མ་ཎི་གསོག་སྒྲུབ་ཀྱི་ལོ་གསར།

དགའ་ཚོར་ཤིན་ཏུ་ཆེ། དགའ་ཚོར་ཤིན་ཏུ་ཆེ། དགའ་ཚོར་ཤིན་ཏུ་ཆེ།

http://www.qhtb.cn/

ཨ་མེ་རི་ཁའི་ཙུང་ཐུང་ཨོ་པ་མ་ཡིས་ཀྲུང་གོ་ཕྱོགས་ཀྱིས་ངོ་རྒོལ་དྲག་པོ་བྱས་པར་མ་འཛེམས་པར། ཚེས་བཅོ་བརྒྱད་ཉིན་ཝ་ཧྲིན་ཏོན་ནས་ཏཱ་ལའི་བླ་མར་ཐུག་འཕྲད་བྱས།
དེའི་སྔོན་ལ་ཀྲུང་གོས་ཨོ་པ་མ་ཡིས་ཏཱ་ལའི་བླ་མར་ཐུག་འཕྲད་བྱེད་པའི་གནད་དོན་ཐད་ནས་ཨ་མེ་རི་ཁར་ངོ་རྒོལ་ཐེངས་མང་བྱས་མྱོང་། ཕྱི་འབྲེལ་པུའུ་ཡི་མགྲིན་ཚབ་པ་མ་ཁྲའོ་ཞུའུ་ཡིས་ཚེས་བཅུ་གཉིས་ཉིན་ཀྲུང་གོས་ཏཱ་ལའི་བླ་མས་ཨ་མེ་རི་ཁར་བྲོལ་བྱོལ་འཚམས་འདྲི་བྱེད་པར་མཐའ་གཅིག་ཏུ་ངོ་རྒོལ་བྱེད་པ་དང་། ཨ་མེ་རི་ཁའི་མགོ་ཁྲིད་པས་ཏཱ་ལའི་བླ་མར་ཐུག་འཕྲད་བྱེད་པར་ངོ་རྒོལ་བྱེད་པ་ཡིན་ལ། ཀྲུང་གོས་ཨ་མེ་རི་ཁ་ཕྱོགས་ཀྱིས་བོད་ཀྱི་གནད་དོན་ལ་ངོས་འཛིན་གསལ་བོ་བྱས་ཤིང་། བོད་ནི་ཀྲུང་གོའི་མངའ་ཁོངས་ཡིན་པ་དང་བོད་རང་བཙན་ལ་ངོ་རྒོལ་བྱེད་པའི་དམ་བཅའ་བརྩི་སྲུང་བྱས་ཏེ། ཏཱ་ལའི་བླ་མས་ཀྲུང་གོ་སིལ་བུར་གཏོར་བའི་བྱ་འགུལ་སྤེལ་བར་གནས་དང་སྟབས་བདེ་ཅི་ཡང་འདོན་སྤྲོད་མི་བྱེད་པའི་འབོད་སྐུལ་བཏང་བ་ཡིན་ལ། དེ་ལས་ལྡོག་ན་ཀྲུང་གོ་དང་ཨ་མེ་རི་ཁའི་འབྲེལ་བར་གནོད་པ་བཟོ་ངེས་ཞེས་བཤད་མྱོང་།
གཅིག་སྟོང་དགུ་བརྒྱ་གོ་གཅིག་ལོའི་ཚུན་ལ། ཨ་མེ་རི་ཁའི་སྐབས་རེ་རེའི་ཙུང་ཐུང་གིས་ཏཱ་ལའི་བླ་མར་ཐུག་འཕྲད་ཐེངས་མང་པོ་བྱས་མྱོང་།
ཏཱ་ལའི་བླ་མའི་དངོས་མིང་ལ་ལྷ་མོ་དོན་གྲུབ་ཟེར་བ་དང་། གཅིག་སྟོང་དགུ་བརྒྱ་བཞི་བཅུ་ལོར་ཏཱ་ལའི་བླ་མ་སྐུ་ཕྲེང་བཅུ་བཞི་བར་ངོས་བཟུང་། གཅིག་སྟོང་དགུ་བརྒྱ་ང་དགུ་ལོའི་ཟླ་གསུམ་པར་ཏཱ་ལའི་བླ་མས་དྲག་ཆས་ཟིང་འཁྲུག་བསླངས་ཏེ་ཕམ་ཁ་མྱངས་རྗེས་རྒྱ་གར་ལ་བྲོས་པར་མ་ཟད་བོད་ཡུལ་གྱར་སྲིད་གཞུང་རྩ་འཛུགས་བྱས། ཡུན་རིང་པོར་ཏཱ་ལའི་བླ་མས་ཆོས་ལུགས་ལ་ཁ་གཡར་ནས་མེས་རྒྱལ་སིལ་བུར་གཏོར་བ་དང་བོད་ཀྱི་སྤྱི་ཚོགས་བརྟན་འཇགས་ལ་གཏོར་བརླག་བྱེད་པའི་བྱ་འགུལ་སྤེལ།
ཚེས་བཅོ་བརྒྱད་ཉིན། ཨ་མེ་རི་ཁའི་རྒྱལ་སྲིད་བློན་ཆེན་ཞི་ལ་ལིས་ཀྱིས་ཀྱང་ཏཱ་ལའི་བླ་མར་ཐུག་འཕྲད་བྱས།

ཨ་མེ་རི་ཁ་ན་ཡོད་པའི་ཀྲུང་གོ་བས་ཨོ་པ་མས་ཏཱ་ལའི་བླ་མར་ཐུག་འཕྲད་བྱས་པ་ནི་མཐོང་རྒྱ་ཅན་གྱི་བྱ་སྤྱོད་ཅིག་མ་རེད་ཅེས་བཤད་པ།

དུས་ཚོད་། 2010-02-20 07:12:38.0 རྡེབ་ཚད། 107 ཡི་གེའི་ཆེ་ཆུང་། ༼ ཆེ། འབྲིང་། ཆུང་། ༽
ཨ་མེ་རི་ཁའི་ཤར་ཕྱོགས་ཀྱི་དུས་ཚོད་ཟླ་གཉིས་པའི་ཚེས་བཅོ་བརྒྱད་ཉིན། ཨ་མེ་རི་ཁས་ཀྲུང་གོས་ཐེངས་མང་པོར་ངོ་རྒོལ་བྱས་པར་མ་འཛེམས་པར། བསམ་བཞིན་དུ་ཨ་མེ་རི་ཁའི་ཙུང་ཐུང་ཨོ་པ་མ་ཡིས་ཕོ་བྲང་དཀར་པོའི་ས་ཁྲ་ཁང་ནས་ཏཱ་ལའི་བླ་མར་ཐུག་འཕྲད་བྱེད་པར་བཀོད་སྒྲིག་བྱས། ཨ་མེ་རི་ཁ་ན་ཡོད་པའི་ཀྲུང་གོ་བས་གཅིག་རྗེས་གཉིས་མཐུད་དུ་དེར་ལྟ་ཚུལ་བརྗོད་པ་དང་། དེ་ནི་ཨ་མེ་རི་ཁའི་མགོ་ཁྲིད་པས་ཀྲུང་གོ་དང་ཨ་མེ་རི་ཁའི་འབྲེལ་བར་གནོད་སྐྱེལ་བའི་མིག་རྒྱ་ཐུང་བའི་བྱ་སྤྱོད་ཅིག་རེད་ཅེས་བཤད།
ཨ་མེ་རི་ཁ་དང་ཀྲུང་གོའི་འབྲེལ་བའི་རྒྱལ་ཡོངས་ཨུ་ཡོན་ལྷན་ཁང་གི་ཨུ་ཡོན། སྐབས་དོན་དཔྱད་སྡུར་བ་གྲགས་ཅན་ཐིན་ཧྲའོ་ཅུན་གྱིས་ཞིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས་བཤད་རྒྱུར། ཅང་མ་འགོར་བའི་སྔོན་ལ་ཨ་མེ་རི་ཁས་ཐེ་ཝན་ལ་མཚོན་ཆ་བཙོང་རྒྱུ་ཡིན་ཞེས་བསྒྲགས་པས་ཀྲུང་གོ་དང་ཨ་མེ་རི་ཁའི་འབྲེལ་བར་སེམས་ཁུར་བྱེད་དགོས་པའི་སྣང་ཚུལ་བྱུང་། སྐབས་འདི་ལ་ཨོ་པ་མ་ཡིས་ཨུ་ཚུགས་མཐར་སྐྱེལ་གྱིས་ཏཱ་ལའི་བླ་མར་ཐུག་འཕྲད་བྱས་པ་དེ་ནི་ངེས་པ་དོན་གྱི་མིག་རྒྱ་ཐུང་བའི་བྱ་སྤྱོད་ཅིག་ཡིན་ལ། དེས་རྒྱལ་ཁབ་གཉིས་ཀྱི་འབྲེལ་བར་བར་ཆད་སྔར་ལས་ཆེན་པོ་བཟོ་ངེས་ཟེར། ཁོས་ཀྲུང་གོ་དང་ཨ་མེ་རི་ཁ་གཉིས་ཀྱིས་སྔར་ལས་འཛུགས་སྐྲུན་རང་བཞིན་གྱི་ཕྱོགས་གཉིས་ཀྱི་འབྲེལ་བ་གོང་འཕེལ་དུ་གཏོང་དགོས་པས། ཨ་མེ་རི་ཁའི་མགོ་ཁྲིད་པས་སེམས་ཤུགས་གཅིག་སྒྲིལ་གྱིས་ཀྲུང་གོའི་བར་གྱི་འཛུགས་སྐྲུན་རང་བཞིན་གྱི་འབྲེལ་བར་ཤུགས་སྣོན་དགོས་པ་ལས། ཀྲུང་གོ་དང་ཨ་མེ་རི་ཁས་ཕན་ཚུན་ལ་རྒྱུས་ལོན་དང་ཡིད་ཆེས་བྱེད་པར་ཤུགས་སྣོན་པའི་གཞི་རྩའི་དམིགས་འབེན་དང་འགལ་མི་རུང་ཞེས་ནན་གྱིས་བཤད།
ཨ་མེ་རི་ཁར་འགྲིམས་པའི་ཀྲུང་གོའི་དཔྱད་བརྗོད་པ་གྲགས་ཅན་ཧྥང་ཡན་གྱིས་བཤད་རྒྱུར། བོད་ནི་ཀྲུང་གོའི་མངའ་ཁོངས་ཡིན་པ་དང་། མངའ་ཁོངས་ཀྱི་བདག་དབང་ཆ་ཚང་བ་དང་གཅིག་གྱུར་ཡོང་བ་ནི་ཀྲུང་གོའི་ཁེ་ཕན་གཙོ་བོ་ཡིན་པས། རྩ་བའི་གནད་དོན་འདིའི་ཐད་ནས་གཡོ་འགུལ་གཏན་ནས་བྱེད་མི་སྲིད། ཨོ་པ་མ་སྲིད་གཞུང་གིས་འཐབ་ཇུས་ཀྱི་བསམ་རྒྱ་བཅངས་པ་དང་། ཀྲུང་གོ་དང་ཨ་མེ་རི་ཁའི་མཉམ་འབྲེལ་སྤྱི་སྒྲོག་དང་ཀྲུང་གོ་དང་ཨ་མེ་རི་ཁའི་མཉམ་འབྲེལ་གསལ་སྒྲོག་གཞིར་བཟུང་སྟེ། ཡང་དག་པའི་བྱེད་ཐབས་ཀྱིས་ཕྱོགས་གཉིས་ཀྱི་འགལ་བ་ཐག་གཅོད་དགོས་པ་ལས། ཀྲུང་གོ་དང་ཨ་མེ་རི་ཁའི་མཛའ་མཐུན་མཉམ་ལས་ལ་གནོད་པའི་དོན་དག་བསྒྲུབ་མི་རུང་ཟེར།
ཀྲུང་གོ་བའི་ཚོགས་པ་བརྒྱད་ཅུ་ཡིས་གྲུབ་པའི་ཨ་མེ་རི་ཁའི་ཅ་ལེ་ཧྥེ་ནེ་ཡ་ལྷོ་མ་ཀྲིག་གི་ཀྲུང་གོ་བའི་ཚོགས་པ་མཉམ་འབྲེལ་ལྷན་ཚོགས་དང་ཨ་མེ་རི་ཁ་ཡོངས་ཀྱི་ཚོགས་པ་མང་པོས་ཨོ་པ་མ་ལ་གསལ་སྒྲོག་འཕྲིན་ཡིག་བཏང་ནས། ཀྲུང་གོ་སྲིད་གཞུང་གི་ཏཱ་ལའི་བླ་མའི་ཐད་ཀྱི་ལངས་ཕྱོགས་ནི་ཧ་ཅང་གསལ་བོ་ཡིན་པ་དང་། བོད་ཀྱི་གནད་དོན་ནི་ཀྲུང་གོའི་རྒྱལ་ཁབ་ཀྱི་ཁེ་ཕན་གཙོ་བོ་ཡིན། བོད་ནི་ཀྲུང་གོའི་མངའ་ཁོངས་ཡིན་པའི་དོན་དངོས་དེ་རྒྱལ་སྤྱིའི་སྤྱི་ཚོགས་ཀྱིས་ཁས་བླངས་ཡོད་པ་དང་། ཨ་མེ་རི་ཁའི་སྐབས་རབ་དང་རིམ་པའི་སྲིད་གཞུང་གིས་ཀྱང་གསལ་སྒྲོག་ཐེངས་མང་བྱས་མྱོང་། ཙུང་ཐུང་ཨོ་པ་མ་ཡིས་ཏཱ་ལའི་བླ་མར་ཐུག་འཕྲད་བྱས་པ་དེས་ཀྲུང་གོ་དང་ཨ་མེ་རི་ཁའི་འབྲེལ་བ་གོང་འཕེལ་དུ་འགྲོ་བར་གནོད་སྐྱེལ་ངེས་ཞེས་བཤད།

དེ་སྔོན་སྤྱི་ལོ་ཆིག་དགུ་བརྒྱད་བཅུའི་ནང་ཁྲོམ་སྐོར་དང་སྐད་འབོད་བྱས་ན་ཆབ་སྲིད་ཀྱི་གནད་དོན་ཐོག་གསར་ཤོག་ཁག་དུ་བཀོད་ཀྱི་ཡོད་པ་དང་དེ་རྗེས་སངས་གསོལ་བྱས་ན་ཆབ་སྲིད་ཀྱི་ལས་འགུལཞིག་ལ་རྩི་ཀྱི་ཡོད་། ད་ཆ་མ་ནི་སོག་སྒྲུབ་བྱས་ཀྱང་ཆབ་སྲིད་ཀྱི་ལས་འགུལ་ཞིག་ལ་ངོས་འཛིན་བྱེད་ཀྱི་ཡོད། ད་ཆོས་སྲིད་བཟུང་འབྲེལ་དངོས་གནས་རེད་འདུག།

གཞི་བྱེས་བོད་རིགས་གཉིས་ཀྱི་དམ་ཚིག་འོ་ཆུ་འདྲེས་པའི་ཚོར་སྣང་བྱུང་བའི་དགའ་ཚོར་ཤིན་ཏུ་ཆེ་ལ་རྗེས་སུ་ཡི་རང་ཞུ།

མ་ཎི་དང་ཆོས་ཕྱོགས་ཀྱི་བྱེད་སྒོ་དག་ཆབ་སྲིད་ལག་ཆ་ཡག་པོ་ཞིག་ཆག་འདུག