ཐའེ་ཝན་བོད་གཞུང་དོན་གཅོད་ཁང་གི་གོ་སྒྲིག་འོག ཟླ་འདིའི་ཕྱི་ཚེས་ ༡༩ ཉིན་སྐུ་སྒེར་དྲུང་ཆེ་རྔ་པ་ཚེ་རྒྱམ་ལགས་ཀྱིས། ཐའེ་ཝན་དུ་རྟེན་གཞི་བྱས་པའི་གངས་ལྗོངས་དཔེ་སྐྲུན་ཁང་གིས་པར་སྐྲུན་བྱས་པའི་རྒྱ་ཡིག་དཔེ་དེབ་ཁག་བཞི་དབུ་འབྱེད་གནང་ཡོད་འདུག་ལ། སྐབས་དེར་བོད་གཞུང་དོན་གཅོད་ཟླ་བ་ཚེ་རིང་ལགས་ཀྱིས་དཔེ་དེབ་ཁག་གི་བརྗོད་དོན་མང་ཚོགས་ལ་ངོ་སྤྲོད་བྱས་ཡོད་འདུག
དཔེ་དེབ་དེ་དག་ནི། ༼ནགས་ཚང་ཞི་ལུའི་སྐྱིད་སྡུག༽ དང་༼ བོད་ཀྱི་གནས་བབ། ༽ ༼བཙན་བྱོལ་གྱི་མི་ལོ་ལྔ་བཅུའི་སྐྱིད་སྡུག་དྲན་གསོ། ༽༧གོང་ས་མཆོག་གི་མཛད་རྣམ་འགུལ་རིས་བརྙན་དེབ་ ( Cartoon ) བཅས་ཡིན་འདུག དཔེ་སྐྲུན་ཁང་འདིས་སྔ་ལོར་ཡང་དོལ་རྒྱལ་གྱི་བྱུང་རིམ་དང་རྙོག་གླེང་ཞེས་པ་དང་། བཙན་བྱོལ་བོད་མིའི་ཤེས་ཡོན་གནས་བབ་བཅས་པར་སྐྲུན་བྱས་ཡོད་འདུག དཔེ་སྐྲུན་ཁང་དེར་པར་སྐྲུན་བྱས་པའི་རྒྱ་ཡིག་ག་དཔེ་དེབ་དག་ནི། དེང་སང་ཐེ་ཝན་རྒྱལ་ཡོངས་དཔེ་ཚོང་ཁང་ཆེ་ཁག་ཏུ་ཚོང་འགྲེམས་བྱེད་བཞིན་ཡོད་པར་མ་ཟད། ནུབ་ཕྱོགས་དང་ཧོང་ཀོང་བཅས་སུའང་ཡོངས་ཁྱབ་ཐོག་འགྲེམས་སྤེལ་བྱེད་ཀྱིན་ཡོད་འདུག
དཔལ་ལྡན་གྱིས་བསྡུས།
ནགས་ཚང་ཞི་ལུའི་སྐྱིད་སྡུག་དེ་རྒྱ་བསྒྱུར་བྱས་པ་ངོ་མ་བཟང་གི བཀའ་དྲིན་ཆེ་ཞུ་འདོད་བྱུང་། ད་མི་འགྱངས་པར་དབྱིན་འགྱུར་མ་ཞིག་ཐོན་གི་རེད། བོད་ཀྱི་གནས་བབ་རྒྱ་འགྱུར་དེ་ལ་འདྲ་མི་འདྲ་བཤད་རྒྱུ་ཡོད་ཀི གང་ལྟར་ཡག་པོ་འདུག དཔེ་དེབ་གཞན་པ་དེ་དག་ཀྱང་རྒྱུ་འགྱུར་གནང་བར་བཀའ་དྲིན་ཆེ་ཞུ། ཟླ་བ་ཚེ་རིང་འདི་ཐེ་ཝན་དོན་གཅོད་དུ་སོང་ནས་ལས་ཀ་མང་ཙམ་གནང་སོང་ང་། བརྒྱུད་ལམ་འདི་ནས་ཁྱོད་ལ་ཐུགས་རྗེ་ཆེ་ཞུ་ས་པ་ཡིན།