༸གོང་ས་མཆོག་གིས་འདི་ལོའི་ཕྱི་ཟླ་ ༡༢ པའི་ཚེས་ ༣༡ ནས་ ༢༠༡༢ ལོའི་ཕྱི་ཟླ་ ༡ པོའི་ཚེས་ ༡༠ པར་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་སོ་གཉིས་པ་དེ་གནང་རྒྱུ་ཡིན་འདུག
ཉེ་ཆར་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་རྡོ་རྗེ་མཁའ་འགྲོ་མཆོག་དང་བཞུགས་སྒར་རྣམ་རྒྱལ་གྲྭ་ཚང་། དགེ་ལུགས་སྨོན་ལམ་ཚོགས་ཆུང་གསུམ་གཙོས་པའི་རང་རིགས་དད་ལྡན་པ་དང་ཕྱི་རྒྱལ་མི་སྣ་བཅས་ཀྱིས་༸གོང་ས་མཆོག་ལ་འདི་ལོའི་ལོ་མཇུག་ཏུ་དཔལ་དུས་ཀྱི་འཁོར་ལོའི་དབང་ཆེན་གནང་རྒྱུའི་གསོལ་འདེབས་གནང་བ་ལྟར། ༸གོང་ས་མཆོག་གིས་ཞལ་བཞེས་ཐོབ་སྟེ། འདི་ལོའི་ཕྱི་ཟླ་ ༡༢ པའི་ཚེས་ ༣༡ ནས་ལོ་རྗེས་མའི་ཕྱི་ཟླ་ ༡ པོའི་ཚེས་ ༡༠ བར་གནས་མཆོག་རྡོ་རྗེ་གནད་དུ་དུས་འཁོར་དབང་ཆེན་ཐེངས་སོ་གཉིས་པ་དེ་གནང་གཏན་འཁེལ་ཡོད་འདུག
ཐེངས་འདིའི་དུས་འཁོར་དབང་ཆེན་གྱི་ལས་རིམ་ལྟར་ན། ཕྱི་ལོ་ ༢༠༡༢ ཟླ་ ༡ ཚེས་ ༡ ཉིན་དང་ ༢ ཉིན་གཉིས་རིང་ས་ཆོག་དང་། ཚེས་ ༣ ཉིན་ནས་ ༥ བར་སྔོན་འགྲོའི་གསུང་ཆོས་སུ་སློབ་དཔོན་ཀ་མ་ལ་ཤཱི་ལས་མཛད་པའི་སྒོམ་རིམ་བར་པ་གནང་རྒྱུ་དང་། དེ་ནས་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མ། དགེ་བཤེས་གླང་ཐང་པ་རྡོ་རྗེ་སེངྒེས་མཛད་པའི་བློ་སྦྱོང་ཚིག་བརྒྱད་མ། དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་འཇིག་རྟེན་ལས་འདས་པའི་བསྟོད་པ་བཅས་ཀྱི་བཀའ་དབང་བསྩལ་འཆར་ཡོད་པ་པ་དང་། ཕྱི་ཚེས་ ༦ ཉིན་མཆོད་གར་དང་། ཕྱི་ཚེས་ ༧ ཉིན་སྟ་གོན། ཕྱི་ཚེས་ ༨ ནས་ ༩ ཉིན་གྱི་ཉིན་གཉིས་རིང་བཀའ་དབང་དངོས་གཞི། ཕྱི་ཚེས་ ༡༠ ཉིན་ཚེ་དབང་དང་བརྟན་བཞུགས་བསྟར་འབུལ་བཅས་ཀྱི་ལས་རིམ་བསྒྲིགས་འདུག
ཁ་སང་ཕྱི་ཚེས་ ༡༣ ཉིན་འདི་གའི་གསར་འགོད་པའི་བཞུགས་སྒར་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག་ལ་ཐེངས་འདིའི་དུས་འཁོར་དབང་ཆེན་དང་འབྲེལ་བའི་གནས་ཚུལ་ཁག་ཅིག་གི་ཐད་བཅར་འདྲི་ཞུས་པར་ཁོང་གིས་གསུངས་དོན། ང་ཚོའི་ངོས་ནས་འདི་ལོའི་ཝར་ནའི་གསུང་ཆོས་ཀྱི་སྐབས་སུ་༸གོང་ས་མཆོག་གིས་རྡོ་རྗེ་གདན་དུ་དུས་འཁོར་དབང་ཆེན་གནང་འཆར་ཡོད་པའི་བཀའ་སློབ་དང་། ༢༠༠༦ ལོར་དཔལ་ལྡན་འབྲས་སྤུངས་དུ་དུས་འཁོར་དབང་ཆེན་གནང་བ་ནས་ད་ལྟའི་བར་ལོ་གང་འཚམ་ཞིག་ལ་དུས་འཁོར་དབང་ཆེན་གནང་རྒྱུའི་གོ་སྐབས་བྱུང་མེད་སྟབས། ཐེངས་འདིར་ཨ་རི་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་རྡོ་རྗེ་མཁའ་འགྲོ་མཆོག་གིས་ཐེངས་མང་པོར་སྙན་སེང་ཞུས་ཡོད་པ་དང་། གཞན་དད་ལྡན་སྦྱིན་བདག་ཉི་ཤུ་རྩ་གྲངས་ཤིག་གིས་སྙན་སེང་ཞུས་པའི་གྲས་སུ་ང་ཚོ་དམིགས་བསལ་༸གོང་ས་མཆོག་གི་སྐུ་བཅར་ཕན་བདེ་ལེགས་བཤད་གླིང་གྲྭ་ཚང་ཡིན་པ་དང་། རྡོ་རྗེ་གདན་དུ་ང་ཚོའི་ཡན་ལག་ལྟ་བུའི་གྲྭ་ཚང་ཡོད་པ་བཅས་ལ་བརྟེན་ཏེ། ༸གོང་ས་མཆོག་གི་བཞུགས་གནས་སོགས་ཕྱོགས་མང་པོ་ཞིག་ལ་མཐུན་འགྱུར་ཞུ་ཐུབ་པར་དམིགས་ཏེ། ཐེངས་འདིའི་སྦྱིན་བདག་གི་གྲས་སུ་ཞུགས་པ་ཡིན།
ད་ལྟའི་ཆར་སྤྱི་ཡོངས་ཀྱི་གོ་སྒྲིག་འདི་འདྲ་རེད་ཅེས་བཤད་དཀའ་ཡང་། ཉེ་ཆར་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་མཆོག་གིས་ཐོག་མར་ཨ་རུ་ནཱ་ཅལ་རང་དུ་དུས་འཁོར་དབང་ཆེན་གྱི་གྲྭ་སྒྲིག་ཚོགས་ཆུང་ཞིག་བཙུགས་ཏེ་ཁོང་ཚོ་རང་གིས་གོ་སྒྲིག་ཞུ་རྒྱུར་གྲ་སྒྲིག་ཅིག་བྱས་ཡོད་པ་འདྲ། ཁས་ཉིན་ང་ཚོའི་གྲྭ་ཚང་དང་དགེ་ལུགས་སྨོན་ལམ་ཚོགས་ཆུང་། གཞན་པའི་སྦྱིན་བདག་ཁག་བཅས་ཀྱིས་ཀྱང་ཚོགས་ཆུང་ཞིག་ཟུར་དུ་བཙུགས་ཏེ་ཉིན་གཉིས་རིང་ཚོགས་འདུ་ཚོགས་པ་ཡིན། སྐབས་དེར་ང་ཚོས་སྦྱིན་བདག་གཙོ་བོ་མངའ་སྡེ་སྤྱི་ཁྱབ་བློན་ཆེན་ལས་གཞན་པའི་སྨོན་ལམ་ཚོགས་ཆུང་གི་ངོས་ནས་གདན་ས་གསུམ་གཙོས་པའི་བཙུན་མ་བཅས་ལ་དུས་འཁོར་དབང་ཆེན་སྐབས་གསོལ་ཇ་སོགས་གོ་སྒྲིག་གནང་རྒྱུ་དང་། ང་ཚོ་རྣམ་རྒྱལ་གྲྭ་ཚང་གི་ངོས་ནས་སྔོན་མ་ནས་དུས་འཁོར་དབང་ཆེན་ཁག་གི་དཀྱིལ་འཁོར་བཞེངས་རྒྱུ་དང་བསྒྲུབ་རྒྱུ་བཅས་སུ་སྐུ་འདུན་ལ་ཞབས་ཞུ་སྒྲུབ་བཞིན་པ་ལྟར། ཐེངས་འདིའི་དུས་འཁོར་དབང་ཆེན་སྐབས་ཀྱང་ལས་དོན་དེ་རིགས་ང་ཚོས་འགན་ལེན་བྱས་པ་ཡིན།
དེ་ལས་གཞན། ད་ལྟའི་ཆར་དུས་འཁོར་དབང་ཆེན་གྱི་དུས་ཚེས་དང་ས་གནས་གཏན་འཁེལ་བ་ལས་སྤྱི་ཡོངས་ཀྱི་གོ་སྒྲིག་ཞུ་ཕྱོགས་ཞིབ་ཚགས་ཀྱིས་བཤད་ཁག་པོ་ཞིག་རེད། ཕྱི་ཟླ་ ༥ བའི་ཚེས་ ༡ ཉིན་བཞུགས་སྒར་དུ་ཐེངས་འདིའི་དུས་འཁོར་དབང་ཆེན་གྱི་སྦྱིན་བདག་ཚང་མ་མཉམ་འཛོམས་ཀྱིས་གྲོས་བསྡུར་ཞིག་བྱ་འཆར་ཡོད་པ་རེད། སྐབས་དེར་མཛད་རིམ་ཞིབ་རྒྱས་འཆར་འགོད་དང་། ཆོས་ཞུ་བ་སོགས་སྤྱི་ཡོངས་ཀྱི་བདེ་འཇགས། ལྷག་པར་དུ་༸གོང་ས་མཆོག་སྐུ་གི་སྐུའི་བདེ་འཇགས་སོགས་ང་ཚོ་རྣམ་རྒྱལ་གྲྭ་ཚང་གི་གནང་འཆར་ཡོད་ལ། མངའ་སྡེ་བློན་ཆེན་ཁོ་རང་གི་ངོས་ནས་ཀྱང་ཐེངས་འདིའི་དུས་དབང་གི་སྐབས་སུ་གང་ཐུབ་གནང་རྒྱུའི་ཁས་ལེན་བྱས་ཡོད་པ་རེད། དོན་དག་གཞན་པ་ཞིག་ལ། མངའ་སྡེ་སྤྱི་ཁྱབ་བློན་ཆེན་མཆོག་གི་རེ་འདོད་ལྟར། ཐེངས་འདིའི་དུས་དབང་གི་སྐབས་ཆོས་བརྒྱུད་རིས་མེད་ཀྱི་སྨོན་ལམ་ཚོགས་གཏན་འཁེལ་ཡོད། ཅེས་གསུངས་སོང་།
གསར་འགོད་པ། དོན་གོ
ང་ཡི་ཨ་མ་གཙོ་བྱས་ཕ་ཡུལ་ཀྱི་དད་ལྡན་ཆོས་ཞུ་བ་ཡོངས་ཀྱི་རེ་བ་ལྟར་༧རྒྱལ་བ་ཡིད་བཞིན་ནོར་བུའི་ཞལ་མཇལ་གསུང་ཐོས་པའི་སྐལ་བཟང་འཆར་བར་ཤོག། ལམ་ལ་བར་ཆད་མི་ཡོང་བར་ཤོག།
༸གོང་ས་མཆོག་གིས་གནས་མཆོག་རྡོ་རྗེ་གདན་དུ་དུས་དབང་གི་དཀའ་དྲིན་རྩལ་གནང་བ་དེ་ནི་དེང་གི་སྤྱི་ཚོགས་ཟང་ཟིང་དང་རང་བྱུང་ཚོད་ཚེ་རྫོགས་རྒྱུ་མེད་པ་ཡོད་པའི་སྐབས་ལ་དུས་ཐོག་གི་ཆར་པ་རང་རེད།
སྤྱན་རས་གཟིགས་དབང་བསྟན་འཛིན་རྒྱ་མཚོ་དང་འཇམ་དབྱངས་མི་ཡི་རྣམ་རོལ་ས་སྐྱ་གོང་མ་གཉིས་སྐུ་ཚེ་སྐལ་བརྒྱར་གནས་འགྱུར་ཅིག །
༧གོང་ས་ཡིད་བཞིན་ནོར་བུ་སྐུ་ཚེ་བསྐལ་བརྒྱར་བསྟན་ཅིང་མཛད་འཕྲིན་ཉི་ཟླ་ལྟར་ཡོང་བའི་སྨོན་འདུན་ཞུ།
ངོ་མ་གཏམ་བཟང་རེད། བར་ཆད་མེད་པར་ལེགས་འགྲུབ་ཡོང་བར་སྨོན།
༸གོང་ས༸རྒྱལ་བའི་དབང་བོའི་སྐུ་ཚེ་བསྐལ་བརྒྱར་ཅིང་ཚེ་རབས་ནས་ཚེ་རབས་ཐམས་
ཅད་དུ་རྗེས་སུ་འཛིན་པར་སྨོན་ལམ་འདེབས།
ལྷག་པར་དུ།་་་་ང་ཚོ་བོད་མི་རིགས་གཙོ་བྱས་འཛམ་གླིང་མི་རིགས་སྟོང་ཕྲག་མང་པོ་ཞིག་གིས་༸གོང་ས་མཆོག་གི་བཀའ་ལུང་དབང་གསུམ་ལ་ཉན་པར་སྤྲོ་དགའི་ཐལ་མོ་སྦྱར་ཏེ་ཉི་མ་རེ་རེ་དང་སྐར་ཆ་རེ་རེལའང་འབྲེལ་འདོད་མེད་ནའང།
ཁ་སྟོང་ནང་གི་ཚིག་སྟོང་བརྗོད་མཁན་ཁ་ཤས་ཞིག་དེ་ལས་ལྡོག་སྟེ་རང་སྐྱ་ཕེར་བར་སྡད་ཡོད་མདོག་གིས་ཕུག་མེད་པ༷འི་ལྟ་བ་དང། རྩ་བ་རུལ་བའི་སྡོང་སྐམ་བཞིན་འཚེ་བའི་ར་ལག་ཕྱོགས་བཞིར་བརྐྱངས་ཡོད་ཀྱང། མི་འདིའི་རིགས་ནི་ང་ཚོ་བོད་ཀྱི་གཏམ་དཔེར། ཁྱི་རྒྱག་ནམ་མཁའི་སྐར་མར་ཟུག་ཞེས་པའི་དཔེ་བཞིན་ལགས་པས། ཁྱི་འདིའི་རིགས་ཀྱིས་མཆེ་གཙིགས་བྱེད་ས་ནི་རང་གི་བདག་པོ་ཁོ་ན་རང་རེད།
ངོ་མ་གཏམ་བཟང་རེད། བར་ཆད་མེད་པར་ལེགས་འགྲུབ་ཡོང་བར་སྨོན།
རྗེས་སུ་ཡི་རང་བསྐུལ་ཞིང་གསོལ་བ་འདེབས། །
འོ་ཡག་པོ་བྱུང།
བོད་མི་རིགས་འདི་བཀའ་ལུང་དང་དབང་གིས་ཚོས་པ་ཞིག་བྱས་ནས་བྱང་ཆུབ་སེམས་དཔའ་ཞིག་བཟོ་ཐུབ་ན་བོད་རང་བཙན་དབུ་མའི་ལམ་གྱི་ལྟ་བ་མཐར་ཐུག་རྟོགས་པ་སོགས་ཀྱིས་ཐམས་ཅད་སྒྱུ་མའི་རང་བཞིན་དུ་རྟོགས་ནས་མཐར་སངས་རྒྱས་ནས་རྒྱ་མི་དེ་ཚོ་བོད་ཡུལ་དུ་སྐྱིད་ཉལ་རྒྱབ་ཆོག་གི་རེད།
དཔེ་ཡག་སོང་། གུས་པར་མཚོན་ན། སྒྲ་སྡུད་འཁོར་ལོ་ལས་བཀའ་ཆོས་ཉན་ཐུབ་པ་དང་། པཱ་ལེ་ཚོང་བྲིན་པོ་བྱུང་རྒྱུ་ཡིན་པས། སྐལ་བ་གཉིས་ལྡན་རེད།