ཕྱི་ཚེས་ ༡༤ ཉིན་༼ ཧི་མ་ཅལ་འོད་སྣང ༽ ཞེས་པའི་ཧིན་རྡུའི་ཚགས་པར་སྟེང་གནས་ཚུལ་ཐོན་པ་ལྟར་ན། ཧི་མ་ཅལ་ས་གནས་གཞུང་གིས་མ་འོངས་པའི་ཟླ་ཤས་ནང་། ངྷ་ས་བཞུགས་སྒར་ཕོ་བྲང་དུ་༧གོང་ས་མཆོག་གི་སྐུའི་སྲུང་སྐྱོབ་ཐད་སྔར་ལས་ཤུགས་སྣོན་རྒྱག་རྒྱུའི་ཐག་གཅོད་བྱུང་འདུག
ལས་གཞི་དེའི་ནང་། གནས་རིམ་སེང་གེ་རྟགས་ཅན་གྱི་ཉེན་རྟོག་པ་ ༡ དང་། སྐར་མ་གསུམ་ཅན་ ༡ ། སྐར་མ་གཉིས་ཅན་ ༥ ། སྐར་མ་གཅིག་ཅན་ ༨ ། པི་ཊ་ལ་རྟགས་ཅན་ ༢༩ བཅས་ཁྱོན་བསྡོམས་སྐོར་སྲུང་ཉེན་རྟོག་པ་ ༡༥༠ ཙམ་གྱིས་ཆུ་ཚོད་ཉེར་བཞིའི་རིང་བར་མཚམས་མེད་པར་ལྟ་སྲུང་བྱ་རྒྱུ་ཡིན་འདུག གནས་ཚུལ་དེའི་ནང་བཀོད་པ་ལྟར་ན། ༧གོང་ས་མཆོག་གི་སྐུའི་ཉེན་སྲུང་མཐོར་འདེགས་གཏོང་རྒྱུའི་ལས་གཞི་དེ་ནི། ཉེ་ལམ་བཞུགས་སྒར་ནས་གསང་མྱུལ་བར་དོགས་པ་ཡོད་པའི་མི་གཉིས་འཛིན་བཟུང་བྱས་པ་དང་། ལྷག་པར་དུ་དོལ་རྒྱལ་བསྟེན་མཁན་རིགས་ཀྱིས་བྱ་སྤྱོད་ངན་པ་སྤེལ་སྲིད་པ་བཅས་ཀྱི་ཆེད་ཡིན་སྐོར་བཀོད་འདུག
ད་དུང་ཕོ་བྲང་ཉེ་འཁོར་དུ་དེང་དུས་ཀྱི་སོ་ལྟ་འཕྲུལ་ཆས་དང་ཉེན་སྲུང་འཕྲུལ་ཆས་སོགས་ནར་གཏོང་གནང་འཆར་ཡོད་འདུག་ལ། དེ་བཞིན། ས་གནས་གཞུང་གིས་དབུས་གཞུང་ལ་ཆོག་མཆན་ཞུས་པ་བརྒྱུད་༧གོང་ས་མཆོག་གི་ཆིབས་བསྒྱུར་ལ་སྟབས་བདེ་བསྐྲུན་ཆེད། མེག་གྷན་གཡས་གཡོན་ཞིག་ཏུ་ཐད་འཕུར་གནམ་གྲུ་འབབ་ཐང་ཞིག་ཀྱང་གསར་རྒྱག་བྱ་འཆར་ཡོད་འདུག
གསར་འགོད་པ། དཔལ་ལྡན།
རྒྱ་གར་གཞུང་ལ་སྙིང་ཐག་པ་ནས་ཐུགས་རྗེ་ཆེ་ཞུ་་་་
འཛིན་བཟུང་བྱས་པའི་གསང་མྱུལ་བ་གཉིས་་ད་ལྟ་གང་ན་ཡོད་ན་
དངོས་ནས་ཤེས་ན་འདོད་ཀི་ཡ་་་་་
དཀོན་མཆོག་གསུམ་་་་་
དངོས་གནས་རྒྱ་གར་གཞུང་ལ་ཐུགས་རྗེ་ཆེ་ཞུ
༸སྐུའི་བདེ་འཇཊ་ལ་ཤུགས་སྣོན་ལ་ཐུགས་རྗེ་བཀའ་དྲིན་ཤིན་ཏུ་ཆེ་ཞེས་གྲངས་མེད་པ་ཞུའོ། །
གནམ་གྲུ་འབའ་ཐང་། གནམ་གྲུ་འབབ་ཐང་།
རྡ་ས་ནས་འཛིན་བཟུང་བྱས་པའི་གསང་མྱུལ་བར་དོགས་ཡོད་མི་སྣ་གཉིས་དེ་མི་རིགས་དང་ཕ་ཡུལ་སོགས་ཀྱི་གནས་ཚུལ་ངོ་མ་ཤེས་ན་འདོད་པས་ཐེར་སྟོན་ཡོང་བར་ཞུ།
བཀྲིས་པའི་གཏམ་བཟང་རེད། མངའ་སྡེ་གཞུང་གིས་ང་ཚོར་དེ་ལས་ལྷག་པའི་རོགས་སྐྱོར་ཞིག་གནང་རྒྱུ་མེད། བཀྲིན་ཤིན་ཏུ་ནས་ཆེ་ཞུ་རྒྱུ་ཡིན།
དེ་རིང་གནས་ཚུལ་འདིའི་རྒྱུད་ནས་ངེད་བོད་པ་ཚང་གི་དོལ་རྒྱལ་ཚོགས་པ་དང་དེ་དང་འབྲེལ་ཡོད་མི་སྣ་གང་ཡིན་རུང་དོག་ཟོན་སྔོན་ལས་ལྷག་པར་བྱ་དགོས་ངེས་ཡིན།
དོལ་རྒྱལ་ཚོགས་པ་ཁ་ལ་ཁྱེར་ནས་རྒྱ་མིའི་གསོག་པ་འགའ་ཞིག་གིས་བོད་པ་ནང་ཁུལ་མི་མཐུན་པ་བྱེད་སྲིད་པ་མིན་པས་དེའི་རིགས་ལའང་དོ་སྣང་གནང་དགོས།
༄༅། །རྒྱ་གར་གཞུང་དང་ལྷག་པར་ཧི་མ་ཅལ་ས་གནས་གཞུང་ལ་ངས་མཐོ་སྒང་བོད་པ་ཡོངས་ཀྱི་ངོ་ཚབ་ཞུ་སྟེ་བཅོས་མིན་གྱིས་ཐུགས་རྗེ་ཆེ་ཞུ་རྒྱུ་དང་བསྒྲགས་བོད་གཞུང་སྡེ་གསུང་ལས་ཁུང་ལ་འབོད་སྐུ་ཞུ་ཡག་ཞིག་ལ་ཁྱོད་རྣམ་པས་ལྷག་བསམ་རྣམ་དག་གིས་ཉིན་མཚན་དབྱེར་བ་མེད་པར་སྐུའི་གསྲུ་སྐྱོབ་ལ་འགན་ལེན་ཞུ་བཞིན་ཡོད་ན་ཡང་དེང་གི་དུས་འདིར་ནམ་ཡང་ལྷོད་པར་མེད་པར་སྔོན་ལས་ལྷག་པར་གནང་དགོས་པ་ནི་ཁྱོད་རྣམ་པའི་ཕྲག་ཏུ་བབས་པའི་འགན་ཁྲིས་ཡིན་པར་ངེས་པའི་ཐོག་རྒྱ་གར་གཞུང་ལས་ལྷག་པའི་སྲུང་སྐྱོབ་གནང་དགོས་ངེས་ཡིན།