རྒྱ་གཞུང་གིས་པན་ཆེན་ཆུང་སྲིད་ལ་ངོས་འཛིན་བྱས་པའི་རྒྱལ་མཚན་ནོར་བུས་ད་སྐབས་ལྷོ་ཁར་ཆོས་ལུགས་ཀྱི་བྱེད་སྒོ་ཁག་སྤེལ་བཞིན་ཡོད་འདུག
ཕྱི་ཚེས་ ༨ ཉིན་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཚེས་ ༧ ཉིན་རྒྱལ་མཚན་ནོར་བུ་ལྷོ་ཁ་ས་ཁུལ་དུ་ཕེབས་ཏེ་ཆོས་ཕྱོགས་ཀྱི་བྱེད་སྒོ་ཁག་སྤེལ་བཞིན་འདུག་ལ། སྐབས་དེར་བོད་མི་སྟོང་ཕྲག་བརྒལ་བས་ཁོང་གི་མདུན་ནས་ཆོས་ཀྱི་བྱིན་རླབས་ཞུས་ཡོད་འདུག
འདི་ནི་རྒྱལ་མཚན་ནོར་བུ་གསེར་ཁྲིར་བཞུགས་རྗེས་ལྷོ་ཁར་ཕེབས་པ་ཐོག་མ་དེ་ཆགས་ཡོད། བོད་ལྗོངས་ལྷོ་ཁ་ནི་རྒྱ་དཀར་ནག་གཉིས་ཀྱི་ཚོར་ཤུགས་རྣོ་བོའི་ས་ཁུལ་ཞིག་ཡིན་ལ་དེའི་ཆ་ཤས་ཤིག་ད་ལྟ་རྒྱ་གར་ཨ་རུ་ན་ཅལ་མངའ་སྡེའི་ཁོངས་སུ་གནས་ཡོད། ཕྱི་ལོ་ ༡༩༦༢ ལོར་ཡུལ་གཉིས་བར་ས་མཚམས་རྩོད་རྙོག་གི་རྐྱེན་པས་དམག་འཁྲུག་ཆེན་པོ་ཞིག་བྱུང་ཡོད་པ་རེད།
ཆོས་ལུཊ་ཀྱི་བྱེད་སྒོ་དེའི་ཐད་རྒྱལ་མཚན་ནོར་བུ་ལགས་ཀྱིས། ཁོང་གིས་དུས་རྒྱུན་དུ་ལྷོ་ཁར་ཡོང་སྟེ་ཆོས་ལུགས་ཀྱི་བྱེད་སྒོ་སྤེལ་ཐུབ་ན་བསམ་བསྡད་ཡོད། ད་ཐེངས་རང་གི་བསམ་དོན་དངོས་སུ་མངོན་འགྱུར་བྱུང་སོང་བས་སེམས་པ་ཧ་ཅང་སྐྱིད་པོ་འདུག་ཅེས་གསུངས་ཡོད། དེ་བཞིན་ཁོང་གིས་ས་ཁུལ་དེའི་བོད་ཀྱི་གནའ་རབས་ཆིན་གྲོ་དགོན་པར་རྟོག་ཞིབ་གནང་ཡོད་ལ། དགོན་པ་དེར་རྒྱ་བཟའ་ཀོང་ཇོའི་ན་བཟའ་ཡང་ཉར་ཚགས་བྱས་ཡོད་ཚུལ་འདུག
ཐེངས་འདིར་ཁོང་གིས་ཆོས་ཕྱོགས་ཀྱི་བྱེད་སྒོ་ཁག་སྤེལ་ཡོད་ནའང་རྒྱ་དཀར་ནག་གཉིས་ཀྱི་ས་མཚམས་སུ་བཅར་རྒྱུར་འབད་བརྩོན་གང་ཡང་གནང་མི་འདུག ན་ནིང་ལོར་༧གོང་ས་མཆོག་ཨ་རུ་ན་ཅལ་གྱི་རྟ་དབང་ཁུལ་དུ་ཕེབས་པ་དེས་རྒྱ་གཞུང་ལ་ཁོང་ཁྲོ་ཆེན་པོ་ཞིག་བསླངས་ཡོད། རྒྱ་གཞུང་གིས་བྲིས་པའི་ས་ཁྲ་ལྟར་ན། རྟ་དབང་ནི་རྒྱ་གཞུང་གིས་ཐེ་བྱུས་བྱེད་པའི་ལྷོ་ཁའི་ཆ་ཤས་ཤིག་ཡིན་པ་རེད། རང་ལོ་ ༢༠ ལ་སོན་པའི་རྒྱལ་མཚན་ནོར་བུ་ལགས་ནི་རྒྱ་ནག་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་། རྒྱ་ནག་རྒྱལ་ཡོངས་ནང་བསྟན་མཐུན་ཚོགས་ཀྱི་ཚོཊ་གཙོ་གཞོན་པ་བཅས་ཡིན་འདུག
གསར་འགོད་པ། དཔལ་ལྡན་རྒྱ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གང་ལྟར་ཀྱང་རྒྱ་མིའིཔན་ཆེན་གྱིས་བོད་ཀྱི་རིགས་་གཞུང་ལ་ཕན་ཐོགས་མཁན་
ཞིག་དང་ལུང་རྟོག་ཀྱི་བསྟན་པ་འཛིན་མཁན་ཞིག་བྱུང་ན་པན་ཆེན་ཞེས་བརྗོད་ན
འགྲིགས་རྒྱུ་རེད།
པཎ་ཆེན་སྐུ་འཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་དང་། ཆོས་ཀྱི་རྒྱལ་པོ་གཉིས་ནི་རྩོད་གཞི་ཡོད་པའི་པཎ་ཆེན་བླ་མ་རིམ་བྱོན་གྱི་གནས་བབ་ལ་ཐུག་ཡོད།
དགེ་འདུན་ཆོས་ཀྱི་ཉི་མ་ནི་ལོ་རྒྱུས་དཀྱོགས་མཚམས་འཁྲོད་དུ་ཕམ་ཉེས་ཚབས་ཆེན་ཤོར་བའི་པཎ་ཆེན་ཞིག་ཆགས་ཡོད་ལ་ཐ་ན་ཤི་གསོན་གང་ཡིན་ཆ་མ་འཚལ་བའི་རྣམ་དབྱེ་དང་པོ་དོན་གྱི་ངོ་ཙམ་སྟོན་པའི་པཎ་ཆེན་ཞིག་ལས་ཅི་ཡང་མིན།
པཎ་ཆེན་ཨི་ཏི་ནི་ཆོས་ཀྱི་རྒྱལ་པོར་འཐོབ་དགོས་མིང་དང་། གོ་ས། གནས་བབ། གོ་སྐབས། ཤེས་ཡོན། དགོན་པ། སྲུང་སྐྱོབས་སོགས་ཡོད་ཚད་ཐོབ་པའི་རྣམདབྱེ་བཞི་པ་བྱ་བའི་ཡུལ་ལ་བྱ་བ་བྱེད་བ་གཙོ་བོར་སྟོན་པའི་པཎ་ཆེན་ཞིག་ཆགས་ཡོད།
དངོས་ཐོག་བདེན་འཚོལ་གྱི་ལམ་དུ་སོང་ནས་དཔྱད་ཞིབ་གཟབ་མོ་བྱས་ན་བོད་མི་རིགས་དང་། བོད་ཀྱི་སྐད་ཡིག རིག་གཞུང་། བོད་བརྒྱུད་ནང་བསྟན་བཅས་ལ་བྱས་རྗེས་ཆེན་པོ་འཇོག་ཐུབ་མཁན་ནི་པཎ་ཆེན་ཆོས་ཀྱི་རྒྱལ་པོ་ཉིད་ཆགས་ཡོད།
གང་ལྟར་ཀྱང་རྒྱ་གཞུང་གི་པན་ཆེན་རྒྱལ་མཚན་ནོར་བུས་བོད་ཀྱི་རིགས་གཞུངས་ཕན་ཐོགས་མཁན་ཞིག་བྱུང་ན་པན་ཆེན་ཞེས་བརྗོད་ན་མི་འགྲིག་གམ།
བླ་མ་ཡོད་ཚད་ལ་རེ་བ་བརྒྱབ་ན་ ངེད་ཅག་ཚར་སོང་བའི་རྟགས་རེད་ རྒྱལ་མཚན་ནོར་བུ་ཡོད་ཀྱང་རུང་མེད་ཀྱང་རུང་ བོད་པའི་ལས་དབང་བླ་མར་བཅོལ་བ་སྒྱིད་ལུག་གི་རྟགས་རེད་ བླ་མ་ཚོར་རེ་བ་བརྒྱབས་པས་ངེད་ཅག་ཚད་འདི་ལ་བསྐྱེལ་བ་རེད་ རང་གིས་རང་ཡིད་ཆེས་བྱས་ན་ ད་གཟོད་གཞན་ལས་རྣམ་པར་རྒྱལ་བ་ཁོ་ཐག་རེད་ ཧ་གོ་སོང་ངམ་ གླན་རྟགས་ཚོ།
འདི་ནི་ན་ནིང་༸གོང་ས་མཆོག་ཨ་རུ་ན་ཅལ་ནང་ཕེབས་པ་དེ་ལ་རྒྱ་གཞུང་གིས་
ཡ་ལན་སྤྲད་པ་ལྟ་བུ་ཞིག་ལས་དོན་དམ་གྱི་ཆོས་འབྲེལ་ཞིག་ཡིན་མི་སྲིད།
རྒྱལ་མཚན་ནོར་བུར་རྒྱ་མིས་ཞལ་ལག་ཡག་པོ་བཀྱག་གི་འདུག
འོན་ཀྱང་༧ཀུན་གཟིགས་དགེ་འདུན་ཆོས་ཀྱི་ཉི་མ་མཆོག་སྐུ་འཚོ་བཞུགས་ཡིན་མིནགྱི་གནས་ཚུལ་ཙམ་ཞིག་ཐོས་རྒྱུ་མེད་འདུག་ངོ་མ་སེམས་ཀྱི་དཀྱིལ་དུ་ན་ཐིང་ངིར་་་་་་་་་་་་་་་་་་་་་
རྒྱལ་མཚན་ནོར་བུ་བོད་ཀྱི་མི་དངོས་མ་ཞིག་ཡིན་པའི་ཆ་ནས། རང་མི་རིགས་འདི་ལ་ཕན་ཐོག་ཆེན་པོ་ཞིག་ཡོད་ངེས།
དེ་རིང་གསར་འགྱུར་འདིའི་ཁ་བྱང་འབྲི་ལུགས་འདི་འདྲ་རྗེས་སུ་མ་བྲིས་བཟང་། རང་རིགས་སྤུན་ཟླ་ལ་དངོས་ཤུགས་བརྒྱུད་གསུམ་ནས་བརྩི་བསྐུར་བྱེད་དགོས།
༸གོང་ས་མཆོག་གིས་པན་ཆེན་འདིར་ལུང་རྟོགས་ཀྱི་བསྟན་པ་འཛིན་ཐུབ་ངེས་ཤིག་བྱུང་ན་སྐྱོན་མི་འདུག་གསུངས་པ་དེ་མ་བརྗེད་གྱིས།
རྒྱལ་མཚན་ནོར་བུ་མི་ཡག་པོ་འདུག་ད་་་་་
གོང་ས་མཆོག་གིས་པན་ཆེན་འདིར་ལུང་རྟོགས་ཀྱི་བསྟན་པ་འཛིན་ཐུབ་ངེས་ཤིག་བྱུང་ན་སྐྱོན་མི་འདུག་གསུང་པ་དེར་ཁཽང་གིས་ཐོས་ཡོད་དངོས་ཉིད་བོད་མི་རིགས་ལ་སེམས་ཤུགས་གཏན་གཏན་ཡོད་ངེས།