ཁམས་སྐད་བརྙན་འཕྲིན།

ཁམས་དང་ཨ་མདོའི་སྐད་ལ་ཕལ་སྐད་ཟེར་ན་དངོས་ཡོད་དང་མི་མཐུས་པས་ཡག་པོ་མི་འདུག། འོ་ན་དབུས་སྐད་ལ་ལེགས་སྐད་ཅེས་འབོད་དགོས་སམ་གཙོ་སྐད་ཅེས་འབོད་དགོས། ངས་བཤད་འདོད་པ་ནི་བོད་ཆོལ་ཁ་གསུམ་པོའི་ནང་སྐད་རིགས་མ་འདྲ་བ་སྣ་ཚོགས་ཡོད་ཆོག་ཀྱང་དོན་དངོས་ཐོག་གོ་བརྡ་ཁྲོད་ཐུབ་པ་ཙམ་མ་ཚད་སྙན་ཆ་ཡོད་པའི་དབུས་སྐད་དང་དེ་ལས་སྙན་ཆ་མེད་ཀྱང་རྫིག་ཉམས་ཆེ་བའི་ཁམས་སྐད་གཉིས་དབྱེར་བ་ཅུང་ཕྱེ་དཀའ་ནའང་རང་རྐྱ་ཐུབ་པའི་ཨ་མདོའི་སྐད་ལའང་ཆེ་ཆོས་སྣ་ཚོགས་ཡོད་པ་མཐོང་བས་འདི་དག་ཆོལ་ཁའི་རྣམ་བཞག་ཐོག་འགྲེལ་བརྗོད་བྱས་པ་ཙམ་ཡིན་

༄༅། ཁ་ཅིག་གིས་
བོད་སྤྱི་ལ་ཁྱབས་པའི་སྐད་ཡོད་པར་འདོད དེ་ནི་ཡིག་སྐད་ཡིན་ཟེར ངའི་དེ་ལྟར་མི་འདོད
མདོ་དབུས་ཁམས་སུམ་ལ་ཁྱབས་པའི་སྤྱི་སྐད་ཞིག་བྱུང་མྱོང་མེད་ལ་འབྱུང་འགྱུར་ཡང་བྱུང་དཀའ་བ་ཞིག་དུ་འདོད ་རྒྱུ་མཚན་ནི་་་་སྤྱི་སྐད་དེ་་སྒྲ་གདེངས་སྙན་ཞིང་གསལ་བ་ཡིག་སྐད་དང་མཐུན་པ་ཞིག་དགོས་པ་དེ་རེད།
འདི་འདྲའི་སྤྱི་སྐད་ཞིག་གང་ཞིག་ནས་ཚོལ
ཨམ་སྐད་དེ་གདེངས་གསལ་བ་དང་ཡིག་སྐད་དང་མཐུན་པར་ཉེ་བོ་རེད། འོན་གྱང་
སྙན་ཆ་མི་འདུག དབུས་སྐད་ལལ་སྙན་ཆ་ཡོད་ཀྱང་་གཞན་གཉིས་ལ་ཐག་རིང་
ཁམས་སྐད་སྤྱིའི་ཆ་ནས་ཡིག་སྐད་དང་མི་མཐུན་པ་མ་ཟད་གདེངས་སཉན་གསལ་སོགས་གང་ཡང་མི་འདུག ཁམས་སྐད་བྱེ་བྲག་པ་རེར་གདེངས་གསལ་བ་དང་ཡིག་སྐད་དང་མཐུན་པ་ཡོད་ཀྱང་དེ་སྤྱི་སྐད་དུ་ཧ་ཅང་ཧ་ཅང་གི་ཐག་རིང་།
སྤྱི་སྐད་དེ་་་ལས་སླ་བོའི་སྒོ་ནས་བོད་མི་ཡོངས་ནས་གོ་ཐུབ་པ་ཙམ་གྱི་ཆོག་ན། གཞྀ་ཆགས་སྐད་ལས་འོས་གཞན་མེད་པར་འདོད་དོ།།།

དྲ་གྲོགས་ཐོ་རེངས་སྐར་ཆེན་ལགས་ངས་སྤྱི་སྐད་ངོས་འཛིན་དེ་སྒྲ་གདངས་གསལ་མི་གསལ་དང་ཡུལ་གྲོང་ག་གེ་མོར་བོད་ཡིག་ཤེས་མཁན་མང་ཉུང་ཡོད་མེད་ཧེ་བག་གིས་སྒོ་ནས་བཞག་ཐུབ་ས་མ་རེད།
སྤྱི་སྐད་ནི་སྤྱིར་ཁྱབ་དགོས་ན་དེས་ཤུགས་རྐྱེན་གཙོ་བོ་གང་ལ་རག་ལས་མིན་ལ་ཐུག་ཡོད།
ཆོལ་ཁ་གསུམ་ཀའི་སྐད་གདངས་འདི་གསལ་ལ་འདི་མི་གསལ་ཞེས་དབྱེ་འཚམས་ཕྱེ་རྒྱུ་ཤིན་ཏུ་དཀའ།

༄། ། འདིར་དང་སྐབས་མང་པོར་བོད་ཀྱི་སྐད་གཅིག་གྱུར་གྱི་སྐོར་ལ་བསམ་གཞིགས་མང་པོ་བྱེད་པ་དང་། ལ་ལས་ད་དུང་བོད་ཀྱི་སྤྱི་སྐད་དུ་མདོ་དབུས་ཁམས་གསུམ་འདི་དང་འདི་ཞེས་སོགས་སྣ་ཚོགས་སྨྲ་བར་བྱེད། ངས་བལྟས་ན་སྐད་གཅིག་གྱུར་བྱེད་རྒྱུ་ལས། ཁ་ཡིག་གཅིག་གྱུར་བྱེད་ན་བཟང་སྙམ། སྤྱིར་སྐད་གཅིག་གྱུར་བྱ་རྒྱུ་ནི་བསམ་པ་ནང་བཞིན་སྟབས་བདེ་བོ་ཞིག་གཏན་ནས་མེད། དེ་མཚུངས་ཁ་ཡིག་གཅིག་གྱུར་བྱེད་རྒྱུ་དེའང་དངོས་གནས་དཀའ་མོད། འོནད་ཀྱང་དཀའ་མོ་སྔ་ཕྱི་གཉིས་ལས་ཕྱི་མ་ལེགས་ཏེ། གཅིག་གྱུར་བྱེད་པའི་དགོས་པ་ནི་ཕན་ཚུན་བརྡ་ལེགས་པོ་འཕྲོད་ཕྱིར་ཡིན་ཞིང་གཉིས་ཀས་ཀྱང་བརྡ་ལེགས་པར་འཕྲོད་ཐུབ། ཡིན་རུང་ཉིན་ཞིག་སྐད་གཅིག་གྱུར་ཡོང་བའི་ཚེ་ཡང་དཀའ་བསྔལ་གཅིག་མུ་མཐུད་ནས་ཡོད། དེ་གང་ཞེས་ན་ཁ་སྐད་དང་ཡིག་སྐད་གཉིས་མི་མཐུན་པའི་ཁྱད་པར་དེ་རེད། དེ་དུས་ཡང་ཁ་ཡིག་མཐུན་པའི་ལས་འགུལ་ཞིག་མགོ་བརྩམ་དགོས། དེ་བས་དང་པོ་ནས་ཁ་ཡིག་གཅིག་གྱུར་གྱི་ལས་འགུལ་སྤེལ་ཏེ། ཚང་མས་ཡིག་སྐད་དང་མཐུན་པའི་སྐད་ཞིག་བེད་སྤྱད་ཚེ། སྐད་གཅིག་གྱུར་ནི་ཞོར་དུ་ཡོང་འགྲོ མ་ཟད་ཁ་ནས་གང་བཤད་ཡི་གེར་འབྲི་ཐུབ་པ་ཡང་གྱུར་པས་ཤིནད་ཏུ་དགེ་མཚན་ཆེ། དེ་ཡང་ཁ་སྐད་ཡིག་སྐད་དང་ཡར་བསྟུན་དགོས་པ་ལས། ཡིག་སྐད་ཁ་སྐད་དང་མར་བསྟུན་གཏན་ནས་མི་རུང་། བློ་བུར་དུ་ཡིག་སྐད་ནང་བཞིན་མི་ཞིག་དང་སྐད་ཆ་བཤད་ཚེ་མི་བདེ་ཤིག་ཤིག་ཞིག་ཡིནད་ཀྱང་། གོམས་པར་གྱུར་དུས་དེ་འདྲ་མི་འཚོར། གཏམ་བཤད་སོགས་ཀྱི་སྐབས་ཡིག་སྐད་ཀྱི་ཀློག་པ་དང་ཡང་གསར་འགྱུར་གྱི་སྐབས་ཀྱང་དེ་འདྲ་ཀློག་པར་འཚོར་སྣང་རྒྱུན་ལྡན་ཡིན་པ་ལྟར་འགྱུར་འགྲོ་བ་ཡིན། རེད་མཚམས་རེར་ཀློག་ཚུལ་མི་འདྲ་ཅུང་ཟད་རེད་བྱུང་ཡང་དེ་ནི་དཀའ་བསྡལ་ཆུང་ཆུང་ཞིག་ཡིན་པས་མ་སེལ་བས་ཆོག་པའམ་ཐབས་ལས་སླ་བོ་ཞིག་གིས་སེལ་ནུས་སྙམ་མོ།། སྐད་ཆ་འདི་ཕྲན་གྱིས་ཞེ་ཐག་པ་ནས་བསམ་པ་ལས་རང་འགར་བཅོས་སྒྲིག་བྱས་པ་དེ་འདྲ་མིན། དེ་ཕྱིར་འདི་དང་བསམ་ཚུལ་མི་མཐུན་པ་འདུག་ན་ངེས་པར་དུ་བགྲོ་གླེང་ཡོད་པར་ཞུའོ།།

༑ ཁམས་སྐད་ཀྱི་ལེ་ཚན་སྒོ་ཕྱེ་བར་བཀྲིས་རྟེན་འབྲེལ་ས་ཡ་དྲུག་དང་མྱུད་དུ་འཕེལ་ཞིང་རྒྱས་པ་ཡར་ངོའི་ཟླ་ལྟར་འགྱུར་བའི་སྨོན་འདུན་ཡང་དུང་ཕྱུར་བཅུ་གཉིས་ཞུའོ།།

ཡ་ཡ་གྲོགས་པོ་ཅི་ཡིན་ཡང་བོད་མི་རྣམས་ཀྱི་སྤྱིར་སྲུང་སྐྱོབ་བྱེད་རྒྱུ་གལ་ཆེན་པོ་རེད་དྲན། རྒྱ་སྐད་ཤེས་ན་ཡང་ཡག་པོ་རེད། བོད་སྐད་མ་ཤེས་ན་ངོ་ཚ་རེད།

ཅོ་རོ་ལགས་ ངས་ཡུལ་དབུས་ཀྱི་སྐད་ལ་སྤྱི་སྐད་ངོས་འཛིན་དགོས་པར་བཤད་པ་དེ་ནི་ཕྱོགས་ཞེན་སོགས་གང་ཡང་མིན་ལ། དབུས་ཀྱི་སྐད་ཕྱོགས་མཐའ་ཀུན་ཏུ་དར་ཁྱབ་ཆེ་ཞིང་དབུས་ནི་ཕྱོགས་མཐར་གནས་བཞུགས་སྤུན་ཟླ་འཁོར་འདུས་ཆེ་བའི་གནས་མཆོག་ཞིག་ཡིན་པའི་ཆ་ནས་དང་་། ད་དུང་ཡུལ་དབུས་ནི་ཆོས་སྲིད་མ་ལག་གི་ལས་ཁུངས་ཡོད་དགོས་ཤིང་བོད་ཁམས་ཡོངས་ནས་ཕེབས་པའི་གནས་ཡོད་མི་སྣ་གནས་སྡོད་བྱས་ས་ཞིག་ཡིན་པའི་ཆ་ནས་ཀྱང་རེད།

ཅོ་རི་ལགས་འོ་ན་ཁྱོད་ཀྱིས་འབྲོག་སྐད་དེ་བོད་ཀྱི་སྤྱི་སྐད་ལ་འཇོག་ན་མི་འགྲིག་པ་མེད་ཟེར་བ་དེས་བོད་ཀྱི་སྤྱི་སྐད་སྲུང་ཡིན་ནམ་རྩ་གཏོར་གང་ཡིན།