བཟང་སླ་ང་གང་བོ། ངན་སྐྱོགས་གང་གིས་བརླག་སོང་།
བཀའ་ཁྲིའི་སྔོན་འགྲོའི་འོས་བསྡུའི་ཁྲོད་ནས་ལྟད་མོ་ཆེ་ཤོས་ནི་སྐུ་ངོ་བཀྲ་ཤིས་དབང་འདུས་རེད། སྐུ་ངོ་བཀྲས་དབང་བཙན་བྱོལ་བོད་མིའི་ཁྲོད་མཐོ་རིམ་ཕྱག་ལས་གནང་མཁན་གཏམ་ངན་བཤད་འདུག་ཉུང་བའི་གྲས་ཤིག་རེད་ལ། གཞུང་སེམས་ཆེ་ཞིང་ཕྱག་ལས་ཁམས་གཙང་གནང་མཁན་ཞིག་ལ་བརྩི་འཇོག་དང་གུས་བཀུར་ཡོད་པ་རེད། ཡིན་ནའང་ད་ཐེངས་རང་གིས་མི་ཚེ་ཡོངས་བོད་གཞུང་ལ་ཕྱག་ལས་གནང་བའི་གྲུབ་འབྲས།བཟང་སླ་ང་གང་བོ། ངན་སྐྱོགས་གང་གིས་བརླག་སོང་།
ཐོག་མར་སྐུ་ངོ་བཀྲ་ཤིས་དབང་འདུས་དབུས་གཙང་ཆོལ་ཁ་དང་བོད་རྒྱལ་ཡོངས་མང་གཙོ་ཚོགས་པས་འོས་མིར་བཏོན་ཀྱང་ངོས་ལེན་མ་བྱས། སྐབས་དེར་རྒྱུ་མཚན་བཤད་དོན་ནི་ད་བར་བོད་གཞུང་གི་སྒྲོམ་གཞིའི་ནང་ཕྱག་ལས་གནང་བ་ཡིན་ལ། ད་ལྟ་ལོ་ནའི་བབ་དང་གཟུགས་པོ་བདེ་མིན་བཅས་ཀྱིས་བཀའ་ཁྲིའི་འོས་མིར་འདུག་རྒྱུ་མིན་པ་མ་ཟད། བྷེ་ཇམ་གྱི་སྐུ་ཚབ་དོན་གཅོད་ནས་ཀྱང་དགོངས་པ་ཞུས་པ་ཡིན་ཡང་ཚབ་ལ་མི་བསླེབས་མ་སོང་ཞེས་བཤད། དེ་རྗེས་ཅུང་མ་འགོར་བར་བཀའ་ཁྲིའི་འོས་བསྡུའི་སྐོར་གྲག་འགུལ་ཆེ་རུ་སོང་བ་དང་བསྟུན། སྐུ་ངོ་བཀྲས་དབང་ཀྱང་འགྱུར་ཏེ་སྐད་ཆ་གཉིས་བཤད། བཀའ་ཁྲིའི་འོས་མི་ལ་འདུག་གི་མིན། འོན་ཀྱང་མི་མང་གིས་འོས་བླུག་ན་དེ་ག་རེད་ཅེས་བཤད་དེ་ཟླ་ངོ་ཁ་ཤས་འདས་ཤིང་། རིམ་པས་སྔོན་འགྲོའི་འོས་འབྲས་སྤྱིར་བསྒྲགས་གནང་བ་དང་དེར་སྐུ་ངོར་ཨང་རིམ་བཞི་བ་རེད་ལ་ཐོབ་པའི་འོས་གྲངས་ ༢༠༠༠ལྷག་རེད། འདི་ལ་གཞིགས་ན་སྐུ་ངོ་འོས་མིའི་ཁོངས་སུ་བསྡད་ཀྱང་འོས་ཐོབ་རྒྱུ་མིན་པའི་ཚོད་དཔག་དེ་སུ་ཡིན་ནའང་བྱེད་ཐུབ་པ་ཞིག་རེད་ལ། དེར་བརྟེན་མི་མང་པོས་དགོངས་པ་ཞུ་རྒྱུ་ཡིན་པའི་དངོས་འཛིན་གནང་ཡོད་ཀྱང་། སྐུ་ངོ་དེ་ལས་ལྡོག་སྟེ་དངོས་གཞིའི་འོས་མིའི་ཁོངས་སུ་བསྡད་པ་དེས་སྐུ་ངོའི་སྐོར་ལ་བསམ་ཚུལ་མང་པོ་རང་ཤུགས་ཀྱིས་བསུས་ཡོད།
སྐུ་ངོས་སྤེལ་བའི་གསལ་བསྒྲགས་ལྟར་ན། རྒྱབ་སྐྱོར་བ་ཚོའི་ངོར་བལྟས་ཏེ་མཐའ་མའི་འོས་མིའི་ཁོངས་སུ་བསྡད་ཡིན་ལ། དངུལ་དང་དུས་ཚོད་ཀྱི་རྐྱེན་པས་གཞིས་ཆགས་ཁག་ཏུ་བསྐྱོད་ཐུབ་ས་མ་རེད་ཟེར། རྒྱབ་སྐྱོར་བ་ཚོས་བོད་པའི་སྤྱི་ཚོགས་ན་བཀའ་ཁྲི་འོས་ཤོས་སྐུ་ཉིད་མཐོང་བ་ཡིན་པ་ཞུས་མི་དགོས། དེར་བརྟེན་རྒྱབ་སྐྱོར་བ་ཚོའི་རེ་བ་ནི་འོས་ཐོབ་དགོས་ཀྱི་ཡོད་པ་རེད་ལ། འོས་ཐོབ་ཆེད་ལས་འགུལ་ཀྱང་སྤེལ་ཏེ་གཞིས་ཆགས་ཁག་ཏུ་བསྐྱོད་དགོས་པ་ལས་འོས་མིའི་ཁོངས་སུ་ཡོད་པ་ཙམ་གྱིས་ག་ལ་འགྲིགདངུལ་གྱི་དཀའ་ངལ་ཡོད་ན་བཀྲས་མཐོང་ལ་རྒྱབ་སྐྱོར་གནང་མཁན་ཚོ་བཞིན། སྐུ་ངོའི་རྒྱབ་སྐྱོར་བ་ཚོས་ཀྱང་དངུལ་བསྡུ་རུབ་ཀྱི་ལས་འགུལ་ཆུང་ཆུང་སྤེལ་དགོས་པ་རེད་ལ་སྤེལ་མི་ཐུབ་ཅི་ཡོད། དུས་ཚོད་ཀྱི་ཆ་ནས་ད་དུང་ཟླ་ངོ་གསུམ་ཙམ་འདུག་ལ། དེའི་རིང་གཞིས་ཆགས་ཁག་ལ་འགྲོ་བའི་དུས་ཚོད་འདང་ཐག་གཅོད་རེད། དེ་མིན་འོས་ཐོབ་ཆེད་ལས་འགུལ་ཅི་ཡང་མི་སྤེལ་པར་བགྲོ་གླེང་ཙམ་ལ་མཉམ་ཞུགས་ཀྱིས་བསྡད་ན། སྐུ་ངོས་རྒྱབ་སྐྱོང་བ་ཚོའི་ངོར་བལྟས་ཏེ་འོས་ཁོངས་སུ་བསྡད་པ་མིན་པ་གསལ་བོར་ཆགས་པ་རེད་ལ། སུ་ཞིག་ལ་ཕན་ཐོགས་དང་གང་ཞིག་ལ་གནོད་སྐྱེལ་ཕྱིར་སྐུ་ངོའི་ཁོག་ཏུ་མི་ཞིག་འཛུལ་ཏེ། མཐའ་མའི་བཀའ་ཁྲིའི་འོས་ཁོངས་སུ་ཞུགས་པ་ཡིན་པ་དོན་གྱིས་བསྟན་འདུག
བོད་པའི་སྤྱི་ཆོགས་སུ་བཀའ་ཁྲིའི་སྐོར་ལ་མི་རབས་གསར་བ་དང་ཉམས་མྱོང་ཟེར་བའི་ལྟ་སྟངས་གཉིས་རེད། དེ་གཉིས་མཚོན་དོན་དུ་བཀྲས་མཐོང་དང་བློ་སེང་གཉིས་ཆགས་ཡོད། ཁོང་ཉིས་ཀ་སྔོན་འགྲོའི་འོས་འབྲས་རྩེ་བུད་རེད། བློ་སེང་གིས་སྔོན་འགྲོའི་འོས་བསྡུའི་སྐབས་གཞིས་ཆགས་དང་དགོན་སྡེ། བོད་མི་འདུས་སྡོད་ས་ཆ་ཆེ་བ་ཡོངས་བསྐོར་བ་བརྒྱབ་ཚར་བ་རེད། དེའི་འབྲས་བུ་འོས་གྲངས་ཉིས་ཁྲི་ལྷག་ཐོབ། བཀྲས་མཐོང་གིས་སྔོན་འགྲོའི་འོས་བསྡུའི་སྐབས་སུ་སྐོར་སྐྱོད་ཅི་ཡང་མ་བྱས་ན་ཡང་ཁོང་ལ་འོས་གྲངས་གཅིག་ཁྲི་ལྷག་ཐོབ་པ་རེད། ད་དུང་ཁོང་གཞིས་ཆགས་དང་དགོན་སྡེ་ཁག་ལ་འགྲོ་རྒྱུ་ལྷག་ཡོད་དུས། དངོས་གཞིའི་འོས་བསྡུའི་སྐབས་སུ་ཁོང་ལ་འོས་མང་དུ་འགྲོ་རྒྱུ་དང་བློ་སེང་གི་འོས་གྲངས་ཉུང་དུ་འགྲོ་བར་སེམས་ཚེགས་ཤིག་ཀྱང་བློ་སེང་དང་བློ་སེང་གི་རྒྱབ་སྐྱོར་བ་ཚོར་ཡོད་མུས་རེད། དེ་འདྲའི་གནས་སྟངས་འོག་སྐུ་ངོ་བཀྲ་ཤིས་དབང་འདུས་བཀའ་ཁྲིའི་དངོས་གཞིའི་འོས་མིའི་ཁོངས་སུ་ཞུགས་པ་དེས། བཀྲས་མཐོང་ལ་ཁ་གཏད་ཏག་ཏག་བྱུང་ཡོད་པ་རེད་ལ། དེས་བཀྲས་དབང་མེད་ན་བཀྲས་མཐོང་ལ་ཐོབ་པར་རེ་བ་ཆེ་བའི་བཀྲས་དབང་གི་འོས་གྲངས་ཉིས་སྟོང་ལྷག་དེ་འགོག་ཐུབ་ཡོད་ཅིང་། རྒྱ་སྒྲོལ་དང་བློ་བཟང་སྦྱིན་པ། འཁོར་ལྷ་ཚང་བསོད་ནམས་སྟོབས་རྒྱལ་བཅས་ལ་ཐོབ་པའི་འོས་ཤོག་བཀྲས་མཐོང་ལ་ཕྱོགས་པར་ཡང་གནོད་བསྐྱལ་ཡོད་དེ། བློ་སེང་ཕུད་པའི་གཞན་འོས་མི་ལྔ་བོར་འོས་བླུག་མཁན་ཚོར་ལྟ་སྟངས་གཅིག་གྱུར་ཅིག་ཡོད་ནི་བོད་པའི་སྤྱི་ཚོགས་དང་གཞུང་གི་འཛིན་སྐྱོང་ནང་ཕྱག་ལས་གནང་བའི་ཉམས་མྱོང་དེ་རེད། མྱོང་ཅན་ལྔའི་ནང་ནས་རྩེ་བུད་དེ་བཀྲས་མཐོང་རེད་ལ་གཞན་ཚོས་དགོངས་ཞུ་གནང་བ་ཡིན་ན། ཁོང་ཚོའི་འོས་དེ་བཀྲས་མཐོང་ལ་ཐོབ་པའི་གོ་སྐབས་ཆེན་པོ་རེད།
མཇུག་ཏུ་བོད་པའི་གཏམ་དཔེ་གསུམ་གྱིས་སྐུ་ངོ་གླེང་མཚམས་འཇོག་གི་ཡིན། དོན་གཅོད་ཕྱག་ལས་བཞག་སྟེ་བཀའ་ཁྲིའི་འོས་ཁོངས་སུ་ཞུགས་དེ་༼རི་བོང་རི་བོང་ཤོར། སྡོམ་པ་སྡོམ་པ་ཤོར་༽ཟེར་དེ་རེད། བཀྲས་མཐོང་ལ་མཚོན་ན་བཀྲས་དབང་༼ལྷ་བདུད་དུ་བབས། སྨན་དུག་ཏུ་གྱུར་༽ཟེར་བ་རང་རེད། བློ་སེང་ལ་༼ ཆར་བ་ཆུ་འགྲོགས་ ༽ཆགས་འདུག
དྲ་གྲོགས་རྣམ་པ་སྐུ་ཁམས་བཟང་ཕྲན་ཉིན་ཤས་ལས་དོན་གྱི་རྐྱེན་པས་དྲ་རྒྱ་ཁ་ཕྱེ་ཐུབ་མསོང།
རྫུན་གཏམ་གཅིག་ཚར་བརྒྱ་ཙམ་བསྐྱར་ཟློས་བྱས་ན་བདེན་པར་འཛིན་གྱི་གངས་ཆབ་ལགས།
ཕྲན་གྱིས་༼ཕྲན་ཆབ་སྲིད་དང་འབྲེལ་བ་ཡོད་མེད་ཁྱེད་རང་། རང་གཞུང་བདེ་སྲུང་ལྷན་ཁང་དུ་སྐད་ཆ་དྲི་བར་སོང་ན་ཆོག་ཁོང་ཚོ་ཆུ་ཚོད་དགུ་པ་ནས་ལྔ་པ་བར་རེ་གཟའ་ཉི་མ་ཕུད་པའི་ཉིན་ལྟར་སྒོ་ཕྱེ་ཕྱེ་རེད། ༽བརྗོད་པས།
ཁྱེད་ཀྱི་དེའི་ལན་དུ་༼ བདེ་སྲུང་ལས་ཁུངས་སུ་བཀའ་འདྲི་ཞུ་དགོས་རེད་པས། རྐུ་མས་རྐུ་མ་ལ་རྒྱབ་སྐྱོར་བྱེད་དགོས་པ་ནི་ཚེ་སྔོན་ལས་ཀྱི་བཀོད་ཐང་ཡིན་ཀྱི་རེད།༽ཞེས་བྲིས་ཡིན་ནའང་ཁྱེད་ཀྱི་འགྲེལ་བཤད་རྒྱག་དུས་ལོག་འགྲེལ་ཞིག་རྒྱག་འདུག་ངོ་མ་ཤེས་པ་རང་དབང་དུ་མི་གནས་པའི་ཝ་མོ་ཞིག་ཡིན་པའམ་ཡང་ན་མི་གཞན་གྱིས་རང་ཉིད་བེད་སྤྱོད་ལོག་པར་གང་འདྲ་གཏོང་བཞིན་ཡོད་པ་མགོ་མ་འཚོས་པ་ཞིག་ཡིན་པ་གོར་མ་ཆག
དྲ་གྲོགས་ཁྱེད་ཀྱི་གཡོ་རྫུས་ཀྱི་གདོང་རིས་ཡང་དྲ་གྲོགས་ཚོའི་མདུན་བཤམས་པ་མ་ཟད་རང་ཉེས་གཞན་འགེལ་ཀྱི་སྟོང་བསམ་རིང་ལུགས་པ་ཞིག་ཡིན་ཡང་མངོན་གྱི་འདུག
བསྟན་པ་ཕྱི་དར་གྱི་དུས་སུ་རང་ཅག་ཁ་བ་རི་བ་རྣམས་ལ་བཀྲིན་བླ་ལྷག་ཏུ་ཆེ་བའི་འཇམ་མགོན་ས་པཎ་ཆེན་པོའི་ཞལ་མངའ་ནས། ཧ་ཅང་གཡོ་སྒྱུ་མང་དྲགས་ན།། རེ་ཞིག་གྲུབ་ཀྱང་མཐའ་མར་བརླགས།། གཟིག་ལྤགས་བཀབ་པའི་བོང་བུ་ཡིས།། ལོ་ཏོག་བཟས་མཐར་གཞན་གྱིས་བསད།།
ལྕམ་སྐུ་རྒྱ་རི་སྒྲོལ་མ་ལགས་སེམས་ཤུགས་ཆག་ཚར་སོང་། ད་སྲས་སྐུ་བཀྲ་ཤིས་དབང་འདུས་ལགས་ལ་བཀའ་ཁྲིར་འཁོད་པའི་སྨོན་འདུན་ཡོད།
ངས་པོའི་ལྷ་སྲས་ལགས།
ཁྱེད་རང་ལྐོག་གཡོ་ངན་ཇུས་ལྡན་པའི་ཆབ་སྲིད་བཙོན་པ་བརྫུན་མ་ཞིག་ཡིན་པ་ངས་ཧ་གོ་ནས་བརྗོད་ཀྱིན་ཡོད།ཁྱེད་རངབོད་ནང་ལ་ཡོད་དུས་ཆབ་སྲིད་ཀྱིས་ལས་དོན་སྣེ་གཅིག་བྱས་མྱོང་མེད་མཁན་ཞིག་རེད།ད་ལྟ་རྒྱ་གར་དུ་འབྱོར་ནས་ཆབ་སྲིད་དང་འབྲེལ་བ་ཡོད་པ་ཞིག་དང་ཆབ་སྲིད་བཙོན་པ་གང་འདྲ་ཞིག་ཞེས་ནས་ཆགས་པ་རེད།དེ་ནི་ཁྱེད་རང་གིས་མི་བདེན་བརྫུན་སྒྲིགས་ཁོ་ན་ལ་བརྟེན་ནས་ཆགས་པ་ཞིག་རེད།བོད་སྤྱི་པའི་རྩ་དོན་ཐོག་བྱས་རྗེས་དང་།ལྷག་བསམ་རྣམ་དག་གི་སྒོ་ནས་ལས་དོན་བབསྒྱུབས་མཁན་དང་བྱེད་མཁན་རྣམས་ལ་ངན་སྨད་དང་མི་བདེན་བརྫུན་བཟོ་གང་ཐུབ་བྱེད་ཅང་དང་།སྐྱེ་བོ་གཞན་ལ་ཡང་སྐྱོན་བརྗོད་ཁོ་ན་ལས་མ་འདས།ད་དུང་ཁྱེད་རང་ནི་གཞུང་དངུལ་ལྐོག་ཟ་བྱས་མྱོང་མཁན་བཀྲས་མཐོང་ལྟ་བུར་རྒྱབ་སྐྱོར་བྱེད་ནས་སོ་སོ་རང་ཉིན་བརྫུན་མ་ཡིན་པའི་ཐོག་ད་དུང་ཡང་བརྫུན་མའི་བརྫུན་མ་རྒྱབ་སྐྱོར་བྱེད་ཀྱི་ཡོད་རེད།དེ་འདྲ་སོང་ཙམ་ཁྱེད་རང་གིས་སེར་ར་ནས་གང་བྱས་དང་རྒུ་ཚ་ལ་གང་འདྲ་ཞིག་བྱས་ནས་སླེབས་ཡིན་མིན་ཐོག་བསམ་བློ་ཡག་པོ་ཞིག་གཏོང་ནས་དགེ་བའི་ལས་ཞིག་དང་དངོས་ཡོད་གནས་ཚུལ་ལ་གཞི་བཞག་ནས་བོད་མི་རིགས་དང་སྤྱི་པའི་རྩ་དོན་ཐོག་ལས་དོན་ཞིག་བསྒྱུབ་མ་ཐུབ་ཀྱང་བདེན་པའི་རྒྱབ་སྐྱོར་མི་དམན་པ་ཞིག་གནང་བ་ཡིན་ན་ལེགས་པ་སྙམ།ད་མང་པོ་ཞིག་བརྗོད་དགོས་པའི་རྒྱུ་མཚན་དུ་མ་མཐོང་བའི་དེ་དོན་དགོངས་འཇགས་འཚལ།
དྲ་གྲོགས་ཚོ་གཟིགས་དང་། གངས་ཆབ་ལགས་སོ་སོས་ག་རི་བཤད་མིན་སོ་སོས་ཧ་གོ་གི་མིན་འདུག་ངོ་མ་ཁྱེད་རྙིང་མ་རྗེ། ད་དུང་གཞན་ལ་མ་ཉེས་ཁ་གཡོག་བྱ་རྒྱུར་བརྩོན་པ་ནི་དགོད་བྲོ་བ་རང་རེད། སྤྱིར་མི་སྤྱོད་དང་བྲལ་ཞིང་མི་རིགས་ཀྱི་ལ་རྒྱ་མེད་པའི་ཅོལ་ཆུང་ལགས་འོག་གི་ཚིག་གྲུབ་དེའི་དོན་ད་བྱས་ན་ག་རི་རས།
༼བདེ་སྲུང་ལས་ཁུངས་སུ་བཀའ་འདྲི་ཞུ་དགོས་རེད་པས། རྐུ་མས་རྐུ་མ་ལ་རྒྱབ་སྐྱོར་བྱེད་དགོས་པ་ནི་ཚེ་སྔོན་ལས་ཀྱི་བཀོད་ཐང་ཡིན་ཀྱི་རེད།༽
དངོས་ཡོད་གནས་ཚུལ་ཁས་ལེན་བྱེད་ཐུབ་པའི་བློ་སྤོབས་དང་རྣམ་དཔྱོད་མེད་པའི་གཡོ་ཅན་ལགས།
ཕྲན་གྱིས་བློ་བཟང་སེང་གེ་ལགས་དང་བཀྲ་དབང་གི་སྐོར་ལོག་གཏམ་སྤེལ་མྱོང་མེད་ཝ་མོའི་ཨ་ཞང་ལགས།
དེ་ཡང་མཁས་གྲུབ་ཐམས་ཅན་མཁྱེན་པས། ཤེས་པ་རང་དབང་དུ་མི་གནས་པ་ནི་སྨྱོན་པའོ།། སྨྱོན་པ་དང་ཁོ་བོས་སྐད་ཅིག་ཙམ་རྩོད་པར་མི་བྱའོ།། ཞེས་གསུངས་པ་ལྟར་རོ།
དྲ་གྲོགས་ཚོའི་གཟིགས་དང་།
གངས་ཆབ་ལགས་ཀྱིས་གསུངས་པ་དངོས་བདེན་རང་རེད་། ཨ་མའི་བུ་དང་ངེས་པའི་ལྷ་སྲས་གཉིས་མི་གཅིག་ཡིན་མིན་ངས་བཤད་དཀའ་ན་ཡང་ཁོང་གཉིས་ཀྱིས་ད་ལྟར་་བར་དུ་བཀྲས་མཐོང་ཡག་རབ་དང་འཇོན་རབ་ལས་བཤད་མ་མྱོང་།བོད་མི་རིགས་ལ་ལྷག་བསམ་དང་ཤ་ཞེན་ཡོད་ན་མ་འོང་ང་ཚོའི་བཀའ་ཁྲི་འམ་མགོ་འཁྲིད་ནི་སྐོག་ཟ་རུལ་སུངས་དང་ཕྱོགས་ཞེན་ཆེ་བའི་མི་ངན་ཞིག་ནམ་ཡང་མི་དགོས་བསམ་།མ་ཚད་ཁྱེད་གཉིས་ཀྱིས་བཀྲས་བཐོང་སྒོར་འབུམ་མང་པོ་ཟས་པའི་ནག་ཉེས་སོགས་གང་ཡང་མ་བཤད་་པ་གང་ཡིན་ནམ་ཞེས་གུས་པས་ཀྱང་དྲིས་འདོད་བྱུང་།
ལོ་ངོ་ཉི་ཤུ་ལྷག་རིང་ཕྱག་ལས་གནང་མྱོང་བའི་ལྷག་བསམ་དང་སྙིང་སྟོབས་དྲང་བདེན་གྱི་ཕྱོགས་སུ་སྐྱོད་པའི་བཀའ་དྲིན་ཅན་གྱི་བཀྲ་ཤིས་དབང་འདུལ་དང་ཤེས་འཇོན་གཉིས་ལྡན་གྱི་སློབ་དཔོན་ཆེན་པོ་མཁས་དབང་བློ་བཟང་སེང་གེ་རྣམ་གཉིས་ལ་མ་ཉེས་སྐྱོན་འཛུག་སོགས་མང་དག་གནང་བ་ནི་།དགྲ་དགའ་གཉེན་སྡུག་ལས་གཞན་གང་ཡང་མ་མཐོང་ལགས་།
གུས་མིང་པ་གངས་ཕྲུག་བསྟན་འཛིན་འཕགས་པ་ནས་ཟླ་ཚེས་བཟང་པོ་ལ།།
དྲ་གྲོགས་ངས་པོའི་ལྷ་སྲས་ལགས།
ཁྱེད་ཀྱི་བྱས་ཉེས་ཁྱེད་ཀྱིས་ཤེས་ངེས་རེད།
དངོས་ཡོད་ལོ་རྒྱུས་བརྗོད་པ་ལས།
མི་བདེན་བརྫུན་བཟོ་བྱེད་པས་དགོས་པར་མེད།
ཁྱེད་ཀྱིས་བཤད་པ་བཞིན།བདེན་བདེན་པ་ནི་ནམ་ཡང་བདེན་པ་ཡིན་པས་བདེན་པའི་མཐའ་སེལ་རྒྱུ་ཞིག་ཡོད་པ་ནི་དངོས་ཡོད་ཡིན་པ་ནི་བརྗོད་མ་དགོས་པ་ཞིག་ཡིན་པར་སོང་ཙམ།དེ་སྔོན་ཁྱེད་ཀྱིས་སྐུ་ངོ་བཀྲིས་དབང་འདུས་དང་མཁས་དབང་བློ་བཟང་སེང་གེ་རྣམ་པ་གཉིས་ལ་ལོག་གཏམ་རིགས་དང་།མི་བདེན་བརྫུན་བཟོ།དེ་ག་ནང་བཞིན་ཆག་གཏམ་ལ་སོགས་པ་སྤེལ་བཞག་དེ་དག་ཁུངས་འཁྱོལ་རྒྱུ་ཕར་ཞོག་དེ་ལས་ལྡོག་ཏེ་རང་མགོ་ཆུ་འཁྲིད་དུ་གྱུར་ནས་ད་ལྟ་བཀྲས་མཐོང་གི་མགོ་ཐོག་ཏུ་ལྷུང་མ་སོང་ངམ།དེ་འདྲ་སོང་ཙམ་།ད་ང་ཚོས་བཀྲས་མཐོང་གི་བྱས་ཉེས་དང་ཉེས་སྐྱོན་གང་བྱས་མཐའ་དག་ཐོག་ལ་བསམ་ཚུལ་འགའ་ཤས་སྤེལ་བ་ཡིན་ན་གང་འདྲ་འདུག
ཡིན་ནའང་།ཁྱེད་ཀྱིས་བཀྲས་མཐོང་ལ་བྱས་རྗེས་ཡོད་རབས་ལས་ཉེས་སྐྱོན་ཐོག་ལ་མཆན་ཞིག་གཏན་ནས་སྤེལ་མ་སོང་བའི་རྒྱུ་མཚན་གང་ཡིན་ནམ།
ད་དུང་བརྗོད་འདོད་པ་ཞིག་ལ།ཁྱེད་ནི་དངོས་གནས་གཡོ་རྒྱུ་ཅན་གྱི་ཝ་མོ་ཞིག་རེད་འདུག་རྒྱུ་མཚན་ནི།ངས་བོད་གཞུང་བདེ་སྲུང་ལས་ཁུང་གི་ལས་བྱེད་རྣམས་རྐུ་མ་རེད་ཞེས་བརྗོད་རྒྱུ་མ་བྱུང་།ཁྱེད་རང་གིས་ཡང་ལོག་གཏམ་ཞིག་སྤེལ་ནས་ཁྱེད་རང་གི་བྱས་ཉེས་དེ་དག་བདེ་སྲུང་ལས་ཁུངས་གི་ལས་བྱེད་རྣམས་ཀྱི་མགོ་ཐོག་ཏུ་གཡོག་པ་དེ་ནི་ཅི་འདྲའི་གཡོ་རྒྱུ་ཆེ་བ་ལ་ཨང་།ཧ་གོ་དགོས་པ་ཞིག་ལ་བདེ་སྲུང་ལས་བྱེད་རྣམ་པའི་མགོ་ཐོག་ཏུ་ནམ་ཡང་ཁྱེད་ཀྱི་བསམ་ཚུལ་བཞིན་གཡོག་ཐུབ་ཀྱི་མ་རེད།དེ་ཧ་གོ་བར་གྱིས།ངས་བརྗོད་བཞིན་པ་དེ་ནི་བཀྲས་མཐོང་དང་ཁྱེད་རང་གཉིས་ཀྱི་དངོས་ཡོད་གནད་དོན་འགྲེལ་བརྗོད་བྱེད་ཀྱི་ཡོད་པ་ལས།ཁྱེད་རང་དང་བདེ་སྲུང་ལས་ཁུངས་ཀྱི་ལས་བྱེད་བར་གྱི་གནད་དོན་ཞིག་འགྲེལ་བརྗོད་བྱེད་ཀྱིན་མེད་པ་ནི་ཚང་མས་ཤེས་གསལ་རེད།དེ་དོན་དྲ་གྲོགས་སུ་གང་ཁྱེད་རང་གིས་གཡོ་འོག་ཏུ་ཚུད་སྲིད་ཀྱི་མ་རེད།ཤེས་སོང་ངམ།
དྲ་བདག་ལགས་ཕྲན་གྱི་མཆན་སྟོན་རོགས་གནང་ཕྲན་གྱིས་མི་གཞན་ནག་པོ་བཟོ་ཐབས་དང་མ་ཉེས་ཁ་གཡོག་གང་མེད།
དྲ་གྲོགས་ཚོར་གཟིགས་དང་དེང་སང་དྲ་ནང་དུ་སྐབས་འཚོལ་རིང་ལུགས་པ་འགས་སྤྱི་དོན་ཁ་ལ་འཁྱེར་ནས་སྒེར་ནད་ལྟ་བུ་གཞན་ནག་པོ་བཟོ་ཐབས་བྱེད་ཀྱིན་པ་ནི་དེ་འདྲ་ཡ་ང་བ་ཞིག་མ་རེད་ཨང་། རང་གཞུང་བདེ་སྲུང་གི་ལས་བྱེད་འགའ་ལ་ནོར་འཁྲུལ་ཡོད་སྲིད་ཀྱང་༼ བདེ་སྲུང་ལས་ཁུངས་སུ་བཀའ་འདྲི་ཞུ་དགོས་རེད་པས། རྐུ་མས་རྐུ་མ་ལ་རྒྱབ་སྐྱོར་བྱེད་དགོས་པ་ནི་ཚེ་སྔོན་ལས་ཀྱི་བཀོད་ཐང་ཡིན་ཀྱི་རེད།༽ཞེས་པའི་ཚིག་ཉོག་དེ་དག་དགྱ་གུང་ཁྲན་གྱིས་སྒོར་མོས་བསླུས་པའམ་ཡང་ན་ཤེས་པ་རང་དབང་དུ་མི་གནས་པའི་སྨྱོན་ཚིག་འབའ་ཞིག་རེད་སྙམ། ཚིག་ཉོག་དེ་དག་ནི་དགྱ་གུང་ཁྲན་ལ་མཁོ་བ་ཞིག་རེད། དེར་མ་ཟད་རང་གཞུང་དཔལ་ལྡན་བདེ་སྲུང་གི་ལས་བྱེད་རྐུ་མག་རེད་ཞེས་ཁྱེད་ཀྱིས་བརྗོད་པ་རེད་ད། མ་བརྗེད་པ་བྱེད་ཨ། མཆན་སྤེལ་དུས་བསམ་བློ་ཡག་པོ་མཐོངས་ལོ།
དེ་སྔོན་དགྱ་མིས་༼ཕྱི་ལོ་ ༡༩༩༥ ལོར་སྤྱི་ཟླ་ ༣ པའི་ཚེས་ ༧ ཉིན་ བོད་ལྗོངས་ཉིན་རེའི་ཚགས་པར་ཞེས་པའི་ནང་འདོད་གཏམ་ངོ་ཁྲེལ་ཡོངས་བྲལ་རྫུན་ཚིག་གུང་བསྒྲིགས་གང་ངན་ཅི་རྡུགས་རྣ་བ་འགེབ་འོས་བཀོད་འདུག་པའི་དོན་གནད་ཅིག་ལ། ཡུལ་གྱར་སྲིད་གཞུང་གི་འགོ་གཙོ་གཙོ་བོ་ཚང་མ་ཏཱ་ལའི་བླ་མའི་གཉེན་ཚན་ཡིན་པ་དང། དེ་ཚོའི་ནང་ལ་རུལ་སུངས་ངན་འགྱུར་དང་། ལ་ལ་ལྐོག་ཟ་ཤུགས་ཆེ་བྱས་ཏེ་གཡོ་ཐབས་ཀྱི་བར་ཁེ་བཟས་སྟབས་མི་ལ་ཡིད་རངས་བྱུང་བར་ནང་ཁུལ་འགལ་བ་ཚབས་ཆེན་ཡོད་པ་རེད་སོགས་བཀོད་འདུག…..༽ ཁྱེད་ཀྱི་ཡང་བསྐྱར་ཚིག་ཉོག་དེ་ལྟ་བུ་ཞིག་སྤེལ་འཇུག་འདོད་ཡོད་པས།
ལོག་གཏམ་༼གང་བྱས་དང་རྒྱ་ཚ་བཙོན་ཁང་དྲན་སོས་ཀྱིན་ཡོད་ཤག་རེད༽ ། ཞེས་པ་འདི་འདྲའི་ཞིག་ལོག་གཏམ་ཞིག་སྤེལ་འདུག། ལོག་གཏམ་ནི་ནམ་ཡང་ལོག་གཏམ་རང་རེད། ཧ་གོ་སོང་ངམ། ཕྲན་དང་ལོ་བཅུ་ཕྲག་ལྷག་མཉམ་དུ་གཤིབ་མྱོང་མཁན་དང་ངོ་ཤེས་མཁན་ད་ལྟ་རྡ་སར་མང་པོ་ཡོད་རེད། གྲོགས་པོ་མི་ཆུ་ལ་གཡུག་པ་ལ་རང་ཉིད་ཆུ་ཕྱེད་ཀ་ཙམ་རྒལ་དགོས་རེད་ཞེས་པའི་ལེགས་བཤད་སེམས་ལ་བཟུང་། བདེན་པ་ནི་ནམ་ཡང་བདེན་པ་ཡིན་པས་བདེན་པའི་མཐའ་སེལ་རྒྱུ་ཞིག་ཡོད། རྫུན་མ་ནི་ནམ་ཡང་རྫུན་མ་ཡིིན་པས་ཉིན་ཞིག་རྫུན་རྐུབ་བརྡོལ་རྒྱུ་ཡིིན་པ་དངོས་པོའི་ཆོས་ཉིད་དུ་གྲུབ།
ཕྲན་ཨ་བུ་ཞེས་པ་མིན་དཀོན་མཆོག་ཚད་བཙུགས་ཁྱེད་ཀྱི་ད་དུང་ལྐུགས་ཨུ་ཚུགས་བྱས་ན་ཉིན་ཞིག་ལྐུགས་རྟགས་དེ་ར་སྤྲོད་བྱེད་དུས་ཕྱི་དྲགས་པ་རེད། ཕྲན་གྱིས་རེ་བ་ཨ་མའི་བུ་ཞེས་པ་སུ་ཡིན་མིན་བསལ་པོ་ཞིག་ཁ་གྲགས་རོགས་གནོངས། མི་ཉན་པ་ལ་ཁ་ཏ་བྱེད་པ་ནིི།། ཀོ་བ་སྐམ་པོ་ལག་པས་གཉེད་པ་འདྲ་ཞེས་པའི་ལེགས་བཤད་དེ་ཁྱེད་ལྟ་བུ་བཤད་པ་རེད་ད། ད་ཕྲན་གྱིས་ཁྱེད་གཡོ་ཅན་ཝ་མོ་ལྟ་བུ་དཀྲུགས་ཤིང་གཏེ་བོ་ཞིག་ཡིན་པ་ཧ་གོ་སོང་ལོ།
དེ་ཡང་མཁས་གྲུབ་ཐམས་ཅན་མཁྱེན་པས། ཤེས་པ་རང་དབང་དུ་མི་གནས་པ་ནི་སྨྱོན་པའོ།། སྨྱོན་པ་དང་ཁོ་བོས་སྐད་ཅིག་ཙམ་རྩོད་པར་མི་བྱའོ།། ཞེས་པའི་གདམ་ངག་དེ་ཁྱེད་ལྟ་བུ་ལ་གསུངས་པ་གོར་མ་ཆགས།
མང་གཙོའི་གཞུང་ལ་ཤ་ཞེན་ཡོད་པའི་བདེན་གཏམ།
དྲ་གྲོགས་ངས་པའི་ལྷ་སྲས་ལགས།དེང་སང་ཁྱེད་ཀྱི་ཕྱག་ལས་ག་རེ་གནང་གིས་ཡོད།ངས་དྲ་ཐོག་ཏུ་མ་མཐོང་ནས་ཉིན་ཤས་འགྲོ་སོང་བའི་ཡང་ངས་ཞིབ་དཔྱད་ཞིག་གནང་བ་ཡིན་ན།ཁྱེད་རང་ཡང་བསྐྱར་མི་བདེན་བརྫུན་སྒྲིག་གིས་ཆབ་སྲིད་བཙོན་པའི་མིང་ཐོག་ནས་ཨོ་སི་ཀྲིལི་ཡ་ལ་འགྲོ་ཡ་གི་དུས་ལ་སླེབས་པ་ཡིན་དུས།ཁྱེད་རང་གི་ཡང་བསྐྱར་ངན་སེམས་ག་རེ་ཅང་གི་ཡོད་ན།ལན་ཞིག་གནང་དང་།
བཀྲིས་དབང་འདུས་ཀྱིས་བརླག་ཐལ་ཞེས་པའི་ཟིན་བྲིས་ཀྱི་མགོ་བརྗོད་སྔོན་དུ་རྗོད་ནས།མང་གཙོའི་གཞུང་ལུགས་དང་ལྟ་གྲུབ་དང་མཐུན་པའི་ཐོག་ནས་རྗོད་འདོད་པ་ཞིག་ལ།མི་འཛིན་པ་ཨ་མའི་བུ་ཁྱེད་རང་ངས་པོའི་་ལྷ་སྲས་མིན་ཟེར་བའི་གཞི་འཛིན་ས་གང་ཞིག་ཡོད་དམ།༼་རྒྱུ་མཚན་ནི་མཆན་གཉིས་དུས་གཅིག་ཏུ་སྤེལ་བའི་ཕྱིར་ཞེས་ན་རྒྱུ་མཚན་ཡང་དག་ཏུ་མ་མཐོང་།མཆན་གཉིས་དུས་གཅིག་ཏུ་སྤེལ་ན་མི་གཅིག་ཡིན་པ་གྲུབ་ན། ༽ཟེར་བ་དེ་ནི་ཧམ་བཤད་ཁོ་ན་ལས་མ་མཐོང་།ཁྱེད་རང་ཅི་འདྲའི་གཡོ་རྒྱུ་ཆེ་བ་ལ་ཨང་།ཅིའི་ཕྱིར་ཞེས་ན།གོང་གི་ངས་པོའི་ལྷ་སྲས་ཀྱི་མཆན་དེར་གཟིགས་ཙམ་གནང་དང་།༼དྲ་གྲོགས་གངས་ཆབ་ལགས་བདེན་པ་ནི་ནམ་ཡང་བདེན་པ་ཡིན་པས་བདེན་པའི་མཐའ་སེལ་རྒྱུ་ཞིག་ཡོད། རྫུན་མ་ནི་ནམ་ཡང་རྫུན་མ་ཡིིན་པས་ཉིན་ཞིག་རྫུན་རྐུབ་བརྡོལ་རྒྱུ་ཡིིན་པ་དངོས་པོའི་
ཆོས་ཉིད་དུ་གྲུབ། ཁྱེད་ཀྱི་སྡིག་པ་མིག་འཛུམ་གྱི་ཕྲན་ཨ་མའི་བུ་ཞེས་པའི་མིང་འོག་ནས་མཆན་སྤེལ་མཁན་རེད་ཟེར་གྱི་འདུག དེ་ང་མིན་དཀོན་མཆོག་ཚད་བཙུགས། ཕྲན་གྱི་རེ་བ་ཨ་བུ་ཞེས་པ་སུ་ཡིན་མིན་ཁ་ཞིག་གྲགས་རོགས་གནོངས།༽ཞེས་ཕྲན་གྱི་རེ་བར་ཨ་མའི་བུ་ཞེས་པ་སུ་ཡིན་མིན་ཁ་ཞིག་གྲགས་རོགས་གནོངས་ཞེས་བརྗོད་ཁུལ་དང་དུས་མཚུངས་ཆུ་ཚོད་སྐར་ཆ་ཁ་ཤས་ལས་མ་འགོལ་བ་མཆན་དེ་གཉིས་དུས་མཉམ་དུ་སྤེལ་བཞག་པ་དེ་ལས་ལྷག་པ་ཞིག་རྒྱུ་མཚན་ཅི་ཞིག་ཡོད།ལྷག་པར་དུ་
དྲ་གྲོགས་ཚང་མ་ཁྱེད་རང་གི་གཡོ་འོག་ཏུ་ཚུད་འདོགས་ཁ་པོ་མ་རེད།དེར་བརྟེན་ངས་པོའི་ལྷ་སྲས་དང་ཨ་མའི་བུ་ཞེས་མིང་འཛིན་པ་ཁྱེད་ཀྱིས་འགྲེལ་བརྗོད་ཅི་ཞིག་བྱ་རྩིས་ཡོད་དམ།
དུས་བབ་ཚང་ལ་ཕྲན་གྱི་མཆན་འདི་ངེས་པར་དུ་འདོན་རོགས་གནང། གནས་ལུགས་དང་རྒྱུ་མཚན་གྱི་ཕུང་པའི་གངས་ཆབ་ལགས། ཁྱེད་ཀྱིས་མི་ཤེས་ཤེས་ཁུལ་གྱི་ང་ཨ་མའི་བུ་ངེས་པོའི་ལྷ་སྲས་རེད། རྒྱུ་མཚན་ནི་མཆན་གཉིས་དུས་གཅིག་ཏུ་སྤེལ་བའི་ཕྱིར་ཞེས་ན་རྒྱུ་མཚན་ཡང་དག་ཏུ་མ་མཐོང་། མཆན་གཉིས་དུས་གཅིག་ཏུ་སྤེལ་ན་མི་གཅིག་ཡིན་པ་གྲུབ་ན། ངས་པོའི་ལྷ་སྲས་དང་རྒྱུ་མཚན་དཔང་པོ་སྤུ་ཙམ་ཡང་སྟོན་རྒྱུ་མེད་པའི་གངས་ཆབ་ཁྱེད་གཉིས་མི་གཅིག་ཡིན་དགོས་ངེས་རེད། མཆན་གཉིས་དུས་གཅིག་ཏུ་སྤེལ་བའི་ཕྱིར་ཞེས་ན་ཁྱབ་པ་མ་གྲུབ། ཧ་ཙི་སྙིང་རྗེ། རྒྱུ་མཚན་གནས་ལུགས་གང་ཡང་མི་ཤེས་པའི་་ཁྱེད་ལ་ང་དང་ངས་པོའི་ལྷ་སྲས་མི་གཅིག་ཡིན་པའི་དཔང་པོ་ཡོད་ན་དྲ་གྲོགས་བློ་ལྡན་རྣམས་ཀྱི་མདུན་དུ་སྟོན་དང། ཁྱེད་ཀྱི་གང་ཡང་མགོ་མ་འཚོས་པར་ང་ཨ་མའི་བུ་ནག་པོ་མ་བཟོ་རོགས། ཁྱོད་ཀྱི་གཞི་མེད་དཀྲུགས་ཤིང་གི་ངའི་ལོ་རྒྱུས་ཡིན་ཁུལ་འབྲེལ་མེད་ཁག་གཅིག་སྟོན་པ་རྣམས་ངས་རྩ་བ་ནས་ཧ་གོ་ཡི་མི་འདུག རྒྱུ་མཚན་ང་དང་འབྲེལ་མེད་ཡིན་པར་སོང་།
ནན་བཤད་ཁྱེད་ལ་དཔང་པོ་ཡོད་ན་སྟོན་ཤོག་དེ་མིན་ངས་ཁྱེད་ལ་ལན་འདེབས་ཀྱི་མཐའ་མ་ཡིན།
མ་འོངས་པར་མཆན་གང་ཞིག་སྤེལ་རུང་མ་རུང་བའི་བསམ་པ་སྤང་ཏེ་ལེགས་པར་དཔྱད་ཞིག་ཁྱི་ཡི་བུ།
ངས་པོའི་ལྷ་སྲས་ལགས་ཁྱེད་ཀྱི་ང་ཨ་མའི་བུ་དང་ཐ་དད་ཡིན་པའི་རྒྱུ་མཚན་མི་བརྗོད་པ་ཅི། གོང་དུ་གངས་ཆབ་ཀྱི་སྨྲས་པའི་གཞི་མེད་གཏམ་འཆལ་རྣམས་ཁྱེད་དང་འབྲེལ་བ་ཡོད་པའི་དབང་གི་ཡིན་ནམ། ཁྱེད་ཀྱི་གསལ་བཤད་ངེས་པར་དུ་བྱ་རོགས།་
དུས་བབ་ཚང་གིས་ངས་གོང་གི་མཆན་དེར་ཐ་ཤ་ཆེ་དྲག་འདུག་དགོངས་པ་ཡིན་ན་ངས་འོག་ཏུ་བཟོ་བཅོས་ཏོགས་ཙམ་བྱས་ཡོད་པ་ལགས་ན།དེ་མུར་འགོད་གནང་ཡོང་བ་ཞུ།
མང་གཙོའི་ལམ་ལུགས་ནང་སྐྱེ་བོ་སུང་རུང་ནས་སྨ་བརྗོང་རང་དབང་དང་ཐོབ་ཐང་གང་ཞིག་གི་ཐོག་བསམ་ཚུལ་དང་།འགྲེལ་བརྗོད་སྤེལ་བ་ཡིན་ན་དངོས་ཡོད་གནས་ཚུལ་དང་།ཁྲིམས་དང་ལམ་ལུགས་ཐོག་མཐུན་པའི་ཐོག་ནས་འགྲེལ་བརྗོད་བྱེད་དགོས་པ་ལས་སོ་སོའི་རང་སྣང་གང་དྲན་བྱེས་ནས་འགྲེལ་བརྗོད་དང་མི་བདེན་བརྫུན་སྒྲིག་རིགས་ཀྱི་གནད་དོན་ཞིག་འགོད་ཆོག་པ་ཞིག་དང་།བཤད་ཆོག་པ།དེ་ག་ནང་བཞིན་འབྲི་ཆོག་པ་ཞིག་གཏན་ནས་མ་ཡིན་པ་དེར་ཧ་གོ་དགོས་པ་དང་ཤེས་དགོས་པ་ཞིག་ངེས་པར་དུ་བྱ་དགོས་རེད།ཤེས་སོང་ངམ།ངས་པོའི་ལྷ་སྲས་འམ་ཨ་མའི་བུ་ལགས།ཧམ་པ་རི་ཙམ་མ་བཤད་ནས་གྲུབ་འབྲས་གང་ཡང་མི་ཡོང་བ་དེ་ནི་ཁྱེད་ཀྱི་ཤེས་གསལ་རེད།ད་དུང་ཞུ་རྒྱུ་ཞིག་ལ་དེ་སྔོན་ཁྱེད་རང་གིས་སེར་ར་དགོན་པ་ནས་གང་བྱས་དང་རྒྱ་ཚ་བཙོན་ཁང་དྲན་སོས་ཀྱིན་ཡོད་ཤག་རེད།དེ་ནས་ཁྱེད་ཆབ་སྲིད་དང་འབྲེལ་བ་ཡོད་མདོག་གིས་མི་བདེན་བརྫུན་སྒྲིག་གང་བྱས་ཡོད་མེད་བདེ་སྲུང་ལས་ཁུངས་སུ་བཀའ་འདྲི་ཞུ་དགོས་རེད་པས།རྐུ་མས་རྐུ་མ་ལ་རྒྱབ་སྐྱོར་བྱེད་དགོས་པ་ནི་ཚེ་སྔོན་ལས་ཀྱི་བཀོད་ཐང་ཡིན་ཀྱི་རེད།ཁྱེད་རང་ལ་ངོ་ཚ་མེད་ན་ང་རང་ཡང་ངོ་ཚ་ཡོད་མཁན་ཞིག་ཡིན་དེ་འདྲ་སོང་ཙམ་ཁྱེད་རང་ངོ་ཚོ་མེད་པས་མི་ཞིག་ཡིན་པ་ངས་ཧ་གོ་སོང་།བཙན་བྱོལ་དུ་འབྱོར་ཀྱང་ད་དུང་བཙན་བྱོལ་ལུང་པ་འདི་ཕུ་དཀྲུག་མདའ་དཀྲུག་ཞིག་བཟོ་དགོས་བསམ་གྱི་ཡོད་པ་འདྲ།ངས་བསམ་ན་ད་ཁྱེད་རང་གིས་རང་ཚོད་རང་གི་བཟུང་ནས་ལས་ངན་དེ་འདྲ་མ་བྱེད་ན་ཡག་གི་རེད།ཤེས་སོང་ངམ།
ཨ་མའི་བུའམ་ངས་པོའི་ལྷ་སྲས་ལགས།ཁྱེད་རང་གཉིས་མི་གཅིག་ཡིན་པ་ངས་ཧ་གོ་ནས་བརྗོད་ཀྱིན་ཡོད་པ་ལས་དོན་མེད་བརྫུན་གཏམ་བཤད་དགོས་དོན་གང་ཡང་མ་མཐོང་།མ་ཟད་ངས་བརྫུན་གཏམ་བཤད་ཡིན་དང་ཁྱེད་རང་གི་རྫུན་གཏམ་དང་ཆག་གཏམ་སུས་སྤེལ་གྱིས་ཡོད་མེད་དྲ་གྲོགས་ཚང་མས་ཞིབ་དཔྱད་གནང་བ་ཡིན་ན་མཁྱེན་གསལ་རེད།དེ་ནི་ངས་བརྗོད་མ་དགོས་པ་ཞིག་ལ་ཧ་གོ་དོན་གསལ་རེད།རྒྱུ་མཚན་ནི་དེ་སྔོན་ཁྱེད་རང་གི་མི་བདེན་བརྫུན་སྒྱིག་གིས་བཀའ་ཁྲིའི་འོས་མི་བཀྲིས་དབང་འདུས་དང་བློ་སེང་གཉིས་ལ་ཆག་གཏམ་ཇི་ཙམ་སྤེལ་ཀྱང་ཁྱེད་རང་ལ་དྲ་གྲོགས་རྣམས་པའི་རྒྱབ་སྐྱོར་དང་ཡིད་ཆེས་གནང་མཁན་གཏན་ནས་འབྱུང་མི་སྲིད།རྒྱུ་མཚན་ནི་ཁྱེད་རང་གིས་ག་དུས་ཡིན་ནའང་དཀྲོག་གཏམ་དང་ཆག་གཏམ་སྤེལ་གྱིས་ཡོད་པ་ཚང་མས་ཤེས་གསལ་རེད།ད་དུང་ངས་པོའི་ལྷ་སྲས་དང་ཨ་མའི་བུ་གཉིས་མི་གཅིག་མིན་ན་གོང་གི་མཆན་དེ་གཉིས་དུས་མཉམ་དུ་སླེབས་མི་སྲིད་པ་ཞིག་རེད།ཡིན་ནའང་ངས་གོང་གི་མིང་གཉིས་པོ་དེ་མི་གཅིག་ཡིན་པ་ཧ་གོ་གིས་ཡོད།ཤེས་སོང་ངམ་སློབ་ཕྲུག་ཉི་ཤུའི་དགེ་རྒན་ལགས།
བོད་ཀྱི་དུས་བབ་ཚང་ལ་ངའི་མཆན་འདི་མ་སྟོན་པའི་རྒྱུ་མཚན་ཅི་ཡིན། ངའི་མཆན་འདི་སྟོན་རོགས་གནང།
ཨ་རོ་ངོ་མ་རྙིང་རྗེ། གངས་ཆབ་ཁྱོད་ཀྱི་མི་བདེན་རྫུན་གཏམ་དང།མ་དཔྱད་ལོག་གཏམ་གྱི་ང་ཨ་མའི་བུ་ངས་པོའི་ལྷ་སྲས་རེད་ཞེས་བརྗོད་ཚིག་ལ་བལྟས་ན་ཁྱོད་ནི་སྤྱི་ཚོགས་དཀྲུགས་ཤིང་རྒྱག་མཁན་གྱི་གངས་ཆབ་གཅིག་ཡིན་པ་ལས།དྲ་ཐོག་གི་བསམ་ཚུལ་བཤད་མཁན་གྱི་དྲ་གྲོགས་རྩ་བ་ནས་རེད་མི་འདུག་ངས་ད་ལྟ་བར་དུ་བཀའ་ཁྲི་གསུམ་གྱི་གཏམ་གླེང་ལ་ཞིབ་ཏུ་དཔྱད་དེ་བསམ་ཚུལ་སྨྲས་པ་དེ་ལ་ཁྱོད་མ་འདོད་ན་ཁའི་སྐྱག་པ་བཅུག་ཏེ་བསྡོད།ཁྱོད་ཀྱི་བཀའ་ཁྲིའི་ཐོག་ལ་བསམ་ཚུལ་བཤད་ཆོག་པ་དང་།ང་བཤད་མི་ཆོག་པ་ཅི་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
དྲ་གྲོགས་གངས་ཆབ་ལགས་བདེན་པ་ནི་ནམ་ཡང་བདེན་པ་ཡིན་པས་བདེན་པའི་མཐའ་སེལ་རྒྱུ་ཞིག་ཡོད། རྫུན་མ་ནི་ནམ་ཡང་རྫུན་མ་ཡིིན་པས་ཉིན་ཞིག་རྫུན་རྐུབ་བརྡོལ་རྒྱུ་ཡིིན་པ་དངོས་པོའི་
ཆོས་ཉིད་དུ་གྲུབ། ཁྱེད་ཀྱི་སྡིག་པ་མིག་འཛུམ་གྱི་ཕྲན་ཨ་མའི་བུ་ཞེས་པའི་མིང་འོག་ནས་མཆན་སྤེལ་མཁན་རེད་ཟེར་གྱི་འདུག དེ་ང་མིན་དཀོན་མཆོག་ཚད་བཙུགས། ཕྲན་གྱི་རེ་བ་ཨ་བུ་ཞེས་པ་སུ་ཡིན་མིན་ཁ་ཞིག་གྲགས་རོགས་གནོངས།
སྤྱི་བཏང་མང་གཙོ་ལུང་པར་ག་རི་བཤད་མི་བཤད་སོ་སོའི་རང་དབང་རེད། འོན་ཏང་ཕྲན་གྱིས་མི་སྤེལ་བ་ཞིག་ཕྲན་གྱིས་སྤེལ་བ་རེད་ཞེས་སྐྱོན་འཛུག་བྱས་ན་ཡག་པོ་མི་འདུག
ཕྲན་དང་བཀྲས་མཐོང་བསྟན་འཛིན་རྣམ་རྒྱལ་ལགས་ངོ་ཐུག་ནས་སྐད་ཤོད་རྒྱུ་མི་བྱུང་བ་མ་ཟད་ཁ་པར་བརྒྱུད་ནས་སྐད་ཆ་ཚིགས་གཅིག་ཀྱང་ཤོད་མྱོང་མེད་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་ཚད་དུ་བཙུགས། ཕྲན་གྱིས་ཨ་སྒོར་ཟ་ཡི་ཡོད་རེད་ཅེས་དྲ་ལམ་ནང་དུ་དཀུགས་ཤིང་བརྒྱབ་ན་ཡག་པོ་མི་འདུག
ཕྲན་ཆབ་སྲིད་དང་འབྲེལ་བ་ཡོད་མེད་ཁྱེད་རང་། རང་གཞུང་བདེ་སྲུང་ལྷན་ཁང་དུ་སྐད་ཆ་དྲི་བར་སོང་ན་ཆོག་ཁོང་ཚོ་ཆུ་ཚོད་དགུ་པ་ནས་ལྔ་པ་བར་རེ་གཟའ་ཉི་མ་ཕུད་པའི་ཉིན་ལྟར་སྒོ་ཕྱེ་ཕྱེ་རེད། ཕྲན་གྱིས་ག་དུས་ཆབ་སྲིད་བཙོན་པ་ཡིིན་ཞེས་བརྗོད་བྱུང་ཁྱེད་ལ་ཕྲན་གྱི་སྐོར་ལ་ཤོད་མཁན་མི་དེས་ཕྲན་གྱི་སྐོར་ལ་དངོས་གནས་ཡག་པོ་ཤེས་ཀྱི་ཡོ་མ་རེད། ཕྲན་ཆབ་སྲིད་དང་འབྲེལ་བ་ཡོད་པ་རྫུན་མ་རེད་ཅེས་མངོན་སུམ་ལ་སྨྱོ་ལབ་བརྒྱབ་ན་
ཡག་པོ་མི་འདུག
ངེད་གཉིས་བར་ལ་བོད་པའི་རྩ་དོན་གྱི་ཐོག་ལ་ལངས་ཕྱོགས་མི་མཐུན་པ་བྱུང་པའི་རྒྱུ་
མཚན་གྱིས་གཅིག་ཤོས་དེ་ལ་སྨད་ར་དང་མི་བདེན་རྫུན་སྒྲིག་བྱས་ན་ཡག་པོ་ཨ་ཡོད་སྙམ།
གངས་ཆབ་ལགས་ཁྱེད་ཀྱིས་མཆན་སྤེལ་དུས་བློ་རྣལ་དུ་ཕབ་ནས་སྤེལ་རོགས་ཞུ།
ངས་པོའི་ལྷ་སྲས་འམ་ཨ་མའི་བུ་ལགས།ངས་དངོས་ཡོད་གནས་ཚུལ་ལ་རྒྱུས་མངའ་དང་མིག་མཐོང་ལག་ཟིན་ཐོག་ནས་མཆན་སྤེལ་གྱིས་ཡོད་པ་ལས་ངས་མི་དཀར་པོ་ལ་ཞྭ་མོ་ནག་པོ་ཞིག་གཡོག་དགོས་པས་རྒྱུ་མཚན་གང་ཡང་མེད་དེ།ཁྱེད་ཀྱིས་སྐུ་ངོ་བཀྲིས་དབང་འདུས་ལགས་དང་བློ་སེང་གཉིས་ལ་ཆག་གཏམ་དང་མི་བདེན་བརྫུན་སྒྲིག་ཐོག་མཆན་མང་དག་ཞིག་སྤེལ་ཡོད་པ་དེ་དང་ད་དུང་སྐུ་ངོ་བཀྲིས་དབང་འདུས་ཁོང་ལ་ཀུན་གླིང་ཐོག་ཁྱེད་རང་ཁམས་པ་བརྫུན་མ་ཞིག་ཞེས་ནས་ཁམས་སྐད་དག་མ་དག་ཞིག་བརྒྱབ་ནས་དོན་ཡོང་ནས་་དྲི་བ་བཀོད་བཏང་དེ་ཚོ་མཐོང་ཡོང་དུས་ཁྱེད་ཀྱི་གདོང་རིས་ངོ་མ་དེ་གསལ་ལྷང་ལྷང་མཐོང་ཡོང་གི་འདུག་པ་མ་ཚད་ལེན་པོ་ཞིག་གཏན་ནས་མི་འདུག་དེ་འདྲ་སོང་ཙམ་ངས་ཁྱེད་རང་ལམ་ནོར་ཟློག་ཤེས་ཡོང་བའི་ཁྱེད་དུ་དངོས་ཡོད་གནས་ཚུལ་ལ་གཞིག་ནས་བརྗོད་ཀྱིན་ཡོད།དེ་འདྲ་སོང་ཙམ་རྗེས་སུ་དངོས་ཡོད་གནས་ཚུལ་དང་མཐུན་པའི་ཐོག་ནས་མཆན་འདྲ་སྤེལ་གནང་བ་ཡིན་ན་དགའ་བསུ་ཞུ་རྒྱུ་ལས་མ་འདས།
དྲ་གྲོགས་གང་ཆབ་ལགས་མི་དཀར་བོ་ཞ་ནག་གཡོག་མི་ཉན་ངས་མཆན་འདི་སྤེལ་ནས་མཚམས་བཞགས་པ་ཡིན་་དྲ་གྲོགས་ད་ང་ཚོས་ཨ་རིའི་སུ་ཌན་ཕོ་ཌི་གཙུག་ལག་སློབ་གྲྭ་ཆེ་མོའི་བོད་ཀྱི་རྒྱལ་རབས་དང་ཆབ་སྲིད་སློབ་དཔོན་ཆེ་མོ་བཀྲས་མཐོང་བསྟན་འཛིན་རྣམ་རྒྱལ་ལགས་དང་ཧར་ལྦར་ཌ གཙུག་ལག་སློབ་གྲྭ་ཆེ་མོའི་ཁྲིམས་ལུགས་མཁས་དབང་བློ་བཟང་སེང་གེ་ལགས་རྣམ་གཉིས་ཀྱི་དགེ་མཚན་ནམ་བྱས་རྗེས་འགའ་སྤེལ་ན་དགེ་ཆེ་བར་མངོན་གྱི་འདུག
དེ་མིན་ང་རང་ཚོ་བོད་པས་བོད་པའི་མ་འོངས་པའི་བཀའ་ཁྲི་ཞིག་ནག་པོ་བཟོས་ཐབས་ཁོ་ན་བྱས་ན་དེ་ནི་དགྱ་གུང་ཁྲན་ལ་མཁོ་བའི་གཏམ་ཞིག་མ་རེད་དམ། རྗེས་སུ་གུང་ཁྲན་ཏང་གིས་ལག་ཆ་དེ་འཁྱེར་ནས་ང་ཚོར་ཚུར་རྒོལ་བྱེད་ངེས་རེད་སྙམ།
དེར་བརྟེན་དྲ་གྲོགས་ཚོས་མ་འོངས་པར་་་་་་་་་་་་་་་་་་་་་་་་་་་་་་་་་་།
་ང་ཆབ་སྲིད་དང་འབྲེལ་མེད་ཡིན་པའི་དཔང་རྟགས་ཡོད་སྟོན་ན་ཆོག་
ཨ་མའི་བུ་ཞེས་པ་དེ་ང་ཡིན་ན་དཔང་རྟགས་སྟོན་ན་ཆོག་དཀོན་མཆོག་་དཔང་དུ་བཙུགས་ནས་ལས་བྱས་ན་བཟང།
མི་དཀར་བོ་ཞ་ནག་པོ་མི་གཡོག་རོགས་གནང།
དྲ་གྲོགས་འདྲེ་མེ་འབུད་ལགས། གོང་གི་རྩོམ་ཡིག་དེའི་ཁ་བྱང་མདུན་ངོས་སུ་འཆར་ཡོད་པ་དེ་ནི་འདི་གའི་རྩོམ་སྒྲིག་པས་གསར་དུ་བཏགས་པ་ཡིན་ཞིང་། རྩོམ་པ་པོའི་ཁ་བྱང་དངོས་ནི། ༼ བཟང་སླ་ང་གང་བོ། ངན་སྐྱོགས་གང་གིས་བརླག་སོང་། ༽ ཞེས་པ་འདི་རེད།
གོ་སྐབས་འདི་དང་བསྟུན་ཏེ། གསལ་བཤད་ཞུ་རྒྱུ་ཞིག་ལ། འདི་གར་རྩོམ་ཡིག་འབྱོར་སྐབས། ཁ་བྱང་རིང་པོ་ཡིན་ཚེ་དུས་བབ་དྲ་བའི་མདུན་ངོས་སུ་འཆར་སྟངས་དང་བསྟུན་ཏེ། རྩོམ་སྒྲིག་པའི་ངོས་ནས་ཁ་བྱང་གསར་དུ་འདོག་པ་དང་། ཡང་ན་ཐུང་དུ་གཏོང་གི་ཡོད་ལ། རྩོམ་པ་པོ་སྒེར་གྱི་ཁ་བྱང་ནང་ཆེས་འདོར་དུ་མི་རུང་བའི་གནད་དོན་ཆེན་པོ་ཡོད་ན། དྲ་བའི་མདུན་ངོས་སུ་འཆར་བའི་ཁ་བྱང་དེ་རྩོམ་སྒྲིག་པས་གཏན་འབེབས་བྱས་ཏེ། རྩོམ་པ་པོའི་ཁ་བྱང་དངོས་དེ་དྲ་བའི་ནང་ལོགས་ཀྱི་རྩོམ་ཡིག་གི་གོང་ལ་ཉིས་ལྡབ་ཀྱི་ཚུལ་དུ་འཇོག་གི་ཡོད།
སྙིང་ནས་བརྩེ་བའི་དྲ་གྲོགས་རྣམ་པ།
རང་གཞན་ཚང་མའི་རིག་པ་དྭངས་གསལ་གྱིས་རང་རིགས་ཀྱི་ད་ལྟའི་གནས་བབ་དང་བསྟན་དགྲ་རྒྱ་དམར་ཀྱི་རེ་ངན་དང་སྲིད་ཇུས། རང་ཅག་རྣམས་ཀྱི་ཁོག་པའི་སྙིང་དང་སྤྲལ་བའི་མིག ༧གོང་ས་སྐྱབས་མགོན་ཆེན་པོའི་དགོངས་གྲངས་ཀྱི་བབ་དང་ཕྱོགས་གང་ལ་བལྟས་ཀྱང་། སྐབས་གསུམ་པའི་བཀའ་བློན་ཁྲི་པ་དེ་སྐབས་དང་པོ་དང་གཉིས་པ་ལས་ཀྱང་གལ་གནད་ཤིན་ཏུ་ཆེ་བས། རང་རིགས་ལ་སེམས་པ་དཀར་ཞིང་ཕྱོགས་ཞེན་གྱི་དྲི་མས་མ་སླད་པའི་སྒོ་ནས་གཞིས་བྱེས་གཉིས་ཀྱི་ཚབ་མཚོན་རང་རེའི་གཞུང་གི་ཆེས་མཐོའི་དབུ་ཁྲིད་དེ་འདེམས་ནོར་མ་ཤོར་བ་ཞིག་བྱེད་རྒྱུ་ནི་གཞིས་བྱེས་གཉིས་ལས་བྱེས་སྡོད་བོད་མི་ཁོ་ནར་ཡོད་པའི་
ལས་འགན་དང་ཐོབ་ཐང་དེ་ཡིན།
༡༽ ང་ཚོ་བྱེས་སྡོད་བོད་མི་འོས་འཕེན་པ་འབུམ་གཅིག་ཡོད་པར་ཆ་གཞག་ན་མི་རེའི་ངེས་པར་དུ་མི་ལྔ་བཅུ་ཡི་འགན་ཁུར་ལེན་པའི་ཐོག་རང་ཉིད་མི་གཅིག་ཡིན་པར་མི་སེམས་པར་བོད་མི་ལྔ་བཅུ་ཡི་འོས་འཕེན་བྱེད་ཀྱི་ཡོད་པའི་ཚོར་སྣང་ཡོད་དགོས། རྒྱུ་མཚན་ནི་བཀའ་བློན་ཁྲི་པ་དེ་གཞིས་བྱེས་གཉིས་ཀྱི་ཚབ་མཚོན་ནུས་པའི་དབུ་ཁྲིད་གཅིག་ལས་བྱེས་སྡོད་བོད་མི་གཅིག་པུའི་དབུ་ཁྲིད་ཞིག་མིན་པས་སོ།
༢༽ འདས་ཟིན་པའི་ལོ་རྒྱུས་ལས་ཆོལ་ཁ་ཆོས་ལུགས་ཆོས་རྒྱུད་
དང་བཅས་པ་ཕྱོགས་ཞེན་དང་མཐན་འཁྱེར་དེའི་འཇུག་འབྲས་སུ་ད་ལྟའི་གནས་བབ་འདི་འདྲ་ཞིག་གི་ཚད་ལ་ལྷུང་ཡོད་པ་མཁྱེན་པའི་ཐོག་ནས་ལོ་རྒྱུས་ལ་སྒྱུར་བཅོས་བྱེད་ཐབ་མེད་ཀྱང་མ་འོངས་པའི་ཁ་ཕྱོགས་མ་ནོར་བའི་ཐོགས་ནས་ལོ་རྒྱུས་ཀྱི་དེབ་ཐེར་གསར་པ་ཞིག་སྐྲུན་དགོས།
༣༽ འོས་འཕེན་ཀྱི་དུས་སྐབས་ནི་འཛམ་གླིང་ཐོག་མི་གསོད་ཀྱི་དོན་རྐྱེན་འབྱུང་ཉན་ཆེ་ཤོས་སུ་བརྩི་བའི་དུས་སྐབས་ཞིག་ཡིན་ན་ཡང་རང་རེ་ལ་མཚོན་ན་མི་གསོད་ཀྱི་གནས་ཚུལ་འབྱུང་དོག་མེད་ཀྱང་རྒྱ་དམར་ཀྱི་བཀོད་འདོམ་འོག་ཡོད་པའི་སྐབས་འཚོལ་བ་དག་ལ་མཚོན་ན་དུས་སྐབས་ཡག་ཤོས་ཅིག་ཡིན་པ་ངེས་པས་རིག་པ་དྭངས་གསལ་གྱིས་ཡིག་ཐོག་དང་ངག་ཐོག་སོགས་ལ་རང་རིགས་ལ་དུང་སེམས་ཆེ་མདོག་གི་ཆོལ་ཁ་དང་ཆོས་རྒྱུད་བྱེ་བྲག་པ་ཞིག་ལ་ཚད་ལས་རྒལ་བའི་སྐྱོན་བརྗོད་དང་ཡང་ན་དེ་ལས་ལྡོག་པའི་སྟོད་སྔགས་བྱས་ནས་ཞོལ་དུ་རྩ་དོན་གླེང་ཁུལ་བྱེད་མཁན་དག་ལ་ཞུ་དག་དང་རྟགས་དཔྱད་ངེས་པར་དུ་བྱེད་དགོས་ལ་མ་ཚད་འོས་མི་བྱེ་བྲག་པ་སུ་ལ་ཡང་ཁུང་ལུང་མེད་པའི་སྐྱོན་བརྗོད་བྱེད་མཁན་དེ་དག་ལ་རྒྱུ་མཚན་དང་དཔང་རྟགས་དགོས་པའི་གནས་ལུགས་བཤད་དགོས།
༤༽འོས་མི་སུ་འདེམས་ན་ཡང་ལྟ་བ་དང་ལང་ཕྱོགས་རང་དང་མཐུན་མིན་གཙོ་བོ་མི་ལྟ་བ་འོས་མི་དེས་བོད་སྤྱི་པའི་འགན་འཁུར་ནུས་པའི་སྤོབ་པ་དང་ཆོད་སེམས། མ་ཚད་མ་འོངས་ཕུགས་རྒྱང་རིང་པོར་བསམ་བློ་གཏང་ནས་ལས་འཆར་དང་གསར་བཏོད་གང་དང་གང་བྱེད་ཐུབ་མིན་ལ་ལྟ་དགོས་ལ་གང་ཟག་དེ་ལ་རང་ཚུགས་ཐུབ་པའི་མི་གཞི་ཞིག་ཀྱང་ངེས་པ་དུ་ཚང་དགོས།
༥༽འོས་འདེམས་པ་རང་ཉིད་ལ་མཚོན་ན་ཡང་རང་ཚུགས་དང་འགན་ཁུར་ཡོད་དགོས་པ་མ་ཟད་དེ་དག་མངོན་འགྱུར་བྱེད་པའི་ཆོད་སེམས་ཀྱང་དེ་བས་ཚང་དགོས་ངེས་རེད།
དོ་སྣང་དགོས་པ་ཞིག་ལ།
དུས་སྐབས་འདི་ནི་སེམས་ཤུག་དང་ཤེས་ཡོན་ཕྱི་ལ་མངོན་པའི་དུས་ཞིག་རེད་ལ་ཕྱོགས་ཞེན་དང་དཀྲུག་ཤིང་གཡོ་རྫུན་ཡང་ཕྱི་ལ་དོན་པའི་དུས་ཞིག་རེད།
མདོར་ན་སྨན་པ་ཞིག་ཡིན་ན་ནད་པའི་ན་ཚ་ངོས་ཟིན་སླ་བའི་དུས་ནི་ནད་རྟགས་ཕྱི་ལ་མངོན་པའི་དུས་དེ་ཡིན་པ་བཞིན་དུ། མི་རབ་གོང་མའི་ན་ཚ་དང་མི་རབ་གཞོན་པའི་ན་ཚ་ཡང་དུས་འདིར་ངོས་ཟིན་ཤིན་ཏུ་བདེ་ལ། རྒྱུག་ཁྱི་རྣམས་ཀྱི་ཁྱི་སྐད་ཀྱང་འདི་ནས་ཐོས་པ་ལས་སླ་བ་སེམས། དེས་ན་འཁྲུག་ཆ་དོད་པའི་དུས་སྐབས་འདི་བོད་མི་རྣམས་ཀྱིས་རང་ངོ་རང་གི་ཟིན་པ་བྱེད་གལ་ཆེའོ།
དྲ་གྲོགས་རྣམས་པ་ལྷན་རྒྱས་ཀྱིས་དཔྱད་ཞིབ་ཡག་པོ་དང་ཡང་དག་ཐོག་ནས་ཅིག་གཟིགས་དང་།སྐུ་ངོ་བཀྲིས་དབང་འདུས་ལགས་ནི།་བོད་སྤྱི་པའི་རྩ་དོན་ཐོག་ལྷག་བསམ་རྣམ་དག་ཐོག་ཕྱག་ལས་གནང་མཁན་ཞིག་དང་བྱས་རྗེས་དང་ཉམས་མྱོང་ཕུན་སུམ་ཚོགས་པའི་མི་སྣ་ཞིག་ཡིན་པ་ལས་ཕྱོགས་ཞེན་དང་།ལྐོག་ཟ་རུལ་སུངས་ཀྱི་གནད་དོན་ཡོད་མཁན་ཞིག་གཏན་ནས་མ་ཡིན།དེ་འདྲ་སོང་ཙམ་ང་ཚོས་གུས་བཀུར་དང་བརྩི་འཇོག་བྱེད་འོས་པ་ཞིག་རེད།དེ་ལས་ཟློག་ཏེ་ཨ་མའི་བུ་ཞེས་པ་དེའི་ག་དུས་ཡིན་ནའང་སྐུ་ངོ་བཀྲིས་དབང་འདུས་དང་བློ་སེང་གཉིས་ལ་བསྐྱོན་བརྗོད་དང་མི་བདེན་བརྫུན་སྒྲིག་ཁོ་ན་དང་།སྐུ་འདེབས་དང་ཆག་གཏམ་ལ་སོགས་པ་རྒྱུན་འཐུད་ནས་སྤེལ་དགོས་དོན་ཅི་ཤིག་ཡིན་ནམ།མ་ཚད་མདང་དགོང་ཀུན་གླེང་ཐོག་ལ་སྐུ་ངོ་བཀྲིས་དབང་འདུས་མཆོག་ལ་ཆག་གཏམ་དང་དཀྲོག་གཏམ་གྱི་དྲི་བ་ཞིག་བཏང་སོང་བ་ནི་དེ་སྔོན་སྐུ་ངོ་ལྡི་ལི་ཡོད་སྐབས་རྒྱལ་གར་གཞུང་ནས་ཧིན་སྒོར་འབུམ་བདུན་གཡར་བ་དེ་རྗེས་སུ་ཕྱི་སློག་གནང་ཡོད་མ་རེད་ཞེས་ཁམས་པ་བརྫུན་མ་ཞིག་དོན་ནས་ཁམས་སྐད་དག་མ་དག་ཙམ་གྱིས་དྲི་བ་བཏང་སོང་།དེ་སྔོན་དྲ་རྒྱ་ཐོག་ལ་ངས་པོའི་ལྷ་སྲས་ཞེས་པ་དེ་དང་།ད་ལྟ་ཨ་མའི་བུ་ཞེས་པ་དེ་གཉིས་ནི་དོན་དངོས་ཐོག་ནས་བཤད་ན་མི་གཅིག་ཡིན་པ་ལས་མི་གཉིས་གཏན་ནས་མ་ཡིན།ཁོ་བོ་ནི་ངས་རྒྱུས་མངའ་ཡག་པོ་ཡོད་མཁན་ཞིག་ཡིན།ཁོ་བོ་ནི་ཆབ་སྲིད་བཙོན་པ་བརྫུན་མ་ཞིག་དང་ཕྱོགས་ཞེན་དང་ལྐོག་ཟ་རུལ་སུངས་གྱི་གནད་དོན་ཡོད་མཁན་གྱིས་བཀའ་ཁྲི་འོས་མི་བཀྲས་མཐོང་ལྟ་བུ་ལ་རྒྱབ་སྐྱོར་བྱ་མཁན་ཞིག་རེད།དེ་འདྲ་སོང་ཙམ་བརྫུན་མས་བརྫུན་མ་ལ་རྒྱབ་སྐྱོར་བྱེད་ཀྱི་ཡོད་རེད།དེའི་རྒྱུ་རྐྱེན་གཙོ་བོར་ནི།བཀྲས་མཐོང་ལགས་ཀྱི་ཨ་སྒོར་དེར་རིན་ཐང་ཡག་པོ་ཡོད་ཙམ་རེད།དེ་འདྲ་སོང་ཙམ་མི་དེའི་རིགས་ཀྱིས་ཆག་གཏམ་དང་མི་བདེན་བརྫུན་སྒྲིག་རིག་ལ་དྲ་གྲོགས་ཚང་མས་ཡིད་གཟབ་གནང་དགོས་པ་ནི་གལ་གནད་ཤིན་ཏུ་ནས་ཆེ།
ཡ་ཡ་ད་དེ་ཙམ་ཡིན།ང་དབང་རྒྱལ་མཚན་ལགས།རྗེས་ཕྱོགས་ལམ་ནོར་ཟློག་ཤེས་གནང་གལ་ཆེ།
དྲ་གྲོགས་ལགས། བདག་གིས་རྩོམ་ཡིག་གི་ཁ་བྱང་མ་གཏོགས་བཀླགས་པའི་གོ་སྐབས་མ་བྱུང་བས། ཁ་བྱང་གཅིག་པུར་ལན་ཞིག་འདེབས་འདོད་བྱུང་། ཁྱོད་ཀྱིས་དངོས་གནས་བཀྲ་ཤིས་དབང་འདུས་ཀྱིས་བརླགས་སོང་སྙམ་པའི་ཚོར་བ་ཞིག་སླེབས་ཡོད་ན། དེ་ནི་བདག་གིས་ཁས་ལེན་བྱེད་དཀའ་བའི་གནད་དོན་ཞིག་སྟེ། ཆབ་སྲིད་པའི་འཕྲུལ་འཁོར་ནི་ལྐོག་གྱུར་གྱི་བྱེད་ཐབས་ཤིག་ཡིན་པས། མངོན་སུམ་གྱི་མཐོང་སྣང་གི་གནས་བབ་ཀྱིས་ཐག་གཅོད་དང་ཞིབ་འགྲེལ་བྱེད་དཀའ་བ་ཞིག་ཏུ་ངེས་པ་ཁྱོད་ཀྱིས་ཤེས་ངེས། བདག་གིས་བསམ་ཚོད་དུ་བཀྲ་ཤིས་དབང་འདུས་ཀྱི་དམིགས་ཡུལ་ནི་བློ་བཟང་སེང་གེའི་གསང་བའི་སློབ་དཔོན་ཞིག་སྡོད་འདོད་ཡོད་པར་སྙམ་སྟེ། གསལ་བོར་བརྗོད་ན་ཁོ་རང་མ་འོངས་པར་བཀའ་ཁྲིའི་བློ་འདྲི་བྱེད་སའི་བཀའ་བློན་བྱེད་འདོད་ཀྱི་ཁོག་རྩིས་ཤིག་བརྒྱབ་སྟེ། ཁོ་དང་འདྲ་མཉམ་གྱི་བཀྲས་མཐོང་གི་ཁ་གཏད་ཀྱི་རྣམ་པར་ལངས་ནས་བློ་སེང་ལ་རྒྱབ་སྐྱོར་བྱེད་བཞིན་པ་འདི་ཡང་ཆབ་སྲིད་པའི་དགོས་མཁོ་ཞིག་ཏུ་བརྩིས་ཆོག བློ་བཟང་སེང་གེ་ཡང་ཁོ་ལྟ་བུའི་ཀུན་ཀྱིས་ཐུན་མོང་དུ་ཁས་ལེན་པའི་མི་སྣ་རྒན་པ་བློ་གཏད་ཆོག་ལ་བློ་འདྲི་ཡང་ཆོག་པའི་རྒྱབ་རྟེན་ཞིག་དགོས་ཀྱི་ཡོད་པ་ཡང་དངོས་ཡོད་གནས་ཚུལ་ཞིག་ཡིན་ཡང་། དེ་རིང་སྤྱི་ཚོགས་སུ་ཆབ་སྲིད་པ་རྒན་པའི་ནོར་འཁྲུལ་བཟོས་ཚུལ་གྱི་གཏམ་ཡན་འདི་ཁྱབ་པ་རེད་སྙམ། དོན་དངོས་སུ་ཆབ་སྲིད་པ་རྒན་པའི་ཀླད་པ་རྦད་དེ་སྐྱོན་ཞུགས་པ་ཞིག་མ་ཡིན་པར། ཆབ་སྲིད་པའི་རྒན་པས་ཀྱང་རང་ཉིད་ཀྱི་མཐའ་མའི་གོ་སྐབས་ཤིག་ལ་ཡང་བསྐྱར་རྔམ་སྟངས་ཤིག་ཏུ་འདོད་ནས་དཔྱད་ན་ལེགས་པར་སྙམ།
རྟ་བཤད་རྒྱག་ཤེས་ཀྱང་་་རྟ་རྒྱུག་བྱེད་ཐུབ་པའི་ངེས་པ་རྩ་བ་ནས་མེད
བློ་སེང་ཡང་དེ་བཞིན་རེད
སྔ་ལོ་རྟ་རྒྱུག་བྱས་པའི་མི་དང་ད་ལོའི་གསར་བུ་བ་གཉིས་རྟ་ཐོག་ནས་མ་ལྷུང་བ་ཙམ་འདྲ་ཡང་་་་མི་འདྲ་ས་མང་ཡ་་་་ཨ་རོགས་ཚོ།
བོད་ཀྱི་དུས་བབ་བསམ་ཚུལ་ནང་་བཀའ་བློན་ཁྲི་པ་ནམ་ཕེབས་རེད་ཟེར་བའི་རྨོ་རི་བསྟན་པས་རྩོམ་ཡིག་འོག་ལ་གཟིགས་དང་་།
ཨ་མའི་བུ་སྨྱོ་འདུག་་་ཨ་མའི་བུ་སྨྱོ་འདུག་ཧཧཧ་ཐུགས་རྗེ་གཟིགས་སྐྱབས་རོགས་གནང་།
ཨ་མའི་བུས་༢༠༡༡། ཟླ་༡། ཚེས་༤། ཉིན་བྲིས་པའི་སྨྱོ་གཏམ་ལ་གཟིགས་དང་།སྐུ་ངོ་བཀྲས་དབང་མཆོག་གི་གདོང་རིས་གཞི་ནས་གསལ་སོང་།ང་ལྟ་བུ་མཚོན་ན་བཀྲས་དབང་མཆོག་ལ་དེ་ཙམ་གྱི་རྒྱུས་མངའ་མེད་ཀྱང་ད་ཐེངས་ཁོང་གིས་ཡ་མ་གཟུགས་ཀྱིས་གནང་སྟངས་དེ་རང་ནས་ཁོང་གི་འདས་མ་འོངས་ད་ལྟའི་གནས་བབ་ཡོངས་སུ་རྟོགས་སོང་།ད་རྒྱུག་ཁྱི་ཁྱེད་ཚར་སོང་།མཇུག་མ་གཡུགས་ཀྱང་སྟོང་པ་རེད་བཅས་མ་ཉེས་སྐྱོན་འཛུག་མང་དག་བྱེད་འདུག་།
ཨ་མའི་བུས་༢༠༡༡། ཟླ ༡་། ཚེས་༤ །ཉིན་
བཀྲ་ཤིས་དབང་འདུས་ལགས་བཀའ་ཁྲིརཐོབ་པའི་སྨོན་འདུན་དང་།མ་མཐའ་ཡང་བཀའ་བློན་གྱི་གོ་གནས་ཞིག་ཐོབ་པའི་སྨོན་འདུན་ཞུ་།ལས་བྱེད་རྙིང་པ་ཞིག་ཡིན་པས་སོ་ཞེས་་་ཉིན་གཅིག་ལ་སྨྱོ་གཏམ་འདི་འདྲ་ཞིག་བྲིས་པ་ལྟས་ན་སྤུན་ཟླ་སེར་སྐྱ་རྒན་གཞོན་ཚང་མས་ཁོང་ལ་ཡིད་གཟབ་གནང་གལ་ཆེ་བ་མཐོང་།
གྲོགས་པོ་སེམས་པ་གནན་ནས་ཡག་པོ་བྲིས་
མ་ཤེས་ན་ཨུ་ཚུག་རྒྱབ་དགོས་ག་ལ་ཡོད་།ཧཧཧ་ཁྱེད་ལ་སུས་ངེས་པ་བཏང་སོང་། ཤ་ཚར་་་་སྙིང་རྗེ་་་ད་ཡག་པོ་སྡོད་རོགས་ལོ་།
དབྱངས་ཅན་སྒྲོལ་དཀར།
ངས་སྔོན་འགྲོའི་འོས་ཤོག་བློ་བཟང་སེང་གེ་ལགས་ལ་ཕུལ་པ་ཡིན། རྒྱུ་མཚན་དང་ཐོག་ཁོང་ལ་རྒྱུས་མངའ་དེ་ཙམ་མེད་པ་དང་། ཁོང་གི་ལྟ་བ་ལངས་ཕྱོགས་དང་སྐད་ཆ་བཤད་པ་ཁག་ལ་ཉམས་ཞིབ་དོ་ནན་བྱེད་རྒྱུ་མ་བྱུང་པས་ལན་པ་རེད། འོན་ཀྱང་དངོས་གཞིའི་སྐབས་ངའི་འོས་ཤོག་གཅིག་པོ་ཁོང་ལ་ཕུལ་ཐུབ་ས་མ་རེད། མི་ཐུབ་◌པའི་རྒྱུ་མཚན་གཤམ་གསལ་ཁག་ཡིན།
དང་པོ། ཁོང་གི་སྔ་ཕྱིའི་སྐད་ཆ་ལ་ནང་འགལ་མང་པོ་འདུག ཁོང་གིས་ཁོར་ཡུག་མི་འདྲ་བ་རེ་ནས་སྐད་ཆ་མི་འདྲ་བ་རེ་ཤོད་ཀྱི་འདུག གདོང་པ་མ་འདྲ་བ་རེ་ལ་ལྟས་ནས་སྐད་ཆ་མ་འདྲ་བ་རེ་ཤོད་ཀྱི་འདུག དེ་ནི་ཁོང་གི་ཐུགས་གཤིས་བརྟན་པོ་མེད་པ་དང་། ཁོང་གི་གཤིས་ཀ་འགྱུར་ཆོག་ཆོག་ཡོད་པའི་མཚོན་རྟགས་དངོས་གནས་པ་དེ་རེད། སོང་ཙང་སྐབས་འཚོལ་བ་ཞིག་བཀའ་ཁྲི་ལ་བསྐོས་པ་ཡིན་ན་མང་ཚོགས་ལ་རྡབ་སིག་ཕོག་རྒྱུ་དང་། སྤྱི་དོན་འཐུས་ཤོར་འགྲོ་རྒྱུ་ལས་མ་འདས།
ཁོང་གི་སྐད་ཆ་མང་བོ་ཞིག་གནས་སྐབས་ཤེས་ཡོན་མེད་མཁན་དང་། ཉམས་མྱོང་མེད་མཁན་གཞོན་སྐྱེས་ཚོ་འགུག་ཐབས་ཀྱི་སྐད་ཆ་རྫིག་པོ་ཙམ་མ་གཏོགས་ལག་ལེན་ལ་བསྟར་ཀྱི་མེད་པའི་སྐད་ཆ་སྟོང་པ་མང་ཤོས་རེད། ཁོང་སྤོབས་པ་མཐོ་དྲག་ནས་མི་མང་དཀྱུས་མའི་བསམ་ཚུལ་ལ་ཉན་འཇོག་བྱེད་ཐུབ་ཀྱི་མི་འདུག མི་གཞན་གྱི་བསམ་ཚུལ་དང་སྐད་ཆ་ལ་བརྩི་འཇོག་རྩ་ནས་གནང་ཐུབ་ཀྱི་མི་འདུག དེ་ནི་མི་མང་གི་བདེ་སྡུག་ལ་ལྟ་མཁན་བཀའ་ཁྲི་ཞིག་ལ་མ་ཚང་པའི་སྐྱོ་གནས་ཆེ་ཤོས་ཞིག་རེད་དྲན།
གཉིས་པ། ཁོང་ནས་ཕྱི་རྒྱལ་པ་ཚོ་ལ་བོད་ཀྱི་གནས་སྟངས་ཤོད་དུས་དགོན་པ་དང་གྲྭ་བཙུན་ཚོ་ལ་སྨད་ར་མང་པོ་གཏོང་གི་འདུག ཁོང་ཚོས་ལོ་རྒྱུས་ཐོག་བོད་ལ་གནོད་བསྐྱལ་པ་དང་། ད་ལྟ་མང་གཙོའི་ལམ་དུ་འགྲོ་རྒྱུ་ལ་གནོད་སྐྱེལ་ཀྱི་ཡོད་སྐོར་མང་པོ་ཤོད་ཀྱི་འདུག ཡང་གྲྭ་ཚང་དང་དགེ་འདུན་པ་ཚོ་དང་ཐུག་དུས་སྐད་ཆ་མ་འདྲ་བ་ཤོད་ཀྱི་འདུག ཁ་གཅིག་གི་ནང་ལ་ལྕེ་གཉིས་ཡོད་པ་ནི་དུག་སྤྲུལ་གྱི་ལས་ཀ་རང་རེད།
གསུམ་པ། སྦོ་སི་ཌོན་ནང་ལ་སྡོད་མཁན་བོད་པ་ཚང་མ་ཁོང་ལ་འདོད་མོས་མི་འདུག གང་ལགས་ཤེ་ན། ཁོང་ནམ་རྒྱུན་ས་གནས་བོད་མིའི་བོད་དོན་ལས་འགུལ་ཁག་ནང་མཉམ་ཞུགས་གནང་གི་མེད་པ་དང་། ཁོང་ལོ་མང་རིང་བོད་མི་ལ་དགྲ་ནང་བཞིན་ལྟ་མཁན་རྒྱ་མོ་ཞིག་དང་མཉམ་སྡོད་བྱས་པའི་རྐྱེན་པས། ས་གནས་བོད་མི་རྣམས་ཁོང་ལ་ཡིད་ཐང་ཆད་ནས་འདུག ཁོང་ལ་རྒྱུས་མངའ་ཡོད་མཁན་ཚང་མ་ཁོང་ལ་ཞེ་མེར་ལངས་ཀྱི་ཡོད། ཁོང་གི་མགོ་བདེ་དང་ཁྲམ་རྟགས་མང་པོ་གནས་སྐབས་རེ་རེ་བཞིན་བགྲང་མ་དགོས་བྱེད།
བཞི་པ། ཕྱི་ལོ་༢༠༠༧ ལོར་བོད་གཞུང་བཀའ་ཤག་ནས་བཀོད་སྒྲིག་འོག་ལྡི་ལི་མགྲོན་ཁང་སྐད་གྲགས་ཆེ་བ་ཞིག་ཏུ་འཚེ་མེད་ཞི་བའི་ཟབ་སྦྱོང་གནང་སྐབས། ཁོང་ནས་དཔྲ་ཕྲུག་ངག་དབང་གི་བུ་མོ་མགྲོན་ཁང་དུ་ཁྲིད་ཡོང་ནས་སྐུ་ངོ་བཀའ་བློན་བློ་བཟང་སྙན་གྲགས་དང་ཁོང་ཚོ་མི་མང་མདུན་དམར་ཧྲེང་ངང་ཁྲུས་རྫིང་ནང་ཆགས་རྩེད་ཐལ་ཆ་ཅན་བྱས་པས། བོད་གཞུང་གི་གནད་ཡོད་མི་སྣ་ཚོ་ཁོང་གི་བྱ་སྤྱོད་ལ་ཞེ་མེར་ལངས་ཞིང་། དེ་ནས་མགྲོན་ཁང་ནང་ཆགས་སྤྱོད་གནང་། ཁོང་གིས་ཆགས་སྤྱོད་གནང་ནས་སྐུ་ངོ་བཀའ་བློན་བློ་བཟང་སྙན་གྲགས་ལགས་ལ་ངོ་སྤྲོད་གནང་བའི་རྐྱེན་བྱས་ནས། བློ་སྙན་ལགས་ཀྱི་མཚན་མཐོང་ཉམས། བཀའ་བློན་ཤོར། བློ་སྙན་མི་ཚེ་འཕྲོ་རླག་འགྲོ་བ་བློ་བཟང་སེང་གེ་ལགས་ཀྱི་གནང་བབ་དང་འབྲེལ་བ་ཆགས། གནས་ཚུལ་འདི་བདེན་པ་ཡིན་མིན་སྐབས་དེའི་ཟབ་སྦྱོང་ལ་ཞུགས་མཁན་ཚང་མས་ཤེས་ཀྱི་ཡོད་པས་ཡིད་མ་ཆེས་པ་ཚོས་ཉམས་ཞིབ་གནང་རོགས།
བློ་སེང་ལགས་ནས་ནམ་རྒྱུན་རང་གི་བཟའ་ཚང་ཕྲུ་གུ་ལ་མགོ་སྐོར་བཏང་ནས་སྐྱེ་དམན་གང་བྱུང་དང་ཆགས་སྤྱོད་གནང་གི་ཡོད་བརྟེན་ཁོང་བཀའ་ཁྲི་ལ་བསྐོས་པ་ཡིན་ན། གཤམ་འོག་ལས་བྱེད་བུད་མེད་ཚོ་ལ་དཀའ་ངལ་འཕྲད་རྒྱུ་ཤོད་མ་དགོས་པ་ཞིག་དང་། བཀའ་ཤག་ལས་ཁང་ཆགས་སྤྱོད་གནང་ས་ཞིག་ཏུ་འགྱུར་མི་སྲིད་པ་མ་རེད། ཀུན་སྤྱོད་དེ་འདྲ་ཁྱེར་མཁན་བཀའ་ཁྲི་ལ་ལན་པོ་མ◌ེད་པ་མཐོང་བྱུང་།
ལྔ་པ། བློ་སེང་ལགས་ཀྱིས་ད་ལྟའི་བར་ལས་ཀ་འདི་བྱས་བཞག་ཟེར་པ་ཞིག་མེད། ཕྱི་ལོ་༢༠༠༤ ལོར་ལྡི་ལི་ཆུ་སྒང་བྱེད་གཏེ་ཚོས་ཐའི་ཝན་བོད་སོག་ལས་ལས་ཁུངས་མཉམ◌་ཆིངས་ཡིག་བཞག་སྐབས། བློ་སེང་སོགས་མི་ཁ་ཤས་ཤིག་ནས་ལི་ཐང་ཨ་ཐར་ཅན་ལ་མ◌ི་འདོད་པའི་རྣམ་འགྱུར་སྟན་པའི་སྐད་ཆ་ཞིག་ཡོད་རེད། དེའི་གཟིགས་གསོལ་ལ་ཁོང་ཨ་རིར་སློང་སྦྱ◌ོང་འགྲོ་བའི་གོ་སྐབས་རག་པ་རེད། ཡིན་ནའི་ཁོང་ནས་བོད་གཞུང་ཤེས་རིག་ལས་ཁུང་མཉམ་གན་རྒྱ་བཞག་པ་བརྩིས་མེད་ཀྱིས་ཨ་རི་ནས་ཕྱིར་ལོག་བྱས་མེད། ཨ་རི་ནང་ལོ་གཉིས་ཀྱི་སློབ་སྦྱོང་ལ་ཕེབས་ནས་ལོ་བཅུ་རིང་བོད་གཞུང་དང་འབྲེལ་བ་རྩ་ནས་གནང་མེད། ཕྱི་ལོ་༢༠༠༤ ལོར་གཞི་ནས་བོད་གཞུང་དང་མཉམ་དུ་དེའི་སྐོར་སྐད་ཆ་ཞིག་བྱུང་པ་སྐོར་གོ་རྒྱུ་ཡོད། དེ་ནི་ཁོང་གི་དམིགས་ཡུལ་ལྡན་པའི་འཆར་གཞི་ཞིག་ལས་བོད་གཞུང་ལ་བརྩི་བཀུར་ཞུས་པ་མཚོན་ཐུབ་ཀྱི་མེད།
དྲུག་པ། སྔོན་ཆད་ཝ་ཤིན་ཀྲོན་ཌི་སི་ནས་བློ་སེང་ལགས་ཀྱིས་ཁོང་རྒྱ་མིའི་ཨོ་བྷ་མ་བྱེད་ཀྱི་ཡིན་གསུངས། རང་བཙན་འཐབ་རྩོད་པ་མཁས་དབང་འཇམ་དབྱངས་ནོར་བུ་ལགས་ཀྱིས་བློ་སེང་གི་བསམ་ཚུལ་དང་བཀའ་མོལ་དེ་ལ་སྐྱོན་བརྗོད་རྩོམ་ཡིག་སྤེལ། བློ་སེང་དེ་ལ་མ་དགའ་པར་འཇམ་དབྱངས་ནོར་བུ་ལགས་སུ་ཁ་པར་ཕུལ་ཏེ་ཁོང་གཉིས་ཀྱིས་རྒྱུན་རིང་ཁ་པར་ནང་རྩོད་པ་བརྒྱབ་ཀྱང་བསམ་ཚུལ་གཅིག་མཐུན་མ་བྱུང་སྐོར་འཇམ་དབྱངས་ནོར་བུ་ལགས་ཀྱིས་ཡང་བསྐྱར་རྩོམ་ཡིག་སྤེལ་གནང་ཡོད། རྒྱ་མིའི་ཨོ་བྷ་མ་གནང་འདོད་ཡོད་མཁན་ཞིག་བོད་ཀྱི་བཀའ་ཁྲི་ལ་ཕེབས་པ་ཡིན་ན་ཁྱད་མཚར་མ་རེད་དམ། གོང་ཞུས་རྒྱུ་མཚན་དེ་འདྲའི་རྐྱེན་པས་ངའི་བསམ་བློ་ལ་འགྱུར་བ་ཕྱིན་སོང་། སོང་ཙང་དངོས་གཞིའི་སྐབས་ངས་ཁོང་ལ་འ◌ོས་ཤོག་ཕུལ་ཐུབ་ཀྱི་མི་འདུག
“ང་རང་མི་གཅིག་ཡིན་པ་ཡིན་ནའང་འདིར་དཔུང་སྒྲིག་པ་སླེབས་པ་ཡིིན”
མི་སུ་ཞིག་གིས་བཀའ་ཁྲིའི་སྐོར་གླེང་བ་ཡིན་ནའང་ཚུལ་མིན་གྱི་ཕྱོགས་ཞེན་མ་བྱེད་རོགས
ད་ལྟའི་བཙན་བྱོལ་སྤྱི་ཚོགས་ཀྱི་གནས་སྟངས་འདིར་མཚོན་ན་མི་སུ་ཞིག་གིས་བཀའ་ཁྲིའི་སྐོར་གླེང་བ་ཡིན་ནའང་སྔོན་འགྲོའི་ཆ་རྐྱེན་གཙོ་བོ་ནི་ཚུལ་མིན་གྱི་ཕྱོགས་ཞེན་མི་བྱེད་པ་དེ་རེད་འདུག
ཁོ་རས་བསྟན་བཤིག་ཕག་པར་ཁྱེད་ཀྱི་བཀའ་ཁྲི་འཁྲམ་པ་དེའི་གཏམ་བཤད་ལ་ཉོན་དང། ༢༠༠༦ བློ་སེང་བྱང་ཨ་རིའི་སྤྱི་འཐུས་ཀྱི་འོས་མིར་ཐོན་ཀྱང་ཁོ་བས་དགོངས་པ་བཞུས་ཡོད། རྒྱུ་མཚན་ནི་ཁོ་བ་བོད་མང་གི་སྤྱི་འཐུས་བྱས་ན་ཁོ་བའི་ལས་ཤོར་གྱི་ཡོད་པས་སྤྱི་འཐུས་ཀྱི་འོས་ནས་ཕྱིར་འཐེན་བྱས་ཡོད། བོད་པའི་ཁ་དཔེར་ཆོས་བཤད་འཁྲམ་པའི་ཁ་ལ་ཡོད་ཟེར་བ་ལྟར་ཁོ་བས་༼ང་རང་་མ་་ཤི་་ བར་བོད་སྤྱི་པའི་རྩ་དོན་ཆེད་དུ་ལས་ཀ་བྱེད་རྒྱུའི་དམ་བཅའ་བརྟན་པོ་ཡོད་༽ཅེས་ མི་མང་མགོ་སྐོར་གཏོང་གི་ཡོད།
རྣམ་རྒྱལ་ལགས་ཀྱི་དྲི་བ་ཁྱེད་ཀྱི་སྤྱི་ལོ་༢༠༠༨ལོར་ལི་ཐང་བརྟན་བཞུགས་སྐབས་ང་རང་མི་གཅིག་ཡིན་པ་ཡིན་ནའང་འདིར་དཔུང་སྒྲིག་པ་སླེབས་པ་ཡིན་ཞེས་བརྗོད་རྒྱུ་མཚན་གང་ཡིན་ཞེས་དྲི་དུས་ཁོ་བས་ཕ་ལགས་བཤགས་སོང་ཞེས་ཚིག་ཉུག་ལུང་བ་གང་ཤོད་པ་ལས་ཁོང་གི་དྲི་བར་ལན་འདེབས་ཐུབ་ཀྱི་མི་འདུག་དེ་ནི་འདྲེ་ཤར་སྒོར་བཞག་ཏེ་གླུད་ནུབ་སྒོར་བཏང་ཞེས་པའི་དཔེ་ལྟར་སོང་འདུག ཁོ་བས་ཏན་ཏན་བོད་པའི་སྐད་ཡིག་གི་ཐོག་ལ་ཀླད་སྟོང་བ་རང་རེད་འདུག
ཨ་རོགས་ཚོ་བསམ་བློ་གཏོང་དང་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་འདི་བོད་གཞུང་གི་ཁ་གཏད་ རེད་དམ་ཡང་རྒྱ་དམར་གཞུང་གི་ཁ་གཏད་རེད། བློ་སེང་གིས་གཞོན་ནུ་ལྷན་ཚོགས་འདི་བོད་གཞུང་གི་ཁ་གཏད་རེད་ལབ་སོང་། རང་ཅག་གི་གཞུང་འབྲེལ་མ་ཡིན་པའི་ཚོགས་པ་ཆེ་ཤོས་གཞོན་ནུ་ལྷན་ཚོགས་འདི་ལ་ན་ནིང་རྒྱ་གཞུང་གི་འཇིག་སྐུལ་བ་རེད་ཞེས་དམོད་ཚིག་སྒྲོགས་པ་དང་། ཡང་ད་ལོ་རང་གི་རིག་གཞུང་ལ་ཀླད་སྟོང་བ་བློ་སེང་གིས་གཞོན་ལྷན་འདི་བོད་གཞུང་གི་ཁ་གཏད་རེད་ལྷན་ཚོགས་འདི་ནག་པོ་བཟོ་ཐབས་བྱེད་ཀྱི་འདུག རྒྱུ་མཚན་གང་ཡིན་ནམ།
༸གོང་ས་མཆོག་གི་རྒྱ་མི་དང་མཐུན་འབྲེལ་བྱེད་དགོས་ཞེས་ ༢༠༠༨ ལོར་བོད་ནང་གི་གཟིངས་འཁྲུགས་ཆེན་པོ་ལངས་པའི་རྗེས་སུ་གསུངས་པ་ཞིག་ལས་ ༢༠༠༥ ནང་ལ་རྩ་བ་ནས་མེད་སྐུ་མཁྱེན་རྫུན་མི་ཤོད་རོགས།
ཁོ་བར་དྲི་བ་ཞིག་འདུག་རྒྱུ་མཚན་གང་གི་ཕྱིར་འཕྲོད་བསྟེན་ཡིན་ན་འཕྲོད་བསྟེན་གྱི་ཐོག་ཉམ་མྱོངས་བསགས་མྱོང་པའི་མི་སྣ་འདེམས་པའི་དགོས་པའི་རྒྱུ་མཚན་གང།
ལེགས་བཤད་ལས། གོམས་ན་དཀའ་བར་མི་འགྱུར་ཏེ་ཞེས་གསུངས་པ་ལྟར་བློ་སེང་རྫུན་དང་རྒྱབ་འགལ་ཤོད་རྒྱུར་གོམས་པས་སོ།
ཧཧཧ་ད་ཡིན་ན་འདུག་།
ཐུགས་རྗེ་གཟིགས་ལོ་མང་ཕྱག་ལས་གནང་བའི་བཀའ་དྲན་ཅན་སྐུ་ངོ་བཀྲ་ཤིས་དབང་འདུས་ལགས་ཀླད་སྟོང་སྐུ་དྲག་དང་འབྱོར་ལྡན་ཕྱོགས་རིས་ཅན་ཚོའི་མ་ཉེས་སྐྱོན་འཛུག་སོགས་མ་གནང་རོགས་ཞུ་།
མ་འོང་བཀའ་ཁྲི་གསར་པ་ཇི་ལྟར་དགོས་མིན་།
གུས་པས་ལྟས་ན་ཉམས་མྱོང་དང་ལྷག་བསམ་ངེས་པར་དུ་དགོས་ན་ལྷད་མེད་ཀྱི་སྐུ་ངོ་བཀྲ་ཤིས་དབང་འདུས་ལས་ལྷག་མི་འདུག་།
དེང་དུས་དང་གནའ་རབས་ཀྱི་ཤེས་ཡོན་འཇོན་ཐང་སོགས་དགོས་ན་སློབ་དཔོན་ཆེན་པོ་མཁས་དབང་བློ་བཟང་སེང་གེ་ལས་ལྷག་མི་འདུག་།
སྐོག་ཟ་རུས་སུངས་དང་ཕྱོགས་རིས་འཐེན་འཁྱེར་སོགས་དགོས་ན་དབུས་པ་ཀྱི་སྡུག་ཚོགས་པས་གྲོས་ཆོད་དབུས་གཙང་ཆོལ་ཁ་ལ་ཞེས་ཁོག་དང་ཤ་ཚར་དགོས་ཟེར་བ་ཟ་བཏགས་རྒྱབ་མཁན་གྱི་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ངེས་པར་དུ་དགོས་གལ་ཆེ་།
༡མངའ་རི་སྐོར་གསུམ་དྲང་བདེན་ལྷག་བསམ་ཆེ་།།
༢དབུས་པ་མགོ་ལེབ་ཁ་བདེ་ཕྱོགས་རིས་ཅན་།།
༣མཁམས་པའི་ཕོ་རྒོད་དཔའ་རྟགས་གྲི་རྩེ་ངམ་།།
༤ཨ་མདོའི་མཁས་པས་སྙུག་གུས་ཆོལ་གསུམ་དཀྲུག་།།
བཀྲ་ཤིས་དབང་འདུས་ལགས་ལ་བཀའ་ཁྲིར་ཐོབ་པའི་སྨོན་འདུན་དང་། མ་མཐའ་ཡང་བཀའ་བློན་གྱི་གོ་གནས་ཞིག་ཐོབ་པའི་སྨོན་འདུན་ཞུ། ལས་བྱེད་རྙིང་པ་ཞིག་ཡིན་པས་སོ། །
སྐུ་ངོ་བཀྲས་དབང་མཆོག་གི་གདོང་རིས་གཞི་ནས་གསལ་སོང་། ང་ལྟ་བུར་མཚོན་ན་བཀྲས་དབང་མཆོག་ལ་དེ་ཙམ་གྱི་རྒྱུས་མངའ་མེད་ཀྱང་ད་ཐེངས་ཁོང་གིས་ཡ་མ་གཟུགས་ཀྱིས་གནང་སྟངས་དེ་རང་ནས་ཁོང་གི་འདས། མ་འོངས། ད་ལྟའི་གནས་བབ་ཡོངས་སུ་རྟོགས་སོང་། ད་རྒྱུག་ཁྱི་ཁྱོད་ཚར་སོང་། མཇུག་མ་གཡུགས་ཀྱང་སྟོང་པ་རེད།
ངས་མང་པོ་ཞིག་བཤད་མི་ཤེས་ཀི། ཡིན་ན་ར། མཁས་དབང་བློ་བཟང་སེངྒེ་མཆོག་མ་འོངས་པའི་བཀའ་བློན་ཁྲི་པར་ཕེབས་ཐུབ་པ་ཡིན་ན། དེ་ནི་༸གོང་ས་མཆོག་གི་དགོངས་གཞི་ཡིན་པ་གང་ཞིག་ལ། ང་ཚོ་ལ་ཡང་རེ་བ་གསར་བ་ཞིག་ཡོད་མདོག་ཁ་བོ་རེད། དེ་མིན། བཀྲིས་དབང་འདུས་དང་བཀྲས་མཐོང་སོགས་ང་ཚོ་ཚང་མས་ཤེས་གསལ་རེད། མ་བཤད་ན་ཡང་བཤམས་ནས་ཡོད་ཀི། ཁོང་ཚོས་ཁ་སྙན་མོ་རྐྱང་རྐྱང་བཤད་ནས། རང་ཉིད་ཀྱི་ཁེ་ཕན་ཞིག་སྒྲུབ་ཀྱིན་པ་དེ་རེད། ད་དུང་བློ་བཟང་སེངྒེ་ཕུད་གཞན་དག་ལ་བཀྲུས་ན་མི་དག་པའི་སྐྱོན་ཞིག་ཡོད་པ་ནི། ཆོལ་ཁའི་འཐེན་འཁྱེར་དང་ཆོས་ལུགས་ཀྱི་ཕྱོགས་ཞེན་དེ་རེད། ང་ལ་མཚོན་ན་ནི། མུ་མཐུད་ནས། བློ་བཟང་སེངྒེར་རེ་བ་རྒྱག་གི་ཡིན།
དྲང་བདེན་གྱི་སློང་བ་ཟེར་བའི་མིའི་ཤེས་པ་གདོན་གྱིས་བསླུས་ཡོད་ས་རེད་ཡང་མིན་ན་ཆེད་མངག་རྙོག་དྲ་ཤོད་མཁན་ཞིག་རེད་འདུག བོད་རྒྱལ་ཡོངས་མང་གཙོ་ཚོགས་པ་དང་། དགུ་བཅུ་གསུམ་ལས་འགུལ་ཚོགས་པ། དབུས་གཙང་ཆོལ་ཁའི་ཚོགས་པ་གསུ་མགས་བཀྲ་ཤིས་དབང་འདུད་ལ་བཀའ་ཁྲིའི་འོས་གཞིའི་ནང་མི་མང་གིས་རེ་འདུན་བྱེད་ཁྱེད་བཀའ་ཁྲིའི་འོས་མིར་ལངས་རོགས་ཞེས་བཞུས་དུས། ཁོ་བས་ངས་ལོ་ངོ་མང་པོ་གཞུང་གི་ཞབས་ཕྱི་བཞུས་པ་ཡིན་ད་ཆ་ལོའི་བབས་དང་ལུས་ལ་ན་ཚ་ཆེ་དྲགས་པས་ལངས་ཐུབ་ས་མ་རེད་ཞེས་འཕྲིན་ཡིག་བཏང་ཡོད།
ད་ལོ་བཀའ་ཁྲིའི་འོས་མི་མང་ཤོས་སུ་བཏོན་མཁན་མདོ་སྟོད་ཆོལ་ཁའི་གྲལ་རེད། དེ་ཚོའི་ནང་བློ་བཟང་སེང་གེ་ཆོལ་ཁ་ནས་འོས་མིར་སྟོན་མེད་པ་རེད་། ཅེས་མངོན་སུམ་ལ་སྨྱོན་གྱི་འདུག མི་མང་བོས་དྲ་རྒྱ་ལ་བལྟ་གི་ཡོད་རེད་ཁྱེད་སྨྱོན་སྐད་མི་བརྒྱབ་ལོ།
ལེགས་བཤད་ལས། ཤེས་པ་རང་དབང་་དུ་མི་གནས་པ་ནི་སྨྱོན་པའོ།
བློ་གྲོས་རབ་བརྟན་ལགས། ཐེངས་རྗེས་མིའི་བཀའ་ཁྲི་འོས་མི་གསུམ་པོ་སུ་ཐོབ་ན་ཆོལ་ཁ་དང་ཆོས་ལུགས་ཀྱི་གནོད་ཤུགས་འོག་སོང་བ་འདྲ་པོ་ཆགས་ན་མ་འགྲིག་པ་རེད་། འདི་ལོ་བཀའ་ཁྲི་འོས་མི་ཁྱབ་བསྒྲགས་བྱེད་པའི་ནང་སྐུ་ངོ་བཀྲས་མཐོང་ལགས་དབུས་གཙང་ཆོལ་ཁས་སྟོན་པ་ལས་བཀའ་ཟུར་བཀྲ་ཤིས་དབང་འདུས་དང་མཁས་དབང་བློ་བཟང་སེང་གེ་གཉིས་རང་རང་ཆོལ་ཁ་ནས་འོས་མིར་སྟོན་མེད་པ་རེད་། འདི་ཁོང་གཉིས་ཀྱི་གནས་བབ་དང་ཆེད་ཆོས་ཡོངས་སུ་མཚོན་ཐུབ་མིན་ཇི་ལྟར་ཡང་ངས་འདི་ལ་དམིགས་བསལ་ལོ་རྒྱུས་རེ་ཡོད་པ་སྒོམ་ནས་ནམ་ཡང་བསླད་མེད་དངས་གཙང་གི་སྤྱི་མི་གཅིག་ལ་ངོས་འཛིན་བྱེད་གྱི་ཡོད་། ཁྱེད་རང་གི་བཀུལ་འོས་བཀའ་ཟུར་བཀྲ་ཤིས་དབང་འདུས་ལགས་ཉེས་མེད་སྐྱོན་འཛུག་བྱེད་པ་འདི་མཐའ་ན་ལས་འབྲས་ལ་མི་འགྲོ་བའི་བོད་མི་ཅིག་གི་གཏམ་བཤད་གཅིག་རེད་།
ཁང་གསར་དང་བློ་རབ་སོགས་སེམས་ཁྲལ་ཞེ་དྲག་གནང་དགོས་དོན་མི་འདུག མ་གཞི་བསམ་ཚུལ་སྤེལ་བ་ལེགས་པོ་རེད། བཀྲས་མཐོང་ལ་རྒྱབ་སྐྱོར་བྱེད་མཁན་ཚོ་བཀྲ་ཤིས་དབང་འདུས་ལ་ཞེ་སྡང་ཞེ་དྲག་ལང་གི་ཡོད་ཚོད་རེད། འོན་ཀྱང་དེས་ཅི་བྱ། ད་ང་ཚོས་འགག་རྩའི་བསམ་བློ་ནི་ཁོ་ཚོ་གསུམ་ནང་གི་སུ་ཞིག་བཀའ་ཁྲིར་སླེབས་ཀྱང་མི་མང་གིས་བསམ་ཤེས་གུ་ཡངས་ཀྱིས་སྤྱི་པའི་ལས་དོན་ཐད། རྒྱབ་སྐྱོར་དང་ཡིད་ཆེས་བྱེད་དགོས་པ་རེད། གལ་སྲིད་ནོར་འཁྲུལ་གྱི་ལས་ཀ་བྱེད་གྲབས་འདུག་ན། དེ་དུས་མི་མང་གིས་སྐྱོན་བརྗོད་བྱེད་ཆོག་གི་རེད། མ་གཏོགས་དང་པོ་ནས་ཁོས་དེ་སྔོན་སྐད་ཆ་འདི་འདྲ་ཞིག་བཤད་འདུག་ཅེས། སྐད་ཆ་དེ་ཁྱེར་ནས་མ་འོངས་པ་དང་སྦྱར་ནས་རི་བོང་གནམ་རྡིབ་ཀྱི་སེམས་ཁྲལ་བྱེད་བསྡད་ན་ཕན་ཐོགས་གང་ཡང་ཡོད་མ་རེད།
ཧ་ཧ་རེད་ཡ། མི་མང་པོ་ཞིག་གི་སེམས་ལ་དག་ཐབས་མེད་པའི་རྨ་སྦྱིན་མཁན་ནི་བཀྲིས་
དབང་འདུས་ལགས་ཡིན་པ་ངོས་འཛིན་དང་།ཁོང་གི་ཐག་གཅོད་རང་
རབ་ལ་ཡང་སུན་འབྱིན་དང་དོན་མེད་ཁང་ར་བྱེད་བཞིན་པ་དེ་རེད། དེ་ནི་མི་ཕྱོགས་ལྷུང་ཅན་མང་པོ་ཞིག་ལ་ཁོང་གིས་དྲང་བདེན་གྱི་ཐག་གཅོད་
དང་དམངས་གཙོ་རང་དབང་གི་ཐག་གཅོད་བྱས་པ་དེ་ལ་བློ་འདོད་མ་ཁེངས་ནས་སེམས་སྡུག་འཕར་མ་ཞིག་བྱུང་བ་དེ་རེད།
རྒྱུ་མཚན་ནི་ཁོང་གིས་ཐག་གཅོད་གི་ནུགས་ཤུགས་ལ་བརྟེན་ནས་དབུས་གཙང་ཆོལ་ཁའི་མིང་ཁུར་མཁན་མི་སྣ་རེ་ཟུང་གིས་ཕྱོགས་ལྷུང་གི་དམིགས་ཡུལ་དང་ཆགས་སྡང་གིས་ཐག་གཅོད།ཐོག་མར་བཀྲས་མཐོང་གཅིག་བུ་འོས་མི་གསལ་བསྒྲགས་བྱས་པའི་འཁྲབ་སྟོན་གྱི་ལེའུ་དེ་གཏོར་བཤིག་དང་བཀྲས་མཐོང་ཕམ་གཉེན་ཡོད་པ་མཐོང་བ་དེ་རེད༎
སྤྱི་བཏང་བཀྲས་མཐོང་ལ་མ་འོང་པར་རྒྱལ་ཁ་ཐོབ་རྒྱུ།རེ་བ་ཡོད་ཁུལ་
བྱས་ཀྱང་ཆོག་མོད། བཀྲས་མཐོང་ནི་བཀའ་བློན་ཁྲི་པའི་བགྲོ་གླེང་ཡོད་ཚད་ལ་ཕྱིན་ནས་གཏམ་
བཤད་དང་དྲི་ལན་མང་པོ་བྱས་ཡོད། ཡིན་ན་ཡང་བཀྲས་མཐོང་གི་གཏམ་བཤད་དང་དྲི་ལན་དེ་དག་གིས་མི་དམངས་ཀྱིས་འདོད་བློ་མ་ཁེངས་པ་ནི་གསལ་པོ་རེད། དེར་བརྟེན་མ་འོང་པར་གཞིས་ཆགས་ཁག་ལ་འགྲོ་བསྐྱོད་དང་བགྲོ་གླེང་ལ་
ཞུགས་ཀྱང་རྒྱལ་ཁ་འཐོབ་རྒྱུ་ནི་ཧ་ཅང་ཁག་པོ་་རེད༎་བདེན་པ་ཡིན།
བཀའ་ཁྲིའི་འོས་གཞིའི་ཐད་ལ་བསམ་གཞིགས་གཅིག་བྱས་ན་ནི། ཐེངས་དང་པོར་ངའི་བཀའ་ཁྲིའི་འོས་གཞིར་ཆེས་འོས་པ་ནི་གཅིག་རང་དེ་བཀའ་ཟུར་བཀྲིས་དབང་འདུས་ལགས་ཁོ་ན་ཡིན།
འོན་བཏང་ཁོང་གིས་བཀའ་ཤག་ནང་ལོ་ངོ་ ༡༧ ཙམ་ལས་ཀ་བྱས་མྱོང་བ། མི་ཚེ་གང་ཙམ་གཞུང་ཞབས་བྱས་པ། ད་ཆ་ལོ་ན་མཐོ་པོ་ཡིན་པ། གཟུགས་པོ་བདེ་ཐང་མིན་པ་བཅས་ཀྱིས་བཀའ་ཁྲི་གནང་འདོད་མེད་པ་མ་ཟད་བཀའ་ཁྲིའི་དྲྭ་བ་ནས་ཀྱང་ཕྱིར་འཐེན་གནང་བ་བཅས་ཀྱིས་རྐྱེན་ལས་ངས་ཀྱང་ཐ་མ་དེ་བློ་ཐག་བཅད་དེ་བཀའ་ཁྲའི་འོས་གཞི་གཞན་ཞིག་བདམས་པ་ཡིན།
གང་ཡིན་ཟེར་ན་ཁང་གསར་གྱིས་གསུངས་པ་ལྟར་ང་ཡང་ཁོང་གི་གནང་སྟངས་ཡ་མཚན་དང་དོགས་པ་སྐྱེ་གཞི་ཡོད་པའི་གནས་ལུགས་དེར་བརྟེན་ད་ཆ་ཐ་གཅིག་ཏུ་དེར་དགག་བྱ་བྱེད་མཁན་ཞིག་ཏུ་གྱུར་པ་དེ་རེད།
ངའི་རེ་བར་བཀྲས་མཐོང་དང་བློ་སེང་གང་རུང་གགཅིག་རྣམ་པར་རྒྱལ་རྒྱུའི་སྨོན་འདུན་ཞུ་བཞིན་ཡོད། གང་ཡིན་ཟེར་ན་རྒྱ་གུང་ཁྲན་གྱི་ཆབ་སྲིད་དང་། བོད་རྙིང་པའི་སྡེ་པ་གཞུང་གི་ཆབ་སྲིད་འཁྲབ་སྟངས་དེ་ཚོར་དགའ་པོ་ཁྱོན་ནས་མེད། ད་ཆ་དུས་རབས་ ༢༡ པའི་དམངས་གཙོའི་ལམ་ལུགས་ཡང་དག་པའི་ཐོག་ཆབ་སྲིད་སོགས་ཕྱོགས་གང་སར་ཕྱི་གསལ་ནང་གསལ་བྱེད་དགོས་པ་དེ་ལག་ཆེ་དོན་ཆེན་ཡིན།
བཀའ་ཁྲི་ལས་ཀྱང་བཀའ་བློན་ཕྱག་རོགས་གལ་ཆེ། བཀའ་བློན་ཕྱག་རོགས་ལས་ཀྱང་སྤྱི་འཐུས་གལ་ཆེ། སྤྱི་འཐུས་ལས་ཀྱང་རང་ཉིད་གལ་ཆེ།
མདོར་ན། ཡོད་ཚད་རང་ཉིད་ཁོ་ནར་ཐུག་འདུག
བཀུར་འོས་བཀའ་ཟུར་བཀྲིས་དབང་འདུས་མཆོག་གིས་བཀའ་ཟུར་བཀྲས་མཐོང་གི་འོས་ཤོག་ཁ་ཐོར་བཏང་སོང་།
བཀྲས་དབང་ཁོང་ལ་འོས་འཐོབ་རྒྱུ་མིན་པ་ནི་གཏན་འཁེལ་རེད
འོན་ཀྱང་ཁོ་བོས་བཀའ་ཟུར་བཀྲས་མཐོང་མཆོག་ལ་དངོས་གཞིའི་འོས་འཐོབ་རྒྱུར་ཡིད་ཆེས་གཏན་པོ་ཡོད
བཀྲས་མཐོང་རྒྱལ་གྱུར་ཅིག།།
བཀྲ་ཤིས་རབ་བརྟན་ལགས་ཁ་བྲོ
ཁྱེད་ཀྱི་ད་ལྟའི་བོད་ཀྱི་ལས་དབང་སྐྱུར་མོ་འདི་ལ་ཐུགས་བསམ་བཞེད་ནས་དཔྱད་རྩོམ་ལེགས་པོ་ཞིག་སྤེལ་བཀའ་དྲིན་ཆེ།
ཟླ་ཤས་ཀྱི་གོང་ལ་ཁང་གསར་ལགས་ཀྱིས་དཔྱད་རྩོམ་འདི་སྤེལ་སོང།
བཀའ་ཁྲིའི་འོས་གཞིའི་ནང་ནས་ནོར་འཁྲུལ་ཆེ་ཤོས་བྱེད་མཁན་ནི། ཤེས་ཡོན་དང་ཉམས་མྱོང་གིས་ཕྱུག་པའི་བཀའ་ཟུར་བཀྲ་ཤིས་དབང་འདུད་ལགས་རེད། བོད་རྒྱལ་ཡོངས་མང་གཙོ་ཚོགས་པ་དང་དབུས་གཙང་ཆོལ་ཁའི་ཚོགས་པ་གཉིས་ཀས་བཀྲ་ཤིས་དབང་འདུད་ལ་བཀའ་ཁྲིའི་འོས་གཞིར་ལངས་རོགས་ཞུ་དུས། ཁོང་གིས་ཁས་ལེན་གནང་མེད། འོན་ཀྱང་འོས་ཤོག་དངོས་སུ་བསྡུ་ཁའི་ཉིན་ཤས་ཀྱི་སྔོན་དུ་ཁོང་གིས་བསམ་བཏང་དྲན་སྐྱེད་ལྟ་བུས་འོས་གཞིར་ལངས་པ་རེད། དེས་དེ་སྔོན་ཁོང་ལ་བློ་གཅིག་སེམས་གཅིག་གིས་རྒྱབ་སྐྱོར་བྱེད་མཁན་མི་མང་པོར་ཁོང་ཁྲོ་བསླངས་ཤིང་མཇུག་འབྲས་ནི་ད་ལྟ་ཀུན་གྱིས་མཐོང་ཐུབ་པ་དེ་རེད། གལ་སྲིད་ཁོང་གིས་ཐོག་མ་ནས་འོས་གཞིར་ལངས་ཡོད་ཚེ། འོས་གྲངས་མཐོ་ཤོས་ཀྱི་གྲས་སུ་སླེབས་རྒྱུར་ཐེ་ཚོམ་མེད། ད་ཆ་ཁོང་གི་མདུན་དུ་ཐོབ་རེ་མེད་པའི་བཀའ་ཁྲིའི་གོ་གནས་དེའི་ཆེད་དུ་སྐུ་ཚབ་དོན་གཅོད་ཀྱི་ཞབས་སྟེགས་དེ་འཇོག་དགོས་མིན་གྱི་དྲི་བ་སླེབས་ཡོད། ལན་ནི་ཧ་ཅང་གསལ་པོ་རེད། དོན་གཅོད་ཀྱི་ཞབས་སྟེགས་དེ་འཇོག་གི་མ་རེད། བཞག་ན་དངོས་གནས། གཞོན་པའི་ཤེད་ལས་རྒད་པོའི་ཇུས་ཆ་བཟང་།། ཞེས་པའི་ལེགས་བཤད་དེར་སྒྱུར་བཅོས་བྱེད་དགོས།
བཀའ་ཁྲི་ལས་ཀྱང་བཀའ་བློན་ཕྱག་རོགས་གལ་ཆེ། བཀའ་བློན་ཕྱག་རོགས་ལས་ཀྱང་སྤྱི་འཐུས་གལ་ཆེ། སྤྱི་འཐུས་ལས་ཀྱང་རང་ཉིད་གལ་ཆེ།
མདོར་ན། ཡོད་ཚད་རང་ཉིད་ཁོ་ནར་ཐུག་འདུག