ནད་པ་ཚོར་དྲ་ལམ་ནས་མཐུན་འགྱུར་ཞུ་རྒྱུའི་ལམ་ཁ་ཡོད།

བཙན་བྱོལ་དུ་ཆེས་མཐོའི་སྨན་ལྷན་ཆེད་འཛུགས་བྱས་པ་ནས་བོད་ཀྱི་གསོ་རིག་བསྟན་པའི་འཕེལ་རྒྱས་ཐད་དབང་ལུང། ཟབ་སྦྱོང། བགྲོ་གླེང། སློབ་ཚན་བསྐྱར་ཞིབ། སྨན་པའི་སྤུས་ཚད། ཁྲིམས་ཐོག་དེབ་སྐྱེལ་སོགས་ལས་གཞི་གསར་བ་གང་མང་ཞིག་མགོ་འཛུགས་གནང་དང་གནང་མུས་ཡོད་པ་ནི་བསྔགས་བརྗོད་དང། སྨན་ལྷན་ཆེད་འཛུགས་བྱས་པའི་དོན་སྙིང་ཡང་རེད།
ད་ཐེངས་ཀྱི་ཚོགས་ཆེན་འདི་ལྟབུ་འཚོགས་སྐབས་བོད་ལ་སྨན་པ་མང་ཡང་འབྲི་རྩལ་ཚིག་སྦྱོར་ལེགས་པའི་སྨན་པ་ཉུང་བ། སྤྱི་ཕན་ལྷག་བསམ་ཆེ་བའི་སྨན་པ་ཉུང་བ། གཞུང་དོན་འཆད་རྩོམ་མཁས་པའི་སྨན་པ་ཉུང་བ། ལག་ལེན་མཐོང་ཆོས་མང་བའི་སྨན་པ་ཉུང་བ། བཤལ་སྐྱུག་གཏར་བསྲེག་མཁས་པའི་སྨན་པ་ཉུང་བ། མདོར་ན་རིག་པའི་གནས་བཅུ་ཕྲག་ལ་བྱང་བའི་སྨན་པ་རྣམས་ཤིན་ཏུ་ཉུང་བའི་རྒྱུ་རྐྱེན་དབྱེ་བ་རྟགས་བཅོས་ཐབས་བཅས་གང་ཡིན་བརྟག་དཔྱད་དང་སྨན་བཅོས་ཤིག་བྱེད་རན་མི་འདུག་གམ།
ནད་པ་ལ་བརྟག་དཔྱད་སྨན་བཅོས་མ་བྱས་པའི་གོང་དུ་སྨན་པའི་ཤེས་ཚད་འཇོན་ཐང་ལྷག་བསམ་སོགས་བརྟག་དཔྱད་སྨན་བཅོས་དགོས་ཤིང། དེའི་འགན་གཙོ་བོ་སྨན་པའི་ལྷན་ཚོགས། སྨན་པ་རྒན་གྲས། སྨན་པའི་ལས་ཀྱི་སྣེ་མོར་གཏོགས་པ་རྣམས་ལ་འཁྲི་བ་རེད།
སྤྱིར་ཝཎ་མཐོ་སློབ་ཀྱི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་ལྟབུ་མཁས་གྲུབ་གཉིས་ལྡན་གྱི་སྨན་པ་འགའ་ཤས་ཡོད་ཀྱང། དེ་འདྲའི་རིགས་རེ་འགའ་ལས་གཞན་སྨན་པའི་མིང་ཙམ་དུ་སོང་ན་ཉིན་གཅིག ཙུ་ཏུའི་ཡུལ་དུ་བྱིན་པ་ན།།རྐང་གཉིས་པ་ལ་མིར་མི་བརྩི།། ཞེས་པའི་དཔེ་ལྟར་དུ་འགྱུར་ཡང་སྲིད་པ་རེད།
བཙན་བྱོལ་ནང་སྨན་པའི་གྲངས་ཀ་མང་དུ་འགྲོ་བ་དང་ཆབས་ཅིག་སྨན་པའི་སྤུས་ཀ་སྐྱོ་རུ་འགྲོ་བཞིན་པའི་རྣམ་འགྱུར་ཞིག་ཐོན་འདུག འདིའི་འབྱུང་རྐྱེན་གཙོ་བོ་སློབ་མ་བསྡུ་ཕྱོགས། སློབ་ཚན་གཏན་འབེབས། སྨན་པའི་སློབ་གསོ་བཅས་ཀྱིས་མ་འདང་བས་ཡིན་ངེས།
བོད་སྨན་འདི་བོད་ཀྱི་སྐད་ཡིག་གི་སྟེང་ནས་སྦྱོང་གི་ཡོད་པས་བརྡ་སྐད་སྙན་སུམ་དང་ནང་ཆོས་ཀྱི་གོ་རྟོགས་སོགས་རྨང་གཞི་ཤེས་ཚད་བཅས་ལ་སློབ་གྲྭ་གཞན་དང་མི་འདྲ་བའི་དམིགས་བསལ་གོ་རྟོགས་དགོས་ངེས་རེད།
དེ་ལྟར་མ་ཡིན་པར་ད་ལྟའི་སྨན་རྩིས་ཁང་ལ་དཔེར་བླངས་ཏེ་སྨན་གྱི་མཐོ་སློབ་དེ་ཚོས་སློབ་མ་བསྡུ་ཕྱོགས་ལྟར་གཞི་རིམ་འཛིན་གྲྭ་བཅུ་གཉིས་ཐོན་ཙམ་ལ་ཆ་བཞག་སྟེ་མུ་མཐུད་ཕྱིན་པ་ཡིན་ན་བོད་ཀྱི་གསོ་བ་རིག་པའི་བསྟན་པ་ཉག་ཕྲ་རུ་ཕྲ་རུ་འགྲོ་རྒྱུ་དེ་ད་ལྟའི་གནས་བབས་ལས་སྔོན་དཔག་བྱེད་ཐུབ། སྤྱིར་དབྱིན་ཇིའི་སྐད་ཡིག་གལ་ཆེ་བ་བདེན་པ་རེད། ཡིན་ན་འང་གལ་ཆེ་བ་ཐམས་ཅད་ཤེས་དགོས་ན། ཚེ་ནི་ཡུན་ཐུང་ཤེས་བྱའི་རྣམ་གྲངས་མང།། ཞེས་པ་ལྟར་རེད།
མཐའ་དོན། རྒྱ་ནག་གི་ཁྲིམས་ཀྱིས་བོད་ཡིག་ཉམས་དམས་སུ་གཏོང་བ་དང། བོད་ཀྱི་སྨན་པ་ཚོས་བརྡ་སྤྲོད་སྙན་སུམ་ཟུར་དུ་འཇོག་པ་གཉིས་ངོ་བོ་གཅིག་པ་ལྟབུར་འགྱུར་བཞིན་འདུག་ན་ངས་ཀྱང། བོད་ནང་གི་སློབ་ཕྲུག་ཚོ་ལྟར་སྐད་འབོད་ཅིག་བྱས་པ་ཡིན།

ལས་རླུང་དང་དྲ་གྲོགས་ཚོར་ཞུ་རྒྱུར། ཊེ་ལི་མེ་ཊེ་སིན་ཞེས་པའི་ནང་དོན་གསལ་པོ་ཞིག་མི་ཤེས་ན།
འོག་གི་དྲ་ཐག་འདིར་འཇུག་རོགས། འདིའི་ནང་འགྲེལ་བཤད་གསལ་པོ་ཞིག་འདུག ཐུགས་རྗེ་ཆེ། http://en.wikipedia.org/wiki/Telemedicine

བོད་བརྒྱུད་ནང་བསྟན་དེ་༸ གོང་ས་མཆོག་གི་གཙོས་པའི་དེ་འཛིན་སྐྱེད་ཆེན་དམ་པ་དུ་མས་འཛིན་སྐྱོང་སྤེལ་བཞིན་ཡོད་པས་ད་ཆ་རླབས་ཆེན་གྱི་གཟེངས་སུ་ཐོན་ཡོད།

དེ་ཡང་གཙོ་བོ་༸ གོང་ས་མཆོག་གིས་ནང་ཆོས་དེ་དུམ་བུ་གསུམ་དུ་བཏང་ནས་དབྱེ་ཡོད་པ་སྟེ། Buddhist Science, Buddhist Phyilosophy and Buddhist Religion ནང་ཆོས་ཀྱི་ཚན་རིག ནང་ཆོས་ཀྱི་མཚན་ཉིད། ནང་ཆོས་ཀྱི་ཆོས་ལུགས་བཅས་གསུམ་ནས་འཛམ་གླེང་ཞབས་འདེགས་བསམ་ཡུལ་ལས་འདས་པ་ཞིག་ཞུ་བཞིན་ཡོད།

བོད་ཀྱི་གསོ་རིག་རྒྱུད་བཞི་ The fourh great Tantras of Tibetan Medicine and its holistic approach. གཙོ་བོར་གྱུར་པའི་བོད་སྨན་རིག་པའི་གཞུང་ལུགས་འདིར་མཚོན་ན་ལོ་ངོ་སྟོང་ཕྲག་མང་པོའི་མེས་པོའི་སྲོལ་རྒྱུན་གྱི་རྣམ་དཔྱོད་དང་། ལག་རྩལ། གསོ་བཅོས་སོགས་ཕྱོགས་གང་སར་ངོ་ནོམ་མི་དགོས་པའི་རིག་གཞུང་ཡོད་ཀྱང་ད་བར་བོད་ཀྱི་གསོ་རིག་ཐོག་ཞིབ་འཇུག་བྱས་ཏེ་འཛམ་གླིང་ནང་ཁྱབ་སྤེལ་གཏོང་ཐུབ་ཀྱིན་མེད།

ཡིན་ནའང་ད་ཆ་འགྲོ་སའི་ལམ་ཞིག་སྒོ་འབྱེད་བྱུང་བ་དེ་བེད་སྤྱད་དེ་བོད་ཀྱི་གསོ་བ་རིག་པའི་གཞུང་ལུགས་དང་། ལག་ལེན་ཟུང་འབྲེལ་ཐོག་ནས་འཛམ་གླིང་ནང་ཆེས་བླ་ན་མེད་པའི་ཞབས་འདེགས་བསྒྲུབ་ཐུབ་རྒྱུར་འབད་བརྩོན་སྔར་བས་ཆེ་རུ་གཏོང་དགོས།

དཀར་མཚོ་སྐྱིད།

གནས་ཚུལ་བཤད་དུས་བསམ་ཚུལ་གཙོ་བོ་མི་གནང་བར་དངོས་ཡོད་ཤེས་ནས་སྨྲ་ཐབས་དགོས་གལ་མཐོང་། ང་སྨན་རྩིས་ཁང་ལ་དུང་བ་ཡོད་པའི་ནད་པ་ཞིག་ཡིན་ཡང་། ཁྱེད་ཀྱིས་བཤད་པ་ལྟར་བོད་སྨན་དེབ་སྐྱེལ་ལས་གཞིའི་མཚོན་གསོ་བ་རིག་པ་འཛིན་སྐྱོང་གི་ལས་དོན་ཚང་མ་སྨན་རྩིས་ཁང་གཅིག་པུའི་བྱས་རྗེས་མིན་ས་ཡོད། ཝརྣས་གཙོས་ལ་དྭགས་དང་ལྕགས་པོ་རི་སོགས་བོད་སྨན་སྡེ་ཚན་ཆེ་ཁག་བཞི་པོའི་མཉམ་འབྲེལ་དང་སྤྱི་མཐུན་གྱི་བྱས་རྗེས་སུ་བལྟས་ནས་བཤད་ན་དོན་དངོས་དང་མཐུན་ནོ་སྙམ།

བསམ་ཚུལ་ཙམ་བཤད་པ་ལས་དགག་ཕྱོགས་དང་སྒྲུབ་ཕྱོགས་ལྟ་བུ་གང་ཡང་མིན།

དེའང་༸གོང་ས་སྐྱབས་མགོན་ཆེན་པོ་མཆོག་གིས། ༼བོད་སྨན་ནི་རང་རེའི་བོད་ཀྱི་ཤེས་རིག་གལ་ཆེནཔོ་ཞིག་ཡིན་པ་དང་། སེམས་ཅན་མང་པོར་ཁ་ཡོད་ལག་ཡོད་ཀྱི་ཕན་ཐོགས་ཡོད་པ་དང་། ཕྱི་རྒྱལ་གྱི་ཨེམ་ཆི་མང་པོས་ཀྱང་དོ་སྣང་དང་ལག་ལེན་བྱ་འདོད་བྱེད་པ་དང་། སྨན་སྦྱིན་ནི་གཞན་ཕན་མཆོག་ཏུ་དགེ་བ་ཞིག་ཡིན།༽ །ཞེས་གསུངས་པ་ལྟར། བོད་ཀྱི་གསོ་རིག་གི་གཞུང་འདི་ནི་ཕྱིའི་དངོས་པོའི་ཚན་རིག་གི་ལྟ་བ་དང་མཐུན་པའི་སྒོ་ནས་དེང་རབས་སྤྱི་ཚོགས་ནང་དུ་མིའི་ལུས་སེམས་གཉིས་ཀར་ལག་ལེན་དངོས་ཀྱི་ཁྲོད་དུ་ཕན་ཐོགས་ཡོད་པའི་ཡུན་རིང་གི་ལོ་རྒྱུས་ལྡན་པའི་གནའ་བོའི་བོད་ཀྱི་རིག་གཞུང་ཁྱད་འཕགས་ཤིག་ཡིན་ཞིང་། མིག་སྔར་འཛམ་གླིང་རྒྱལ་ཁབ་ཁག་གི་ནང་དུ་མི་དམངས་ཀྱིས་དགའ་མོས་བྱེད་པ་དང་དར་ཁྱབ་ཏུ་འགྲོ་བཞིན་ཡོད། རྒྱ་གར་གྱི་ནང་དུའང་བོད་གཞུང་སྨན་རྩིས་ཁང་གི་དབུ་ཁྲིད་དང་སྨན་ལས་རྣམ་པས་ཕྱག་ལས་ཧུར་བརྩོན་གནང་བ་ལ་བརྟེན་ནས་བོད་རིགས་དང་རྒྱ་རིགས་གྱི་ནད་པ་ཁྲི་ཕྲག་མང་པོར་ཕན་རླབས་ཆེན་པོ་བྱུང་སྟེ། ཉེ་ཆར་རྒྱ་གར་གཞུང་གིས་བོད་ཀྱི་གསོ་རིག་འདི་ཁྲིམས་ཐོག་ནས་ངོས་ལེན་དེབ་སྐྱེལ་གནང་ཡོད་པ་དང་། དགའ་འོས་པའི་གནས་ཚུལ་དེ་ལ་བོད་ཀྱི་གསོ་རིག་གི་བསྟན་པ་རྒྱུན་འཛིན་བྱེད་པའི་ལས་རིགས་ཡོངས་ཀྱིས་ཐུགས་རྗེ་ཆེ་ཞུ་རྒྱུ་དང་འབྲེལ། ད་ལྟའི་ལས་གཞི་གསར་བ་སྟེ་དྲྭ་ལམ་གྱི་ཐོག་ནས་བོད་གཞུང་སྨན་རྩིས་ཁང་དུ་སོ་སོའི་ནད་རིགས་ཀྱི་སྐོར་བཀའ་འདྲི་ཞུ་ཆོག་པ་འདི་ནི་རྒྱ་ཆེའི་ནད་པ་དང་སྨན་ལས་ཡོངས་ལ་ཕན་ཐོགས་ཡོད་ངེས་པས་རྗེས་སུ་ཡི་རང་ཞུ་རྒྱུ་ཡིན་ནོ༎

དྲ་གྲོགས་ལས་རླུང་ལགས། ཁྱེད་ཀློག་པ་པོ་རྣམ་པའི་འདོད་བློ་སྐུང་ཅི་ཐུབ་བྱ་རྒྱུ་ང་གསར་འགོད་པ་ཚོས་འོས་འགན་ལོས་ཡིན། འོན་ཀྱང་། ཁྱེད་ཀྱི་གོང་གི་དྲི་བ་དེའི་ཐད། ས་འདུ་ཚང་ཚེ་བརྟན་རྡོ་རྗེ་ལགས་ཀྱིས“ ད་ཆར་བོད་གཞུང་འཕྲོད་བསྟེན་ལྷན་ཁང་བརྒྱུད་དེ་ Tele medicine ཞེས་པའི་འཆར་གཞི་གསར་པ་གཞི་བཟོས་ཡོད་ཅིང་། འཆར་གཞི་དེ་བཟོ་དགོས་དོན་གང་ཡིན་ཟེར་ན། གྲོང་གསེབ་ཁུལ་དུ་སྡོད་བཞིན་པའི་སྨན་པ་ཚོས་གནས་ཚུལ་གསར་པ་མ་ཤེས་པ་དང་། ནད་གཞི་ངོས་འཛིན་མ་ཐུབ་པ་དེ་ཚོ་དྲ་རྒྱ་བརྒྱུད་རོགས་རམ་གནང་ཆེད་རེད། ” ཞེས་གསུངས་པའི་ནང་ཕལ་ཆེར་གསལ་བོ་འདྲ་ཞིག་རེད། གང་ལྟར། ས་གནས་སྨན་ཁང་ཆུང་ཚགས་རིགས་ཀྱིས་ནད་ངོས་མ་ཟིན་པ་དག དྲ་རྒྱ་བརྒྱུད་དབུས་ནས་ཐར་ཀར་བརྟག་དཔྱད་གཏོང་ཐུབ་པའི་བརྒྱུད་ལམ་ཞིག་ལ་གསུང་གི་ཡོད་པ་འདྲ།
ཡང་ཁྱེད་ཀྱིས་ཐེངས་འདིའི་ཚོགས་ཐོག་ཏུ་རག་རྡོ་རིན་པོ་ཆེ་ཕེབས་འདུག ཁོང་གི་རྩ་རླུང་ཐིག་ལེའི་སྐོར་གྱི་བཤད་ལ་གསན་འདོད་ཡོད་སྐོར་བརྗོད་འདུག དེར་ཡང་ང་ཚོས་གང་ཐུབ་ཀྱིས་ཐབས་ལམ་ཞིག་འཚོལ།

ཟབ་སྦྱོང་དེར་ཡོང་འདོད་ཡོད་ཀྱང་རྐྱེན་དབང་གིས་ཡོང་ཐུབ་མ་སོང་། ཡིན་ཡང་། ཟབ་སྦྱོང་འདིའི་སྦྱོར་དངོས་མཇུག་གསུམ་གྱི་བྱ་བ་ཡོད་ཚད་བགེགས་མེད་ལམ་ལྷོང་ཡོང་བའི་སྨོན་འདུན་ཞུ།
དེང་སང་ཁ་བརྡ་དང་དུས་བབས་ཟིན་བྲིས་སོགས་དྲ་རྒྱའི་ནང་བོད་སྨན་དང་འབྲེལ་བའི་རྩོམ་ཡིག་གང་མང་མཐོང་རྒྱུ་ཡོད་པ་དེ་ནི་དགའ་འོས་པའི་གནས་སྟངས་ཤིག་རེད་འདོད། ད་དུང་སྨན་པ་གང་མང་གིས་འདིའི་ཐད་དོ་སྣང་སྔར་ལྷག་གནང་རྒྱུར་རེ་བ་ཆེ།

དེང་སང་བོད་པའི་ཨེམ་ཆི་ཚོས་ཚིག་གི་དག་ཆ་དང་སྡེབ་སྦྱོར་ལ་དོ་སྣང་མི་བྱེད་པར་གང་བྱུང་ལག་པས་འབྲི་བ་དང་ཁ་ནས་བཤད་པ་སོགས་བྱེད་ཀྱི་འདུག་ཅེས་བཙན་བྱོལ་སྤྱི་ཚོགས་ཆུང་ཆུང་འདིའི་ནང་ཟུར་ཟ་ལྟ་བུའི་སྐད་ཆ་འདྲ་མིན་གོ་རྒྱུ་འདུག་ན་སྨན་པ་ཚོས་དེའི་ཕྱོགས་ལ་ངེས་པར་གཟབ་གཟབ་བྱེད་གལ་ཆེན་པོ་མཐོང་།

མཐར་བོད་ཀྱི་གསོ་བ་རིག་པའི་བསྟན་པ་དར་བ་དང་དེ་འཛིན་གྱི་སྐྱེས་བུ་ཚོའི་བསམ་དོན་འགྲུབ་པར་ཤོག

གསར་འགོད་པ་ལགས།

Tele medecine ཞེས་པ་འདི་བཀོལ་སྤྱོད་བྱེད་སྟངས་དཔེ་མཚོན་བཅས་ངོ་སྤྲོད་གསལ་བོ་ཞིག་གནང་རོགས་གྱིས། མ་གཏོགས་གསར་འགྱུར་གྱི་བརྗོད་དོན་གཙོ་བོ་ཧ་མི་གོ་བའི་དཀའ་ངལ་འདུག ཕྱིས་སུ་གསར་འགྱུར་འགོད་དུས་ཀྱང་འདིའི་རིགས་མི་ཡོང་བར་ཡིད་གཟབ་གནང་རོགས།

དྲྭ་བདག་ལགས་དཀོན་མཆོག་མཁྱེན་རེ་བ་བཤད་པ་དོན་མེད་ཆུ་གསོས་སུ་མ་གཏོང་རོགས
ནད་པ་ཚོས་ནད་རྟགས་བཤད་ནས་ན་ཚ་ངེས་འཛིན་བྱེད་པ་དང་དེ་དང་འཚམས་པའི་སྨན་འཐུང་ལུགས་སོགས་སྨན་པས་ཐད་གར་ལབ་ཐུབ་ན་ཡག་པོ་རེད།
དེ་ཡོད་མེད་བཀའ་འདྲི་ཞུས་པ་ཡིན