང་འཚེར་མེད་ཞི་བའི་ལམ་དུ་སོང་བ་དང་།ཆུ་བཞི་སྒང་དྲུག་དམག་སྒར་ཞེས་སྐད་གྲགས་ཅན་དེ་ཡང་ད་ལྟ་ཉམས་པ་དང་ཨ་འབྲུག་ཚང་གི་དམག་གི་གོང་ས་དེ་ལ་དགེ་སློང་ཞིག་སླེབས་པར་མ་ཟད་ད་དུང་མིང་དེ་མདོ་སྟོད་གཅིག་བུ་ལ་གོ་རྒྱུ་བྱས་པ་སོགས་ཀྱི་བློ་ཕབ་ཆེན།ད་གང་དྲགས།
རྒྱ་ནག་གཞུངས་འཛིན་པ་ཚོ་ལ་དེ་ལྟ་བྱ་བའི་སྙིང་སྟོབས་ནམ་ཡང་ཡོང་མི་སྲིད།གང་ཡིན་ཟེར་ན་ཁོང་ཚོ་ལ་དྲང་བདེན་མེད་དོ།
སྐུ་ཞབས་ལུང་རིག་ལགས་ཀྱིས་གསེར་ལས་ལྷག་པའི་བསམ་ཚུལ་བཏོན་པར་དགའ་གུས་ཡི་རངས་ཞུ། བོད་རྒྱའི་འབྲེལ་མོལ་སྐོར་ལ་ངའི་ཀྱང་བསམ་བློ་མང་པོ་གཏོང་མྱོང་། འོན་ཀྱང་ཐབས་ལམ་འདི་འདྲ་ཞིག་གཏན་ནས་དྲན་ཐུབ་མ་སོང་། གཅིག་བྱས་ན་སྐུ་ཉིད་ནས་བཙལ་བྱོལ་བོད་གཞུང་ལ་ཐབས་ལམ་གསར་བ་ཞིག་བསྟན་འདུག ངའི་རེ་བར་སྐུ་ཉིད་ནས་མུ་མཐུད་ནས་འདིའི་སྐོར་ལ་བསམ་ཚུལ་རྒྱས་པ་ཞིག་བསྐྱར་དུ་འབྲི་རོགས།
ངའི་བལྟས་ན་ང་ཚོའི་ཞི་མོལ་འདིར་བསྟུན་མར་ཕམ་ཁ་རེག་པ་དེ་རྒྱ་ནག་གཞུང་ལ་༧གོང་ས་མཆོག་གི་དབུ་མའི་ལམ་གྱི་དགོངས་ཚུལ་ངོ་མ་འཕྲོད་པ་དེ་འདྲ་གཏན་ནས་མ་རེད་ལ། ༧གོང་ས་མཆོག་གིས་མ་འོངས་པར་རང་བཙན་ལས་འགུལ་སྤེལ་བར་དོགས་པ་འང་གཏན་ནས་མ་རེད་སྙམ། འོ་ན་ཅིའི་ཕྱིར་གྲུབ་འབྲས་མ་ཐོན་པ་རེད་ཟེར་ན། རྒྱ་ནག་གི་དབུ་ཁྲིད་ཚོར་དོགས་པ་ཆེན་པོ་གཉིས་ཡོད། དེ་ནི་དབུ་མའི་ལམ་གྱི་སྲིད་བྱུས་ཀྱི་སྟེང་ནས་བོད་གཞིས་བྱེས་མཉམ་འཛོམས་བྱུང་ན། ཕ་མེས་ཀྱི་ཆོས་ནང་པ་ཡིན་པའི་རྒྱ་རིགས་མི་མང་གིས་༧་གོང་ས་མཆོག་གི་གསུང་ཐོས་ཞལ་མཇལ་གྱི་གོ་སྐབས་འཐོབ་བདེ་བ་དང་། དེར་བརྟེན་ནས་རྒྱ་ནག་མི་མང་གིས་གོང་ས་མཆོག་ལ་དགའ་གུས་ཆེན་པོ་འཐོབ་ཅིང་༧གོང་ས་མཆོག་གིས་གོ་སྐབས་དམ་འཛིན་གྱིས་རྒྱ་ནག་དམངས་གཙོར་རྒྱུར་བའི་ཐབས་ཤེས་གཏོང་སྲིད་པ་དེ་རེད། གཉིས་པ་ནི། བོད་ལ་ཚད་མཐོའི་རང་སྐྱོངས་སྤྲད་པ་ཡིན་ན་ཞིན་ཅང་དང་ནང་སོག་ནས་ཀྱང་ཚད་མཐོའི་རང་སྐྱོངས་བརྩད་དེ་རྒྱ་ནག་ཕྱོགས་ཡོངས་ནས་རྙོག་དྲ་ཆེན་པོ་ནང་ལྷུང་སྲིད་པ་དེ་རེད་སྙམ། དེས་ཕྱིར་རྒྱ་ནག་གི་དབུ་ཁྲིད་ཚོ་རྒྱ་ནག་མི་མང་ལ་ཡིེད་ཆེས་མེད་པའི་དབང་གིས་ང་ཚོར་ཕམ་ཁ་ཡང་ཡང་རེག་པ་རེད་སྙམ།
གང་ལྟར་ཁྱེད་ཀྱི་བསམ་ཚུལ་དེར་སླར་ཡང་བཀའ་དྲིན་ཆེ་ཞེས་ཞུ་འདོད་བྱུང་།
རྒྱ་ནག་གིས་༸གོང་ས་མཆོག་གི་དགོངས་གཞི་མ་རྟོགས་པ་མ་རེད། གཙོ་བོ་བོད་པར་རང་དབང་དང་རང་བཙན་སྤྲོད་འདོད་མེད་པས་རེད། དེ་འདྲ་ཡིན་དུས་ང་ཚོས་ཀྱང་དེ་ལུགས་ཀྱི་ཁ་ཕྱོགས་ཤིག་འཚོལ་དགོས་པ་རེད།་ འདི་ལྟར་བསྡད་ན་ཐོབ་རྒྱུ་ཞིག་ཡོད་པ་ཕར་ཞོགས་་་་་་ནམ་ཞིག་བོད་མི་ཚོར་ཡང་སེམས་ཤུགས་ཆག་རྒྱུའི་ཉེན་ཁ་ཡོད་པ་རེད། སྐབས་དེར་ལས་དོན་བསྒྲུབས་ཀྱང་གྲུབ་འབྲས་ཤིག་ཡོང་མི་སྲིད་པས་དང་པོ་ནས་ཐབས་ཤེས་འདྲ་མིན་གཏོང་དགོས་པ་རེད།
ད་ལོ་རྒྱལ་སྤྱིའི་དྲ་རྒྱའི་ཚོགས་ཆེན་འཚོགས་གི་ཡོད་པ་རེད། དེ་དུས་ཀྱང་གླེང་ཆོག་གི་རེད། གོ་སྐབས་གང་ན་ཅི་ཡོད་འཚོལ་དགོས་པ་རེད།
༼ལྐུག་པའི་ཨུ་ཚུགས་༽དང་༼ཆུ་སྣ་གར་ཁྲིད་༽བྱས་ནས་ཡོང་ས་མ་རེད།
དྲ་རྒྱའི་བརྒྱུད་ལམ་དེ་གྲོས་མོལ་གྱི་ལམ་ཁ་མ་རེད། དེ་ནི་ལག་ལེན་གྱི་ཐོག་ནས་སྒྲུབ་རྒྱུ་ཞིག་རེད། དྲ་ཐོག་ནས་༧གོང་ས་མཆོག་གིས་བོད་རྒྱ་མཉམ་གནས་དགོངས་ཚུལ་དེར་ཁོང་ཉིད་ཞལ་ཞེ་གཉིས་མེད་ཡིན་པ་རྒྱ་ནག་གཞུང་དང་མི་དམངས་ལ་ཁུངས་སྐྱེལ་ཆེད་རེད། ༧གོང་ས་མཆོག་གིས་ཁུངས་སྐྱེལ་གནང་ཐུབ་རུང་། རྒྱ་ནག་གཞུང་ལ་དེའི་བློ་ཁོག་གིས་འདང་གི་མ་རེད་འདོད།
དྲ་རྒྱའི་བརྒྱུད་ལམ་དེ་རྒྱ་བོད་གདོང་དང་གདོང་ཐུག་ནས་གྲོས་མོལ་བྱེད་པའི་སྐུ་ཚབ་བརྒྱུད་ལམ་ལས་ལྷག་པ་ཞིག་ཨེ་ཡོད།་
ཕུན་ཚོགས་ལགས། སྐུ་སྒེར་ཡིག་ཚང་གིས་འདི་ལྟའི་བསམ་ཚུལ་བཏོན་མྱོང་ཡོད་མེད་བཤད་རྒྱུ་མེད།
གཙོ་བོ་དེ་རྒྱ་ནག་ལ་འདི་ཙམ་གྱི་གདེང་ཚོད་ཀྱང་མེད་ཚེ་བོད་རྒྱ་ཞི་མོལ་གྱི་ལམ་ནས་ཐག་གཅོད་ཐབས་ཤིག་མི་འདུག ཏཱ་ལའི་བླ་མས་ད་བར་དུ་ཁོང་གི་དགོངས་གཞི་རྣམས་ཁ་ཐུག་ཏུ་འཛམ་གླིང་མི་དམངས་ལ་བསྒྲགས་པ་རེད། ཁོང་ཞལ་ཞེ་གཉིས་མེད་ཡིན་ཚུལ་གསུངས་པ་རེད། འཛམ་གླིང་མི་དམངས་ཀྱིས་ཡིད་ཆེས་བྱེད་ཀྱིན་ཡོད་པ་རེད། ད་ནི་རྒྱ་རིགས་དང་བོད་རིགས་ཚོར་ཡང་ཁོང་གི་ཞལ་ཞེ་གཉིས་མེད་ཀྱི་དགོངས་ཚུལ་འདི་གསུང་འོས་པ་ཞིག་རེད།
རྒྱ་ནག་གི་དཔོན་རིགས་ཚོས་ཁོང་གི་དགོངས་གཞི་ཤེས་བཞིན་དུ་འཁྱོག་བཤད་བྱེད་ཀྱིན་ཡོད་པ་རེད། ད་ནི་གཞུང་དམངས་ཚང་མར་ཡོངས་ཁྱབ་ཀྱིས་ཁོང་གི་དགོངས་གཞི་བསྒྲག་རན་རེད་འདོད།
གོང་ས་མཆོག་གི་དགོངས་གཞི་ངོ་མ་དེ་ནི་ང་ཚོ་ལས་ལྷག་པ་རྒྱ་ནག་དཔོན་རིགས་ཁག་གི་ཤེས་ཀྱི་ཡོད། རྒྱ་ནག་གི་ཡིད་ཆེས་མེད་པ་མ་ཡིན་པར་ཁ་གཞན་ལ་གཡར་ཏེ་དུས་ཚོད་བཀག་ཐབས་བྱེད་རྒྱུ་དེ་རེད། དོན་ངོ་མར་ཚད་མཐོ་རང་སྐྱོང་རྒྱ་ནག་གི་ང་ཚོར་སྤྲད་འདོད་པར་མ་མཐོང་ངོ།།
ཕུན་ཚོགས་དང་དབྱངས་བུ་རྣམ་གཉིས་ཕེབས་ནས་བགྲོ་གླེང་གནང་བ་ཤིན་ཏུ་བཟང་།
ལྷག་པར་དུ་དབྱངས་བུ་ལགས་ཀྱིས་དྲི་བ་གཉིས་ཕུལ་འདུག
དང་པོ་དེར། ད་བར་གྱི་ཉམས་མྱོང་དེས་༧གོང་ས་མཆོག་ཀྱང་ཐུགས་ཕམ་དུ་བཅུག་ཡོད། ད་ནི་ཀྲུང་གོའི་སྲིད་གཞུང་ལ་རེ་བ་སྲབ་ནས་སྲབ་ཏུ་འགྲོ་གི་ཡོད་ཚུལ་ཁོང་གིས་ཐེངས་མང་གསུངས་སོང་། འདིར་བསམ་པ་ཙམ་གྱིས་ཀྱང་ཚད་གང་ཞིག་ལ་འགྲོ་གི་ཡོད་མེད་རྟོགས་ཐུབ་པར་འདོད།
གཉིས་པ་དེར། ངས་བཤད་པའི་བརྒྱུད་ལམ་དེ་ནི་ཏཱ་ལའི་བླ་མའི་དྲ་ཚིགས་ལྟ་བུ་ཞིག་རྒྱ་ནག་རྒྱལ་ཡོངས་ལ་སྒོ་ཕྱེ་ཐུབ་ན་བསམ་པ་དེ་ཡིན། གལ་སྲིད་ཕྱེ་ཐུབ་སོང་ན་དེང་སྐབས་རྒྱ་ནག་ཏུ་དྲ་རྒྱ་སྤྱོད་མཁན་ས་ཡ་ ༣༦༠ ལྷག་ཡོད། དབུས་གཙང་དུ་ ༡༠༠༠༠༠ ཡོད་ཚུལ་ཉིན་ཤས་རིང་བོད་ལྗོངས་ཀྱིས་བཤད་ཀྱིན་འདུག
ལྷག་པར་དུ། རྒྱ་ནག་གཞུང་དང་གཞུང་འབྲེལ་མིན་པའི་ལས་བྱེད་པ་དང་ཤེས་ཡོན་པ་ཕལ་ཆེ་བས་དྲ་རྒྱ་སྔོག་གི་རེད། དེར་བརྟེན། ༧གོང་ས་མཆོག་ཞལ་ཞེ་གཉིས་མེད་ཡིན་མིན་ཡང་གསལ་བོ་ཆགས་འགྲོ་གི་རེད། ད་བར་དུ་སེལ་མ་ཐུབ་པའི་དོགས་པ་རྣམ་རྟོག་གི་རྩིགས་གྱང་ཟད་རོ་དེ་དག་ཀྱང་གཏོར་ཐུབ་གི་རེད་འདོད་ཡོད།
རྩོམ་སྒྲིག་པ་ལུང་རིག་རྒྱལ་ལགས།
སྐུ་ཉིད་ཀྱི་རྩོམ་ཡིག་གི་འཇུག་ལ་དེ་ལྟར་གསལ་འདུག་༼ད་ལྟའི་ཆར་༧གོང་ས་མཆོག་གི་སྐུ་ཚབ་ཚོ་ནི་པེ་ཅིན་དང་ངྷ་སའི་བར་གྱི་བརྒྱུད་ལམ་དེ་ཆགས་ཡོད་མོད། ད་བར་གྱི་ཉམས་མྱོང་ལ་བལྟས་ན་བརྒྱུད་ལམ་འདིའི་གྲུབ་འབྲས་ཇེ་ཆུང་དུ་གྱུར་ཡོད། དེ་་བས་སྐུ་ཚབ་ལས་ལྷག་པའི་བརྒྱུད་ལམ་གཞན་དེ་ཕྱེ་ན་ལེགས་པར་འདོད་དོ།།༽་
གུས་པས་ཁྱེད་ལ་དྲི་བ་གཉིས་འདོན་ཆོག་པ་ཞུ།
༡།་སྐུ་ཚབ་ཕེབས་ནས་ད་བར་གྱི་ཉམས་མྱོང་ལ་གཟིགས་ཚེ་གྲུབ་འབྲས་ཇེ་ཆུང་དུ་གྱུར་ཟེར་བ་དེ་བདེན་ནམ།རྒྱུ་མཚན་གང་ཡིན་ནམ།
༢།་ཁྱེད་ཀྱི་སྟོན་པའི་སྐུ་ཚབ་ལས་ལྷག་པའི་བརྒྱུད་ལམ་གཞན་ཟེར་བ་དེ་དྲ་རྒྱ་ལ་གོ་དགོས་སམ།དྲ་རྒྱ་ལ་བརྟེན་ནས་མི་མང་ག་ཚོད་ལ་གོ་རྟོགས་སྤེལ་ཐུབ་བམ།ད་ལྟ་ཡོད་བཞིན་པའི་ཕྱི་ནང་གི་དྲ་རྒྱ་ཚད་ལྡན་རྣམས་བེད་སྤྱོད་གཏོང་ཐུབ་བམ་མཁན་ག་ཚོད་ཡོད་དམ།
ཐུགས་རྗེ་ཆེ།།
དོན་ངོ་མ་ང་ཚོས་རྒྱ་ནག་གིས་གོང་ས་མཆོག་གི་དགོངས་དོན་ངོ་མ་ཤེས་ཀྱི་མི་འདུག་ཟེར་གྱི་ཡོད་དམ།དཔེ་སྲིད་ཀྱི་མ་རེད།་དགོངས་དོན་ངོ་མ་དེ་རྒྱ་ནག་གིས་ང་ཚོ་ལ་བལྟས་ན་འང་ཤེས་ཡོད་ཁོ་ཐག་ཡིན་ནི་རེད།རྒྱུ་མཚན་རྒྱ་ནག་གིས་གོང་ས་མཆོག་གི་དགོངས་དོན་ལ་ཉམས་ཞིབ་བྱེད་མཁན་གཅིག་པུ་ལའང་ང་ཚོ་བཙན་བོད་གཞུང་གི་ལས་བྱེད་ལས་མང་ཙམ་ཞིག་གོ་སྒྲིག་བྱས་ཡོད་ཁོ་ཐག་ཡིན་ནི་རེད།ཡིན་ནའང་ཁོ་ཚོས་བསམ་བཞིན་ཆབ་སྲིད་ཀྱི་གཡོ་འགུག་བྱ་ཆེད་བརྗོད་སྟངས་འདི་བདམས་པ་ཙམ་རེད།དེ་ནི་ང་ཚོས་ཀྱང་གོ་དགོས་པ་ཞིག་རེད་ལ་གོ་ཡང་ཡོད་རྒྱུ་རེད།
རིག་པ་འདི་སྔོན་མ་སྐུ་སྒེར་ཀྱིས་ཀྱང་བཏོན་ཡོད་རབ་ཟེར་མོད་བདེན་མིན་མི་ཤེས།གང་ལྟརའདི་ནི་རྒྱ་ནག་གི་གོམས་སྲོལ་ལའང་དར་མ་མྱོང་བའི་རིག་པ་ཞིག་ཡིན་པས།ད་ལྟའི་རྒྱ་ནག་གི་ངོ་མདངས་ལ་བལྟས་ན་དེ་ནི་དང་ལེན་བྱེད་ཐབས་མེད་པའི་ལབ་ལབ་ཙམ་དུ་བསྐྱུར་ཁོ་ཐག་རེད།
གལ་སྲིད་རྒྱ་ནག་ཚང་ལ་འདི་འདྲའི་བློ་ཁོག་ཅིག་ཡོད་རྒྱུ་ན་བོད་དོན་ཟེར་བ་ཡང་རྩ་ཡེ་བསྡད་འདུག