གཞས་ཀྱི་སྦྱིན་པ་ཞེས་པ་ཨ་ཇོ་རྣམ་རྒྱལ་གྱི་རྣམ་ཐར་གཞི་ལ་བཞག་པའི་དངོས་འབྲིའི་གློག་བརྙན་དེ་ལོ་འདིར་འགྲེམ་སྤེལ་གནང་རྒྱུ་རེད།
ཕྱི་ཚེས་ ༡༢ ཉིན་འཁྲབ་ཁྲིད་པ་བསོད་ནམས་བཀྲ་ཤིས་ལགས་ཀྱིས་གསར་འགོད་གསལ་བསྒྲགས་སྤེལ་བ་ལྟར་ན། ཁོང་གིས་ལོ་ངོ་དུ་མའི་རིང་རྨི་ལམ་དུ་རྨིས་ཤིང་། དངོས་བྱུང་གནས་ཚུལ་ལ་ཞིབ་འཇུག་བྱས་པ་བརྒྱུད་བཟོས་པའི་གློག་བརྙན་གཞས་ཀྱི་སྦྱིན་པ། ཨ་ཇོའི་རྣམ་ཐར། ཞེས་པ་དེ་ལོ་འདིའི་ཕྱི་ཟླ་ ༡༠ པའི་ཚེས་ ༡༣ ཉིན་བཞུགས་སྒར་ངྷ་སར་ཐོག་མར་གཟིགས་འབུལ་ཞུ་རྒྱུ་རེད།
ཨ་ཇོ་རྣམ་རྒྱལ་ལགས་ནི་ཁྱིམ་ཚང་དབུལ་བོ་ཞིག་ཏུ་སྐྱེས་ཤིང་། དེའི་ཁར་མི་ཡུལ་ལ་མིག་ལོང་བར་བསླེབས་ཡོད་ལ། ཁོང་ནི་ ༡༩༣༠ སོ་གྲངས་ནང་སྐད་གྲགས་ཡོད་པའི་བོད་ནང་གི་གཞས་པ་ཞིག་ཡིན། རྒྱ་ནག་གཞུང་གིས་བོད་བཙན་བཟུང་མ་བྱས་པའི་སྔ་ནུབ་དེར་བོད་མི་རིགས་ཀྱིས་མཐོང་བའི་བོད་པའི་སྲོལ་རྒྱུན་གྱི་གཞས་པ་གྲགས་ཅན་མཐའ་མ་དེའང་ཁོང་ཡིན་འདུག
གཞས་ཀྱི་སྦྱིན་པ་ཞེས་པའི་དངོས་བྱུང་གློག་བརྙན་འདིའི་འཁྲབ་ཁྲིད་པ་ནི་བོད་གཞུང་ཟློས་གར་ཁང་གི་ཟློས་གར་པ་ཟུར་བ་དང་དེང་སྐབས་ཁེ་ན་ཌར་གནས་བཞུགས་སྐུ་ཞབས་བསོད་ནམས་བཀྲ་ཤིས་ལགས་ཡིན་འདུག
དངོས་བྱུང་གློག་བརྙན་འདིའི་པར་པ་ནི་སྐུ་ཞབས་ ཨེ་རིག་ ལགས་ཡིན་འདུག་ལ། ཁོང་ནི་གློག་བརྙན་གྱི་ཆེད་ལས་བཟོ་བ་ཞིག་ཡིན་འདུག དེ་བཞིན་བོད་གཞུང་ཟློས་གར་ཁང་གི་ཟློས་གར་པ་དང་འཁྲབ་ཇུས་པ་གང་མང་ཞིག་གིས་ཀྱང་གློག་བརྙན་འདི་དངོས་སུ་འགྲེམས་ཐུབ་པར་རོགས་རམ་གནང་ཡོད་འདུག
བོད་སྤྱིའི་བོད་དོན་ལས་འགུལ་ཁང་གི་རོ་ཝེལ་ཐེབས་རྩའི་རོགས་དངུལ་གྱི་མཐུན་འགྱུར་བསྩལ་བ་ལྟར། འདས་པའི་ལོ་ ༢ ཀྱི་རིང་ཨ་ཇོ་རྣམ་རྒྱལ་གློག་བརྙན་བཟོ་སྐྲུན་ཚོགས་ཆུང་གིས་ཨ་རི་དང་། སུད་སི། རྒྱ་གར་བཅས་ཉུལ་ནས་གློག་བརྙན་འདི་བཟོས་ཡོད་འདུག
གློག་བརྙན་སྒྲ་འཇུག་སོགས་གཏན་འཁེལ་ཟིན་པ་ཡིན་ན། གཞིས་ཆགས་བུས་གསུངས་པ་ལ་བདེན་པ་འདུག དེ་མིན་ན་ཤ་ཚའི་ཁ་ནས་གཏམ་ངན་ཡིན་ཡང་ཁ་མ་བཀག
དགུ་ཚིག་སྐྱ་མོ།
གློག་བརྙན་མི་ཐོན་གོང་ནས་རྣམ་རྟོག་འདྲ་མི་ལོང། དེ་ནི་ཁྱེད་འདྲ་བའི་ཤེས་ལྡན་པ་འགས་གོམས་གཤིས་སུ་འཇགས་པ་ཞིག་རེད་འདུག ངོ་མ་ཉི་ཤུ་དགུའི་ཉིན་དེར་གཏོར་མ་མཉམ་དུ་དབྱུང་དགོས་པ་ཞིག་འདུག
དང་པོ་གློག་བརྙན་ལྟོས། དེ་ནས་བསམ་འཆར་འདོན།
ཕྲུ་གུ་མ་སྐྱེས་གོང་ནས་གོན་པ་ཉོ་མཁན་ཁྱེད་བཟོ་འདྲ་མང་དྲགས་ན་སྐྱོན་ཆེ།
བོད་ཡིག་ཡག་པོ་མི་ཤེས་པའི་གློག་བརྙན་འཁྲབ་ཁྲིད་པ་ཚོས་བོད་ཡིག་ཡག་པོ་ཡོད་པའི་བོད་མི་ཚོ་དང་མཉམ་དུ་ལས་ཀ་བྱེད་རྒྱུ་ཧ་ཅང་གི་གལ་ཆེན་ཡིན་པར་སྣང་། ཡི་གེ་མ་དག་པ་དང་སྐད་མ་དག་པའི་གློག་བརྙན་དག་གིས་སྤྱི་ཚོགས་ནང་དུ་བག་ཆགས་ངན་པ་འཇོག་ངེས་པས། གློག་བརྙན་སྤོས་དག་ཡོང་བ་ལ་ཡིད་གཟབ་གནང་དགོས།
དབྱིན་བོད་ཧིན་གསུམ་བསྲེས་མའི་ཁ་སྐད། །
སྐྱབས་བཅོལ་བོད་མིའི་བརྡ་སྤྲོད་བྱེད་སྟང། །
རང་ཚུགས་ཤོར་མེད་པའི་ཁ་སྐད་འདྲེས་མ། །
རང་གི་སྐད་ཡིག་བསྲུང་སྐྱོབས་ཕར་ཞོག །
རང་གཞན་ཀུན་ལ་ཕོངས་པའི་སྣ་འདྲེན། །
དེ་འདྲའི་ཨ་ཇོའི་རྣམ་ཐར་རྣམ་ཐར་མི་དགོས། །
ཨ་ཁ་བརྗེད་ཤག གློག་བརྙན་བཟོ་མཁན་འབྲེལ་ཡོད་ཚང་མར་བོད་ཀྱི་ལོ་གསར་ལ་བཀྲ་ཤིས་བདེ་ལེགས་ཞུ།
གློག་བརྙན་གཞས་ཀྱི་སྦྱིན་པ། ཨ་ཇོའི་རྣམ་ཐར་གྱིས་བོད་སྐད་ཀྱང་སྦྱིན་པགཏོང་བའི་་རེ་བའང་ཡོད།
ཧི་མ་ལ་ཡི་གློག་བརྙན་གྱི་བོད་སྐད་ལས་ལྷག་པའི་སྤྱི་སྐད་དང་། ཡུལ་སྐད་དང་མཚར་གཏམ་སོགས་མ་བསྲེས་པར་སོ་སོར་སྟོན་ཐུབ་ལ། མ་དག་རྒྱུན་འཇགས་རྙིང་པས་མ་བསླད་ལ། ལོག་སྐད་གསར་པའི་མ་གོས་པ་ཅིག་ཡོང་བའིརེ་བ་དང་། རེ་སྐུལ་དང་རེ་སྨོན་ཞུ།
དེང་སྐབས་བོད་ཕྱི་ནང་གཉིས་ཀར་རང་སྐད་ཀྱི་ཆུ་བོ་འབྲི་བཞིན་པའི་སྐབས་འདིར་བོད་སྐད་ཐོག་གློག་བརྙན་བཟོ་སྐྲུན་གནང་ནས་མང་ཚོགས་ནང་འགྲེམས་སྤེལ་བྱ་རྒྱུ་ནི་རང་གི་སྐད་ཡིག་ཉམས་པ་སླར་གསོ་དང་མ་ཉམས་གོང་སྤེལ་གཏོང་བར་ཡང་ཕན་ཐོགས་ཧ་ཅང་ཆེན་པོ་ཞིག་ཡིན་པས་གོང་གི་བྱ་བ་དེར་དངོས་བརྒྱུད་ནས་འབྲེལ་ཡོད་ཀུན་ལ་བཀྲི་བདེ་ལེགས་དང་བཀའ་དྲིན་ཆེ་ཞུ། དེ་དང་ཆབས་ཅིག་ཞུ་རྒྱུ་གཞན་ཞིག་ཡོད་པ་ནི་ད་བར་གྱི་བཙན་བྱོལ་ནང་བཟོས་པའི་གློ་བརྙན་ཕལ་ཆེར་དེ་སྐད་ཡིག་གི་ཕྱོགས་ནས་ཀྱང་ཞན་ཆ་ཆེན་པོ་མཐོང་རྒྱུ་ཡོད་པས་ན། སྐབས་རེ་དེས་ཕན་པའི་ཚབ་ལ་གནོད་པའི་བྱ་བ་ཡང་བྱེད་པས་ན་ཐུགས་ཁུར་བཞེས་གལ་ཆེ་འོ༎
སྤྱི་ཟླ་བཅུ་པ་གཟིག་ཡིན་ད་ལྟ་ནས་གསལ་བསྒྲགས་ནས་སྔ་དྲག་པ་རེད། རེ་བས་འཆི་རྒྱུ་རེད་ཡ། ཧ་ཧ་ཧ།
རྩེད་མོ་ཡིན། བྱ་བ་དེ་འམ་འགྲོ་ཡོང་བར་སྨོན།
ཨ་ཧོ་ཧོ་་་་་ད་དུང་ཟླ་བ་བརྒྱད་ལྷག་ཅིག་འདུག་་་་་སྒུག་ཡུན་ཅུང་རིང་འདུག་ཡ་་་་་སྐབས་དེར་ཡོད་མེད་སུས་ཤེས་་་་་ཅིག་བྱས་ན་ཨ་ཞང་སང་གིས་སྐད་གཏོང་བའི་ཉེན་ཁའང་འདུག་་་་་་མགྲོན་ཤོག་མ་སླེབས་ན་རྡ་སར་ལྟ་རུ་ཡོང་རྒྱུ་ཡིན།