འོད་ཟེར་ལ་བྱ་དགའ་ཐོབ།

བོད་ཀྱི་བུད་མེད་རྩོམ་པ་པོ་ཚེ་རིང་འོད་ཟེར་ལ་རྒྱལ་སྤྱིའི་རང་བཞིན་ལྡན་པའི་གཟེངས་རྟགས་ཐོབ་པར་བཀྲ་ཤིས་བདེ་ལེགས་ཞུ། ཁྱོད་ཀྱི་ལྷག་བསམ་རྒྱལ་ལོ། ཁྱོད་ཀྱི་སྙིང་སྟོབས་རྒྱལ་ལོ། ཁྱོད་ཀྱི་ཕུག་བསམ་རྒྱལ་ལོ། །

འོད་ཟེར་ནི་བོད་ཀྱི་མཛངས་མའི་མཛངས་མའི་གྲས་ཤིག་རེད།ཡིན་ནའང་བློ་ཡིད་དཔོག་དཀའ་བ་ཞིག་ནི་ཁོ་མོ་རང་རྒྱ་ནག་གི་རྒྱལ་སར་བསྡད་ཡོད་ཀྱང་ད་ལྟའི་བར་དྲ་ཐོག་ཏུ་བོད་དོན་སྐོར་གྱི་གནས་ཚུལ་མཐའ་དག་ལ་བལྟ་ཐུབ་པས་མ་ཟད།བོད་ཕྱི་ལ་གནས་ཚུལ་མང་པོ་འདོན་སྤྲོད་བྱེད་ཐུབ་པ་འདུག རྒྱ་ནག་གཞུང་གིས་མོ་ལ་ཚོད་འཛིན་མི་བྱེད་པའམ་བྱེད་དཀའ་བ་གཏན་ནས་དཔེ་མི་སྲིད།མོ་རང་རྒྱ་ནག་གི་ཆབ་སྲིད་ཉེས་ཅན་དུ་གྱུར་ནས་མིང་གྲགས་མ་རྒྱས་པའི་སྣྔོན་ལ་མོ་ནི་སྤྱིར་བཏང་གི་གསར་འགོད་པ་ཞིག་རེད།མོའི་བྲིས་པའི་བོད་ལྗོངས་ཟིན་བྲིས་ཞེས་པའང་བོད་ཀྱི་རང་དབང་དྲིལ་སྒྲོག་བྱས་པ་ཙམ་ལས་སྒྱུ་རྟྩལ་དང་རྟྩོལ་རྟྩལ་གཉིས་ཀའི་ཐད་ནས་བྲོ་བ་ཅི་ཡང་མི་འདུག ངས་བསམ་ན་མོ་ནི་ཨ་རིའི་Paris Hiltonལྟ་བུ་ཞིག་རེད།

རྒྱལ་སྤྱིའི་བུད་མེད་གསར་འགོད་ཐེབས་རྩ་ཁང་གི་ལོ་འཁོར་ཆེས་བསྟོད་གཟེངས་རྟགས་ཐོབ་པའི་བུད་མེད་གསུམ་གྱི་གྲས་སུ་བོད་རིགས་བུད་མེད་མཁྱེན་ལྡན་མ་ཚེ་རིང་འོད་ཟེར་ལགས་ཚུད་པ་འདི་ལ་རང་ཉིད་བོད་རིགས་བུད་མེད་ཅིག་ཡིན་པའི་ཆ་ནས་རྗེས་སུ་ཡི་རང་བྱ་ཞིང་བསྟོད་བསྔགས་ཀྱི་འཚམས་འདྲི་ཞུ་རྒྱུ་དང་། འདིས་བོད་ཕྱི་ནང་གི་བུད་མེད་རྣམས་ཀྱིས་མི་རིགས་ཀྱི་ལས་དོན་ལ་ཧུར་བརྩོན་གནང་བའི་གྲུབ་འབྲས་ཀྱི་དཔེ་མཚོན་དུ་གྱུར་པར་མ་ཟད། མ་འོངས་པར་དེ་ལས་ལྷག་པར་ལས་དོན་བསྒྲུབ་དགོས་པར་སྐུལ་མ་བཏང་བ་ཞིག་ཡིན། ཡིན་ནའང་མཁྱེན་ལྡན་མ་ཚེ་རིང་འོད་ཟེར་ལགས་གཟེངས་རྟགས་འབུལ་བཞེས་ཀྱི་མཛད་སྒོར་དངོས་སུ་ཞུགས་པར་རྒྱ་ནག་གཞུང་གིས་བཀག་འགོག་བྱས་པ་དེར་རང་ཉིད་བློ་ཕམ་པོ་བྱུང་སོང་། །

ངས་ཀྱང་མཛངས་མ་ཚེ་རིང་འོད་ཟེར་ལགས་གཙོ་པས་བྱ་དགའ་བཞེས་མཁན་གསུམ་གར་རྟེན་འབྲེལ་དང་། ལྷག་པར་ཚེ་རིང་འོད་ཟེར་བཀྲ་ཤིས་བདེ་ལེགས་ཞུ། ཁྱེད་བོད་མི་མངས་ཀྱིས་དུས་ནམ་ཡང་བརྗེད་མི་སྲིད།

མཛངས་ཆོས་ཀྱི་དཔལ་ཡོན་འབར་བའི་ཁ་བ་ཅན་གྱི་བུ་མོ་ཚེ་རིང་འོད་ཟེར་ལགས་སུ།
ཆེས་བསྔགས་བརྗོད་ཀྱིས་རྒྱན་པའི་གཟེངས་བསྟོད་བྱ་དགའ་ཐོབ་དེར་ཕྲན་གྱིས་སྙིང་ཐག་པ་ནས་འཚམས་འདྲི་དང་བཀྲ་ཤིས་བདེ་ལེགས་ཞུ་ཡི་ཡོད། བོད་ཀྱི་ན་གཞོན་བུ་མོ་ཚོས་དུས་རབས་ཀྱི་རྗེས་ཟིན་པའི་བུད་མེད་འདིའི་རིགས་སུ་དམིགས་དཔེ་ལྟ་རོགས། བོད་ཀྱི་ཁ་རྒྱུན་དུ་་་་་་བྱ་ཆུ་འཐུང་ཁ་མིག་ཡར་བལྟ། །བོང་བུ་ཆུ་འཐུང་ཁ་མིག་ཐུར་བལྟ། །ཞེས་པ་ཞིག་སྔ་ས་ནས་བཤད་མྱོང་བ་རེད།