ཁ་སང་བོད་གཞུང་བཀའ་ཤག་གི་ཚོགས་ཁང་དུ་༧གོང་ས་མཆོག་གི་དམིགས་བསལ་སྐུ་ཚབ་སྐལ་བཟང་རྒྱལ་མཚན་མཆོག་གིས་སྐབས་བཅུ་བཞི་བའི་བཀའ་བློན་ཁྲི་པའི་དངོས་གཞིའི་འོས་མི་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་དང་བཀའ་ཟུར་བཀྲ་ཤིས་དབང་འདུས་ལགས། ཁྲིམས་ལུགས་ཆེད་མཁས་པ་བློ་བཟང་སེང་གེ་ལགས་གསུམ་ལ། ཕྱི་ལོ་ ༡༩༧༩ ལོ་ནས་བོད་རྒྱའི་འབྲེལ་མོལ་གྱི་སྤྱིའི་གནས་བབ་དང་། རྒྱ་ནག་གི་སྲིད་འཛིན་ཏིན་ཞོ་ཕིན་གྱིས་བོད་རང་བཙན་ལས་གཞན་པའི་གནས་ཚུལ་ཚང་མ་གྲོས་མོལ་གྱི་ལམ་ནས་ཞི་འགྲིག་ཐུབ་པའི་གྲོས་མགོ་བཏོན་པ་ནས་ད་ལྟའི་བར་གྱི་འབྲེལ་མོལ་གྱི་བརྒྱུད་རིམ་ངོ་སྤྲོད་གནང་ཡོད་འདུག
འདིའི་ཐད་དེ་རིང་འདི་གའི་གསར་འགོད་པས་བཙན་བྱོལ་བོད་གཞུང་གི་མགྲིན་ཚབ་པ་ཐུབ་བསྟན་བསམ་འཕེལ་ལགས་སུ་ཞིབ་ཕྲའི་གནས་ཚུལ་བཅར་འདྲི་ཞུས་པར། ཁོང་གིས། ཁ་སང་༸གོང་ས་མཆོག་གི་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ཀྱིས་སྐབས་གསུམ་པའི་བཀའ་ཁྲིའི་འོས་མི་གསུམ་ལ་བོད་རྒྱ་ཞི་མོལ་གྱི་གནས་བབ་འགྲེལ་བཤད་གནང་བ་རེད། དེ་ཡང་གཙོ་བོ་ ༡༩༧༩ ལོར་རྒྱ་ནག་གི་སྲིད་འཛིན་ཏིན་ཞོ་ཕིན་གྱིས་སྐུའི་གཅེན་པོ་རྒྱ་ལོ་དོན་འགྲུབ་མཆོག་དང་འབྲེལ་བ་གནང་སྟེ། བོད་རང་བཙན་མ་ཡིན་པའི་གནད་དོན་གཞན་ཚང་མ་འབྲེལ་མོལ་གྱི་ལམ་ནས་སེལ་ཆོག་པའི་བཀའ་གནང་བ་ནས་ ༢༠༡༠ ལོའི་ཕྱི་ཟླ་ ༡ པོའི་བར་སྐུ་ཚབ་ཐེངས་དགུ་ཕེབས་པའི་གནས་ཚུལ་གྱི་བྱུང་རིམ་དང་། བོད་རྒྱ་འབྲེལ་མོལ་སྐབས་ཚུར་ཕྱོགས་ལ་གནང་བའི་ཤོག་ངོས་ ༦༢༣ ཅན་གྱི་བཀའ་མོལ་སྐོར་དང་། རྒྱ་མིར་ཕར་སྤྲད་པའི་ཤོག་ངོས་ ༢༠༠ ཅན་གྱི་ནང་དོན་སོགས་ངོ་སྤྲོད་གནང་བ་རེད།
ཅེས་དང་། ཡང་ཁོང་གིས། ལས་རིམ་འདིའི་དམིགས་ཡུལ་གཙོ་བོ། ད་ལྟའི་ཆར་འཛམ་གླིང་ནང་གི་དམངས་གཙོའི་རྒྱལ་གང་ཡིན་ཡང་སྲིད་འཛིན་དང་སྲིད་བློན་གྱི་འོས་མི་རྣམས་ལ་ཡར་སྔོན་ནས་རྒྱལ་ཁབ་རང་གི་ཆབ་སྲིད་ཀྱི་འགྲོ་སྟངས་དང་ལངས་ཕྱོགས་སོགས་འགྲེལ་བཤད་བྱ་རྒྱུ་དེ་འགྲོ་སྟངས་ཤིག་ཆགས་ཡོད་པ་ལྟར། བོད་གཞུང་གི་ངོས་ནས་ཀྱང་མ་འོངས་པའི་བཀའ་ཁྲིའི་འོས་མི་དག་ལ་ད་ལྟའི་བཙན་བྱོལ་བོད་གཞུང་གི་འཛིན་སྐྱོང་གི་སྲིད་བྱུས་དང་རྒྱབ་ལྗོངས་ཀྱི་གནས་ཚུལ། བོད་རྒྱ་འབྲེལ་མོལ་གྱི་བྱུང་རིམ་དང་ད་ལྟའི་གནས་བབ་དང་མ་འོངས་ལས་དོན་བྱེད་ཕྱོགས་སོགས་ལ་དམིགས་ཏེ། ཐེངས་འདིར་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་གཙོས། བོད་རྒྱ་ཞི་མོལ་ལས་དོན་ཚོགས་ཆུང་གི་ལས་བྱེད་འཇིགས་མེད་པ་སངས་ལགས་དང་སྐལ་བཟང་ཚུལ་ཁྲིམས་ལགས་བཅས་རྣམ་པ་གསུམ་གྱིས་ཆུ་ཚོད་ ༣ གྱི་རིང་བཀའ་ཁྲིའི་འོས་མི་གསུམ་ལ་འགྲེལ་བཤད་གནང་བ་རེད་ལ། ལས་རིམ་འདི་དམིགས་བསལ་སྐུ་ཚབ་རྣམ་གཉིས་ཀྱིས་བཀའ་ཁྲི་མཆོག་ལ་གོ་བསྡུར་དང་༧གོང་ས་མཆོག་ལ་སྙན་སེང་དང་བཀའ་འཁྲོལ་གནང་སྟེ་གོ་སྒྲིག་གནང་བ་ཞིག་ཆགས་ཡོད་པ་རེད། ཅེས་གསུངས་བྱུང་།
གསར་འགོད། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཡང་བསྐྱར་གསལ་བཤད་བྱ་དགོས་པ་ཞིག་ལ་་་་་ཁྱེད་ནས་གསལ་འགོད་གསལ་བསྒྲགས་གནང་སྐབས་རྣ་བ་གསལ་པོ་ཉན་ཡོད་བཟོ་མིན་འདུག་་་་་་་་དཔེར་ན་ཁྱེད་ནས་བྲིས་པའི་གསར་འགྱུར་ནང་་་་(((((བོད་རྒྱ་འབྲེལ་མོལ་སྐབས་ཚུར་ཕྱོགས་ལ་གནང་བའི་ཤོག་ངོས་ ༦༢༣ ཅན་གྱི་བཀའ་མོལ་སྐོར་དང་། རྒྱ་མིར་ཕར་སྤྲད་པའི་ཤོག་ངོས་ ༢༠༠ ཅན་གྱི་ནང་དོན་སོགས་ངོ་སྤྲོད་གནང་བ་རེད།)))))་ཅེས་འཁོད་འདུག་་་་་་དེ་འདྲ་རྩ་བ་ནས་མ་རེད་་་་་བོད་རྒྱ་ཞི་མོལ་ཐེངས་དགུ་ཙམ་བྱས་ཏེ་ཕན་ཚུན་གོ་བསྡུར་བྱས་པའི་ཚིག་ཐོ་ཤོག་གྲངས་་༦༢༣་བཤད་པ་མ་གཏོགས་་་་་ཕར་ཕྱོགས་དང་ཚུར་ཕྱོགས་ཀྱི་སྐད་ཆ་གང་ཡང་མེད་་་་་་
མ་གཞི་ངས་འདིའི་སྐོར་ལ་བདུན་ཕྲག་སྔོན་མ་རྒྱས་བཤད་བྱས་ཡོད་ཀྱང་མཆན་ལ་ཞིབ་བཤེར་བྱས་རྗེས་བརྗོད་གཞི་དང་མཐུན་མེད་པ་འདྲ་་་་་་་་་་??????རྒྱས་གཟིགས་གནང་ཚེ་བོད་གཞུང་དྲ་གྱའི་ཐོག་ཕེབས་་་་་་www. Tibet.net
གུས་བཀུར་འོས་པའི་དུས་འབབ་ཀྱི་གསར་འགོད་པ་དོན་དོ་ལགས།།།།།།།།།་་གསར་འགྱུར་བྲིས་སྐབས་ཚོགས་རྭ་གཅིག་གི་ནང་དུ་ལྷན་འཛོམས་བྱུང་བའི་གསར་འགོད་པ་སོ་སོའི་ཡི་གེའི་བྲི་རྩལ་དབང་གིས་གསར་འགྱུར་རྒྱས་འབྲིང་མཐའ་གསུམ་བྱུང་སྲིད་ཀྱང་་་་་་་གང་ཟག་གཅིག་གི་བཏགས་མིང་ལ་རྒྱས་འབྲིང་མཐའ་གསུམ་བྱུང་ཨེ་སྲིད་་་་་་དཔེར་ན་་་་་བོད་རྒྱ་ཞི་མོལ་ཚོགས་ཆུང་གི་ལས་བྱེད་པ་་་་་སྐལ་བཟང་ཚེ་རིང་ལགས་སུ་་་་་་ཁྱེད་ནས་སྐལ་བཟང་ཚུལ་ཁྲིམས་་་་་་བྲིས་ན་ཨེ་འགྲིགས་་་་་་་་་་་་གསར་འགྱུར་འཚོལ་ཞིབ་བྱེད་སྐབས་སྔོན་ལ་ཤེས་དགོས་པ་ནི་ས་གནས་དང་་་་གྲོས་གཞི་་་་་་གང་ཟག་སུ་ཡིན་མིན་བཅས་ནི་གསར་འགྱུར་ནང་མེད་དུ་མི་རུང་བའི་ཆ་ཤས་ཤིག་མིན་ནམ་སྙམ་་་་་
བོད་རྒྱ་འའབྲེལ་མོལ་ལམ་གྲོས་མོལ་ཟེར་བ་དེ་སྔ་ས་ནས་ཐ་ན་ཉམས་ཆུང་མི་དམངས་ཤེས་དམན་ཚོས་ཀྱང་ངོ་འཕྲོད་གསལ་པོ་བྱུང་ཡོད་ཚོད་ཡིན།
ཁོང་ཚོར་ངོ་སྤྲོད་བྱེད་དགོས་པ་དེ་རྒྱལ་པོ་སྲོང་བཙན་སྒམ་པོའི་རྩ་ཆེའི་ཆབ་སྲིད་ཀྱི་རང་བཞིན་དང་། ཐབས་ཇུས་ཀྱི་རང་བཞིན། མི་རིགས་ཀྱི་ལ་རྒྱ། མི་འབོར་གྱི་མང་ཉུང་། མི་དམངས་ཀྱི་འཚོ་བ། མི་དམངས་ཀྱི་གོ་རྟོགས། དམག་དོན་གྱི་སྟོབས་ཤུགས། དཔལ་འབྱོར་གྱི་གནས་སྟངས། རིག་གཞུང་ནང་འདྲེན། དགྲ་འདུལ་གཉེན་སྐྱོང་། གཅིག་གྱུར་ཁྲིམས་སྲོལ། དཔའ་མཛངས་རྟུལ་ཕོད། སྙིང་སྟོབས་དར་སྤེལ་སོགས་ཀྱི་ཆེས་གལ་གནད་ཆེ་བའི་གནད་དོན་འདི་དག་ངོ་སྤྲོད་ཡག་པོ་གཅིག་བྱེད་དགོས།
གང་ཡིན་ཟེར་ན་ཁོང་ཚོ་གསུམ་གྱིས་ད་ཆ་དམག་ཁས་ལེན་བྱས་ཏེ་མདུང་སྐེད་པར་གཟེར་གྱི་ཡིན་ཞེས་བོད་རྒྱ་ཆེའི་མི་དམངས་ཀྱི་མདུན་སར་ཁས་ལེན་བྱེད་ཀྱིན་ཡོད་སྟབས། ཁོང་ཚོས་བོད་རྒྱལ་ཁབ་དང་བོད་མི་རིགས་ཀྱི་ལས་དབང་ཁ་ལོར་བསྒྱུར་བསམས་ན་གོང་བཤད་གནད་དོན་འདི་ཚོར་བསམ་བློ་མ་གཏོང་ཀ་མེད་ཡིན།
གནད་དོན་འདི་དག་ལ་དབྱེ་ཞིབ་ཡང་དག་གཅིག་བྱས་ཏེ་ལག་བསྟར་དོན་འཁྱོལ་རྒྱུན་འཁྱོངས་ཡག་པོ་གཅིག་བྱེད་མ་བྱུང་ཚེ་ད་གཟོད་དགའ་ལྡན་ཕོ་བྲང་གི་སྲིད་སྟེགས་སུ་མགོན་པོ་ཕྱག་དྲུག་ཡིན་ཟེར་མཁན་སུ་ཞིག་སླེབས་ཀྱང་དོན་དངོས་ཐོག་མཚན་མོ་མལ་གྱི་རྨི་ལམ་ཙམ་ལས་གྲུབ་འབྲས་གཞན་ཅི་ཡང་སྨིན་མི་སྲིད།
དེས་ལས་ཐབས་སྡུག་ས་ནས་བཤད་ན་ཐ་མ་དེར་རང་སྲིད་དགྲ་ལ་ལོག་པར་འགྲོ་བའི་ཉེན་ཁ་ཡང་མེད་པ་མིན།
ངོ་སྤྲོད་བྱས་ཏེ་སྲིད་བྱུས་བརྒྱུད་སྤྲོད་བྱེད་པའི་དམངས་གཙོའི་ལམ་སྲོལ་དག་ལ་ཁ་མིག་ཡར་ལྟ་བྱེད་བཞིན་པ་དེ་ནི་ཡག་པོ་རེད། དེར་མ་གཏོགས་བོད་རྒྱ་ཞི་མོལ་མ་གཞི་ཀླད་གོར་ཅིག་རེད། དམིགས་བསལ་གྱི་དགེ་བ་ཆེན་པོ་ཞིག་ཡོད་མི་སྲིད། ཏིན་ཞོ་ཕེན་ཤི་ནས་ལོ་མང་འདས་ཟིན་པ་རེད། སྐད་ཆ་དེའི་རིན་ཐང་ཡང་ཏིན་གྱི་རུས་ཐལ་དང་ལྷན་དུ་རླུང་དང་ཆུས་ཁུར་ཚར་བ་རེད། གུང་བྲན་ཏང་ནི་སྐད་ཆ་ཚིག་འགའ་དང་ཡི་གེ་ཤོག་ལྷེ་འགའ་རྩིས་མེད་དུ་གཏོང་རྒྱུར་ངོ་གནོངས་མཁན་ཞིག་རྩ་བ་ཉིད་ནས་མ་རེད། མའོ་ཙེ་ཏུང་ཤི་རྗེས་ཁོའི་གཏམ་བཏུས་དཔེ་དེབ་ཆ་ཚང་ལ་བསྒྱུར་བཅོས་བཏང་བ་རེད། ཀྲུའུ་ཝེ་ཆོན་གྱིས་ཏིན་ཞོ་ཕེན་གྱི་སྐད་དེ་སྔར་ནས་རྩིས་མེད་བཟོས་སོང་ང་། ད་ཡང་བསྐྱར་ཤི་ཟིན་པའི་སྐད་ཆ་ཞིག་བསྐྱར་དུ་གླེང་ནས་ཧ་ལམ་ཅང་ཡོང་རྒྱུ་ཡོད་ནི་མ་རེད། གུང་བྲན་ཏང་རྩད་རྫོགས་མ་བྱས་བར་དུ་དུས་ནམ་ཡང་གུང་བྲན་ཏང་ཡིན་ནི་རེད། དེ་རིང་བཤད་པ་སང་ཉིན་འགྱུར་གི་རེད། སྔོན་མ་གུང་བྲན་ཏང་ཐོག་མར་རྒྱ་ནག་འདྲེ་ལངས་རྒྱག་སྐབས་རྒྱལ་ཕྲན་མཉམ་འབྲེལ་འཛུགས་རྒྱུ་ཡིན་ཅེས་ཀྱང་བརྗོད་མྱོང་ཡོད་པ་རེད་དཱ།
བོད་རྒྱ་གཉིས་ནི་ཞི་གྲོས་ཀྱིས་སྒོ་ནས་ཕན་ཚུན་དཀའ་རྙོགས་སེལ་ཐབས་བྱེད་པ་ནི་བོད་རྒྱ་ཡོངས་ཀྱི་ཐད་ནས་བྱེད་འོས་པ་ཞིག་དང། ངེས་པར་དུ་བྱེད་དགོས་པ་ཞིག་ཡིན་ཀྱང་། འཀའ་རྙོགས་འདི་སེལ་བར་བྱེད་པ་ལ་བོད་གཞིས་བྱེས་གཉིས་ཀྱི་བླ་ན་མེད་པའི་དབུ་ཁྲིད་༸གོང་ས་ལྷ་མིའི་རྣམ་འདྲེན་རྒྱལ་བ་ཡིད་བཞིན་ནོར་བུ་ཞལ་བཞུགས་པའི་སྐབས་འདིར་ཕན་ཚུན་འཆམས་མཐུན་གྱི་སྣེ་ཁྲིད་འོག ཕན་ཚུན་གཉིས་ཐད་ནས་སྣང་བ་དགྲར་མི་སྡང་བར་བློ་གཟུ་བོར་གནས་པའི་ངང་ནས་གཞིས་བྱེས་མཉམ་འཛོམས་ཀྱི་གོ་སྐབས་དེ་སྤྲོད་དང་མི་སྤྲོད་རྒྱ་ནག་གི་ལག་པ་ཉག་གཅིག་ལས་གཞན་དུ་མང་མང་བཤད་བཤད་གང་བྱས་ཀྱང་དོན་གྱི་གྲུབ་འབྲས་ཞིག་ཡོང་ཁག་པས་རྒྱ་ནག་གི་ངོས་ནས་བསམ་བློ་ཞིབ་མོ་ཞིག་བཏང་རྒྱུ་མེད་པ་གང་ཡིན་ནམ། ད་ལྟ་ཁོ་ཚོས་མེས་རྒྱལ་ཞེས་བསྟོད་བསྔགས་ཞིབ་པོ་ཞིག་བཏང་བ་དེ་དོན་ལ་རྩ་བ་ནས་གནས་མེད་༸གོང་ས་མཆོག་གཙོས་པའི་གངས་ཅན་བོད་ཀྱི་རྒྱལ་ཁབ་ཆེན་པོའི་འཛམ་གླིང་ན་སྙན་གྲགས་ཅན་གྱི་སྐྱེས་ཅན་དམ་པ་རྣམས་དང་ཤེས་ཡོན་ཅན་གྱི་གསར་སྐྱེས་ཀྱི་བོད་རིགས་ཡོད་དོ་ཅོག་ཀུན་རང་ཡུལ་དུ་ལོགས་པའི་ཉིན་མོ་དེ་ནས་བཟུང་རྒྱ་ནག་འདི་འཛམ་བུའི་གླིང་གི་སྒང་ལ་མེས་རྒྱལ་ངོ་མ་ཞིག་ཆགས་ཡོད་པ་རྒྱ་ནག་གི་མི་ཤེས་པ་གང་ཡིན། འདི་ལྟ་བུའི་གཉིས་ཕན་གྱི་དབུ་མ་ཆེན་པོ་འདི་ལ་མོས་མཐུན་ཙམ་མ་བྱས་པར་ཇི་མི་སྙོམས་པར་གང་དང་གང་བཤད་པ་ལོགས་པ་ཁོ་ནར་ལྟག་སྤྲོད་བྱེད་ནས་མི་དམངས་ལ་ཁྱབས་སྤེལ་ཀྱང་ཅིག་བྱས་པ་གང་ཡིན་ནམ། གཉིས་མཐུན་ནི་གཉིས་ཀ་ལ་དགོས་ཀྱི་མེ་མདའ་ཁོ་ནས་དྲག་པོའི་རྩུབ་སྤྱོད་ཀྱིས་མི་བུ་རྣམས་སྐྲག་སྣང་དང་འཇིགས་སྣང་ཅན་གྱི་རྟག་པར་བཀབ་སྡོད་ན་རྒྱལ་ཁབས་ལ་བདེ་ཐབས་ཞིག་དུས་ག་དུས་ན་ཡོངས་སྲིད་དམ། བཙན་བྱོལ་བའི་གྲོས་གཞི་གང་དང་གང་འདོན་ན་གཏིང་ནས་ཡིད་ཆེས་མེད་པར་ངན་བྱུས་ཤ་སྟག་ཏུ་བསྒྱུར་བ་མ་ཚད་དོན་རྐྱེན་ཡོད་ཚད་སྐུ་མདུན་ཁོ་ནའི་བྱས་ལས་སུ་བསྒྲང་སྟེ་(ཏ་ལའི་རུ་ཚོགས)་ཞེས་ཇག་ཚོ་ལྟ་བུའི་སྡང་གཟུགས་སྟོན་ཅིང་གཞི་མེད་བསྙོན་འཛུག་ཁོ་ནས་བོད་མི་རིགས་ཀྱི་ལ་ཞེན་ཡོད་ཚད་འཛིན་བཟུང་བཙོན་འཇུག་འདི་ལྟར་བྱེད་དགོས་པའི་རྒྱུ་མཚན་གང་ཡིན་ནམ། དེར་བརྟེན་གྲོས་མོལ་ནི་ད་དུང་ཡང་བསྐྱར་མུ་མཐུད་བྱེད་དགོས་པ་དེ་གནད་འགག་ཆེན་པོ་ག་ཚོད་ཙམ་ཡིན་ནམ།