བསམ་གླིང་ཚེ་རིང་ལྷ་མོས།
མ་གཞི་བྱས་ན་ཆེད་རྩོམ་འདིའི་འགོ་གང་ཞིག་ནས་འཛུགས་དགོས་མིན་མ་ཤེས་ཀྱང་། སྤྱི་ཚོགས་ཀྱི་དཀའ་ངལ་ལས་དོ་བདག་མི་སྒེར་གྱི་དཀའ་ངལ་མིན་སྟབས་གང་ལྟར་སྡུག་རུས་རྒྱབ་ནས་འབྲི་འདོད་བྱུང། གུས་མོས་ཉེ་ཆར་ཚགས་ཤོག་སྟེང་ནས་གསལ་བསྒྲགས་གཉིས་མཐོང་བ་སྟེ། གཅིག་ནི་ཤེས་རིག་ལས་ཁུངས་ནས་གོ་སྒྲིག་གནང་བའི་ཟློས་གར་དགེ་རྒན་འོས་སྦྱོང་དང་། གཞན་དེ་ནི་ཝ་ར་ན་སིར་སྒྱུ་རྩལ་འཛིན་གྲྭ་གཉེར་བའི་སློབ་མ་བསྡུ་བའི་གསལ་བསྒྲགས་གཉིས་པོ་རེད། གསལ་སྒྲགས་གཉིས་པོའི་ནང་གི་ལས་གཞི་ཁག་མ་གཞི་དགོངས་པ་མང་པོ་ཞིག་བཞེས་ཏེ་བཙན་བྱོལ་སྤྱི་ཚོགས་ཀྱི་ཆེད་དུ་དམིགས་པ་ནི་བརྗོད་མི་དགོས་པ་ཞིག་རེད་ལ། ལས་གཞི་དེ་ཚོས་ང་ཚོའི་སྤྱི་ཚོགས་ལ་ཕན་ཐོགས་ངེས་ཅན་ཞིག་ཡོང་རྒྱུ་བརྗོད་མི་དགོས། འོན་ཀྱང་ཞིབ་མོར་བསམ་ཚེ་ལོ་གཅིག་གི་ཟློས་དགེའི་འོས་སྦྱོང་དེས་སྤྱི་ཚོགས་སྟེང་གི་མིའི་སྒྱུ་རྩལ་འཚོ་བའི་ཆུ་ཚད་མཐོ་རུ་གཏོང་ཐབས་ཤིག་ཡིན་ནམ། ཡང་ན་སློབ་གྲྭ་ཁག་གི་བོད་ཀྱི་རིག་གཞུང་གི་ཆ་ཤས་སུ་འགྱུར་བའི་ཟློས་དགེར་དམིགས་པ་གང་ཡིན་གུས་མོས་མ་ཤེས་ཀྱང་། གལ་ཏེ་དམིགས་ཡུལ་དང་པོ་དེ་ཡིན་ན་ཁྱབ་རྒྱ་ཆུང་དྲགས་པ་དང་འཛུལ་བཞུགས་ས་མིག་ཉུང་དྲགས་པ། ལོ་གཅིག་རིང་གི་ཟས་གོས་སྡོད་གསུམ་གྱི་འགྲོ་སོང་རང་ངོས་ནས་གཏོང་དགོས་ངེས་རེད། དེ་ཕུད་པའི་དགོས་མཁོ་ཡོངས་རྫོགས་ཤེས་ལྷན་ནས་གནང་བ་ཡིན་ན་འོས་ཤིང་འཚམ་པ་རེད། གལ་ཏེ་དམིགས་ཡུལ་གཉིས་པ་དེ་ཡིན་ན་བོད་ཀྱི་རིག་གཞུང་གི་ཆ་ཤས་སུ་འགྱུར་བའི་ཟློས་གར་སྒྱུ་རྩལ་དེ་ལོ་གཅིག་ནང་ག་ཚོད་ཙམ་ཤེས་ཐུབ་བམ། དེ་ཡང་བོད་ཀྱི་ད་ལྟའི་གཉན་འཕྲང་ཅན་གྱི་དུས་རབས་ལ་གཞིགས་ནས། ལོ་གཅིག་ཞག་པོ་སུམ་བརྒྱ་དྲུག་ཅུ་འཕྲོ་བརླག་གཅིག་ཀྱང་མ་བཏང་བར་ཉིན་དང་ཉིན་བསྟུད་ནས་ལྷག་བསམ་རྣམ་དག་གིས་རང་རིགས་ཀྱི་ཆེད་དུ་ལེགས་སྐྱེས་ཕུལ་ཐུབ་མཁན་གྱིས་སློབ་དཔོན་ཞིག་དང། དེ་དང་མཚུངས་པའི་སྦྱོང་མཁན་གྱིས་ཀྱང་དུས་ཚོད་ཆུ་ཚོད་ཅིག་ཀྱང་འཕྲོ་བརླག་མ་བཏང་བར་སྦྱང་བརྩོན་བྱེད་མཁན་ཞིག་བྱུང་ན་གཞི་ནས་བོད་ཀྱི་རིག་གཞུང་རྒྱ་མཚོའི་གཡའ་ཙམ་ཞིག་འགོས་མདོག་ཁ་པོ་རེད། དེ་མིན་དེང་དུས་ཀྱི་སྤྱིར་བཏང་འགྲོ་ལུགས་འགྲོ་སྟངས་ཙམ་གཞིར་བཟུང་བྱས་ན་ས་དམིགས་འགེངས་ཐུབ་ཙམ་ལས་དངོས་ཡོད་ཀྱི་ཕན་ཐོགས་ཡོད་པའི་ཟློས་དགེ་ཞིག་གསོ་སྐྱོང་ཐུབ་ཐབས་མེད་པ་ཟུར་ལྟས་ལེབ་མཐོང་ཞིག་རེད།
གཉིས་པ། ཝ་ར་ན་སིའི་སྒྱུ་རྩལ་ཚན་ཁག་གི་སློབ་གཞིའི་ནང་དུ་ཚད་ལྡན་གྱི་ལག་འཁྱེར་ཐོབ་ཐུབ་པའི་འཚེམ་བཟོའི་སྒྱུ་རྩལ་ངེས་པར་དུ་ཡོད་དགོས་པ་གལ་ཆེན་པོར་མཐོང། དེང་དུས་བོད་ཕྱི་ནང་གཉིས་སུ་རྒྱ་གར་བ་དང་རྒྱ་ནག་པས་བོད་པའི་ཆས་གོས་འཚེམ་བཟོ་བྱེད་པ་རྒྱུན་གཏན་ཞིག་ཏུ་གྱུར་ནས་ལས་ཀྱི་སྣེ་མོ་བ་སུས་ཀྱང་གླེང་རིན་མེད་པ་ཞིག་ཏུ་འགྱུར་ཟིན། འོན་ཀྱང་དེ་ནི་ང་ཚོའི་མི་རིགས་འདི་གཞན་བརྟེན་གྱི་འཚོ་བ་སྐྱེལ་རྒྱུར་ངོ་ཚ་རྣམ་རྟོག་སྤུ་ཙམ་མེད་པའི་རང་རྟགས་མངོན་པ་ཞིག་རེད།
གོང་གསལ་རྣམས་གླེང་རིན་མེད་པ་ནི་མེད་པ་རང་རེད། དེ་ལས་གུས་མོའི་མིག་གི་མཐོང་སར་ལྷག་པའི་གནས་ཚུལ་ཞིག་ཞུས་ན། ང་ཚོ་དབུས་བོད་སློབ་འཛིན་ཚོགས་ཁོངས་ཀྱི་སློབ་གྲྭ་ཁག་ཏུ་བོད་མིའི་ཆས་གོས་འཚེམ་མཁན་གྱི་བོད་དགེ་ཞིག་བྱུང་ན་ཁ་ཡོད་ལག་ཡོད་ཀྱིས་ཕན་ཐོགས་ཡོང་ངེས་རེད། ལོ་ངོ་དེ་དག་གི་ནང་འཆར་ཅན་འཚེམ་བཟོའི་དགེ་རྒན་དང་འཚེམ་བཟོའི་སློབ་ཚན་ཡོད་ཀྱང་ཕྲུ་གུ་ཚོས་འོག་འཇུག་ཅིག་ཀྱང་འཚེམ་ཐུབ་པའི་སྐལ་བ་མེད། དེ་ནི་བོད་པའི་དགེ་རྒན་ལ་རྒྱ་གར་གཞུང་གི་ཚད་ལྡན་ལག་འཁྱེར་མེད་སྟབས་འཛུལ་བཞུགས་བྱེད་ཐབས་བྲལ་བས་རེད་ཟེར། ད་རེས་ཏག་ཏག་ཝ་རྭ་ཎ་སིའི་སློབ་འཇུག་གསལ་བསྒྲགས་ནང། སྒྱུ་རྩལ་གྱི་སློབ་ཚན་ཁག་ནི་རི་མོ་དང་ཤིང་བཟོའི་སྦྱོང་བརྡར་ཙམ་མིན་པར་་་་་་ཞེས་དང་། ཡང་དེ་ལྟར་བཀོད་སྒྲིག་བྱེད་དགོས་དོན་ནི་སྒྱུ་རྩལ་ཙམ་མིན་པར་ཆ་རྐྱེན་གཞན་དུ་མ་ཞིག་དང་ལྡན་པའི་སྒྱུ་རྩལ་བ་ཞིག་ཏུ་འགྱུར་རྒྱུར་དམིགས་པ་ཡིན་པས་་་་ཞེས་བཀོད་གནང་འདུག་ན། དེའི་ཐབས་ལམ་ནི་འབྲེལ་ཡོད་ལས་ཁུངས་དང་ཝ་ར་ན་སིའི་སློབ་གྲྭ་ལྟ་བུས་མ་གཏོགས་ཐག་གཅོད་བྱེད་དཀའ་བ་ཞིག་རེད་ལ། ད་རེས་ནི་དེ་བས་གོ་སྐབས་བཟང་པོ་ཞིག་རེད། མ་གཞི་ཡུལ་དུས་ཁོར་ཡུག་གི་དཀའ་ངལ་དུ་མ་འཕྲད་སྲིད་ཀྱང་། གདོང་ལེན་བྱེད་མི་བྱེད་ལ་རག་ལས་པ་ནི་སྨོས་མི་དགོས། རྒྱ་ནག་གཞུང་གིས་གྲོང་ཚོ་དང་གྲོང་ཚོ་བྱས་ནས་བུད་མེད་ཚོར་འཚེམ་བཟོ་བསླབས་ནས་བོད་དུ་གཏོང་གི་ཡོད་དུས། ང་ཚོས་ཀྱང་འབད་བརྩོན་ཕྲན་བུ་ཞིག་བྱས་ན་རྒྱ་གར་གྱི་རླབས་ཆེན་མེས་པོ་དམ་པ་གྷན་དྷི་མཆོག་ནས་མི་མང་ལ་རས་གོས་འཐག་ལས་བྱེད་དུ་འཇུག་པ་བཞིན་སྤྱི་ཚོགས་དང་མི་རིགས། མདོར་ན་རྒྱལ་ཁབ་ཀྱི་གྲུབ་ཆའི་མ་ལག་ཅིག་དར་རྒྱས་གཏོང་བར་ཕན་ཐོག་ངེས་ཅན་ཞིག་ཡོང་ངེས་རེད་སྙམ།
ཤ་ཁྲག་གཅིག་པའི་བྱས་རྗེས།
ད་ལམ་ཉེར་བའི་ཆར་ཡུལ་ཤུལ་བོད་རིགས་རང་སྐྱོང་ཁུལ་དུ་ས་ཡོམ་གྱི་ཡ་ང་བའི་གོད་ཆག་བྱུང་བ་བརྟེན། རང་རིགས་སྤུན་ཟླ་ཁྲི་ཕྲག་ལས་བརྒལ་བ་རྐྱེན་ལམ་དུ་འདས་གྲོངས་སུ་གྱུར། འོན་ཀྱང་ཁོང་འདས་པོ་རྣམས་ཀྱི་ཆེད་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་གཅོ༹ས་རིས་མིན་བླ་ཆེན་རྣམ་པ་དང་ཆོས་རྒྱུད་སོ་སོ་གདན་ས་ཁག་གི་དགེ་འདུན་འདུས་མོང་ཡོངས་ནས་བསྔོ་སྨོན་རྒྱ་ཆེར་གནང་གི་ཡོད་པ་མ་ཆ༹ད། བོད་མི་ཅ༹མ་ཟས་བ་ཡོངས་རྗོ༹གས་ཀྱི་གདུང་སེམས་མཉམ་བསྐྱེད་ཐོག་སོ་སོར་གང་ཐུབ་རོགས་རིམ་རྒྱ་ཆེར་གནང་གི་ཡོད་པར་སྨོས་ཅི་དགོས། ཡིན་ན་ཡང་ཐུགས་སྐྱོ་བའི་གནས་ཚུལ་ལྟར་ན། ས་གནས་Belgiumགནས་སྡོད་རྒྱ་གར་སྡེ་ར་རྡུན་ནས་ཡིན་པ་བོད་པའི་བུ་མོ་ཆེ༹་དབང་སྒྲོལ་མ་དང་སྐྱིད་འཇོ༹མས་གཉིས་ནས་རང་སྣང་གང་ཤར་གྱི་ཤུལ་ལུས་རྒྱ་ཆེན་མི་དམངས་ཡོངས་ལ་རྩིས་མེད་རྡོག་རིལ་བཏང་སྟེ། ཁོ་མོས་བོད་མི་རིགས་ཀྱི་ལ་རྒྱ་དོར་ནས་གླུ་གར་དགོང་ཆོ༹གས་ཅིག་གོ་བསྒྲིགས་བྱས་སྟབས། ས་གནས་སྐུ་ཆ༹བ་སྐུ་ངོ་བདེ་དོན་ལགས་ཀྱི་གཅོ༹ས་ཆོ༹གས་པ་ཁག་གི་འགན་འཇི༹ན་རྣམ་པས་ཁོ་མོ་གཉིས་ལ་གླུ་གར་དགོང་ཆོ༹གས་ཕྱིར་འཐེན་ཡོང་བའི་འབོད་བསྐུལ་བྱས་ཀྱང་ཉན་མི་འདུག།
དེ་བརྟེན་ཤུལ་ལུས་རྒྱ་ཆེན་འབྲེལ་ཡོད་མི་མོང་ནས་གདུང་སེམས་མཉམ་བསྐྱེད་ཐོག་ཁོ་མོ་གཉིས་ལ་བསྐྱར་དུ་འབོད་བསྐུལ་བྱས་རྗེས། ཆོ༹གས་འདུ་ཐོག་ཆོ༹གས་པ་ཁག་གི་འགན་འཇི༹ན་རྣམ་པ་དང་མི་མོང་ཁ་ཤས་ངུ་འབོད་བྱེད་དགོས་པ་བྱུང་འདུག། མཐའ་མ་ཁོ་མོ་གཉིས་འུ་ཐུག་ནས་དགོང་ཆོ༹གས་ཕྱིར་འཐེན་བྱས་འདུག་པས་ཤིན་ཏུ་ངོ་མཆ༹ར་ཆེ།།
ཨ་ཅག་ཚེ་རིང་ལྷ་མོ་ལགས་ཐུགས་རྗེ་ཆེ་འདིར་གསལ་འདེབས་གནང་བ། དོན་དངོས་ཐོག་བོད་གཞུང་ནས་དུས་ངེས་མེད་ཐོག་ཁ་གསབ་སྦྱོང་བརྡར་གང་མང་ཞིག་བྱེད་བཞིན་འདུག་ལ། ད་དུང་བོད་ཁྱིམ་ཁག་ནས་ཀྱང་འདིར་འདི་རྣམ་པ་འདྲ་མིན་ཐོག་གསབ་སྦྱོང་ཞིག་སྤྲོད་བཞིན་འདུག ཉིད་ཀྱི་གོང་བརྗོད་བཞིན་སྤྲོད་ཡུལ་དང་སྤྲོད་མཁན་ཞེས་པ་འདི་གཉིས་ཧ་ཅང་གི་གལ་ཆེ་བ་འདུག དེ་མིན་སྦྱོང་བརྡར་ཁ་གསབ་ཞིག་བྱེད་ཀྱིན་འདུག་བསམ་ནས་གཞུང་དང་སྒེར་ནས་ཀྱང་མི་ཁ་ཤས་ཤིག་གཏོང་རྐྱང་བྱས། ཁོ་འགྲོ་རྐྱང་བྱས་ནས་ད་ལྟའི་བར་དུ་བསྡད་པ་རེད་ཕན་གང་ཞིག་ཐོག་ཡོད་མེད་སུ་ལའང་ཁ་གསལ་ཅང་མེད། འདི་ལྟར་རྒྱུན་འཇགས་སུ་ཕྱིན་པས་ནད་ཡུམ་འགོས་ཁྱབ་འཚབ་ཆེན་དུ་གྱུར་བ་རེད། དཔེར་ན་ཟློས་དགེ་གསབ་སྦྱོང་ཞིག་སྤྲོད་བཞིན་པ་ཡང་དེ་ལྟ་བུ་ཞིག་རེད། ངས་བཤད་པའི་རྒྱུན་འཇགས་ཀྱི་ནད་ཡུམ་དེ་རིམ་འགོས་ཟིན་པས་ཝ་ནཱ་སློབ་མཐོ་སློབ་ཀྱི་སློབ་མ་རྣམས་ནས་ལོ་བདུན་བརྒྱད་ཞིག་ལ་སློབ་གྲྭའི་ཟས་གོས་ལ་རོལ་ནས་ནམ་ཞིག་སློབ་ཐོན་བྱས་ཏེ། སྤྱི་ཚོགས་ཞབས་ཞུ་ཞེས་མིང་དེ་འཁྱེར་སླེབས་སྐབས་ཚིགས་བཅད་ཤོ་ལོ་ཀ་སྤུས་ཚང་ཞིག་ཡང་འདི་མི་ཐུབ་པ་འདིས། གཞུང་གི་འགྲོ་གྲོན་ཅི་ཙམ་ཞིག་ཆུད་ཟོས་སུ་བཏང་འདུག དེ་མིན་༢༠༠༤ནས་བཟུང་ས་ར་མཐོ་སློབ་ཀྱི་མིངརྫིག་ཐག་ཆོད་ཞིག་ནས་སློབ་ཕྲུག་གི་སྤུས་ཚད་རྒྱ་ཡན་ཅན་དུ་གྱུར་ནས་ཚིག་གྲུབ་སྤུས་ལེགས་ཤིག་ཀྱང་འབྲི་མི་ཐུབ་པའི་དུས་ཤིག་ལ་སླེབས་ཡོད་པ་འདི་དག་ཚང་མ་ནོར་འཁྲུལ་གང་ཞིག་ཏུ་ལྷག་ཡོད་པ་བརྟག་དཔྱད་བྱེད་དགོས་པའི་དུས་ཤིག་ལ་སླེབས་ཡོད། དགོངས་དག་འབྲི་རྒྱུ་གང་མང་ཞིག་ཡོད་མོད་ལས་བྲེལ་གྱིས་འབྲི་མ་ཐུབ་ལ་དག་ནོར་ཡང་བྱེད་མ་ཐུབ་པ་དགོངས་དག་ཞུ།
སློབ་གྲྭ་ཁག་ཤས་ལ་སོ་སོ་བསླབས་ཕྲུག་སྐབས་སྦྱངས་བའི་གཞས་དང་ཞབས་བྲོ་ཁག་ཤས་ད་ལྟ་སློབ་ཕྲུག་ཚོ་ལ་སློབ་ནས་སླ་ཆ་ལེན་ཐུབ་ཙམ་བྱེད་མཁན་མང་པོ་ཡོད་པ་མ་ཟད།ད་དུང་དགེ་རྒན་གཞན་པ་ཡང་དེ་ལྟར་མང་པོ་ཡོད་ཀྱང་ཤེས་རིག་ལས་ཁུང་གིས་ཚོགས་ཆེན་རེ་ཚོགས་དུས་གཞི་ནས་ཤེས་རིག་བཀའ་བློན་གཉིད་ལས་སད།དེ་ནས་བསྐྱར་དུ་བཀའ་བློན་དང་འགོ་འཛིན་ཚང་མ་གཉིད་དུ་ཡུར།སྐབས་སུ་གཉིད་ལམ་ནང་དུ་ལྟ་བསྐོར་རེ་འགྲོ་ཁུལ་བྱེད་ཀྱི་ཡོད་ཀྱང་ཆ་ཚང་བ་མཐོང་གི་མེད་ལ་མཐོང་བ་དེ་ཡང་རྒྱབ་རྟེན་ཆེན་པོ་དང་ལྕགས་ཀྱུ་རྣོ་མོ་ཡོད་མཁན་ཤག་སྟག་སོང་ཙང་བསྒུལ་མི་ཕོད་དོ།
ཚེ་རིང་ལྷ་མོ་ལགས། ཟློས་དགེ་ལོ་གཅིག་སྦྱང་བརྡར་སྤྲད་རྗེས་གཞི་རིམ་སློབ་གྲྭ་ཁག་གི་ཟློས་དགེར་གཏོང་གི་རེད། སྦྱིར་བཏང་ནས་གཞི་རིམ་སློབ་གྲྭ་ཁག་ན་སྤུས་ཚད་མ་ལོངས་ཤིང་། དགེ་རྒན་འོས་སྦྱོང་ཐེབས་ཆག་རེ་ཐོན་པའི་དགེ་རྒན་མང་བོས་འཚང་བརྒྱབས་ནས་བསྡད་ཡོད་སྟབས། ད་ལྟའི་བར་གྱི་མི་ལོ་ལྔ་བཅུའི་རིང་གི་ཤེས་ཡོན་སྲིད་བྱུས་ལ་གྲུབ་འབྲས་མ་ཐོན་པ་འདི་རེད། ཡག་རྟགས་གང་ཡང་མ་རེད། དེ་བཞིན་བོད་གཞུང་ཟློས་ཁར་ཁང་རང་ཉིད་ཀྱིས་ད་ལྟའི་བར་ཅི་ཞིག་བྱས་བསྡད་པ་རེད། དེ་ལའང་ཁོམ་སྐབས་རེ་བྱུང་ན་གཅིག་ལྟ་རོགས། འཆར་ཅན་གྱི་ལས་ཀ་བྱས་ཏེ་བསྡད་ན་བོད་གཞུང་ཟློས་གར་ཁང་ཟེར་བའི་མིང་རྫིག་པོ་འཐོབ་ཀི་མ་རེད། བོད་གཞིས་སུ་མི་སྒེར་གྱི་ཟློས་གར་ཁང་དག་ནའང་མི་བུ་སྐྱེད་སྲིང་དང་དེང་རབས་ཀྱི་སྒྱུར་རྩལ་འཁྲབ་སྟོན་སྣ་ཚོགས། རོལ་དབྱངས་སྣ་ཚོགས། གླུ་གཞས་སྣ་ཚོགས་བཏོན་དང་འདོན་བཞིན་པ་རེད།
སྤྱི་དོན་ཁ་ལ་འཁྱེར་ནས་སྒེར་དོན་སྒྲུབ་མཁན།
དེང་སྐབས་དྷ་སའི་སྤྱི་ཚོགས་ནང་སྤྱི་དོན་ཁ་ལ་འཁྱེར་ནས་ཚོགས་པ་དང་ལས་ཁུངས་འདྲ་མིན་འཛུགས་ཏེ་་ཡིན་མདོག་བྱེད་མཁན་མང་པོ་འདུག་ཀྱང། ངའི་མཐོང་ཐོས་ཙམ་མ་ཡིན་པར་བརྟག་དཔྱད་བྱས་པ་བརྒྱུད་མི་དེ་དག་གིས་རང་ཉིད་ཀྱི་གླ་ཆ་ལེན་རྒྱུར་འབད་བརྩོན་བྱས་པ་ལས། གཞུང་ལ་དཔྱ་ཁྲལ་ཚད་ལྡན་འབུལ་གྱི་མི་འདུག དེ་འདྲའི་ལས་ཁུངས་ཀྱི་འགན་འཛིན་ནི་དེ་སྔ་བོད་གཞུང་གི་གཞུང་ཞབས་རྒས་ཡོལ་ཡིན་ཟེར་ནས་ཡིན་མདོག་བྱེད་མཁན་དེ་འདྲ་ཡོད་ཀྱང་བོད་གཞུང་ལ་དཔྱ་ཁྲལ་འབུལ་སྟངས་མི་ཤེས་པའམ་འབུལ་འདོད་མེད་པ་གང་ཡིན།་གང་ལྟར་འབུལ་གྱི་མི་འདུག་གོ། དེའི་སྐོར་སྤྱི་དོན་ལས་སྒེར་དོན་མིན་པས་ཕྱིས་སུ་ཞིབ་རྒྱས་གླེང་ཆོག་པ་ཞུ་རྒྱུ་ཡིན།།
ཞི་མོ་འདིས་སྐད་ཆ་ངོ་མ་ཞིག་བཤད་འདུག་མོད་བཤད་མཁན་དེ་ཞི་མོ་ཞིག་ཡིན་པས་དེ་ཚོད་ཀྱི་རིན་ཐང་ཡོད་མེད་མི་ཤེས། གལ་ཏེ་ཟམ་གདོང་གིས་བཤད་པ་ཡིན་ན་ཚང་མས་ལེ་ལེགས་སོ་ཟེར་ནི་རེད།
དེང་སང་བོད་ཀྱི་མཁན་སྤྲུལ་ཆོས་ཤེས་མཁན་ཅུང་ཟད་ཡོད་པ་ཐམས་ཅད་ཕྱི་རྒྱལ་ལ་ཕེབས་ནས། ཕྱི་རྒྱལ་མི་སྐྱ་ཕོ་མོ་ཐམས་ཅད་ལ་དགའ་ཚོར་ཆེན་པོས་བཀའ་ཆོས་གང་ཟབ་གསུང་བ་དང་འབྲེལ་་ཆོས་ཞུ་བ་ཚོ་ལ་ཁ་དགའ་ངོ་ཡག་གིས་གུས་བཀུར་ཆེན་པོར་བྱེད་བཞིན་ཡོད་ན་ཡང་། བྱམས་བརྩེ་ཅན་གྱི་མཁན་སྤྲུལ་འདི་ཚོས། བོད་དང་རྒྱ་བལ་འབྲུག་གསུམ་ལ་ཡོད་པའི་བོད་རིགས་མི་སྐྱ་ཕོ་མོ་ཚོ་ལ། སྐབས་རེ་ཚེ་དབང་ཙམ་བསྐུར་བ་ལས་དགའ་ཚོར་ཆེན་པོས་བཀའ་ཆོས་གང་ཟབ་གནང་མཁན་ཕལ་ཆེར་མེད་པར་བརྟེན། དེང་སང་བོད་རིགས་མི་སྐྱ་ཕོ་མོ་མང་ཆེ་བས་སངས་རྒྱས་ཆོས་ལ་རྨོངས་དད་ཡོད་ལ་མེད་ལ་ཁད་ཙམ་ལས། མཆོག་གསུམ་ལ་རྒྱུ་མཚན་ཤེས་པའི་དད་པ་ཡང་དག་ཡོད་མཁན་ཤིན་ཏུ་དཀོན་པས། བོད་ཀྱི་མི་རབས་རྗེས་མ་རྣམས་ཆོས་མེད་ཀླ་ཀློའི་མི་རིགས་ཞིག་ཏུ་འགྱུར་ཉེན་ཆེན་པོར་འདུག།
དེར་བརྟེན་གལ་ཏེ་བོད་ཀྱི་མཁན་སྤྲུལ་དགེ་བའི་བཤེས་གཉེན་རྣམས་ལ་བྱམས་སྙིང་རྗེ་རེ་ཡོད་ན། ངེས་པར་དུ་ཐུགས་བརྩེ་བས་ཆོས་ཀྱི་ཤེས་ཡོན་མེད་པའི་བོད་མི་ཐམས་ཅད་ལ་ཟབ་མོའི་བཀའ་ཆོས་གང་མང་གནང་ནས་ཆོས་དང་མི་ཚེ་ཕན་ཚུན་གྲོགས་སུ་འགྱུར་བ་ཞིག་བྱས་ཏེ། ཆོས་ལྡན་མི་རིགས་འདི་འཛམ་གླིང་ཞི་བདེའི་རྒྱན་དུ་ཡུན་རིང་དུ་གནས་ཐུབ་པར་བྱེད་དགོས།
བོད་ཀྱི་སྐྱབས་མགོན་མཁན་སྤྲུལ་རྣམས་ཀྱིས་བོད་མི་སྐྱབས་མེད་རྣམས་ལ་ཉུང་མཐའ་ཡང་གཟའ་འཁོར་རེ་བཀའ་ཆོས་ཐེངས་རེ་གནང་རོགས་ཞེས་སྙིང་ནས་ཞུ་རྒྱུ་ཡིན།
Thank you ལུང་རིགས་རྒྱལ།!
དམ་ཆོས་ལགས། བོད་ཡིག་གི་དཀའ་ངལ་འདི་ད་དུང་སེལ་མ་ཐུབ་བམ། ད་ཡིན་ན་གནངས་ཉིན་ནས་ཉིན་གང་རུང་ཞིག་ལ་ང་ལ་ཁ་པར་ཞིག་གཏོང་རོགས། ངེད་གཉིས་ཀྱིས་ཐབས་ཤེས་ཤིག་བྱ་ཨེ་ཐུབ་ལྟ། ༩༡་ ༩༤་ ༡༨་ ༦༨་ ༧༣་ ༥༩ འདི་ཡིན།
ནམ་རྒྱུན་སྐབས་ཐོག་གི་ཆབ་སྲིད་དང་འབྲེལ་བའི་དོན་གནད་ཕྱོགས་གཅིག་ལ་མགོ་འཁོར་བསྡད་དེ་ཚེ་རིང་ལྷ་མོ་ལགས་ཀྱིས་གླེང་བའི་ཕུགས་ཀྱི་དོན་གནད་མང་པོ་ཞིག་གི་ཐད་བསམ་བློ་འཁོར་མ་ཐུབ་པ་འདི་ང་རང་ཚོའི་སྐྱོན་རེད། ཚེ་རིང་ལྷ་མོ་ལགས་ལ་ཐུགས་རྗེ་ཆེ་ཞུ།
It is a very good point. Thank you!