ངྷ་ཤོད་བོད་ཁྱིམ་གྱི་སློབ་ཕྲུག་བརྒྱ་ཙམ་ལ་ཟས་དུག་ཕོག་སྟེ་ད་ལྟ་ངྷ་ས་བདེ་ལེགས་སྨན་ཁང་དུ་ཛ་དྲག་གིས་མྱུར་སྐྱོབ་བྱེད་བཞིན་འདུག་ལ། སྨན་པས་ཟས་དུག་ཕོག་པའི་སློབ་ཕྲུག་རྣམས་དུས་ལྟར་སྨན་ཁང་དུ་འབྱོར་སྟབས་ད་ལྟ་ཉེན་ཁ་ཆེན་པོ་མེད་སྐོར་གསུངས་ཡོད། སྤྱི་ཡོངས་ནས་ཐེངས་འདིར་ཟས་དུག་ཕོག་པའི་སློབ་ཕྲུག་སུམ་བརྒྱ་ལྷག་ཡོད་འདུག
དེ་རིང་ངྷ་ས་བདེ་ལེགས་སྨན་ཁང་དུ་ངྷ་ཤོད་བོད་ཁྱིམ་གྱི་སློབ་ཕྲུག་བརྒྱ་ཙམ་ལ་ཟས་དུག་ཕོག་སྟེ་ཛ་དྲག་གི་སྨན་བསྟེན་དང་བརྟག་དཔྱད། མྱུར་སྐྱོབ་བྱེད་བཞིན་ཡོད་པ་དང་འདི་གའི་གསར་འགོད་པ་སྨན་ཁང་དུ་འབྱོར་སྐབས། སྨན་ཁང་གི་གོང་འོག་བར་གསུམ་གྱི་ཉལ་ཁང་ཡོངས་དང་བར་ཁྱམས་སོགས་སུ་སློབ་ཕྲུག་གིས་ཁེངས་ཏེ། སྨན་པ་དང་ནད་གཡོག སྨན་ཁང་གི་འགན་འཛིན། ངྷ་ཤོད་བོད་ཁྱིམ་གྱིས་བཏང་བའི་ལས་བྱེད་ཁག་ཅིག སློབ་ཕྲུག་རེ་འགའི་ཕ་མ་བཅས་ཀྱིས་རང་རང་གི་ས་ན་སློབ་ཕྲུག་ཚོར་མྱུར་སྐྱོབ་ཀྱི་བྱ་བར་བྲེལ་བཞིན་འདུག བདེ་ལེགས་སྨན་ཁང་གི་སྨན་པ་དཀོན་མཆོག་རྡོ་རྗེ་ལགས་ཀྱིས་གསུངས་དོན། སློབ་ཕྲུག་ཚོས་བཤད་སྟངས་ལ་ཉན་ན་ཉིན་འགའི་སྔོན་ཁོང་ཚོར་བརྔོས་ཐུག (Chomein) ཅིག་བཏང་འདུག་ལ། བརྔོས་ཐུག་དེ་རྙིང་པ་ཡིན་ས་རེད། དེར་བརྟེན་སློབ་ཕྲུག་མང་བོ་ཞིག་གྲོད་ཁོག་ཤུགས་ཆེར་བཤལ་བ་དང་། སྐྱུག་པ་བསྐྱུགས་པ། མགོ་ན་བ་སོགས་བྱུང་སྟེ་ཁ་སང་དགོང་མོ་ནས་འདིར་སློབ་ཕྲུག་ཡོང་མགོ་ཚུགས་ཡོད། སྤྱིར་ཟས་དུག་ཕོག་ནས་ཉིན་གཉིས་ཙམ་ཕྱིན་འདུག་ཀྱང་གནས་ཚུལ་ངོ་མ་མར་སློབ་གྲྭར་སོང་ན་མ་གཏོགས་ཤེས་རྟོགས་ཐུབ་ཀྱི་མ་རེད་ཅེས་གསུངས།
ཡང་ཁོང་ལ་ཟས་དུག་གི་ནད་ཚ་འདི་ཛ་དྲག་པོ་ཡིན་མིན་སྐོར་དྲིས་པར་ཁོང་གིས་གསུངས་དོན། ནད་ཚ་འདི་ཛ་དྲག་པོ་རེད། གང་ཡིན་ཟེར་ན་གྲོད་ཁོག་ཤུགས་ཆེན་པོ་བཤལ་ཚེ་ལུས་ཀྱི་ཆུ་ཚང་མ་རྫོགས་འགྲོ་གི་རེད་ལ། ཆུ་རྫོགས་ཏེ་དུས་ལྟར་ནད་བཅོས་མ་ཐུབ་པ་དང་ཆུ་གཏོང་མ་ཐུབ་ན་འཆི་རྒྱུའི་ཉེན་ཁ་ཡང་ཡོད་ཅེས་དང་། ད་ལྟ་ངས་རོབ་རྩིས་བྱས་པ་ལྟར་ན་འདིར་ཛ་དྲག་གི་མྱུར་སྐྱོབ་བྱེད་བཞིན་པའི་སློབ་ཕྲུག་བརྒྱ་ཙམ་ཞིག་འདུག་མོད། འདིར་བསླེབས་རྗེས་ལྟ་རྟོག་རག་པ་དང་སྨན་བཅོས་རག་གི་ཡོད་སྟབས་ཛ་དྲག་གི་གནས་སྟངས་ལས་གྲོལ་ཟིན་པ་ལྟ་བུ་རེད་ཅེས་གསུངས། ཡང་ངྷ་ཤོད་བོད་ཁྱིམ་གྱི་དགེ་རྒན་ཞིག་གིས་ད་ལྟ་ཁྲག་བརྟག་དཔྱད་ཟིན་པའི་སློབ་ཕྲུག་བརྒྱད་ཅུ་ལྷག་ཡོད་ལ། ད་ལྟའི་ཆར་ཛ་དྲག་ཆགས་ཏེ་སྨན་ཁང་དུ་བསྐྱལ་ཡོང་བའི་སློབ་ཕྲུག་གྲངས་ག་ཚོད་ཡོད་མེད་བརྩི་བའི་དུས་ཚོད་ཀྱང་མི་འདུག་ཟེར།
གསར་འགོད་པ་བདེ་ལེགས་སྨན་ཁང་དུ་བསྐྱོད་སྐབས་བོད་མི་མང་སྤྱི་འཐུས་ཚེ་རིང་གཡུ་སྒྲོན་ལགས་ཀྱང་དེ་རུ་ཕེབས་ཏེ། སློབ་ཕྲུག་ཚོར་ལྟ་སྐྱོང་བྱེད་བཞིན་པའི་སྒང་རེད་ལ། སྐབས་དེར་ཁོང་གིས་གསུངས་དོན། ཁ་སང་དགོང་མོར་སློབ་ཕྲུག་བརྒྱ་དང་ལྔ་བཅུ་ལྷག་ལ་ཟས་དུག་ཕོག་འདུག་ཟེར་གྱི་འདུག་ཀྱང་། ད་ལྟ་དེ་ལས་མང་དུ་སོང་འདུག་ཅེས་གསུངས་ལ། ངྷ་ཤོད་བོད་ཁྱིམ་དུ་སློབ་ཕྲུག་ཅིག་གིས་ཟས་དུག་འདི་སློབ་ཕྲུག་སུམ་བརྒྱ་ལྷག་ལ་ཕོག་ཡོད་པ་དང་། གཙོ་བོ་ཁོང་ཚོས་ཟོས་པའི་བརྔོས་ཐུག་དེའི་ནང་དུ་སྣུན་རྦད་དེ་མང་དྲགས་པས་རེད་ཟེར།
འདི་གའི་གསར་འགོད་པ་ངྷ་ཤོད་བོད་ཁྱིམ་སློབ་གྲྭར་ཆེད་བསྐྱོད་ཀྱིས་དེའི་སྐོར་རྒྱུས་ལོན་བྱས་ཀྱང་། སྒོ་སྲུང་བས་འབྲེལ་ཡོད་ལས་བྱེད་ལ་བཀའ་འདྲི་བྱས་པ་བརྒྱུད་གསར་འགོད་པ་སློབ་གྲྭའི་ནང་གཏོང་རྒྱུའི་ཆོག་མཆན་ཐོབ་མེད་ཐོག སློབ་སྤྱི་ལ་ད་ལྟ་ཟས་དུག་ཕོག་པའི་སློབ་ཕྲུག་ཚོའི་སྐོར་ལ་བཀའ་འདྲི་ཞུ་ཆོག་པའི་རེ་སྐུལ་ཞུས་ཀྱང་། སྒོ་སྲུང་བས་མདང་དགོང་མཚན་མོར་ཛ་དྲག་ཐོག་སློབ་ཕྲུག་མང་བོ་མྱུར་སྐྱོབ་བྱེད་དགོས་བྱུང་བ་དང་། དེ་རིང་ད་དུང་མྱུར་སྐྱོབ་ཀྱི་བྱ་བར་བྲེལ་འཚུབ་ཆེ་སྟབས་སང་ཉིན་མ་གཏོགས་གསར་འགོད་པའི་བཅར་འདྲི་དང་ལེན་བྱེད་ཐུབ་ཀྱི་མེད་སྐོར་བརྗོད་ཀྱི་འདུག་ཅེས་བརྗོད་སོང་། གསར་འགོད་པས་སྒོ་སྲུང་བར་གནས་ཚུལ་འདིའི་སྐོར་བཀའ་འདྲི་ཞུས་ཀྱང་། ཁོང་གིས་རེས་གཟའ་སྤེན་པའི་ཉིན་ཁོང་གུང་སེང་ཡིན་སྟབས་ཞིབ་ཕྲའི་གནས་ཚུལ་གང་ཡང་ཤེས་ཀྱི་མེད་ཅེས་བརྗོད་པར་མ་ཟད། སློབ་ཕྲུག་ག་ཚོད་ལ་ཟས་དུག་ཕོག་ཡོད་མེད་ཀྱང་ཤེས་ཀྱི་མེད་སྐོར་བརྗོད། ཁོང་གིས་དེ་ནི་སྒོ་བསྲུངས་ནས་བསྡད་པ་ལས་ཉལ་ཁང་ལ་སོང་མེད་སྟབས་ཡིན་ཞེས་བརྗོད།
གསར་འགོད་པ་ངྷ་ཤོད་བོད་ཁྱིམ་སློབ་གྲྭར་འབྱོར་སྐབས་ངྷ་སའི་གཡས་གཡོན་གྱི་ཕ་མ་མང་བོ་རང་གི་བུ་ཕྲུག་ཚོར་ལྟ་རུ་བསླེབས་འདུག་མོད། རེ་ཟུང་གིས་རང་གི་སློབ་ཕྲུག་ངྷ་ས་བདེ་ལེགས་སྨན་ཁང་དུ་བརྟག་དཔྱད་བྱེད་དུ་ཁྲིད་པ་དང། ཡང་རེ་ཟུང་གིས་རང་གི་བུ་ཕྲུག་ལ་ཛ་དྲག་གི་ཉེན་ཁ་མེད་པ་རྟོགས་རྗེས་ལོག་འགྲོ་གི་འདུག་ལ། དེ་རིང་སྨན་ཁང་ནས་ཤེས་རྟོགས་བྱུང་བ་ལྟར་ན། ད་ལྟ་ཛ་དྲག་གི་སྨན་བཅོས་བྱེད་དགོས་པའི་སློབ་ཕྲུག་ཕལ་ཆེ་བ་དུས་ལྟར་སྨན་ཁང་དུ་འབྱོར་ཏེ་སྨན་བཅོས་བྱེད་ཀྱིན་པའི་སྒང་ཡིན་སྟབས། སློབ་ཕྲུག་ཚོ་ཛ་དྲག་གི་ཉེན་ཁ་འདི་ལས་བསྐྱབས་ཚར་ཡོད་འདུག
ཡིན་ནའང་། སློབ་སྤྱི་དང་འབྲེལ་ཡོད་དགེ་ལས་རྣམས་ཀྱིས་འདི་གའི་གསར་འགོད་པས་བཅར་འདྲི་དང་ལེན་གནང་མེད་སྟབས། ད་ལྟ་ཞིབ་ཕྲའི་གནས་ཚུལ་དང་སློབ་ཕྲུག་ག་ཚོད་ལ་ཟས་དུག་ཕོག་སྐོར་གསལ་བོ་ཤེས་རྟོགས་བྱུང་མེད་ལ། གནས་ཚུལ་འདིའི་རྐྱེན་པས་དེ་རིང་ངྷ་ཤོད་བོད་ཁྱིམ་སློབ་གྲྭས་འཛིན་གྲྭ་འཚོགས་མ་ཐུབ་པར་གུང་སེང་བཏང་འདུག
གསར་འགོད་པ། ཨ་རིག་འགྱུར་མེད།
གསར་འགོད་པ་ལགས།
གཞེན་སྐུལ་ཞུ་རྒྱུར། གནས་ཚུལ་དེ་ཛ་དྲག་དང་དེའི་རྒྱུ་རྐྱེན་གང་ལས་བྱུང་མིན་བརྟག་དཔྱད་བྱེད་རྒྱུ་ཤིན་ཏུ་ཧ་ཅང་གལ་ཆེན་པོ་ཡིན་སྟབས་ང་ཚོ་ཚང་མས་དོ་སྣང་ཆེན་པོ་བྱེད་ཀྱི་ཡོད།
དེར་བརྟེན་སྐུ་ཉིད་ཀྱིས་གནས་ཚུལ་ཁག་ལུང་ཚན་སོ་སོའི་ཁ་སྐད་ཙམ་མ་ཡིན་པར་ཡིག་སྐད་ཐོག་འགོད་ཐུབ་ན་བོད་ཡིག་ཤེས་མཁན་ཀུན་གྱིས་མཁྱེན་རྟོགས་ཡོང་རྒྱུར་ཕན་ཐོགས་ཆེ།།
དཔེར་ན་སྐུ་ཉིད་ཀྱིས། ༼དེར་བརྟེན་ཆུ་ཚོད་གཅིག ཏན་ཏན་ཆུ་ཚོད་གཅིག་གི་རྗེས་ནས་ངས་སློབ་སྤྱི་མཉམ་དུ་སྐད་ཆ་བཤད་ཐུབ། སྐབས་དེར་བསླེབ་ན་གནས་ཚུལ་གསལ་བོ་དག་པོ་ཞིག་འདྲི་གི་ཡིན། ཤེས་ཐུབ་ཀི་རེད་སྙམ། ༽ཆུ་ཚོད་གཅིག་ཏན་ཏན་ཆུ་ཚོད་གཅིག་གི་རྗེས་ནས་ཞེས་པ་སོགས་བོད་སྐད་མ་ཤེས་པའི་བཟོ་ལྟ་འདྲ་པོ་འདུག ཤེས་ཐུབ་ཀི་རེད་ཅེས་པ་ལས་ཤེས་ཐུབ་ཀྱི་རེད་ཅེས་བརྗོད་ན་གྲགས་ཆེ་བ་དང་། དེ་བཞིན་དེ་རིང་གསལ་པོ་ཆགས་ཀི་རེད་ལས་ཆགས་ཀྱི་རེད་ཅེས་བརྗོད་ན་གོ་བདེ་བ་དང་ཡོངས་སུ་གྲགས་ཆེའོ།
མདོར་ན་གསར་འགྱུར་གང་ཡིན་ཚང་མ་ཡིག་སྐད་ཐོག་འགྲེལ་བརྗོད་གནང་ཐུབ་ན་ཡིག་རྨོངས་སེལ་བའི་ཆོལ་གསུམ་བོད་མི་ཀུན་གྱིས་མཁྱེན་རྟོགས་ཡོང་རྒྱུར་ཕན་འབྲས་ཆེ་སྙམ།།
ཁ་སང་ངྷ་ཤོད་བོད་ཁྱིམ་ནས་འཛིན་རིམ་དགུ་བའི་སློབ་ཕྲུག་ཅིག་གྲོངས་འདུག་པ་གསལ་བོ་དག་པོ་རེད། ཡིན་ནའང་། ད་ལྟ་དགེ་ལས་རྣམས་ཀྱིས་ཚོགས་འདུ་འཚོགས་ཀྱིན་ཡོད་སྟབས་གསར་འགོད་པ་ཆུ་ཚོད་གཅིག་གི་རྗེས་ནས་མ་གཏོགས་ཐུག་ཁོམ་མེད་གསུངས་བྱུང་། དེར་བརྟེན་ཆུ་ཚོད་གཅིག ཏན་ཏན་ཆུ་ཚོད་གཅིག་གི་རྗེས་ནས་ངས་སློབ་སྤྱི་མཉམ་དུ་སྐད་ཆ་བཤད་ཐུབ། སྐབས་དེར་བསླེབ་ན་གནས་ཚུལ་གསལ་བོ་དག་པོ་ཞིག་འདྲི་གི་ཡིན། ཤེས་ཐུབ་ཀི་རེད་སྙམ།
ཡིན་ནའང་། ཁ་སང་ལས་བྲེལ་ཆེ་བར་བརྟེན་ཕྲན་ལ་ཐུག་འཕྲད་བྱེད་ཁོམ་མེད་སོང་། དེ་ལ་དྲ་གྲོགས་ཚོས་འཁང་ར་མ་གནོངས་དང་དེ་རིང་གསལ་བོ་ཆགས་ཀི་རེད།
ཟས་དུག་ཕོག་པའི་སློབ་མ་བདེ་ལེགས་སྨན་ཁང་གཅིག་པོ་མ་ཡིན་པར་རྒྱ་གར་སྨན་ཁང་ནང་དུའང་སློབ་ཕྲུག་མང་པོ་བསྐྱེལ་ཡོད་པ་དང༌།
ངས་ཤེས་གསལ་ལྟར་ན། ཁ་སང་འཛིན་རིམ་དགུ་པ་ཡིན་པའི་སློབ་ཕྲུག་གཅིག་ཟས་དུག་གིས་རྐྱེན་པས་འདས་གྲོངས་སུ་ཕྱིན་འདུག་ དེ་ལྟར་སློབ་གྲྭ་ཚུགས་ཐབས་བྲལ་ནས་བདུན་ཕྲག་གཅིག་རིང་གུང་སེང་ལ་བཏང་ཡོད་འདུག་ མ་ཟད་ཟས་དུག་ཕོག་པའི་ནད་པ་ཇེམང་ནས་ཇེ་མང་ཡིན་པ་འདྲ།
རྡ་ཤོད་སློབ་གྲྭའི་སློབ་ཕྲུག་རྣམས་མྱུར་སྐྱོད་ཐུབ་པར་བདེ་ལེགས་སྨན་པ་དང་འབྲེལ་ཡོད་ཚང་མར་ཐུགས་རྗེ་ཞུ་རྒྱུ་ཡིན།
གལ་སྲིད་ཟས་དུག་ཡིན་ན་གནས་ཚུལ་འདི་སློབ་གྲའི་མ་ཆེན་དང་འབྲེལ་ཡོད་ནས་དོ་སྣང་ཡག་པོ་བྱེད་གི་མེད་པའི་རྟགས་རེད་ལ་འཕྲོད་བསྟེན་ལེགས་པོ་མེད་པ་དང་གཙང་སྤྲ་མ་བྱས་པའི་རྒྱུ་རྐྱེན་རེད། གནས་ཚུལ་ཁ་གསལ་དོན་གསལ་དུ་བཟོ་ནས་མ་འོང་འདི་རིགས་མི་འབྱུང་བ་དང། སྔོན་འགོག་བྱ་རྒྱུར་འབྲེལ་ཡོད་ཚང་མས་ཐུགས་སྣང་རྒྱུན་མཐུད་བྱེད་དགོས།
གསར་འགོད་པར་དང་ལེན་མ་བྱས་བ་དེ་ཡང་རང་སྐྱོན་འགེབས་པའི་ཐབས་ལམ་ཞིག་འཚོལ་བཞིན་པ་མ་རེད་དམ།
གནས་ཚུལ་འདིའི་འོན་རྐྱེན་ཞིབ་བཤེར་ཡག་པོ་ཞིག་བྱེད་དགོས་ངེས་རེད།
གོང་ནས་གསུང་བ་ལྟར་ན་གཙང་སྦྲ་དང་འཕྲོད་བསྟེན་ཞན་པའི་དབང་གིས་རྫས་དུག་ཕོག་པ་རེད་ཅེས་པ་བདེན་ན།
ངེས་པར་དུ་མ་འོངས་པའི་སློབ་མའི་ཟས་སྤྱོད་འཕྲོད་བསྟེན་ལ་འགན་ཁུར་ལེགས་པོ་བྱེད་པའི་རེ་སྐུལ་ཞུ།
ཐབ་ཚང་གི་གཡོ་བྱད་དག་གཙང་སྤྲ་མ་བྱས་པའི་རྒྱུ་རྐྱེན་ཡིན་སྲིད་པས་དེ་ནི་སློབ་སྤྱི་དང་དགེ་རྒན་ལས་མི་ཡོངས་ཀྱིས་ཐུགས་འཁུར་དང་དོ་སྣང་མ་བྱས་བ་ཡིན་སྟབས་ཐག་བཅོད་ནན་མོ་བྱེད་རྒྱུ་ཤིན་ཏུ་གལ་ཆེ།འཁྲིག་སྤྱོད་ཙམ་ལས་སློབ་ཕྲུག་དགེ་རྒན།ཁྱིམ་ཚང་མ་མ་སོགས་གནས་ཕུད་གཏོང་པའི་གནས་ཚུལ་བྱུང་བ་རེད།ད་ལྟ་དེ་ཡིན་ན་དེ་འདྲ་མ་ཡིན་པར་མཐའ་གཅིག་ཏུ་མིའི་ཚེ་སྲོག་ལ་ཉེན་ཁ་ཡོད་སྟབས་ཐག་བཅོད་དང་ཞིབ་མཇུག་འཐུས་ཚང་བྱེད་རྒྱུ་ཀུན་གྱི་རེ་བ་ཡིན།དེ་ནི་རྒྱ་ནག་ནང་ཁུལ་མ་ཡིན་པར་རང་དབང་དང་མང་གཙོ་ཡིན་པའི་ས་ཁུལ་ཞིག་ཡིན་ཕྱིར་གནས་ཚུལ་ཁ་གསལ་མ་བྱས་ཚེ་དོན་ཆེན་ནང་གི་ཛབ་ཆེན་སྡུག་ཤོས་ཞིག་རེད་ལ་ངོ་ཚ་ཁྲེལ་མེད་བྱ་སྤྱོད་ཡང་རེད།
རྡ་ཤོད་སློབ་གྲྭའི་སློབ་ཕྲུག་རྣམས་མྱུར་སྐྱོད་ཐུབ་པར་བདེ་ལེགས་སྨན་པ་དང་འབྲེལ་ཡོད་ཚང་མར་ཐུགས་རྗེ་ཞུ་རྒྱུ་ཡིན། དྲྭ་གྲོགས་འགའ་ཞིག་གིས་གསར་འགོད་པར་བཅར་འདྲི་དང་ལེན་མ་བྱས་པ་ཁྲིམས་འགལ་ཡིན་ལུགས་སོགས་གསུང་འདུག དེ་ལ་དེ་ཙམ་འགན་ལྗིད་མདོག་ཁ་བོ་གནང་དགོས་ཨེ་ཡོད་སྙམ། མྱུར་སྐྱོབ་དང་འབྲེལ་བའི་ལས་དོན་ལ་བྲེལ་ཟིང་ཡོད་པ་བརྗོད་མ་དགོས། གལ་སྲིད་བཅར་འདྲི་དང་ལེན་བྱས་ཡོད་ན་ཡང་གནོད་འཚེ་ཕོག་པའི་སློབ་ཕྲུག་ཚོའི་བདེ་ཐབས་ལ་ཕན་ཐོགས་ཅི་ཞིག་ཡོད། རྩ་བའི་བརྔོས་ཐུག་ལ་ཟ་སྣུམ་མང་དྲགས་པ་མ་རེད་ཟེར་དཀའ་ཡང་དེ་ཉིན་དངོས་ཐུག་སློབ་ཕྲུག་གཞན་པ་ཚོས་ཀྱང་བཏུང་ཡོད་སྲིད། འདིའི་རྒྱུ་རྐྱེན་ཇི་ཡིན་ཞིབ་འཇུག་ནན་ཏན་གནང་ནས་སླར་འདི་རིགས་མི་འབྱུང་བ་དང་། སྔོན་འགོག་བྱ་རྒྱུར་འབྲེལ་ཡོད་ཚང་མས་ཐུགས་སྣང་རྒྱུན་མཐུད་ཡོང་བའི་རེ་བསྐུལ་ཞུ།
སློབ་གྲའི་ནང་གི་འབྲེལ་ཡོད་ཞིག་གིས་ལབ་ན་ཁ་ལག་རྙིང་པ་དང་སྣུམ་མང་དྲགས་སོང་བ་གང་ཡང་མ་རེད་ཟེར། དོན་ངོ་མ་ནི་ཐབས་ཚང་ནང་གཙང་མ་མ་བྱས་པར་རྫས་དུག་ཁ་ལག་ནང་འདྲེས་བ་རེད་ཟེར། སློབ་གྲའི་ཕྱི་བསྒྲགས་བྱེད་མི་ཆོག་ཞེས་་དམ་དྲག་བྱེད་ཀྱིན་འདུག་ཟེར། གསར་འགོད་པས་མ་ཆེན་དང་ལས་བྱེད་། སློབ་སྤྱི་སོགས་ལ་སྐད་ཆ་དྲིས་ནས་གནད་དོན་ངོ་མ་ཤེས་བ་བྱེད་དགོས།
རྒྱལ་ཁབ་གཞན་པ་ཡིན་ན་ཛ་དྲག་གི་གནས་ཚུལ་འདི་འདྲ་བྱུང་སྐབས་གཞུང་གིས་དེ་ལ་ཉེན་རྟོག་པ་དང་སྨན་པ་འབྲེལ་ཡོད་མི་སྣ་སོགས་མཉམ་འདུས་གྱིས་ཞིབ་འཇུག་ཚོགས་པ་ཆེད་འཛུགས་བྱས་ནས་ཞིབ་འཇུག་བྱེད་སྲོལ་ཡོད་པ་རེད། ཤེལ་དཀར་བློ་བཟང་གིས་བྲིས་བ་བདེན་པ་རེད་ང་ཚོའི་ངོས་ནས་ད་ཐེངས་དེ་ལྟར་བྱེད་དགོས་ཚང་མས་ཤུགས་རྒྱག་རོགས།
གུས་པས་ཐོགས་མར་སློབ་ཕྲུག་ཚོ་བདེ་ལེགས་སྨན་ཁང་དུ་གང་མྱུར་ཕྱིན་ཐུབ་པ་དེ་ཡག་པོ་བྱུང་འདུག་ཞུ་རྒྱུ་དང་། ཕྱིན་ཆད་རྡ་ཤོད་བོད་ཁྱིམ་ཙམ་མིན་པར་སློབ་གྲྭ་གང་ཡིན་རུང་གནས་ཚུལ་འདིའི་རིགས་མ་ཡོངས་བར་གནང་རོགས་གནང་ཞུ་རྒྱུ་ཡིན།
གནས་ཚུལ་འདིའི་རིགས་ངོ་མ་ཛ་དྲག་དང་འདི་དང་འདི་མ་ཡིན་གྱི་མཐའ་དཔྱོད་དཀའ་བ་ཞིག་ཀྱང་རེད། དཔེར་ན་སྨན་པས་བརྔོས་ཐུག (Chomein) རྙིང་པ་ཡིན་པ་དང་དེ་ལ་སྣུམ་འབད་དེ་མང་དྲག་པས་རེད་ཅེས་པའང་དཔྱད་གཞི་ཙམ་རེད། དེ་ཙམ་གྱིས་འདི་འདྲའི་གནས་སྟངས་ཁག་པོ་རེད། དེར་བརྟེན་དེའི་ཐོག་གསར་འགོད་པ་ཙམ་མ་ཡིན་པར་ང་ཚོ་ཚང་མས་ཉམ་ཞིབ་བྱེད་རྒྱུ་ཤིན་ཏུ་གལ་ཆེ།།
གལ་སྲིད་ཟས་དུག་ཡིན་ན་གནས་ཚུལ་འདི་ལས་སློབ་གྲའི་སློབ་ཕྲུག་གི་ཟ་མར་འབྲེལ་ཡོད་ནས་དོ་སྣང་ཡག་པོ་བྱེད་གི་མེད་པའི་རྟགས་རེད། ཟས་སྡུག་མིན་ན་གནས་ཚུལ་འདི་རིགས་མྱུར་སྐྱོབ་ཐུབ་པ་བྱུང་ཡང་བྱུང་ལུགས་རྒྱ་རྐྱེན་ཚང་མར་དོ་སྣང་དང་ཞིབ་འཇུག་བྱེད་དགོས། མ་སུ་རི་བོད་ཁྱིམ་ནས་འཁྲིག་སྤྱོད་དོན་རྐྱེན་ཁྲོད་དགེ་ལས་མི་ཉུང་བ་ཕྱིར་ཕུད་བཏང་བ་ལས་གནད་དོན་འདིའི་ཐད་དེ་བས་ཐག་གཅོད་ནན་མོ་བྱེད་རྒྱུ་གལ། སློབ་ཕྲུག་ཁོ་ཚོ་ཕ་མའི་མིག་བལྟས་དང་མ་འོངས་བོད་གྱི་གསོན་རྩ་རེད། མ་སུ་རི་ནས་དུང་གསར་འགོད་པ་ནང་ལ་མ་བཏང་བ་ནི་དེ་བས་བྱ་སྤྱོད་ངན་པ་རེད།
བོད་གཞུང་བདེ་ལེགས་སྨན་ཁང་གི་སྨན་པ་ཚོར་ཐུགས་རྗེ་ཆེ་ཞུ།
སློབ་ཕྲུག་འདི་ཚོ་མ་འོངས་བོད་ཀྱི་སོན་རྩ་ཡིན་པས་སྨན་བཅོས་ཡག་པོ་གནང་རོགས་
གནས་ཚུལ་འདིའི་རིགས་ནི་ཤིན་ཏུ་ཛ་དྲག་ཡིན་ཕྱིར།འདི་གིའི་དུས་བབ་གསར་འགོད་པ་སོགས་སློབ་གྲའི་ནང་འཛུལ་དུ་མ་བཅུག་པ་ནི་ཧ་ཅང་སྡུག་ཅག་དང་ངོ་ཚ་མེད་པའི་གནས་ཚུལ་ཛབ་ཆེན་ནང་གི་དོན་ཆེན་རེད།སློབ་སྤྱི་དང་ལས་བྱེད་མི་སྣ་ཡོངས་ཀྱིས་འགན་ལེན་མ་བྱས་པ་དང་སློབ་མ་ཚོར་དོ་སྣང་དང་ཤ་ཚ་སོགས་མེད་པའི་རྟགས་མཚན་ཕྱི་རུ་མངོན་པ་རེད།རེ་བ་ལ་བཅར་འགོད་པ་ཚོའི་བཅར་འདྲི་དང་ལེན་གྱིས་གནས་ཚུལ་ཁ་གསལ་དོན་གསལ་དུ་འགོད་རྒྱུ་ནི་ང་ཚོའི་རེ་བ་སྙེག་ཅིག་གོ།
སྤྱིར་ཟས་དུག་ཡིན་པ་སྨོས་མེད་རེད། ཡིན་ནའང་། འབྲེལ་ཡོད་སྡེ་ཁག་གིས་གསར་འགོད་པའི་བཅར་འདྲི་དང་ལེན་མ་བྱས་པ་དེས་ཞིབ་ཕྲའི་གནས་ཚུལ་ཤེས་རྟོགས་འབྱུང་རྒྱུར་སྐྱོན་བརྒྱབ་ཡོད།
དེ་བཞིན་སྲང་གི་སྐད་ཆ་ལྟར་ན་གནས་ཚུལ་འདི་ལས་ཀྱང་ཚབས་ཆེན་ཡིན་སྐད་འདུག སང་ཉིན་དུས་ལྟར་སློབ་སྤྱིའི་སར་རྒྱུ་མ་ཕུ་འདེད་བྱེད་དུ་བཅར་རྩིས་ཡོད། སྐབས་དེར་གནས་ཚུལ་ངོ་མ་དང་ཞིབ་ཚགས་པོ་ཤེས་རྟོགས་ཡོང་རྒྱུའི་རེ་བ་ཡོད།
སྤྱིར་ནམ་དུས་ཀྱི་འགྱུར་ལྡོག་དང་སྤྱི་ཚོགས་ནང་འཕྲོད་བསྟེན་ལེགས་པོ་མེད་པས་དབང་གི་སློབ་ཕྲུག་ཚོར་ན་ཚ་ཕོག་སླ་བ་དང་ཟས་རིགས་སྔོ་ཚལ་སོགས་དེ་ཙམ་གཙང་མ་མེད་ཁར་མ་བྱིན་དང་ཐབ་ལས་བྱེད་མཁན་རྣམས་ཀྱིས་གཙང་མ་ཡག་པོ་མ་བཟོས་པའི་རྐྱེན་གྱིས་སློབ་ཕྲུག་ཚོར་ཟ་མ་མི་འཕྲོད་པ་དང་བཤལ་སྐྱུགས་སོགས་རྒྱ་གར་ནང་ཡོང་བཞིན་པ་རེད། འོན་ཀྱང་ད་ཐེང་གི་རྡ་ཤོད་སློབ་གྲྭའི་སློབ་མ་ཚོའི་ནད་ཡམས་འདི་ཡང་ཕྱོགས་ནས་བཤད་ན་འབྲེལ་བྱེད་ཚོས་ལན་པ་རེད། ད་ལྟ་ནད་པའི་འབོར་ལ་ལ་བལྟས་ན་དངོས་གནས་ཚབ་ཆེན་རེད་ལ་དེ་ལས་ཀྱང་ཚབ་ཆེ་བ་ཞིག་ནི། གསར་འགོད་རང་དབང་ལ་ངོ་ལེན་མ་བྱས་པ་དེ་རེད། གསར་འགོད་པའི་བརྗོད་དོན་ལྟར་ན་རྡ་ཤོད་སློབ་གྲྭའི་སློབ་སྤྱི་སོགས་ལས་བྱེད་སུ་གང་གི་གསར་འགོད་པའི་དྲི་བ་དང་ལེན་བྱེད་ཀྱི་མེད་སྐོར་བཤད་འདུག ང་ཚོ་བཙན་བྱོལ་གཞུང་གིས་དུས་རྟག་ཏུ་རང་དབང་ལུང་པར་གནས་པའི་བོད་པའི་སྒྲིག་འཛུགས་དེ་ལེགས་ཉེས་ཅི་ཞིག་བྱུང་ན་ཕྱི་གསལ་ནང་གསལ་ཡིན་ཞེས་སྐད་མགོ་མཐོ་པའི་སྟེང་ནས་བཤད་བཞིན་ཡོད་པ་དེ་ཚོ་དངོས་གནས་ཞིག་མ་ཡིན་པའི་བདེན་དཔང་སྟོན་གྱི་ཡོད་པ་མེད་འགྲོ དེ་མིན་ན་གནད་དོན་འདི་ཚོ་སྦས་གསང་བྱེད་དགོས་དོན་མེད་མོད། ཡང་མིན་ན་རྡ་ཤོད་སློབ་གྲྭའི་ནང་དུ་དགྲ་དགའ་གཉེན་སྡུག་གི་བྱ་བ་སྒྲུབ་མཁན་ཡོད་པར་ངོ་སྲུང་དང་བསྟུན་མཁས་བྱེད་དགོས་རྒྱུ་མེད་འགྲོ གསར་འགོད་པ་ནི་སྤྱི་ཚོགས་གང་རུང་ཞིག་ཏུ་ལེགས་གཉིས་གང་བྱུང་བ་རྣམས་དྲང་ཞིང་བདེན་པའི་ཐོག་ནས་སྤྱི་ཚོགས་ལ་གསལ་པོ་བཟོ་མཁན་ཞིག་ཡིན་པ་ལས་སྤྱི་ཚོགས་དཀྲུགས་ཤིང་བྱེད་མཁན་མིན་པ་ནི་གསར་འགོད་རང་དབང་ཚད་ལྡན་ཡོད་པའི་ཡུལ་གྲུ་ཚོར་བལྟས་ན་ཤེས་ངེས་པ་རེད།
བོད་གཞུང་བདེ་ལེགས་སྨན་ཁང་གི་སྨན་པ་ཚོར་ཐུགས་རྗེ་ཆེ་ཞུ།
ད་ལྟའི་ཛ་དྲག་གི་གནས་ཚུལ་འདི་ལ་བོད་གཞུང་འཕྲོད་རྟེན་ལས་ཁང་གི་ནད་འདིའི་རྩ་བ་གང་ནས་བྱུང་བ་ཡིན་པར་བརྟགས་དཔྱད་ནན་མོ་བྱེད་རོགས་ཞེས་འབོད་སྐད་ཞུས་བ་ལགས།
ཟས་དུག་ཞིག་ཨེ་ཡིན་ནམ་འདོད་གི
གང་ལྟར་ཛ་དྲག་གིས་གནས་ཚུལ་རེད། ད་དུང་སློབ་སྤྱི་སོགས་གསར་འགོད་པ་ལ་མ་ཐུགས་པ་དེ་བས་རྫབ་ཆེན་རེད།
རང་སྐྱོན་མངོན་དུ་གྱུར་ཡང་ད་དུང་གབ་ནས་ཅི་ཞིག་ཕན
སློབ་མར་ཟས་དུག་ཕོག་པ་དེ་ངོ་མ་ཚབ་ཆེན་རེད། གསར་འགོད་པར་དེང་ལེན་མ་བྱས་བ་ནི་དེ་ལས་རྫབ་ཆེན་རེད།
སློབ་མ་གྲངས་འབོར་འདི་ཙམ་ལ་ཟས་དུག་ཕོག་པ་དེ་ཐད་ཀར་དུ་འབྲེལ་ཡོད་ལས་བྱེད་ལ་རག་ལུས་ཡོད་པ་རེད། སློབ་གྲྭའི་འཕྲོད་བསྟེན་གྱི་མ་འདང་བས་རེད།
གཡས་ཁག་གཡོན་དཀྲི་བྱེད་གང་ཡང་ཡོད་པ་མ་རེད། གསར་འགོད་པར་དང་ལེན་མ་བྱས་བ་དེ་ཡང་རང་སྐྱོན་འགེབས་པའི་ཐབས་ལམ་ཞིག་འཚོལ་བཞིན་པ་མ་རེད་དམ། ངོ་མ་རྫབ་ཆེན་གྱི་བྱ་བ་རེད། བོད་པ་ཚང་དྲི་མ་ངན་པ་ཟུར་ཞིག་བསྟན་འདུག།
ཛ་དྲག་གི་གནས་ཚུལ་རེད། སློབ་ཕྲུག་འདི་ཚོ་མ་འོངས་བོད་ཀྱི་སོན་རྩ་ཡིན་པས་སྨན་བཅོས་ཡག་པོ་གནང་རོགས་ཞེས་བདེ་ལེགས་སྨན་ཁང་ལ་འབོད་སྐུལ་ཞུ་རྒྱུ་ཡིན།
སློབ་གྲྭའི་འབྲེལ་ཡོད་ལས་བྱེད་ནས་སློབ་མའི་ན་ཚར་ཁ་གཡར་ཏེ་འགྲེལ་བརྗོད་ག་རེ་བཟོ་གྲབས་བྱེད་ཀྱི་ཡོད་ན་བསམ་གྱི་འདུག
འདི་སྐོར་རྡ་སའི་ཟིན་བྲིས་པ་ཚོ་དང་། གཞན་ཡང་གསར་འགོད་པ་ཚོས་རྒྱུ་མ་ཕུ་འདེད་ཅིག་གནང་རོགས།
སྐབས་འདི་དང་བསྟུན་ནས་ཁྱོན་ཡོངས་ཀྱི་བོད་ཁྱིམ་སློབ་མ་ཚོའི་བདེ་སྡུག་གི་སྐོར་གཙོ་བོར་གྱུར་པའི་གནས་ཚུལ་ལ་ཞིབ་འཇུག་བྱེད་རོགས།
དེང་སང་བོད་ཁྱིམ་གྱི་སྐོར་ལ་གནས་ཚུལ་མང་པོ་ཡོང་གི་འདུག་པས། ལས་བྱེད་པ་རེ་ཟུང་གི་ཁྱིམ་གཞི་མིན་པའི་བོད་ཁྱིམ་ལ་མང་གཙོའི་འགྲོ་ལུགས་ཀྱི་སྒོ་ནས་ཞིབ་འཇུག་བྱེད་དགོས་པ་འདུག
འདི་ལ་ཟས་དུག་ཟེར་ཨེ་ཉན་མི་ཤེས། མཐའ་གཅིག་ཏུ་ཟ་མ་འདི་ཟོས་ནས་ཕོག་སོང་ཟེར་རྒྱུ་མེད་ན་ཟས་དུག་ཡིན་མིན་ལ་བརྟག་དགོས། གནས་ཚུལ་འདི་རིགས་སྔར་གསོག་སྒར་སློབ་གྲྭར་རྒྱུན་དུ་འབྱུང་གི་ཡོད། མཚམས་ལ་རེར་གསོག་སྒར་གྱི་སློབ་མ་བརྒྱ་ཆའི་དགུ་བཅུའི་གྲོད་ཁོག་བཤལ་དུས་ཀྱང་ཡོད། བཤལ་ནད་ཟེར་ནས་ཀྱང་བྱུང་རྒྱུ་ཞིག་ཡོད། གང་ལྟར་འདི་ཛ་དྲག་རེད།