བྱིས་པ་ ༧ བསད་འདུག

དེང་གི་དུས་དེར་རང་བྱུང་གནོད་འཚེ་ས་ཡོམ་གྱིས་མི་གསད་པ་དང་སྣུམ་གྱིས་མཚོ་ནང་གི་ཉ་གསད་པ་དང་མི་སྨྱོན་པས་བྱིས་པ་གསད་པ་དེ་མིན་ཤེས་པ་དང་མི་ཤེས་པའི་གནས་ཚུལ་མང་དག་ཞིག་ལ་ལྟས་ན་འཛམ་གླིང་འདིར་འཚོ་བའི་མི་སྤྱིས་ལས་ངན་མང་དག་ཅིག་བྱས་པའི་འབྲས་བུར་གོ་བ་ལོན་རྒྱུ་ལས་ཞན་གོ་ས་ཞིག་ནི་ངས་མ་རག

བྱིས་པ་ ༧ བསད་པའི་གནས་ཚུལ་འདི་ཞིན་ཧྭ་གསར་ཁང་གིས་དྲ་ངོས་ནས་བསུབས་འདུག རྒྱུ་མཚན་ཅི་ཞིག་ཡིན་མིན་མ་ཤེས།

སྣང་ཚུལ་འདི་ཅུང་ཡ་མཚན་ཞིག་རེད། ཁ་ཆེ་ཚོས་ཕ་རོལ་བོར་གཏོར་རྒོལ་བྱེད་སྐབས་རང་སྲོག་བློས་གཏོང་གིས་རྒོལ་བཞིན་པ་རེད། དེ་དག་ལ་འཇིགས་སྐུལ་རིང་ལུགས་པ་ཞེས་བཏགས་ཡོད་པ་རེད། ཁོང་ཚོའི་དམིགས་འབེན་ཡང་གཞུང་གི་ལས་ཁུངས་དང་ལས་བྱེད། ཟོང་མཁར། ཚོམས་ཆེན། ཚོགས་ཁང་། དམག་སྒར་སོགས་རེད།

རྒྱ་ནག་གི་བྱིས་པ་དམར་གསོད་བྱེད་མཁན་ཚོས་ཀྱང་མཐའ་མ་དེར་རང་སྲོག་བཅད་ཡོང་གི་འདུག དམིགས་འབེན་ནི་བྱིས་པ་ཚོ་རེད། མི་རྣམས་ཀྱི་སྙིང་གི་དུམ་བུ་རེ་རེ་གཏོར་གི་ཡོད་པ་རེད། བཟོད་ཐབས་མེད་པའི་ན་ཟུག་སློང་གི་ཡོད་པ་རེད། འདི་ནི་རྒྱ་ནག་གི་རྒྱལ་ནང་འཇིགས་སྐུལ་རིང་ལུགས་པ་ཡིན་ས་རེད། སྔ་ཕྱི་རིམ་པར་བྱུང་སྟངས་ལ་བལྟས་ན། སྒྲིག་འཛུགས་ཤིག་གི་ངོས་ནས་ཡོང་གི་མེད་དམ་ཡང་སྙམ།

དེ་གསོད་དོན་ག་རེ་ཡིན་ནམ། འཇིགས་སྐུལ་གྱི་ཟོལ་འདྲ་ཞིག་ཡིན་རྒྱུ་རེད་ཨང་།