ཁ་སང་རེས་གཟའ་ཉི་མར་ངྷ་ས་དང་ནོར་གླིང་མཐོ་སློབ་བཅས་ཀྱི་གཞོན་སྐྱེས་སྐོར་ཞིག་གིས་༼ གཟའ་ཉི་མའི་གླེང་མོལ ༽ ཞེས་པ་ཞིག་ཚོགས་ཡོད་འདུག
ཁ་སང་རེས་གཟའ་ཉི་མའི་སྔ་དྲོར་གངས་སྐྱིད་ཞི་བདེ་ཟ་ཁང་དུ། གཟའ་ཉི་མའི་གླེང་མོལ་ཞེས་པའི་རང་དབང་གི་བགྲོ་གླེང་འདུ་འཛོམས་ཤིག་གནང་ཡོད་ཅིང་། སྐབས་དེར་བཀྲ་ཤིས་ཀླུ་བྱམས་ལགས་ཀྱི་གཙོ་སྐྱོང་འོག ཚོགས་ཞུགས་པ་གཉན་པོ་དང་སྟག་འབུམ་རྒྱལ། ཁ་བ་སྐམ་པོ། ཁྲོ་གཏམ། མྱི་ལྟིག འབྲུམ་འབུམ་སོགས་ཀྱིས་༼ བཙན་བྱོལ་བོད་ཀྱི་རྩོ་པ་པོའི་འགན་འཁྲི་གླེང་བ ༽ཞེས་པའི་བརྗོད་གཞིའི་ཐོག་ཕྱོགས་ངོས་སོ་སོ་ནས་རང་རང་གི་ལྟ་ཚུལ་བརྗོད་ཡོད་འདུག
གནས་ཚུལ་བཏང་འབྱོར་བྱུང་བའི་ནང་བཀོད་པ་ལྟར་ན། གཟའ་ཉི་མའི་གླེང་མོལ་ཞེས་པ་དེ་ནི། གསར་དུ་དབུ་བརྙེས་ཤིང་བོད་རང་གི་སྤྱི་ཚོགས་ཀྱི་བདེ་སྡུག་གླེང་སའི་སྟེགས་བུ་ཞིག་ཡིན་ཞིང་། བོད་ནང་དུ<<གཟའ་ཉི་མའི་ཁ་བརྡ>>སོགས་ཡོད་པ་ནང་བཞིན་དེ་ལ་མེ་ཏོག་མཉམ་བཞད་ཀྱི་ཚུལ་དུ་ན་གཞོན་རྩོམ་དགའ་བ་སྐོར་ཞིག་གིས་རང་མོས་ཀྱིས་སྒྲུབ་ཅིང་། རང་རང་གི་སེམས་གཏམ་གློད་སའི་སྡིངས་ཆ་ཞིག་ཡིན་འདུག
གནས་ཚུལ་ནང་བཀོད་དོན། “འདི་ནི་གཟའ་ཉི་མའི་གླེང་མོལ་གྱི་དབུ་ཁྱུད་དང་མགོ་འཛུགས་བྱེད་ཙམ་ཞིག་ཡིན་ཞིང་། འགྲོ་སོང་སོགས་ཀྱང་བགྲོ་གླེང་བ་རང་ངོས་ནས་ཕུད་པས་ན་ཕྱོགས་ཡར་མར་ནས་ཆེད་དུ་བགྲོ་གླེང་བ་མང་བོ་ཞིག་སྐད་གཏོང་ཐུབ་མེད་ཅིང་། མ་འོངས་བའི་འཆར་དུས་ཚོད་ངེས་མེད་དུ་གཟའ་ཉི་མ་ནམ་ཁོམ་ལ་ཚོགས་འཆར་ཡོད” ཅེས་བཀོད་འདུག
མུ་མཐུད་བསྟན་དོན། “ ཐེངས་དིའི་གཟའ་ཉི་མའི་གླེང་མོལ་ལ་བགྲོ་གླེང་གཞན་དང་མི་འདྲ་ས་ཞིག་ཡོད་པ་ནི། འདི་རུ་ཆེད་དུ་ཕེབས་པའི་མཁས་པ་དང་ཆེད་ལས་པ་སོགས་འཛོམས་མེད་ཀྱང་། ཡར་འཁོར་བའི་མི་སྨྲ་བའི་རྟུལ་ཞུགས་འཛིན་མཁན་ཡང་མེད་པས་བགྲོ་གླེང་བ་ཡོངས་ཀྱིས་རང་རང་གི་ལྟ་ཚུལ་དག་སེམས་དྲང་བོ་དང་བློ་ཉེ་བོའི་སྒོ་ནས་གླེང་སྟེ་འཁྲུག་ཆ་དོད་པོ་ཞིག་བྱུང་སོང” ཞེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
བཀྲ་ཤིས་ཀྱིས་བཤད་པ་བདེན་པ་རེད་ཡ། གྲྭ་ལོག་ཅིག་གི་སྐྱེས་བ་མི་ལེན་པར་ཤོག རིག་ན་སུན་ནི་ཞིག་རེད། བཀའ་འགྱུར།
བཀྲ་ཤིས་ལགས་ཀྱིས་སྡོམ་ལེགས་པོ་ཞིག་རྒྱབ་འདུག་མོད། ཕོ་ཕྱེད་གྲྭ་བ་ཡིན་པའི་བོད་ལ་མཚོན་ན་གྲ་ལོག་ནི་ཁྱེད་ཀྱིས་སྒུག་ར་ད་དུང་ཡོང་གི་རེད། མི་ཚེའི་ཕྱེད་ཀ་ཚོགས་ལ་ཚོགས་དགོས་པའི་ལས་དེ་ཡང་སྒྲུབ་ཀི་མ་རེད། གཞན་གྲོགས་མིག་གསུམ་ཅན་ལ་ཞུ་རྒྱུ་ཞིག་ནི་ང་ཚོའི་བགྱི་བ་ཕྲན་ཚགས་འདི་ལ་ཚོགས་པ་དང་ཚོགས་མི་སོགས་ཀྱི་ཐ་སྙད་གདེགས་མི་རུང་ཞེས་ཞུ་བ་ཡིན། རྒྱབ་སྐྱོར་ལ་ཐུགས་རྗེ་ཆེ་ཡོད། གཉན་པོ་ནས།
རྩོ་དེ་རྩོམ་ལ་བཅོས་རོགས།
གྲྭ་ལོག་འདི་ཚོ་དགོན་པ་ན་ཡོད་དུས་ཚོགས་ལ་མི་འགྲོ་བའི་སྡེ་རེད། སྡོམ་པ་ཤོར་ཚར་ན་ཚོགས་ན་འདོད་པའི་འདྲེ་རེད། ངོ་ས་གློན། གྲྭ་ལོག་ཅིག་གི་མི་སྐྱེ་ནས་སྨོན་ལམ་ཐོབ། ཡང་མགོ་གཡོག་མགོ་སྐོར་གཏོང་བསམ་ཡོད་པ་རེད། གྲྭ་ལོག་ཅིག་གི་སྡུག་ས་གནམ་གཉིས་ཀྱི་དབར་ནས་བཙལ་ན་མི་རྙེད།
ཚོགས་མི་གཉན་པོས་བརྗོད་པ་ལྟར་ན། གཟའ་ཉི་མ་རྟག་པར་མ་ཡིན་པར་འཛོམས་ཚད་དང་ཐུབ་ཚོད་ཀྱིས་འཚོགས་རྒྱུ་ཡིན་ཟེར། དེས་ན་ཕལ་ཆེར་རང་རང་གི་སྡུག་གཏམ་བརྗོད་སའི་གར་སྟེགས་ཤིག་དང་། རིགས་ཞེན་གྱི་ལ་རྒྱ་བདོག་པའི་གཞོན་སྐྱེས་ཁག་ཅིག་གི་ལྷག་བསམ་དང་སེམས་ཤུགས་ཡིན་ས་རེད། འདི་འདྲའི་བྱ་འགུལ་ལ་རྒྱབ་སྐྱོར་དང་བསྔགས་བརྗོད་ཡོད།
གླིང་མོ་འདི་ལ་ཡིད་རང་ཡོད། ཆོལ་ཁ་དང་ཆོས་ལུགས་ཀྱི་ཕྱོགས་རིས་མེད་པའི་རེ་འདུན་ཡོད།
དེ་འདྲ་མང་པོ་འཚོགས་ཐུབ་ན་ལེགས་པོ་འདུག རྟེན་འབྲེལ་ཞུ།
གཟའ་ཉི་མའི་གླེང་མོལ་དབུ་བརྙེས་པར་ཧ་ཅང་དགའ་ནས་ཡོད་ལ།འབྱུང་འགྱུར་ཡང་མུ་མཐུད་གནས་ཐུབ་པའི་རེ་བ་དེ་བས་ཡོད།རང་རྟོན་ནས།
གཞན་རྟེན་ངང་སྒུག་དང་ཕྱི་རྫུ་ནང་འཁུམས་ཀྱི་མལ་དུ་མ་བསྡད་པར། རང་སྟེང་ནས་འཕག་འཚག་གི་ལམ་ཁར་བུད་པར་ཡི་རངས་ཡོད། ཡིན་ནའང་། སྐད་ཆའི་བསླེབས་ཚད་ལ་སྨྲ་ལྕེ་གཡུག་འདོད་ཀྱི་བཙན་བྱོལ་སྤྱི་ཚོགས་འདིའི་ངན་གཤིས་ཀྱི་ལམ་དུ་མ་ཕྱིན་པར། ཁྱོད་དང་ངའི་ཁོར་ཡུག་དང་ཁ་ཐག་ཉེ་བའི། ཁྱོད་དང་ངའི་འཚོ་བའི་ཁྲོད་སྤྱོད་དུ་རུང་བའི། འུ་ཅག་གི་ཉེ་འཁྲིས་ན་ཉི་མ་རེ་རེར་སྣང་མེད་དུ་ཡལ་གྱིན་པ་དག སང་ཉིད་ཀྱི་འཚོ་བའི་ཁྲོད་མངོན་ཆུང་གིས་བོར་འགྲོ་བ་དག དེ་དག་ལ་ལག་པས་བསྙབ་སྟེ་རྡུལ་སྤྲུགས་དང་བཅས་རུམ་ལ་འཇུག་ཐབས་ཀྱི་ཆེས་བབ་ཆགས་ཀྱི་རྐང་རྗེས་ཆུང་ཆུང་དག ཁྱོད་དང་ངའི་འཚོ་བའི་ཁྲོད་གོམ་ཁ་ལེན་རྒྱུ་གནད་དུ་ཆེ་བར་སེམས། དེ་རིང་གི་ཁྱོད་དང་ངའི་ཁ་བརྡ་དེ། སང་ཉིན་གྱི་ཁོ་དང་མོའི་གླེང་གཞིར་འགྱུར་བར་སྨོན།
འདི་ཡག་པོ་འདུག མང་ཙམ་སྤེལ་རོགས། མགོ་འཛུགས་སྟངས་ཉམས་ཆུང་བྱེད་པ་འདི་མྱི་རྩ་ཚང་མཁན་ཞིག་གི་རྟགས་རེད་ཡ། རྩེ་སྐར་ཟེར་བ་དེས་ག་རེ་ལབ་ཀྱི་ཡོད་ན
ཁོ་བོས་སྙིང་ནས་དགའ་བསུ་དང་རྟེན་འབྲེལ་ཞུ་ཞུ། མ་འོངས་པ་ན་བགྲོ་གླེང་དེར་མཉམ་ཞུགས་ཐུབ་པར་སྨོན། རྩོམ་དགའ་ཞིག་གིས།
འཚོགས་འདུ་དེ་འདྲ་འཚོགས་པ་ཡག་པོ་རེད་ཡིན་ཡང་ང་ཚོའི་སྤྱི་ཚོགས་ཁ་འཐོར་སྣ་འཐོར་ཡིན་པ་སོང་ཙང་དེ་ལས་ས་གནས་གང་ཞིག་དང་མི་ཅི་འདྲ་ཞིག་དང་མཉམ་དུ་འཛོམས་ཀྱང་གླེང་མོད་བྱེད་རྒྱུ་དེ་ཆབ་སྲིད་དང་རིག་གཞུང་གི་ངོ་བོར་བསྒྱུར་ཐབས་དང་དེ་ལ་གོམ་འདྲེས་གང་ཐུབ་བྱེད་རྒྱུ་གལ། སྤྱི་ཚོགས་ཀྱི་སྣོད་ཁྲིད་བྱེད་རྒྱུའི་འདུན་པ་ཡོད་ཡག་པོ་རེད་ཡིན་ན་ཡང་དེ་བྱེད་པ་རང་ཉིད་ཧྲ་ཏག་ཏག་ཅིག་དགོས།
རྩེ་སྐར་ལགས་གྱིས་དགོངས་ཚུལ་དྲང་བོར་གསུངས་བར་དགའ་བོ་བྱུང་། སྤྱིར་ང་ཚོས་ཀྱང་སློབ་མའི་དུས་སྐབས་དང་སློབ་སྦྱོང་གི་དུས་སྐབས་བཅས་ཀྱི་རིན་ཐང་ངོས་མ་ཟིན་པ་མིན་ལ་སློབ་སྦྱོང་ལས་ལྷག་ཅིག་མཉམ་ཚོགས་བྱས་པས་འཇོན་རྒྱུ་རེད་ཀྱང་འདོད་ཀི་མེད། དེ་བས་ང་ཚོས་བསམ་གཟས་ཏེ་གཟའ་ཉི་མར་ཚོགས་རྒྱུ་བྱས་ཤིང་། གཟའ་ཉི་མ་ཡང་ནམ་ཡོད་ལ་ཚོགས་རྒྱུ་མིན་པར་ཁོམ་སྐབས་སམ་སྐབས་ལེན་རེར་འཛོམས་རྩིས་ཡིན། སེམས་གཏམ་མོལ་བར་ཐུགས་རྗེ་ཆེ།
རྩེ་སྐར་ལགས་གྱིས་དགོངས་ཚུལ་དྲང་བོར་གསུངས་བར་དགའ་བོ་བྱུང་། སྤྱིར་ང་ཚོས་ཀྱང་སློབ་མའི་དུས་སྐབས་དང་སློབ་སྦྱོང་གི་དུས་སྐབས་བཅས་ཀྱི་རིན་ཐང་ངོས་མ་ཟིན་པ་མིན་ལ་སློབ་སྦྱོང་ལས་ལྷག་ཅིག་མཉམ་ཚོགས་བྱས་པས་འཇོན་རྒྱུ་རེད་ཀྱང་འདོད་ཀི་མེད། དེ་བས་ང་ཚོས་བསམ་གཟས་ཏེ་གཟའ་ཉི་མར་ཚོགས་རྒྱུ་བྱས་ཤིང་། གཟའ་ཉི་མ་ཡང་ནམ་ཡོད་ལ་ཚོགས་རྒྱུ་མིན་པར་ཁོམ་སྐབས་སམ་སྐབས་ལེན་རེར་འཛོམས་རྩིས་ཡིན། སེམས་གཏམ་མོལ་བར་ཐུགས་རྗེ་ཆེ་ཞུས་པ་ཡིན།
རང་འགུལ་གྱིས་ལས་འགུལ་གསར་པ་སྤེལ་བར་བསྔགས་བརྗོད་དང་རྟེན་འབྲེལ་བཀྲིས་བདེ་ལེགས་ཡོད། མུ་མཐུད་ཐུབ་ན་དགེ་མཚན་དང་མིག་དཔེ་བཟང་།
ལྡིང་ཆ་རེད་དམ། ཡང་ན་སྡིངས་ཆ་རེད། ཕྱི་མ་ཐད་པར་མཐོང་།
མ་གཞི་ནས་ཁྱེད་ཅག་གི་བསམ་སྤྱོད་དེ་ཡག་པོ་རེད། ཡིན་ནའང་། དེ་བས་སློབ་གྲྭར་འགྲིམ་མཁན་ཞིག་གི་ངོས་ནས་སློབ་སྦྱོང་གི་གོ་སྐབས་ཡོད་པའི་དུས་ཚོད་དེ་དམ་འཛིན་གྱིས་ཤེས་ཡོན་གྱི་གཞི་རྐང་བརྟན་པོ་ཞིག་ཚུགས་ཐུབ་ལ་འབད་རྒྱུ་དེ་གལ་ཆེན་ཡིན་པ། ཁོ་བོ་སློབ་གྲྭར་འགྲིམ་སྐབས་དུས་ཚོད་མང་པོ་ཞིག་ཆུད་ཟས་སུ་བཏང་ཡོད་པའི་འགྱོད་སེམས་དང་བཅས་རང་སྟེང་ལ་སྦྱར་ནས་བཤད་ཀྱི་ཡོད། ཁོ་བོའི་ངོས་ནས་ཁྱོད་ཚོས་གཟའ་ཉི་མའི་གླེང་མོལ་ཚོགས་རྒྱུ་དང་གཟའ་ཉི་མར་རང་སྦྱོང་ངམ་དཔེ་ཀློག་བྱེད་རྒྱུ་གཉིས་ལས་གཟའ་ཉི་མར་རང་སྦྱོང་ངམ་ཡང་ན་དཔེ་ཀློག་བྱ་རྒྱུ་དེ་གལ་ཆེན་ཞིག་ཏུ་མཐོང་གི་ཡོད། སྤྱིར་དེང་ན་ང་ཚོ་བོད་གཞིས་བྱེས་གཉིས་སུ་སོ་སོའི་ངོས་ནས་ཤེས་ཡོན་གྱི་གཞི་རྐང་བརྟན་པོ་ཞིག་ཚུགས་པར་འབད་བརྩོན་མི་བྱེད་པར། རང་སྟེང་གི་ཤེས་ཡོན་གྱི་ཚད་གཞི་ལ་མི་བལྟ་བར་ཕྱིའི་སྣང་ཚུལ་ཙམ་ཞིག་ངོམ་སོ་བྱེད་རྒྱུ་དེ་གཙོ་བོ་ཞིག་ཏུ་འཛིན་པའི་བྱེད་སྲོལ་ཞིག་དར་གྱིན་འདུག
འདི་ནི་ཁོ་བོའི་བསམ་ཚུལ་ཙམ་ཞིག་མ་གསང་དྲང་པོར་བཤད་པ་ཙམ་ལས། ཁྱེད་ཅག་གི་ལས་དོན་དེར་གཟས་ནས་རྒོལ་བ་དང་དམའ་ཕབ་པ་ཞིག་གཏན་ནས་མིན་ལགས། ཁྱེད་ཅག་གི་ལས་དོན་དེ་དོན་འཁྱོངས་ཡོང་བར་སྨོན།
གལ་སྲིད་ཁོ་བོའི་སྐད་ཆ་འདི་ཐལ་དྲགས་ཡོད་ན་སྣང་མེད་དུ་རྣ་བའི་ལྟག་རྒྱབ་ཏུ་གཡུགས་ཏེ་ཁྱེད་ཅག་ལ་ཕོག་ཐུག་མེད་པར་ཞུ། རྩེ་སྐར་གྱིས།
གཟའ་ཉི་མའི་གླེང་མོར་ཞེས་པ་འདི་ནི་ན་གཞོན་བསམ་བློ་པ་སྐོར་ཞིག་གི་གཙོ་སྐྱོང་གནང་པ་ཞིག་རེད་འདུག་འདི་ནི་དགའ་འོས་པའི་བྱ་བ་གལ་ཆེན་ཞིག་རེད། ད་དུང་མུ་མཐུད་དུ་དེ་ལྟར་གནང་རོགས་ཞུ།