གཟའ་ཟླ་བའི་ཉིན་ནས་འཚོགས་འཆར་གྱི་གཞོན་ནུའི་ཚོགས་ཆེན་ཐེངས་ ༡༤ པའི་སྟེང་། གཞོན་ནུའི་ཚོགས་གཙོ་ཟུར་བ་སྒོ་དྲུག་སྐལ་བཟང་སོགས་ཀྱིས་ཉེ་ཆར་གཞོན་ནུའི་ཚོགས་གཞོན་ཕྱིར་འཕུད་བྱས་པའི་སྐོར་ལ་གླེང་སློང་ཤུགས་ཆེར་བྱ་རྒྱུ་ཡིན་པ་དང་། སྐབས་དེར་གཞོན་ནུའི་ནང་རྙོག་དེ་གཙང་བཟོ་ཐུབ་པ་བྱ་དགོས་ཟེར།
འདི་གའི་གསར་འགོད་པས་ངྷ་ས་དབུས་གཞོན་ནུ་ལྷན་ཚོགས་ནས་ཤེས་རྟོགས་བྱུང་བ་ལྟར་ན། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་བཅུ་བཞི་པ་དེ་ཟླ་ ༨ ཚེས་ ༢ ནས་ ༨ ཉིན་བར་བདུན་ཕྲག་གཅིག་རིང་ངྷ་སྟེང་བོད་ཁྱིམ་བདེ་སྐྱིད་ཚེ་རིང་ཚོགས་ཁང་དུ་འཚོགས་འཆར་ཡོད་པ་དང་། ཚོགས་ཐོག་ཏུ་རྒྱ་གར་ནང་ཁུལ་གྱི་ས་གནས་ཁག་དང་ཨ་རི། ཁེ་ན་ཌ། ཐེ་ཝན་བཅས་ས་གནས་ ༤༡ ལྷག་གི་ཚོགས་བཅར་བ་ ༡༥༠ ནས་ ༢༠༠ བར་ཕེབས་རྒྱུའི་ཚོད་དཔག་བྱེད་ཀྱིན་ཡོད་འདུག
གསར་འགོད་པས་དབུས་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་སུ། ཐེངས་འདིའི་ཚོགས་ཆེན་ཐེངས་ ༡༤ སྟེང་གནད་དོན་གཙོ་བོ་གང་དག་སྐོར་ལ་བགྲོ་གླེང་གནང་མིན་ཐད་བཀའ་འདྲི་ཞུས་པར་ཁོང་གིས་གསུངས་དོན། ཐེངས་འདིའི་ཚོགས་ཐོག་ཏུ་གཞོན་ནུའི་ལངས་ཕྱོགས་བཞིན་བོད་རང་བཙན་སླར་གསོའི་ཆེད་དུ་ལས་འགུལ་སྤེལ་རྒྱུ་གཙོས། བོད་རང་གི་ཐུན་མོང་མ་ཡིན་པའི་ཆོས་དང་རིག་གཞུང་མི་ཉམས་རྒྱུན་འཛིན་ཇི་ལྟར་བྱ་མིན་དང་༸གོང་ས་མཆོག་གི་སྐུ་ཕྱཱའི་སྐོར། དེ་བཞིན་བཙན་བྱོལ་སྤྱི་ཚོགས་ཁྲོད་ཀྱི་སྤྱི་ཚོགས་ཞབས་ཞུ་དང་འབྲེལ་བའི་ལས་དོན་སོགས་ཀྱི་བརྗོད་གཞི་འདྲ་མིན་ཐད་གྲོས་བསྡུར་བྱ་རྒྱུ་ཡིན་ཞེས་གསུངས།
གསར་འགོད་པས་ཁོང་ལ། ཉེ་ཆར་གཞོན་ནུའི་ནང་ཁུལ་དུ་རྩོད་རྙོག་བྱུང་བ་དང་གཞོན་ནུའི་ཚོགས་གཞོན་ཕྱིར་འཕུད་བྱས་པའི་གནད་དོན་དེའི་ཐད། ཚོགས་ཆེན་གྱི་སྐབས་སུ་གླེང་སློང་བྱ་མིན་དང་དམིགས་བསལ་གྱི་དུས་ཚོད་གོ་སྒྲིག་ཡོད་མེད་དྲིས་པར། ཁོང་གིས་དེའི་ཐད་ད་ལྟ་གང་ཡང་བཤད་རྒྱུ་མིན། ཚོགས་ཆེན་གྱི་སྐབས་དང་ཡང་ན་ཚོགས་ཆེན་རྗེས་གང་རུང་དུ་གསལ་བཤད་བྱ་རྒྱུ་ཡིན་ཞེས་དང་། ནང་ཁུལ་གྱི་རྙོག་དྲ་གསལ་བོར་ཆགས་མིན་དེ་ཚོགས་ཆེན་གྱི་རྗེས་སུ་གསལ་བོར་རྟོགས་འོང་གི་རེད་ཅེས་འགྲེལ་བརྗོད་གནང་།
དེ་ལྟར་གཞོན་ནུའི་ཚོགས་གཙོ་མཆོག་གིས་གཞོན་ནུའི་ནང་རྙོག་ཐད་དུ་གང་ཡང་གསུངས་མེད་ནའང་། གཞོན་ནུའི་ཚོགས་མི་དང་བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་དང་གཞོན་ནུའི་ཚོགས་གཙོ་ཟུར་བ་ལྷ་བཟང་ཚེ་རིང་རྣམ་གཉིས་ཀྱིས། ཐེངས་འདིའི་ཚོགས་ཆེན་སྟེང་གཞོན་ནུའི་ཚོགས་གཞོན་ཟུར་བ་དོན་གྲུབ་རྡོ་རྗེའི་རྒྱབ་སྐྱོར་བ་སྐབས་སྔོན་མའི་ཚོགས་གཙོ་ཟུར་བ་སྒོ་དྲུག་སྐལ་བཟང་སོགས་ཀྱིས། ཐེངས་འདིར་གཞོན་ནུའི་ཚོགས་གཞོན་ཕྱིར་འཕུད་བྱས་པའི་སྐོར་གླེང་སློང་བྱ་རྒྱུ་ཡིན་པར་ཚོད་དཔག་གནང་གི་འདུག
བསྟན་འཛིན་བརྩོན་འགྲུས་ལགས་ཀྱིས་དེའི་སྐོར་ནས་གསུངས་དོན། ད་ལྟའི་ཆར་གཞོན་ནུའི་ཚོགས་ཆེན་ཐེངས་ ༡༤ ལ་འཚོགས་ལ་ཉེ་བ་དང་། ཉེ་ཆར་ངྷ་ས་དབུས་གཞོན་ནུ་ལྷན་ཚོགས་ཀྱིས་ཕྱིར་འཕུད་བྱས་པའི་གཞོན་ནུའི་ཚོགས་གཞོན་ཟུར་བ་དོན་གྲུབ་རྡོ་རྗེ་ལ་རྒྱབ་སྐྱོར་ཞུ་མཁན་སྒོ་དྲུག་སྐལ་བཟང་སོགས་ཀྱིས། ཐེངས་འདིའི་ཚོགས་ཆེན་སྟེང་ཚོགས་གཞོན་ཕྱིར་འཕུད་བྱེད་སྟངས་འགྲིག་མི་འདུག་ཅེས་སྐྱོན་འཛུགས་བྱ་རྩིས་འདུག་ལ། ཚོགས་ཆེན་སྟེང་ནང་རྙོག་འབྱུང་རྒྱུ་ཡིན་པ་ཏན་ཏན་རེད། དེ་ལྟར་བྱུང་ཚེ་རྒྱ་ནག་ལ་དགོས་པ་དེ་རེད། འདི་ནི་ངའི་སེམས་ཁྲལ་ཆེ་ཤོས་དེ་ཡིན་ཞེས་གསུངས།
ཁོང་གིས་ད་དུང་གཞོན་ནུའི་ནང་རྙོག་འདི་ནི་ད་ལྟའི་ཚོགས་གཞོན་ཕྱིར་འཕུད་བྱས་མིན་ཙམ་ལ་ཐུག་མེད་པར། ཕྱི་ལོ་ ༢༠༠༡ ནས་ ༢༠༠༤ བར་དང་ ༢༠༠༧ ནས་ ༢༠༡༠ བར་དུ་བྱུང་བསྡད་པ་རེད། མི་མང་ནང་རྙོག་དྲ་དེ་གཞོན་ནུ་ནང་ཁུལ་ནས་སེལ་ཐུབ་གི་རེད་ཟེར་གྱི་ཡོད་ལ། གཞོན་ནུ་རང་གིས་ཀྱང་དེ་ལྟར་བཤད་ཀྱིན་ཡོད། གང་ལྟར་ཕར་བཤད་ཚུར་བཤད་བྱས་ཏེ་མཇུག་མཐར་ན་ཚ་རྙིང་བ་རྩ་གཏོར་དང་། སྒོ་དྲུག་སྐལ་བཟང་གི་བྱེད་ཕྱོགས་གཙང་བཟོ་བྱ་ཐུབ་པ་དགོས། གལ་སྲིད་དེ་ལྟར་མ་བྱུང་ན། མ་འོངས་པར་གཞོན་ནུས་མུ་མཐུད་བོད་དོན་ཆེད་ལས་འགུལ་སྤེལ་རྒྱུར་འགོག་རྐྱེན་ཆེན་པོ་འཕྲད་གི་རེད་ཟེར།
ཡང་བསྟན་འཛིན་བརྩོན་འགྲུས་ལགས་ཀྱིས། དོན་གྲུབ་རྡོ་རྗེ་ཡིི་ལས་ཀ་བྱེད་ཕྱོགས་དེས་༧གོང་ས་མཆོག་གི་དགོངས་གཞི་དང་བཙན་བྱོལ་བོད་གཞུང་གི་མཚན་གནས། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དང་མ་འོངས་པའི་ལས་དོན་བྱེད་ཕྱོགས་བཅས་ལ་གནོད་སྐྱོན་བཟོས་ཡོད། ཚོགས་གཞོན་ཁོང་ལའང་དེ་ལྟར་ཞུས་ཡོད་ཟེར།
གཞོན་ནུའི་ཚོགས་གཙོ་ཟུར་བ་ལྷ་བཟང་ཚེ་རིང་ལགས་ཀྱིས། ང་ལ་ནམ་རྒྱུན་ནས་མི་དང་འབྲེལ་འདྲིས་ཤུགས་ཆེར་བྱེད་པའི་གོམས་གཤིས་དེ་ཙམ་མེད་སྟབས། གཞོན་ནུའི་ད་ལྟའི་སྒྲིག་འཛུགས་སྐོར་ལ་གང་ཡང་བཤད་ཐུབ་ཀྱི་མི་འདུག ཡིན་ནའང་། སྐབས་སྔོན་མའི་ཚོགས་གཙོས་གནང་ཕྱོགས་ཐད་ལ་ངས་སྐད་ཆ་མང་བོ་གོ་ཐོས་བྱུང་། དེའི་སྐོར་ནས་ང་ལ་ཏན་ཏན་བསམ་ཚུལ་ཡོད་ལ། གལ་སྲིད་མི་འདི་ཡང་བསྐྱར་གཞོན་ནུའི་ནང་དུ་སླེབས་ཚེ། ང་རང་ཉིད་གཞོན་ནུའི་ནང་དུ་དཀའ་ལས་རྒྱག་མཁན་ཞིག་ཡིན་ནའང་། གཞོན་ནུའི་ཚོགས་མི་ནས་དགོངས་པ་ཞུ་གི་ཡིན་ཞེས་དང་།
ཁོང་གིས་ད་དུང་། སྔོན་མ་སྒོ་དྲུག་སྐལ་བཟང་ཕུན་ཚོགས་ཀྱིས་ལས་ཀ་བྱེད་སྟངས་དེར་ང་བློ་ཕམ་བྱུང་། དགའ་བོ་མེད། ད་ལྟའི་ཆར་ཟུར་ཙམ་གོ་ཐོས་བྱུང་བ་ལྟར་ན། ཁོང་ཚོ་ཁག་ཅིག་ཡང་བསྐྱར་སྐད་ཆ་བཤད་སར་ཡོང་བའི་ཐབས་ཤེས་བྱེད་ཀྱིན་ཡོད་པ་འདྲ། དེ་འདྲ་བྱུང་ཚེ་ཚོགས་ཆེན་ཐོག་སྔོན་མར་ཁོས་ལས་ཀ་བྱེད་སྟངས་མ་མཐུན་པ་དེ་ཚོ་གསལ་བོ་བཟོ་དགོས་ཀྱི་རེད། གཞོན་ནུའི་སྒྲིག་འཛུགས་ནང་དུ་དཀའ་ངལ་བྱུང་བ་རེད། དེ་ལ་སྐྱོན་ཞིག་ཡོད་རྟགས་རེད། སྐྱོན་དེ་ན་ཚ་རྙིང་བ་ལྟར་སྦས་ནས་བཞག་ཚེ་དྲག་སྐྱེད་ཡོང་གི་མ་རེད། དེ་ལས་སྐྱོན་དེ་ངོས་ལེན་བྱས། བརྡར་ཤ་བཅད་དེ་མཐར་གཙང་བཟོ་བྱ་ཐུབ་པ་བྱུང་ཚེ་ཡག་པོ་ཡོང་གི་རེད་ཅེས་གསུངས།
གཞོན་ནུའི་ཚོགས་གཞོན་དོན་གྲུབ་རྡོ་རྗེ་ལགས་འདི་ལོའི་ཟླ་ ༢ ཚེས་ ༨ ཉིན་གཞོན་ནུའི་དབུས་རྒྱུན་ལས་ངོ་ཡོད་གསུམ་ཆ་གཉིས་མང་མོས་ཐོག གཞོན་ནུའི་ཚོགས་ཁོངས་ནས་ཕྱིར་འཕུད་བྱས་ཡོད་ལ། དེ་ནི་ཚོགས་གཞོན་གྱིས་འདི་ལོའི་ཟླ་ ༢ ཚེས་ ༢༥ ཉིན་ནས་མགོ་འཛུགས་ཀྱིས་ནེའུ་ཡོག་མཉམ་འབྲེལ་རྒྱལ་ཚོགས་མདུན་དུ་ཟས་བཅད་ངོ་རྒོལ་གྱི་ལས་འགུལ་སྤེལ་རྒྱུའི་ཐག་གཅོད་ཐད། ཨ་རིའི་གཞུང་ཚབ་ཁང་ལ་ཡིག་ངག་གཉིས་ཐོག་ནས་འབྲེལ་བ་ཞུས་ཏེ། གཞོན་ནུའི་ལས་དོན་དང་འབྲེལ་བའི་ཕྱི་སྐྱོད་ལག་འཁྱེར་ཞུ་རྒྱུ་དེ་ནི། ངན་ཇུས་མགོ་སྐོར་ཡིན་ཚུལ་བཤད་དེ་གཞོན་ནུའི་གལ་ཆེའི་ལས་དོན་ལ་འགལ་རྐྱེན་བཟོས་སྟབས། གཞོན་ནུའི་སྒྲིག་གཞི་དོན་ཚན་བརྒྱད་པའི་ནང་གསེས་ ༡༢ དང་། ལེ་ཚན་དགུ་བའི་ནང་གསེས་ ༧ པའི་འབྲུ་དོན་ལྟར་ཐག་གཅོད་བྱས་སྐོར། སྐབས་དེར་དབུས་རྒྱུན་ལས་ཁང་གིས་ས་གནས་གཞོན་ནུ་ཁག་ལ་གསལ་བཤད་གནང་ཡོད།
གཞོན་ནུའི་ཚོགས་གཞོན་ཁོང་གིས་ཀྱང་སྐབས་དེར་ནང་གསེས་དོན་ཚན་དྲུག་ཅན་གྱི་ཞུ་གཏུགས་ཡི་གེ་ཞིག་དབུས་རྒྱུན་ལས་ཁང་ལ་ཕུལ་ཏེ། ཁོང་གཞོན་ནུའི་ཚོགས་གཞོན་ནས་ཕྱིར་འབུད་བྱས་པར་སྐྱོན་བརྗོད་དང་རང་ཉིད་སྒྲིག་འགལ་བྱུང་མེད་ལུགས་ཀྱི་གསལ་བཤད་དང་སྐྱོན་བརྗོད་གནང་ཡོད།
གང་ལྟར་གནད་དོན་འདིའི་ཐད་དུ་ཉེ་ཆར་ས་གནས་ཁག་ཅིག་གིས་གཞོན་ནུའི་ཚོགས་མི་རྣམས་ཀྱིས་ཛ་དྲག་གི་ཚོགས་འདུ་འཚོགས་དགོས་པའི་འབོད་སྐུལ་ཞུས་ཡོད་ནའང་། ཚོགས་ཆེན་ཐོག་ཕན་ཚུན་གསེད་བཀྲོལ་བྱ་རྒྱུ་བྱས་ཏེ། ཛ་དྲག་ཚོགས་འདུ་ཚོགས་ཐུབ་པ་བྱུང་མི་འདུག
གསར་འགོད་པ། ཨ་རིག་འགྱུར་མེད་དང་དོན་གོ
སུ་རྒྱལ་སུ་ཕམ་གྱི་སྐད་ཆ་མ་རེད། དངོས་གནས་བྱས་ན་ནང་འགྲིག་བྱེད་དགོས་པ་རེད། ནང་འགྲིག་མ་བྱས་ན་དཀའ་ངལ་ངེས་འཕྲད་སྲིད་པ་རེད། སྒོ་དྲུག་སྐལ་བཟང་ལྟ་བུ་གཞོན་ནུའི་ཚོགས་འདུ་ལ་ཡོང་རྒྱུའི་སྤོབས་པ་གང་ནས་བྱུང་བ་རེད། ཉེ་བའི་ཆར་དབུས་གཙང་སྤྱི་འཐུས་ཀྱི་འོས་གཞིར་ཞུགས་སྐབས་བོད་རང་བཙན་སྤང་རྒྱུའི་ཁས་ལེན་དང་ས་ཡིག་བརྒྱབ་པ་མ་རེད་དམ། དངོས་གནས་ཁྱད་མཚར་རེད། ད་དུང་བོད་རང་བཙན་གྱི་ལྟ་ཚུལ་འཛིན་པའི་ཚོགས་པའི་ནང་འཛུལ་ཞུགས་བྱེད་ཕོད་པ་འདི་ངོ་ཚ་ཞེ་ཁྲེལ་མེད་པའི་རྟགས་མ་རེད་དམ།
ནང་བཀྲ་མི་ཤིས་ན། ཕྱི་དོན་ག་ལ་གྲུབ། ཅེས་པའི་གཏམ་དཔེ་ལ་ཡང་ཡང་སོམས་དགོས།
སྒང་དྲུག་སྐལ་བཟང་ལ་ཡང་རྒྱ་ནག་པོ་ཚང་གིས་གཞོན་ནུའི་ཚོགས་ཆེན་དེ་ཡག་པོ་ཞིག་མི་ཡོང་བའི་ལས་ཀ་ཞིག་བསྐུལ་ཡོད་རྒྱུ་རེད་ཡ།དེ་མིན་ན་རྙོག་དྲ་བཤད་དགོས་དོན་ཡོད་ལེ་མ་རེད།
ཚོགས་མི་རྣམས་ཀྱིས་ཁོང་གཉིས་ཀྱི་གནས་ཚུལ་གསལ་པོ་བཟོ་ནས་ཉེ་བ་སུ་ལ་ཡོད་ན་རྐང་ལག་ཕན་མ་ཐོགས་པ་བཟོ་དགོས་ཀྱང་བོད་ཀྱི་དོན་དུ་ཡིན་པའི་ལག་ལེན་སྟར་དགོས་པ་རེད།
བོད་ཀྱི་གཞོན་ནུ་ཚོགས་པ་ནི་ལོ་རྒྱུས་ཀྱི་རང་བཞིན་ལྡན་པའི་ཚོགས་པ་ཞིག་རེད། བཙན་བྱོལ་བོད་པའི་སྤྱི་ཚོགས་ཀྱི་ཚོགས་སྡེ་ཆེ་ཤོས་དེ་རེད། བོད་མི་ས་ཡ་དྲུག་གི་དགོས་འདུན་ལ་སྨན་པའི་ཚོགས་པ་དེ་རེད།
སྒོ་དྲུག་སྐལ་བཟང་ཕུན་ཚོགས་གཙོ་བྱས་པའི་ཚོགས་མི་དང་ཚོགས་ཟུར་ཡོངས་ལགས།
དགོངས་པ་རྒྱ་ཆེ་ཙམ་བཞེས་རོགས་གནང་། ཚོགས་པ་ནང་ཁུལ་དང་སྤྱི་ཚོགས་ནང་ཁུལ་དུ་བསམ་ཚུལ་མཐུན་མིན་གྱི་གནས་ཚུལ་ཡོང་གི་རེད།
འོན་ཀྱང་འགག་ལ་ཐུག་ན་ཆུང་བ་དོར་ནས་ཆེ་བ་ལེན་ཤེས་དགོས་པ་རེད། ང་ཚོ་བཙན་བྱོལ་ནས་འཚོ་བ་དེ་རང་གི་ཁ་རྒྱབ་དང་། བདེ་དོན་ཁོ་ན་ཞིག་གི་ཆེ་ད་དུ་མ་རེད། རྒྱལ་ཁབ་དང་མི་རིགས་ཤིག་གི་ཆེད་དུ་རེད།
བོད་ཀྱི་གཞོན་ནུའི་ཚོགས་མི་ཞིག་ཡིན་པས་ཆ་ནས། བོད་ཀྱི་གཞོན་ནུའི་ཚོགས་ཟུར་ཞིག་ཡིན་པས་ཆ་ནས། ངའི་སེམས་གཏིང་ན་ཁྱེད་ཚོར་གདེང་འཇོག་ཡོད།
ངའི་སེམས་གཏིང་ན་ཁྱེད་ཚོར་རེ་བ་ཡོད།
དགོངས་པ་ཆེ་ཙམ་གཞེས་རོགས། སྐུ་མཁྱེན། དགྲ་དགའ་གཉེན་སྡུག་གི་གནས་ཚུལ་བྱུང་ན་རང་མགོ་བརྡུང་བའི་ཐོ་བ་མ་རེད་དམ།
ཁྱོད་ལ་མི་ངན་ན་ང་ལ་མི་ངན་བསམ་བློ་བཏང་ན་ཅོལ་ཆུང་མ་རེད་དམ།
ད་རེས་ཀྱི་ཚོགས་ཆེན་དེའང་། བོད་མི་རིགས་དང་རྩ་དོན་གྱི་ཆེད་དུ་ངར་ངར་བརྫིག་བརྫིག་གིས་འཚོགས་ཐུབ་པའི་རེ་བ་ཡོད། སྨོན་ལམ་ཡོད།
སེམས་གཏིང་གི་རེ་འདུན་ཡིན།
ང་ཚོས་རྩ་དོན་གྱི་ལྟ་བ་ཐ་དད་ཡིན་ཀྱང་། ང་ཚོ་བོད་པ་གཅིག་གི་འདུ་ཤེས་དེ་སུ་ལ་མེད། སྐུ་མཁྱེན། ཚང་མས་སྤྱི་དོན་དགོངས་པར་ཞོག བདེན་དོན་ཡིད་ལ་བཟུང་།
ལས་འབྲས་སྤྱི་བོར་བསྒོམ།
ཚིག་དོན་ལ་ཐལ་སྐྱོན་ཤོར་ན་དགོངས་དག་ཞུ།
བོད་མི་རིགས་ལ་དགའ་མཁན་ཞིག་གི་སེམས་གཏིང་གི་རེ་སྐུལ་ཡིན།
ད་རྣམས་རྟོག་རེད་བོད་ཀྱི་ཚོགས་པ་ག་འདྲ་ཞིག་ཡིན་ཡང་ནང་རྙོག་མེད་མཁན་གཅིག་ཀྱང་མི་འདུག
བོད་ཀྱི་གནས་བབ་ལ་གཟིགས་ནས་ལྷག་བསམ་རྣམ་དག་བྱེད་མཁན་གཅིག་མི་འདུག།
རང་གི་མིང་མཐོ་པོ་སླེབས་ཆེད་དང་གཞན་ལ་ཕྲ་དོགས་བྱེད་མཁན་ཤ་སྟག་རེད་འདུག་
སྤུ་མོ་ས་ལ་གཙུག་ལག་པ་སྤྱི་བོར་ལེན་ནས་འོ་དོད་ཆེན་པོའི་རེ་སྐུལ་ཞུ་རྒྱུ་ལ།
བོད་ལ་ཡོད་པའི་བོད་མི་དང་གོང་ས་མཆོག་གི་ཐུགས་འཕམ་བྱེད་མི་དགོས་པ་ཞིག་གནང་རོགས་
རྒྱ་གཞུང་གི་འདི་ལྟར་བརྗོད དགའ་བ་ལ་དང་སྐྱིད་པ་ལ་གཞོན་ནུ་ཚོགས་རྩ་གཏོར་འགྲོ་རན་འདུག་
དགའ་བ་ལ་དང་སྐྱིད་པ་ལ་བཙན་བྱོལ་ནང་འཆམ་མཐུན་མི་འདུག
སྒོ་དྲུག་སྐལ་ངན་སོགས་ལ་ཏན་ཏན་དམིསག་ཡུལ་དང་ལས་འགན་གཞན་པ་ཞིག་ཡོད་ངེས་རེད། ༡༩༥༩ ཡར་མར་ལ་ཆུ་བཞི་སྒང་དྲུག་གིས་འཆར་གཞི་ལྡན་པའིསྒོ་ནས་རྒྱ་དམར་རྒོལ་འཛིང་བྱེད་སྐབས་ཀྱང་། མི་ངན་དེ་རིགས་ཀྱིས་རྒྱ་དམག་གི་ལམ་ཁྲིད་དང་སྐད་བསྒྱུར་དང་། གསང་བ་མཁོ་སྤྲོད་སོགས་ཁ་ནང་ལ་འཁོར་ནས་ལག་པ་བརྒྱབ་གཟེད་མཁན་ཚོས་ཆུ་བཞི་སྒང་དྲུག་ལ་དཀའ་སྡུག་ཚད་མེད་བཟོས་པ་རེད། དེ་ནས་ཆུ་བཞི་སྒང་དྲུག་གི་དམག་ཁྲིམས་ནང་དུ་རྒྱ་མིར་ལག་འབྲེལ་གྱིས་ཆུ་སྒང་སྒྲིག་འཛུགས་ལ་གྱོང་སྤྲོད་མཁན་ཚོར་སྲོག་གཅོད་ཀྱི་ཁྲིམས་བཟོ་དགོས་བྱུང་བ་རེད། སྒོ་དྲུག་སྐལ་ངན་ད་ནས་དོན་འགྲུབ་རྡོ་རྗེ་ཟེར་བའི་མི་ངན་འདི་ཚོས་བོད་དོན་ཕྱི་མི་སུ་ལའང་བཙོང་སྲིད་པ་གསལ་བོ་ཆགས་པ་རེད། ཁོས་ཨ་རིའི་དོན་གཅོད་ལ་གསང་བའི་འབྲེལ་བ་བྱས་ནས་བོད་མའི་ཚོགས་སྡེ་ཆེན་པོ་འདིའི་ཆ་མཐོང་མེད་པ་བཟོས་པ་ལྟ་བུ་རེད། ཚོགས་པ་འདི་གང་བྱེད་མི་སྒོ་དྲུག་སྐལ་ངན་སོགས་མི་ངན་ལག་མ་ཡིན་པར། ཚོགས་མི་ཚང་མ་འཛོམས་ནས་ནག་ཅན་པ་གསལ་འདོན་ཚར་གཅོད་བྱེད་དགོས་པ་རེད། མི་རེ་གཉིས་ཀྱི་ཆེད་དུ་བོད་མི་རིགས་ཀྱི་སྒྲིག་འཛུགས་ཞིག་འདི་ལྟར་རྩེད་སྤྱད་བྱེད་དུ་འཇུག་མི་རུང་།
གཞོན་ནུ་ལོས་འཁྲིག གཞོན་ནུ་ཚོ་རྒྱལ་དབང་མཆོག་གི་སྐུ་ཚབ་རེད། གཞོན་ནུ་ཚོ་བཙན་བྱོལ་བོད་མིའི་བཀའ་བློན་ཁྲི་པ་རེད། ཁྲི་པ་མ་ཡིན་པ་ཡང་རེད། ཁྲི་ཟུར་ཡང་རེད། བཀའ་ཟུར་རེད། དྲུང་ཆེ་ཕལ་ཆེ་བ་རེད།
གཞོན་ནུ་ག་ས་གང་དུ་ཡོད་པ་རེད། གཞོན་ནུ་འདི་ཚོ་རྒྱ་ནག་གི་མིག་ལ་འཐོག རྒྱལ་སྤྱིའི་ཁ་ལ་འཐོག རྒྱ་གར་གྱི་མཆན་ལ་འཐོག
གཞོན་ནུ་འདི་བོད་མིའི་སེམས་ལ་འཐོག
གཞོན་ནུ་ཡ་གཞོན་ནུ། ཁྱོད་རྒས་འདུག གཉེར་མ་གོན་འདུག ཁྱོད་དངོས་གནས་རྒས་འདུག ཚད་ངེས་ཅན་ལ་བསླེབས་འདུག ང་ཚོར་གཞོན་ནུ་ངོ་མ་ཞིག་དགོས་ཀྱི་འདུག དང་ཐོག་གི་གཞོན་ནུ་དེ་དགོས་ཀྱི་འདུག དེ་ཁྱོད་མ་རེད། ཁྱོད་མ་རེད། ཁྱོད་དངོས་གནས་མ་རེད། ངས་མནའ་སྐྱེལ་ཆོག
ན་ཚ་རྙིང་པ་དེ་ལ་སྨན་ཡོད་པ་མ་རེད། དེ་ལས་བཤའ་སྐྱོབ་དང་ན་ཡགས་ཤོག་རེད།
གཞོན་ནུས་ཚོགས་གཙོ་དང་ཚོགས་གཞོན་གཉིས་ཀྱི་བརྩོད་གླིང་དེ་ཡུན་རིང་པོ་བྱུང་སོང་སྔལ་དགོ་དྲུག་དང་བློ་བཟང་ཡེ་ཤེས་གཉིས་མཐུན་མེད་ལ་ཡང་ཉེ་ཆར་ཚེ་དབང་རི་འཛིན་དང་དོན་གྲུབ་རྡོ་རྗེ་་གཉིས་ཡང་མཐུན་མེད་པ་རེད་གང་རྟལ་བོད་རིགས་སྤྱི་ལ་གྱོང་རེད་དེང་གཞོན་ལྷན་གྱིས་ཚོགས་ཆེན་འདིའི་སྐབས་ལ་ཞིབ་འཇུག་ནན་པོ་བྱེད་ནས་མ་འོང་པ་ལ་འདི་འདྲ་མི་ཡོངས་བ་བྱེད་དགོས་པ་གལ་ཆེན་པོ་མཐོང་གང་ལགས་ཞེསན་་བོད་ཀྱི་གཞོན་ནུ་ལྷན་ཚོགས་དེ་ཚོགས་པ་གཞན་དང་མ་འདྲ་བ་གལ་ཆེན་པོ་གཞིག་རེད་
ན་ཚ་འདི་རག་དུག་རེད།་་་་་་་སྨན་རིན་ཆེན་པོ་རེད།་་་་་་མགྱོགས་པོ་མི་ཤི་བའི་ཆེད་དུ་སྨན་ཟ་ན་མ་གཏོགས་ཐབས་ཤེས་ཅི་ཡོད།
ན་ཚ་འདི་འདྲ་ཚོད་མཐོ་བའི་རིགས་རེད་ད། ཁག་པོ་རེད། སྔོན་མ་ནས་རྒྱ་སྨན་རྫུན་མ་འདྲ་ཟས་མ་བསྡད་ན་ཕལ་ཆེ་རེ་བ་རེ་མེད་འགྲོ
ན་ཚ་རྙིང་པར་སྨན་བཅོས་གསར་པ་བྱུང་ན་ཡག་པོ་རེད།
ན་ཚ་རྙིང་པ་མེད་པ་བཟོ་དགོས་པ་བདེན་དུ་ཆུག་ཀྱང་།
རྒྱ་གུང་ཁྲན་གྱི་ལག་ཆར་མི་འགྱུར་བའི་བགྲོ་གླེང་དང་།
ཐག་གཅོད་གནང་དགོས་ངེས་སུ་མཐོང་།།
ཡག་པོ་བྱུང་འདུག ལྷ་བཟང་ཚེ་རིང་དང་བསྟན་འཛིན་བརྩོན་འགྲུས་སོགས་ཀྱིས་ད་ཐེངས་ནུས་པ་འདོན་པའི་དུས་ལ་བབ་པ་རེད། མི་ཚེ་གང་བོ་བོད་དོན་ལས་འགུལ་ཆེད་ཕུལ་བའི་བོད་དོན་ཉམས་ཞིབ་པ་དང་སྐབས་སྔོན་མའི་ཚོགས་གཞོན་བློ་བཟང་ཡེ་ཤེས་སོགས་ལ་ད་ཐེངས་རྒྱལ་ཁ་ཆེན་པོ་ཐོབ་པའི་རེ་འདུན་ཡོད།