ཁ་སང་ཕྱི་ཚེས་ ༤ ཉིན་༸གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་ཨ་རིའི་རྒྱལ་ས་ཝ་ཤིན་ཌོན་དུ་ཡོད་པའི་བལ་ཡུལ་ཨ་རིའི་གཞུང་ཚབ་སྐུ་ཞབས་སི་ཀོཊ་ཌེ་ལི་སི་ལགས་དང་མཇལ་འཕྲད་གནང་སྟེ། ཐེངས་འདིར་བལ་ཡུལ་གཞུང་གིས་རྒྱལ་ས་ཀ་ཐ་མན་གྲུ་ནང་གི་བོད་མིའི་འོས་སྒམ་བཙན་འཕྲོག་བྱས་པའི་སྐོར་གསལ་བཤད་གནང་ཡོད་འདུག་ལ། བལ་ཡུལ་ཨ་རིའི་གཞུང་ཚབ་ཀྱི་ངོས་ནས་ཀྱང་ཐེངས་འདིའི་གནད་དོན་དེར་སེམས་འཚབ་ཡོད་ཚུལ་དང་། མི་འགྱངས་པར་གནས་ཚུལ་དེའི་སྐོར་ལ་རྟོགས་ཞིབ་བྱ་རྒྱུ་སྐོར་ཁས་ལེན་བྱས་ཡོད་འདུག
རྒྱ་རི་བློ་གྲོས་རྒྱལ་མཚན་མཆོག་གིས་གནད་དོན་དེའི་ཐད་གསུངས་དོན། ཕྱི་ཚེས་ ༣ ཉིན་བལ་ཡུལ་ནང་བྱུང་བའི་དོན་རྐྱེན་དེ་སེམས་འཚབ་དང་བློ་འགྱོད་སྐྱེ་གཞི་ཞིག་ཆགས་ཡོད། གནད་དོན་དེ་ལྟ་བུ་ཞིག་ང་ཚོར་བྱུང་བ་རྒྱུ་མཚན་དུ་བྱས་ནས་སེམས་འཚབ་སྐྱེས་བ་མ་ཡིན་པར། བལ་ཡུལ་རྒྱལ་ཁབ་དེ་ཉིད་རང་བཙན་རྒྱལ་ཁབ་ཅིག་ཡིན་བཞིན་དུ་དོན་རྐྱེན་འདི་འདྲ་ཞིག་བྱུང་བ་དེའི་མཇུག་འབྲས་གང་འདྲ་ཞིག་འབྱུང་མིན་གྱི་ཐད་ནས་ཡིན། ད་ལྟའི་ཆར་བལ་ཡུལ་རྒྱལ་ཁབ་དེ་རྒྱ་ནག་གི་རང་སྐྱོང་མངའ་ཁུལ་ལྟ་བུ་ཞིག་ཆགས་འདུག བལ་བོད་གཉིས་ལོ་རྒྱུས་ཐོག་ཡུན་རིང་གི་འབྲེལ་བ་ཡོད་པར་བརྟེན། གནད་དོན་དེ་རིགས་སེམས་འཚབ་སྐྱེ་གཞི་ཞིག་ཆགས་འདུག ཅེས་དང་། བོད་མི་ཚོའི་འོས་ཤོག་དེས་རྒྱ་ནག་ལ་རྒྱབ་འགལ་བྱས་པ་ཞིག་མིན་ཡང་། ཐེངས་འདིའི་བལ་གཞུང་གི་བྱེད་སྟངས་དེས་རྒྱ་ནག་གཅིག་གི་ཆབ་སྲིད་ལ་རྒྱབ་སྐྱོར་ཡོད་པའི་རྣམ་པ་མཚོན་ཆེད་ཞིག་རེད། འོན་ཀྱང་། གནད་དོན་དེ་རིགས་ཀྱིས་རྒྱལ་སྤྱིའི་ནང་བོད་མིའི་དམངས་གཙོའི་རྣམ་པ་དངོས་ཇེ་གསལ་དུ་གཏོང་ཐུབ་པ་ཞིག་ཆགས་ཡོད་པ་རེད། ཅེས་གསུངས་འདུག
བསྐྱར་འགོད་པ། དོན་གོ
ཡག་པོ་རེད། གནས་ཚུལ་དུས་ཐོག་ལ་གསལ་བཤད་བྱེད་རྒྱུ་དེ་ཧ་ཅང་གི་གལ་ཆེན་པོ་རེད།
ལར་ནས་བལ་ཡུལ་དུ་གནད་དོན་དེ་འདྲ་ཞིག་བྱུང་བ་དེས་རིང་མིན་བལ་ཡུལ་དེ་ཉིད་ཀྱང་ང་ཚོ་བོད་དང་འདྲ་བར་ཆབ་སྲིད་ཉམས་ཞན་དུ་འགྲོ་བཞིན་པའི་མངོན་རྟགས་གཅིག་ཀྱང་རེད།
ང་ཚོས་བལ་ཡུལ་གཞུང་ལ་འདས་པའི་བོད་ཀྱི་ལོ་རྒྱུས་ཁྲོད་ཕམ་ཉེས་དང་བྱུང་བྱུས་ཉེས་ཇི་བྱུང་ཚང་མ་རེ་རེ་ནས་གསལ་བཤད་གཅིག་བྱེད་ཐུབ།
དེ་དག་བལ་པོས་གོ་ཐུབ་ན་བལ་ཡུལ་རྒྱལ་ཁབ་དང་བལ་ཡུལ་མི་རིགས་ལ་ཕན་པའི་སྨན་མཆོག་གཅིག་ཡིན་ལ་གོ་མ་ཐུབ་ན་ཐ་མ་ང་ཚོ་ལྟར་གཅིག་མཚུངས་ཕམ་ཉེས་འགྲོ་རྒྱུར་ཐེ་ཚོམ་གཏན་ནས་མེད།
ཁ་བྱང་དང་འབྲེལ་བ་མེད་པའི་གསར་འགྱུར་ཞིག་རེད་འདུག
བལ་ཡུལ་ཡོད་པའི་ཨ་རིའི་གཞུང་ཚབ་རེད་དམ། ཨ་རིར་ཡོད་པའི་བལ་ཡུལ་གྱི་གཞུང་ཚབ་རེད།
གོང་གི་ཁ་བྱང་དེར་བལ་ཡུལ་གཞུང་ཚབ་ཀྱི་སེམས་ཁྲལ་ཞེས་བཅོས་ན་བཟང་སྙམ། དེ་མིན་ཁ་བྱང་དང་ནང་དོན་གཉིས་ཕྱོགས་གཉིས་ལ་ཕྱིན་ཚར་འདུག ཁ་བྲོ།
ད་རེ་བལ་གཞུང་གིས་བོད་མིའི་འོས་སྒམ་འཕྲོག་བཅོམ་བྱས་པ་འདི་ང་ཚོས་རྒྱལ་སྤྱིའི་གསར་ལམ་སོགས་ལ་ཤུག་ཆེ་ཙམ་བསྒྲགས་ཐུབ་སོང་ན་རྒྱ་རི་རིན་པོ་ཆེ་ཡིས་གསུངས་ལྟར་རྒྱལ་སྤྱིའི་སྒང་བོད་མི་མང་གིས་རང་ཉིད་ཀྱི་དབུ་ཁྲིད་མི་མང་མང་མོས་ལམ་ནས་འདེམས་བཞིན་པའི་གནས་སྟངས་གསལ་པོ་བཟོ་རྒྱུའི་གོ་སྐབས་ཡག་པོ་ཞིག་རེད།
དངོས་གནས་ཁོང་གི་གསུངས་པ་གནད་ལ་ཁེལ་འདུག ཆབ་སྲིད་པ་ཟེར་ན་འདི་ལྟར་ལོ་རྒྱུས་དང་འབྲེལ་ནས་བཤད་རྒྱུ་ཞིག་ལས། དོན་མེད་སྡིགས་ར་འཐེན་པ་ངྷ་སའི་ཆབ་སྲིད་པར་རློམ་པ་འགའ་ཤས་ཀྱི་སྤྱོད་ཚུལ་ལས་མ་འདས་སོ།།