དེ་རིང་བཀའ་ཁྲི་མཆོག་གིས་གྲོས་ཚོགས་སུ་བོད་རྒྱ་འབྲེལ་མོལ་གྱི་སྐོར་ལ་གསལ་བཤད་གནང་ཡོད་ལ། སྐབས་དེར་ཁོང་གིས། འབྲེལ་མོལ་སྐབས་རྗེས་མར་རྒྱ་ནག་གིས་ལག་ལེན་དུ་བསྟར་ཐུབ་གི་རེད་བསམ་པའི་དོན་དག་གཉིས་གསུམ་ཞིག ལག་ལེན་དུ་བསྟར་རྒྱུའི་འབོད་སྐུལ་ཞུ་རྒྱུ་ཡིན་ཞེས་གསུངས་ཡོད།
ཉིན་འདི་འགར་བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་བའི་གྲོས་ཚོགས་ཚོགས་དུས་བཅུ་བ་འགྲོ་བཞིན་པ་ལྟར། ཐེངས་འདིའི་གྲོས་ཚོགས་སྐབས་བོད་མི་མང་སྤྱི་འཐུས་ཁག་ཅིག་གིས་བཀའ་ཁྲི་མཆོག་ལ་བོད་རྒྱ་འབྲེལ་མོལ་གྱི་ད་ལྟའི་གནས་བབ་སྐོར་བཀའ་འདྲི་ཞུས་པར། བཀའ་བློན་ཁྲི་པ་མཆོག་གིས་གྲོས་ཚོགས་སུ་ལན་འདེབས་གནང་ཡོད། དེ་རིང་གྲོས་ཚོགས་སྐབས་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་གིས་བོད་རྒྱ་འབྲེལ་མོལ་སྐོར་གསལ་བཤད་གནང་དོན། འདི་ལོའི་ལོ་མགོར་བོད་རྒྱ་འབྲེལ་མོལ་ཐེངས་དགུ་བ་བྱུང་བ་ནས་ད་ལྟའི་བར་བོད་རྒྱ་འབྲེལ་མོལ་གྱི་གནས་སྟངས་རང་འཇགས་ཡིན་པ་ལས་གནས་ཚུལ་གསར་བ་གང་ཡང་བྱུང་མེད་ཅེས་དང་། འབྲེལ་མོལ་ཐེངས་བརྒྱད་པའི་སྐབས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ཞིག་ཕུལ་ཡོད་ལ། དེ་ལ་རྒྱ་ནག་གི་འབྲེལ་ཡོད་ཚོས་འཁྱོགས་བཤད་དང་ལོག་བཤད་བྱས་པ་དེ་ཚོར་འགྲེལ་བརྗོད་ཀྱི་ཡིག་ཆ་ཞིག ད་ལོའི་འབྲེལ་མོལ་ཐེངས་དགུ་བའི་སྐབས་ཕུལ་ཡོད། ཅེས་གསུངས།
ཡང་ཁོང་གིས། དེའི་རྗེས་གནས་ཚུལ་གསར་བ་ཞིག་བྱུང་བ་ནི་སྐྱེ་རྒུ་མདོར་བྱུང་བའི་ས་ཡོམ་དེ་ཡིན་ལ། སྐབས་དེར་༧གོང་ས་མཆོག་གིས་ཁོང་སྐྱེ་རྒུ་མདོར་ཞབས་སོར་འཁོད་ཐུབ་ན་ལེགས་པོ་འདུག་ཅེས་དགོངས་ཚུལ་ཞིག་ཀྱང་ཕེབས་ཡོད། ཡིན་ནའང་། རྒྱ་ནག་གིས་དེ་ལ་བཟང་ངན་གྱི་ལན་གང་ཡང་མ་ཕུད་པར་བཞག་པ་རེད་ཅེས་གསུངས།
འབྲེལ་མོལ་ཐེངས་བཅུ་བ་ཡང་ང་ཚོའི་ངོས་ནས་ཕྱི་ཟླ་བདུན་པ་དང་བརྒྱད་པ། དགུ་བ། བཅུ་བ་སོགས་ག་དུས་བྱུང་ནའང་འགྲིག་གི་རེད་ལབ་ཡོད་མོད། ཕྱི་ཟླ་དང་པོར་འབྲེལ་མོལ་གནང་ཚར་ཙམ་ཡིན་སྟབས་བྲེལ་བ་མི་འདུག་ཅེས་བརྗོད་སྟབས་ད་ལྟའི་བར་དུས་ཚོད་ངེས་གཏན་བྱུང་མེད་ཅེས་དང་། དེའི་བར་དུ་བཙན་བྱོལ་བོད་གཞུང་གིས་ངོས་ནས་དུས་ཚོད་དེ་བེད་སྤྱོད་བཏང་སྟེ། ཡུ་རོབ་ནང་དུ་ང་ཚོར་གཞུང་སྒེར་གཉིས་ལ་གྲོགས་པོ་མང་བོ་ཡོད་ཅིང་། བྱང་ཨ་རིའི་ནང་དུའང་གཞུང་སྒེར་གཉིས་ཀར་གྲོགས་པོ་མང་བོ་ཡོད་པ་ལྟར། དེ་ཚོ་དང་མཉམ་དུ་མ་འོངས་པའི་ང་ཚོས་གོམ་པ་སྤོ་སྟངས་དང་ལས་དོན་བྱེད་ཕྱོགས་གང་འདྲ་བྱས་ན་བཟང་བ་དང་། ད་སྔ་ཕན་དུ་ང་ཚོས་ཞུས་པ་དག་ལ་ནོར་འཁྲུལ་གང་དག་བྱུང་མིན་བཅས་ཀྱི་སྐོར་ལ། བཀའ་སློབ་དགོངས་སྐོར་ཞུ་སླད། ༧གོང་ས་མཆོག་གི་སྐུ་ཚབ་རྣམ་གཉིས་གཙོས་འབྲེལ་ཡོད་ཚང་མས་གྲོས་བསྡུར་གྱི་གོ་སྐབས་ཡག་པོ་བྱུང་ཡོད། ཨ་རིའི་གཞུང་དང་ཡུ་རོབ་ཁུལ་དུ་སྐབས་རེར་བཀའ་ཁྲི་ངོ་མ་དང་སྐབས་རེར་འབྲེལ་ཡོད་སྐུ་ཚབ་དོན་གཅོད། དེ་མིན་ལས་དོན་ཚོགས་ཆུང་གི་ལས་བྱེད་བཅས་ཀྱིས་གོ་བསྡུར་བྱེད་བཞིན་པ་ཡིན་ལ། ཟླ་འདིའི་ཟླ་མཇུག་ཏུ་བསྐྱར་དུ་དམིགས་བསལ་ཚོགས་ཆུང་ཞིག་ཡུ་རོབ་ཁུལ་དུ་ཆེད་བསྐྱོད་ཐོག ཕན་ཚུན་འབྲེལ་མོལ་ཞུ་དགོས་པ་དང་ད་ལྟའི་བར་གྱི་ལས་རིམ་ལ་བསྐྱར་ཞིབ། མ་འོངས་པའི་ཐབས་བྱུས་འཛིན་སྟངས་བཅས་ཀྱི་སྐོར་ལ་གོ་བསྡུར་ཞུ་རྒྱུ་ཡིན་ལ། དེ་དག་གིས་ཕན་ཐོགས་ཆེན་པོ་ཡོང་གི་འདུག
དེར་བརྟེན་འབྲེལ་མོལ་ཐེངས་བཅུ་བ་ག་དུས་བྱུང་ནའང་། སྐབས་དེར་བར་ལམ་མཁོ་བསྡུ་བྱས་པའི་བསམ་འཆར་དང་ཀླད་པ་དཀྲུགས་པ་དག་བེད་སྤྱོད་ཡོང་རྒྱུ་དང་། དེའི་ཐོག་ཕྱོགས་གང་ས་ནས་མཐུན་འགྱུར་ཡོང་བའི་བང་བསྒྲིགས་ཡོད་ཅེས་གསུངས།
ཡང་ཁོང་གིས། འབྲེལ་མོལ་རྗེས་མའི་སྐབས། འབྲེལ་མོལ་ཐེངས་བརྒྱད་པའི་སྐབས་ཕུལ་བའི་བསམ་འཆར་ཡིག་ཆའི་ནང་གི་འཕྲལ་དུ་ལག་ལེན་དུ་བསྟར་དགོས་པ་དང་། ང་ཚོས་ངོས་ནས་ལྟ་སྐབས་ལག་ལེན་དུ་བསྟར་ཐུབ་གི་རེད་བསམ་པའི་རིགས་གཉིས་གསུམ་ཙམ་གྱི་གལ་གནད་འགའ་ཟུར་འདོན་བྱས་ཏེ། དེའི་སྟེང་དུ་དམིགས་སུ་བཀར་ཏེ་གོ་བསྡུར་བྱ་རྒྱུ་དང་ལག་ལེན་དུ་བསྟར་དགོས་ཀྱི་འདུག་ཅེས་འབོད་སྐུལ་ཞུ་རྒྱུ་ཡིན་ཞེས་གསུངས་ཡོད།
གསར་འགོད་པ། ཨ་རིག་འགྱུར་མེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཟམ་གདོང་བློ་བཟང་བསྟན་འཛིན་མཆོག་གི་དམིག་གསལ་གྱི་གསལ་བཤད་གང་ཡོངས་གནང་མི་འདུག་
༼བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ༽ལས་ད་དུང་ལག་ལེན་དུ་བསྟར་ཐུབ་གི་རེད་བསམ་པ་ཞིག་ཡོད་ཚེ།
༡ བོད་གནའ་སྔ་མོ་ནས་རྒྱ་ཁོངས་ཡིན་པ། ༢ བོད་ཀྱི་སྤྲུལ་སྐུ་ཐག་གཅོད་ཀྱི་དབང་ཚད་དབུས་གཞུང་ལ་ཡོད་པ། ༣ སྔར་བྱས་ཉེས་འགྱོད་ཞུ་བ་ལས་ལྷག་མེད་པས། དེ་དག་ཟུར་བཀར་གྱིས་འབོད་བསྐུལ་ཞུ་རྩིས་ཡོད་པ་ཡིན་ནམ། ཡང་ན། ཅི་ཞིག་གནང་རྩིས་ཡོད་པ་ཡིན་ནམ།
ཤེས་བྱའི་གནས་ལུགས་ཐམས་ཅད་ལ་འཇིགས་བྲལ་གྱི་རིག་པའི་དབང་ཕྱུག་
ཆེན་པོ་མཁས་དབང་ཟམ་གདམ་རིན་པོ་ཆེ་མཆོག་བློ་གཟུ་བོ་གནས་ཏེ་ རང་བཞིན་དྲང་ཏེ་ ཆོ་ག་ཆོས་ལུགས་རིགས་སུ་མ་ཕྱེ་བར་ སྔ་ཕྱི་བར་གསུམ་དུ་རྒྱལ་བསྟན་ཆབ་སྲིད་དང་ བོད་རིགས་ཆགས་འཇིག་གི་རླུང་འཚུབ་འོག་ རྒྱལ་བ་དོན་གྱི་བདག་པོ་མཆོག་གི་ཡིད་གཉིས་ཐེ་ཚོམ་མེད་པ་ཕྱག་རོགས་དཔུང་འདེབས་གནང་བར་བོད་མི་ས་ཡ་དྲུག་གི་ནམ་ཡང་བཀའ་དྲིན་གཞལ་ཟླ་བྲལ་བའི་ སྐུ་ཉིད་སྐུ་ཚེ་ཡུན་དུ་བརྟན་པ་དང་མཛད་འཕྲིན་སྔ་ལས་དར་རྒྱས་ཡོང་བ་དང་ ཐུགས་བཞེད་མྱུར་དུ་འགྲུབ་པའི་སྨིན་འདུན་བཅས་ བོད་མི་ས་ཡ་དྲུག་ནས་ལག་གཉིས་ཐལ་མོ་སྦྱར་ནས་
བཀའ་ཁྲིས་གསུངས་པ་དེར་རྒྱུ་མཚན་མང་པོ་འདུག་མོད་ཆབ་སྲིད་ཀྱི་ཁ་ནུབ་ཏུ་ཕྱོགས་ནས་རྒྱ་ནག་དང་འབྲེལ་མོལ་ཡོང་རྒྱུའི་རེ་བ་གླེང་བ་དེས་འབྲེལ་མོལ་ཡོང་རྒྱུ་མེད་པར་ད་དུང་འབྲེལ་མེད་ཆགས་རྒྱུའི་ཉེན་ཁ་ཡོད།
ངེས་པ་དོན་གྱིས་འབྲེལ་མོལ་གཅིག་བྱེད་འདོད་ན་ཁ་རྒྱ་ནག་ཏུ་ཕྱོགས་ནས་རྒྱ་བོད་གཉིས་ཕན་ཡོང་ཐབས་སླད་ཕན་ཚུན་ཕྱོགས་གཉིས་ཀས་གནས་ཚུལ་གསལ་པོ་དང་། རིག་པ་དངྭང་གསལ། བློ་རྩ་མཐུན་པོ་བཅས་ཀྱིས་སྒོ་ནས་རྒྱ་ནག་དང་ལྷན་དུ་མཉམ་གནས་དང་མཉམ་ལས་ཀྱི་འབཻལ་མོལ་ཡོང་ཐབས་བྱེད་དགོས།
སྐྱེས་བུ་དམ་པ་ཟམ་གདོང་བློ་བཟང་བསྟན་འཛིན་མཆོག་གི་
སྐུ་ཚེ་ཡུན་དུ་བརྟན་པར་ཤོགས།།
ཁྱེད་ཀྱི་བོད་མི་རིགས་ལ་བཞག་པའི་རྨད་བྱུང་གི་མཛད་རྗེས་དག་ལ་ང་ཚོའི་ནམ་ཡང་རྗེས་དྲན་བྱེད་ངེས།།
ཕྱི་ཟླ་དང་པོར་འབྲེལ་མོལ་གནང་ཚར་ཙམ་ཡིན་སྟབས་བྲེལ་བ་མི་འདུག?