དབྱིན་སྐད་བརྙན་འཕྲིན།

ཞིན་ཧྭ་གསར་ཁང་གིས་དུས་ཚོད་ ༢༤ རིང་གི་དབྱིན་སྐད་བརྙན་འཕྲིན་ལེ་ཚན་ཞིག་སྒོ་འབྱེད་བྱས་ཡོད་འདུག

དེ་རིང་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། དེ་རིང་སྔ་དྲོར་རྒྱ་ནག་གཞུང་གིས་གཙོ་གཉེར་བྱེད་བཞིན་པའི་ཞིན་ཧྭ་གསར་ཁང་གིས་དབྱིན་སྐད་བརྙན་འཕྲན་ལེ་ཚན་ཞིག་དབུ་འབྱེད་བྱས་ཡོད་ལ། བརྙན་འཕྲིན་དེའི་རྒྱང་སྲིང་དུས་ཡུན་ཆུ་ཚོད་ ༢༤ རེད། དབྱིན་སྐད་གསར་འགྱུར་ལེ་ཚན་དེ་རྒྱ་ནག་དམར་ཤོག་ཚོགས་པ་བཙུགས་པའི་དེ་རིང་གི་ཉིན་མོར་སྟབས་བསྟུན་ནས་སྒོ་འབྱེད་བྱས་པ་ཞིག་རེད་ལ། འདིིའི་ཐད་ཞིན་ཧྭ་བརྙན་འཕྲིན་དྲ་རྒྱའི་སྤྱི་ཁྱབ་འགན་འཛིན་ཝུའུ་ཅིན་གྱིས་བྷི་བྷི་སི་རྒྱ་སྐད་གསར་འགོད་པའི་བཅར་འདྲི་དང་ལེན་བྱས་སྐབས།  ང་ཚོའི་ངོས་ནས་དབྱིན་སྐད་གསར་འགྱུར་ནང་རྒྱལ་སྤྱིའི་གནས་ཚུལ་གཙོ་བོར་འགོད་རྒྱུ་ཡིན་ཞེས་བརྗོད་ཡོད། ཞིན་ཧྭ་གསར་ཁང་གིས་བརྗོད་ན། དབྱིན་སྐད་ལེ་ཚན་འདི་སྲུང་སྐར་དང་དྲ་རྒྱ་བརྒྱུད་ཤར་ཨེ་ཤ་ཡའི་རྒྱལ་ཁབ་ཁག་དང་།  ཡུ་རོབ། བྱང་ཨ་རི། དེ་བཞིན་ལྷོ་ཨབ་རི་ཁ་གཙོས་པའི་འཛམ་གླིང་ས་ཕྱོགས་ཚང་མར་སྟོན་ཐུབ་ཀྱི་ཡོད་ཅེས་བརྗོད་ཡོད།  ཕྱི་ལོ་ ༢༠༠༩ ལོའི་ཟླ་ ༧ པའི་ཚེས་ ༡ ཉིན་ནས་བཟུང་དབྱིན་སྐད་ལེ་ཚན་དེའི་རྒྱང་སྲིང་དུས་ཡུན་སྐར་མ་ ༩༠ ཙམ་ཡིན་མོད། ལོ་དེའི་ལོ་མཇུག་ཏུ་དུས་ཡུན་སྐར་མ་ ༡༨༠ རུ་སྦར་བ་རེད། ད་ལྟ་རྒྱང་སྲིང་གི་དུས་ཡུན་སྐར་མ་ ༣༦༠༠ ཙམ་རེད་འདུག གསར་ཁང་དེའི་འབྲེལ་ཡོད་ལས་བྱེད་ཞིག་གིས་བཤད་ན། ཕྱི་ལོ་ ༢༠༠༨ ལོའི་ཟླ་ ༧ པའི་ཚེས་ ༧ ཉིན་ཞིན་ཧྭ་གསར་ཁང་གི་ངོས་ནས་༼ཞིན་ཧྭ་བརྙན་འཕྲིན་རྒྱང་སྲིང་སྔར་ལས་ཡར་རྒྱས་སྐོར་གྱི་བསམ་འཆར་ཡིག་ཆ༽ཞིག་བཏོན་ཡོད་ལ་དུས་ཚོད་རིམ་བརྒྱུད་ཁྲོད་ཡར་རྒྱས་འགྲོ་ཐུབ་པ་རེད་ཅེས་བརྗོད་ཡོད།

གསར་འགོད་པ། དཔལ་ལྡན་རྒྱ་མཚོ།