བོད་གཞུང་ཤེས་རིག་ལས་ཁུངས་ཀྱི་གོ་སྒྲིག་འོག ཟླ་འདིའི་ཕྱི་ཚེས་ ༢༥ ནས་མགོ་འཛུགས་ཀྱིས་ཝ་རཱ་ན་སི་བོད་ཀྱི་གཙུག་ལག་སློབ་གཉེར་ཁང་དུ་བཙན་བྱོལ་བོད་མིའི་སློབ་གྲྭ་ཁག་གི་ཆོས་དགེ་ ༣༥ ཙམ་ལ་ཟབ་སྦྱོང་ཞིག་སྤྲོད་བཞིན་ཡོད་འདུག་ལ། ཟབ་སྦྱོང་དབུ་འབྱེད་ཀྱི་སྐུ་མགྲོན་གཙོ་བོར་ཝར་ནཱ་མཐོ་སློབ་ཀྱི་སློབ་དཔོན་ཆེན་མོ་བློ་བཟང་བསྟན་འཛིན་ལགས་དང་། རྒྱ་གཞུང་སློབ་དཔོན་དགེ་བཤེས་ཕུན་ཚོགས་དོན་གྲུབ་ལགས་གཉིས་ཕེབས་ཡོད་འདུག
སྐབས་དེར་སྐུ་མགྲོན་གཙོ་བོ་མཆོག་གི་གསུང་བཤད་དུ་བོད་ཀྱི་ཆོས་དང་རིག་གཞུང་གི་གལ་གནད་དང་། ཕྱི་དངོས་པོའི་ཤེས་ཡོན་ལས་ལྷག་པ་ནང་གི་ཤེས་ཡོན་ཡར་རྒྱས་འགྲོ་རྒྱུ་གལ་ཆེ་ཡིན་པར་བརྟེན་ཆོས་དགེ་ཚོའི་ལས་འགན་ལས་ལྷག་པ་ཞིག་མེད་པ་དང་། སྒྲ་ཚད་གཉིས་ནི་གསུང་རབ་སྤྱིའི་དགོངས་འགྲེལ་ཡིན་སྟབས། ༧གོང་ས་མཆོག་གི་དགོངས་བཞེད་ལྟར་སློབ་མ་རྣམས་ལ་རིགས་ལམ་སློབ་ཁྲིད་ཐད་ལ་ཤུགས་རྒྱག་དགོས་པ་དང་། སློབ་མའི་གནས་ཚད་དང་མཐུན་པའི་སློབ་ཁྲིད་ཐབས་ལམ་གང་ལ་གང་དགོས་བསྟེན་དགོས་པ་སོགས་ཞིབ་ཕྲའི་ལམ་སྟོན་གནང་ཡོད།
ཟབ་སྦྱོང་དེའི་རིང་ཝ་ནཱ་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་སློབ་དཔོན་ཆེན་པོ་ངག་དབང་བསམ་གཏན་ལགས་ཀྱིས། སངས་རྒྱས་ཀྱི་ཆོས་ཚུལ་ནང་དད་པ་དང་ཡིད་ཆེས་ཀྱི་སྒོ་ནས་ཉམས་ལེན་བྱ་རྒྱུའི་སྡེ་ཚན་ (Buddhist Faith) དང་། ལྟ་བ་དང་གྲུབ་མཐའི་རྣམ་བཞག་གི་སྡེ་ཚན་ (Buddhist Philosophy)དང་། ནང་ཆོས་ཀྱི་ཚན་རིག་ (Buddhist Science) བཅས་གསུམ་གྱི་སྐོར་ནས་ཟབ་སྦྱོང་སྤྲོད་རྒྱུ་ཡིན་པ་དང་། ཤེས་རིག་དྲུང་ཆེ་ཡིས་ཆོས་དགེ་དག་གི་བྱེད་སྒོ་ལམ་སྟོན་སྐོར་ནས་ཟབ་སྦྱོང་སྤྲོད་རྒྱུ། དེ་བཞིན། ཝ་ནཱ་གཙུག་ལག་སློབ་གཉེར་ཁང་གི་སློབ་དཔོན་ཆེན་པོ་དགེ་བཤེས་ཡེ་ཤེས་ཐབས་མཁས་ལགས་ཀྱིས་ནང་ཆོས་ཁྲིད་ཐབས་སྐོར་དང་། ཝ་ནཱ་གཙུག་ལག་སློབ་གཉེར་ཁང་གི་སློབ་དཔོན་དགེ་བཤེས་ཕུན་ཚོགས་དོན་གྲུབ་ལགས་ཀྱིས་ནང་ཆོས་ནས་གསུངས་པའི་ས་ལམ་རྣམ་གཞག་སྐོར། ཝ་ནཱ་གཙུག་ལག་སློབ་གཉེར་ཁང་གི་རྒྱལ་རབས་སློབ་དཔོན་བྱམས་པ་བསམ་གཏན་ལགས་ཀྱིས་ཆོས་འབྱུང་སྐོར། སློབ་དཔོན་དགེ་བཤེས་བློ་བཟང་ཚུལ་ཁྲིམས་ལགས་ཀྱིས་རིགས་ལམ་སྐོར། སྐུའི་གསུང་སྒྱུར་དགེ་བཤེས་རྡོ་རྗེ་དགྲ་འདུལ་ལགས་ཀྱིས་ནང་ཆོས་དང་ཚན་རིག་འབྲེལ་ལམ་སྐོར་བཅས་ཀྱི་ཟབ་སྦྱོང་སྤྲོད་རྒྱུ་ཡིན་འདུག
ཐེངས་འདིའི་ཆོས་དགེ་ཟབ་སྦྱོང་དེ་ཟླ་འདིའི་ཚེས་ ༢༥ ཉས་ཟླ་རྗེས་མའི་ཚེས་ ༨ བར་གྱི་ཉིན་བཅུ་བཞིའི་རིང་སྤྲོད་འཆར་ཡོད་འདུག་ལ། ཟབ་སྦྱོང་དེའི་སྟེང་ངྷ་ས་བོད་ཁྱིམ་སློབ་གྲྭའི་ཁྱབ་ཁོངས་ནས་ཆོས་དགེ་ ༨ དང་། མ་སུ་རི་བོད་ཁྱིམ་སློབ་གྲྭའི་ཁྱབ་ཁོངས་ནས་ཆོས་དགེ་ ༢ ། སམ་བྷོ་ཊ་བོད་སློབ་ཁྱབ་ཁོངས་ནས་ཆོས་དགེ་ ༦ ། རྒྱ་གར་དབུས་བོད་སློབ་འཛིན་ཚོགས་ནས་ཆོས་དགེ་ ༡༧ ། བལ་ཡུལ་ནས་ཆོས་དགེ་ ༢ བཅས་ཁྱོན་བསྡོམས་ཆོས་དགེ་གྲངས་ ༣༥ ཙམ་མཉམ་ཞུགས་གནང་ཡོད་འདུག
དུས་འགྱུར་གྱིས་སྤྲེལ་ནག་པ་བློ་གྲོས་དཔལ་བཟང་ལ་བཅར་འདྲི་བྱེད་སྐབས་ཁོང་གིས།
གལ་སྲིད་དགེ་རྒན་ཞིག་བུད་སོང་ན། དེའི་ཚབ་ཏུ་དངོས་ནས་སྤྱི་ཚོགས་ཐོག་ན་ཤེས་ཡོན་ཡོད་མཁན་ཞིག་འཇོག་རྒྱུ་མི་བྱེད་པར་རང་གི་ཁ་ལ་ཉན་མཁན་ཞིག་དང་རང་ལ་འདོད་པ་ཡོད་མཁན་ཞིག རང་གི་སློབ་་མ་ཡིན་མཁན་ཞིག རང་གི་ཕྱོགས་ཡིན་ནི་ཞིག་ཁྲིད་ཡོང་ནས་འཇོག་གི་རེད།
སློབ་གྲྭའི་ཆོས་དགེ་ཚོར་མཚོན་ན། སེ་འབྲས་དགེ་གསུམ་ན་གཞུང་ལུགས་མཐར་ཕྱིན་ཅིང་དགེ་བཤེས་བཞག་སྟེ་ལས་ཀ་མེད་པར་བསྡད་ཡོད་པ་གང་མང་མང་ཡོད་ནི་རེད། དེ་ཚོ་ཁྲིད་ཡོང་སྟེ་ཆོས་དགེ་དང་རིགས་ལམ་ཁྲིད་དུ་མི་འཇུག་པར་འདི་ན་གྲྭ་བ་འགྲོ་ས་མེད་མཁན་ཚོ་སྟེ་རང་རང་གི་ཁ ལ་ཉན་མཁན་རྐྱང་རྐྱང་ཁྲིད་ཡོང་ནས་ཆོས་དགེ་བྱས་ཡོད་པ་རེད།
གཞན་སློབ་གྲྭ་ནས་འཐུས་ཤོར་ལ་སོང་འདུག་སློབ་གྲྭ་ནས་ཅི་ཡང་མི་ཤེས་ཀི་ཟེར་ན་རྣར་འགྲོ་གི་རིགས་གནས་འཐུས་ཤོར་ལ་སོང་ཚར་འདུག རྩོམ་རིག་འཐུས་ཤོར་ལ་ཕྱིན་འདུག་ཟེར་ན་ཡིད་ཆེས་ཀི ལྷག་པར་དུ་རིག་གནས་གསར་བ་སྦྱངས་ས་མེད་ཀི་ཟེར་ན་དེ་བས་ཀྱང་ཆོག་གི འདི་ནས་ནང་ཆོས་འདི་ལྟ་བུའི་འཐུས་ཤོར་ལ་བུད་སོང་ཟེར་ན། བོད་ནང་ལ་བལྟས་ན། ཆེས་རྣར་མི་འགྲོ་བའི་སྐད་ཆ་ཞིག་རེད།
སེ་འབྲས་དགེ་གསུམ་དང་གྲུབ་མཐའ་རེ་རེའི་གྲྭ་ས་ང་ཚོའི་འཁྲིས་ལ་ཡོད་ནི་རེད། འདིའི་ནང་ལ་ལག་པ་བསྲིངས་ནས་གཅིག་ཀྱང་མི་ལེན་པར་ཁྱེད་ལ་མཁོ་བའི་མི་རྐྱང་རྐྱང་བླངས་བསྡད་ན་འགན་མ་ཁུར་བའི་ལས་ཀ་རེད། བྱ་སྤྱོད་རེད། ལམ་ཁ་འདིར་དངོས་ནས་བཅོས་སྒྱུར་གཏོང་དགོས་ཀྱི་འདུག། བཅོས་སྒྱུར་གཏོང་བ་ལ་མི་སུ་ཡིན་ཡང་གཞུང་འབྲེལ་དང་གཞུང་འབྲེལ་མ་ཡིན་པ་སུ་ཡིན་ཡང་ཤུགས་རྒྱག་དགོས་ཀྱི་འདུག་ཅེས་པ་དེ་ཡིན། ཅེས་བྲིས་འདུག སྐད་ཆ་འདི་ངོ་མ་བདེན་པ་རེད་སྙམ།
ཕྱི་དངོས་པོའི་ཤེས་ཡོན་ལས་ལྷག་པ་ནང་གི་ཤེས་ཡོན་ཡར་རྒྱས་འགྲོ་རྒྱུ་གལ་ཆེ་ཡིན་པར་བརྟེན་ཆོས་དགེ་ཚོའི་ལས་འགན་ལས་ལྷག་པ་ཞིག་མེད། ཅེས་ཡང་ཁ་གཡེང་གིས་མི་མགོ་སྐོར་གྱིན་འདུག
འཇིག་རྟེན་ཁྱིམ་པ་འཇིག་རྟེན་འདིར་ཇི་ལྟར་འཚོ་དགོས་མིན་དང་ཡོངས་སུ་ཐ་དད་པའི་གྲྭ་པ་འདི་དག་ལ་དགོན་པར་ཇི་ལྟར་གནས་དགོས་མིན་གྱི་ཟབ་སྦྱོང་སྤྲད་ན་འོས་འཚམས་རེད། དེ་མིན་ཞོགས་པའི་ཞལ་འདོན་ཙམ་ལ་ལྟ་བ་ལ་ནི་ཟབ་སྦྱོང་ཞིག་སྤྲོད་དགོས་དོན་མེད་པས་དུས་ཚོད་ཆུད་ཟོས་སུ་བཏང་བ་རེད།
སློབ་དཔོན་གཉིས་ཀྱི་ཞལ་གསུང་ལ་རྗེས་སུ་ཡི་རངས་ཡོད་། ད་དུང་ཆོས་དགེ་དེ་དག་ལ་ནང་དགོང་ཞལ་འདོན་གྱི་ཚུལ་དུ་མཁས་པའི་དབང་བོ་དགེ་ཆོས་ཀྱི་སྙན་རྩོམ་༼ ཕལ་སྐད་གསོང་པོར་བརྗོད་པའི་ཀ་རྩོམ། ༽གང་མང་མང་ཀློག་གིན་བཅུག་ན་ཕན་ཐོག་ཡོད་པ་སྨྲ་མེད་རེད།
དགེ་བཤེས་ཚོ་གྲོང་དུ་སོང་ནས་མི་སྐྱ་ཚོར་ནང་ཆོས་ཀྱི་འགྲོ་སྟངས་སློབ་སྦྱོང་སྤྲོད་དགོས་ལ། མི་སྐྱ་ཚོ་དགོན་པར་ཡོང་ནས་གྲྭ་པ་ཚོར་འཛམ་གླིང་གི་འགྲོ་སྟངས་རེ་ཡང་སློབ་ཐུབ་ན་ཧ་ཅང་བཟང་།
ད་ལྟའི་ཆར་གཅིག་ལ་ཡོད་པ་དེ་གཅིག་ལ་མི་འདུག འདི་ལ་བརྟེན་ནས་སྤྱི་ཚོགས་འདི་གཉིས་ཀྱི་བར་དུ་གཅིག་གིས་གཅིག་ཁས་མི་ལེན་པའི་འགལ་ཟླ་ཆེན་པོ་འདི་ཡོང་གིན་ཡོད་པ་རེད། འདི་ནི་བོད་ཕྱི་ནང་གཉིས་ཀར་ཧ་ཅང་གལ་ཆེ་གི མཚམས་པ་བྲག་ཁུང་ནང་ན་ཡོད་པ་ཚོ་ལ་བརྗོད་པ་མིན་ལོ།།
ཡག་པོ་བྱུང་འདུག་ ཐུགས་རྗེ་ཆེ་ཞུ་
༄༅། །ཆོས་ཚོར་སྤྲོད་པའི་ཟབ་སྦྱོང་འདི་རིགས་བོད་ཀྱི་དགོན་སྡེ་ཁག་ཏུ་སྤྲོད་ཐུབ་ན་དགེ་མཚོན་ཆེ་པོ་མཐོང་། དཔེར་ན་ནང་ཆོས་དང་མཚན་རིགས་སོགས་ཀྱི་སྐོར་དང་དེང་དུས་སློབ་མ་ཚོའི་བསམ་དང་མཐུན་པའི་ནང་ཆོས་ངོ་སྤྲོད་གནང་ཚུལ་སོགས་ཀྱི་སྐོར།
ཆོས་དགེ་ཚོས་ནང་ཆོས་ངོ་སྤྲོད་བའི་རྗེས་སློབ་མ་ཚོ་ནང་ཆོས་ལ་དོ་སྣང་ཆེ་རུ་འགྲོ་ཡོད་ན་ཡང་ན་ཆུང་དུ་ཕྱིན་ནམ། ངའི་གྲོགས་ཁ་ཤས་ཀྱི་བསམ་པར། སློབ་མ་ཚོས་ནང་ཆོས་ཡག་པོ་མི་ཤེས་པའི་སྐབས་ནང་ཆོས་སྨོང་དད་ཀྱིས་དོ་སྣང་ཆེན་པོ་ཡོད་སྲིད། ནང་ཆོས་ངོ་སྤྲོད་པའི་རྗེས་ནང་ཆོས་ཀྱི་དོན་ངོ་མི་ཤེས་པར། ཡ་་་་་་་་་་་་ད་ནི་ནང་ཆོས་ཤེས་སོང་་་་་་་་་ཧ་ལས་དགོས་པ་ཞིག་གང་ཡང་མི་འདུག་བསམས་ནས་དད་ལོགས་སྐྱེས་མི་སྲིད་པའི་ཉེན་ཁ་མེད་མིན་ཟེར་མཁན་ཡོད། གལ་ཏེ་ངའི་གྲོགས་པོས་བཤད་པ་བཞིན་ཡིན་ན། ཆོས་དགེ་ཚོ་་་་ཐུགས་རྗེས་གཟིགས་ཟབ་སྦྱོང་སྤྲོད་པ་བཞིན་དུས་རྒྱུན་འཛིན་གྲྭའི་ནང་ངེས་པར་དུ་ཟབ་ཟབ་གནང་ནས་སློབ་མ་ཚོར་གཟིགས་བསྐྱོང་གནང་རོགས། འདི་ནི་ང་དང་ངའི་གྲོགས་པོའི་རེ་བ་ཡིན།།།།།།།།།།།།།།།།།།།།།།།།།།།།།།
བོད་གཞུང་ཤེས་རིག་ལས་ཁུངས་ཀྱི་གོ་སྒྲིག་གནང་བ་ཐུགས་རྗེ་ཆེ་ཞུ།
ཟབ་སྦྱོང་སྤྲད་ཚར་རྗེས་ངེས་པར་དུ་སློབ་གྲྭ་ཁག་ཏུ་ལག་བསྟར་བྱེད་དགོས།
བག་གཡེང་དུ་བཞག་མིན་རུང་།
བཙན་བྱོན་ནང་ཆོགས་ཆེན་དང་ཟབ་སྦྱོང་ཐོག་གྲོས་ཆོད་མང་དག་ཞིག་བཞག་ཀྱང་ལག་ལེན་མེད་པ་ལྷག་ཡོད།
ཆོས་དགེ་ཚོས་གནའ་བོའི་ལུགས་སྲོལ་ལྟར་ཕྲེང་བ་རིང་པོ་རེ་ཐོགས་ཏེ་ལག་པར་དཔེ་ཆ་རིང་པོ་ཞིག་བསྣམས་ཏེ་ཉིན་གང་བོར་སློབ་མ་ཚོར་དཔེ་ཆ་འཁྲིད་ཀྱི་ཨེ་ཡོད་ན། ཡང་ན་དེང་དུས་ཀྱི་ཚན་རིག་ཡང་རྒྱས་འགྲོ་བཞིན་པ་དང་ཆབས་ཅིག་གནའ་དེང་ཟུང་འབྲེལ་གྱིས་ཆོས་དགེ་རེ་བྱེད་ཀྱིན་ཡོད་ན།
དགེ་རྒན་ཞིག་ལ་ཆ་མཚོན་ན། རང་ཉིད་ཀྱི་ཤེས་ཚད་ཇི་ལྟར་ཡོད་རུང་མེད་རུང་། གང་ཤེས་པའི་ཡོན་ཏན་དེ་སློབ་མ་ཚོའི་རྒྱུད་སྟེང་དུ་བབས་ཐུབ་པ་ཞིག་བྱེད་དགོས་སྟབས། སློབ་ཁྲིད་ཐབས་ལམ་ཐོག་དགེ་རྒན་ཚང་མས་ཐུགས་སྣང་དང་། སྲོལ་རྒྱུན་ཙམ་མ་ཡིན་པར་དེང་དུས་ཀྱི་ཁྲིད་ཐབས་སོགས་ནས་ལེགས་ཆ་བླང་སྟེ། གཙོ་བོ་སློབ་ཁྲིད་ཐབས་ལམ་ཐོག་ངེས་པར་དུ་ཤུགས་སྣོན་རྒྱག་དགོས་པར་མཐོང་།
སློབ་མའི་སེམས་ཁམས་དང་། སྤྱི་ཚོགས་ཀྱི་གནས་བབ། ཁོར་ཡུག་གི་འགྱུར་ལྡོག ཤེས་ཡོན་གྱི་དགོས་དམིགས་སོགས་ཕྱོགས་མང་པོ་ཞིག་གི་ཐོག་དགེ་རྒན་རང་ཉིད་ལ་འགན་ཁུར་གྱི་བསམ་བློ་རྒྱུན་ལྡན་ནས་དགོས་ངེས་སུ་མཐོང་།།
ཆོས་ལུགས་སློབ་ན་མི་བཟང་མེད་མོད། དེ་ལས་བརྡ་དག་འགའ་རེ་སློབ་ན་དེ་བས་བཟང་།
གསར་འགྱུར་འདི་ཀློག་མཁན་ཐེངས་གཅིག་བྱུང་འདུག་པས་འདི་ཀློག་མཁན་དང་པོ་ང་ཆགས་ཡོད་སྟབས་མཆན་འདི་བཏབ་པ་ཡིན།
ཆོས་དགེ་ཟབ་སྦྱོང་ལ་སློབ་ཚན་དང་དོན་དག་འགའ་ཤས་ཤིག་སྐྱར་གསོ་ཙམ་མིན་པར་དེང་དུས་ཀྱི་བྱིས་པའི་སེམས་ཁམས་རིག་གཞིར་བཞག་གིས་དེང་དུས་ཀྱི་སློབ་ཚན་ཁྲིད་ཐབས་ངེས་པར་དུ་སློབ་དགོས་ཀྱི་འདུག