སྐྱེ་རྒུ་མདོའི་མི་དམངས་ལ་མྱ་ངན་དང་གདུང་སེམས་མཉམ་སྐྱེད་མཚོན་ཆེད་ངྷ་སར་གནས་སྡོད་བོད་མི་ཚོས་བདུན་ཚིགས་དྲུག་པ་སྲུང་གཙི་དང་བསྔོ་སྨོན་མཆོད་འབུལ་ཞུས་ཡོད།
ཁང་སང་ཕྱི་ཚེས་༢༥ཉིན་གྱི་ཕྱི་དྲོ་ངྷ་ས་ས་གནས་བདེ་དོན་ལས་ཁུངས་ཀྱིས་གོ་སྒྲིག་འོག ཁམས་སྐྱེ་རྒུ་མདོར་ས་ཡོམ་གྱི་གོད་ཆག་བྱུང་སྟེ་བདུན་ཚིགས་དྲུག་འགོར་བའི་དུས་དྲན་སྲུང་གཙིའི་ཆེད།ངྷ་ས་མེག་གྷན་རླངས་འཁོར་འབབ་ཚིགས་ནས་ཐེག་ཆེན་ཆོས་གླིང་གཙུག་ལག་ཁང་བར་མར་མེ་ཁྲོམ་སྐོར་གནང་བ་དང་འབྲེལ།ཐེག་ཆེན་ཆོས་གླིང་གཙུག་ལག་ཁང་དུ་བཙུན་དགོན་འཇམ་དབྱངས་ཆོས་གླིང་གཙོས་པའི་སེར་སྐྱ་མི་མང་བརྒྱ་ལྷག་གིས་ཁམས་སྐྱེ་རྒུ་མདོའི་གོད་ཆག་བྱུང་ཡུལ་གྱི་མི་མང་ལ་གདུང་སེམས་མཉམ་སྐྱེད་དང་མྱ་ངན་གུས་འདུད་ཞུས་པ་མ་ཟད།མར་མེ་མཆོད་འབུལ་དང་བསྔོ་བ་སྨོན་ལམ་གསུངས་ཏེ། ཉིན་གྲངས་༤༢ དང་བདུན་ཚིགས་དྲུག་འགོར་བའི་དུས་དྲན་སྲུང་གཙི་གནང་སོང་ལ། དེ་བཞིན།འཆར་ཟླའི་ཚེས་༡ཉིན་༸གོང་ས་མཆོག་དབུ་བཞུགས་ཐོག་གཞུང་འབྲེལ་ཐོག་སྐྱེ་རྒུ་མདོར་ས་ཡོམ་གྱི་གོད་ཆག་བྱུང་སྟེ་དགུང་ཞག་ཞེ་དགུ་འཁོར་བའི་ཉིན་མོར་མཆོད་འབུལ་དང་བསྔོ་བ་སྨོན་ལམ་གནང་རྒྱུ་ཡིན་འདུག
གསར་འགོད་པ། དོན་གོ
བདུན་ཚིགས་དྲུག་པ་གསུང་རྩི་དང་སྦྲགས་སྐྱེ་རྒུ་མདོའི་གོད་ཆག་བྱུང་ཡུལ་གྱི་མི་མང་ལ་གདུང་སེམས་མཉམ་སྐྱེད་དང་མྱ་ངན་གུས་འདུད་ཞུས་པ་མ་ཟད།མར་མེ་མཆོད་འབུལ་དང་བསྔོ་བ་སྨོན་ལམ་བཅས།
བཙུན་དགོན་དེ་དགེ་ལྡན་ཆོས་གླེང་ཡིན་པ་འདྲ་ཡིན་ནའང་གསར་འགོད་པས་མཁྱེན་གྱི་ཡོད་ཤག་རེད། གང་ཡིན་ཞེ་ན་མདང་དགོང་ང་རང་མཆོད་འབུལ་དེར་བཅར་བ་ཡིན་སྐབས་དེར་མི་ཞིག་གིས་སྨོན་ལམ་གསུང་མཁན་བཙུན་མ་དེ་དག་དགེ་ལྡན་ཆོས་གླིང་ནས་ཡིན་པར་འགྲེལ་བཤད་གནང་སོང་།
ཨ་རོགས་བདུན་ཚིགས་ལྔ་པ་ཡང་ཆད་མི་འདུག་ཡིན་ནའང་མངོན་གསལ་དོད་པོའི་ཐོག་ནས་གཞུང་འབྲེལ་གྱི་མཆོད་འབུལ་ཞིག་གནང་མི་འདུག་མ་གཏོགས་ཕྱོགས་མཐའ་ཁག་ནས་མི་དམངས་དང་གདན་ས་ཁག་གི་སྲུང་བརྩི་ཞུ་བཞིན་རེད་འདུག་
ཡིད་སྐྱོ་བའི་གནས་ཚུལ་འདི་བཞིན་དགུང་ཞག་ཞེ་དགུ་གྲུབ་ནའང་དུས་གཏན་དུ་སྙིང་ཁོངས་ནས་ནམ་ཡང་ཡལ་མི་སྲིད་ངའི་སྤུ་ཟླ་དག་གི་བཞུགས་གནས་ལྷའིབཀོད་པར་དང་ཡུལ་ལྗོངས་ཞིང་ཁམས་དང་གཉིས་མེད་ཀྱི་འཚོ་བ་རོལ་བཞིན་པའི་སྐབས་དེར་བློ་བུར་དུ་སྐར་ཆ་ཁ་ཤས་ནང་མི་རོ་སྟོང་ཁྲག་མང་པོའི་དུར་ས་ཞིག་ཏུ་འགྱུར་བ་འདི་འཁོར་བའི་ཆོས་ལ་རྟག་བརྟེན་གྱི་རང་དབང་མེད་པར་གཞི་ནས་ཚོར།
ཡ་ཡ། བཟང་གི ཡིན་ནའང་བདུན་ཚིགས་ལྔ་པ་དེ་ཆད་སོང་བ་འདྲ།