ཁ་སང་འཇར་མན་བོད་དོན་རྒྱབ་སྐྱོར་ཚོགས་པའི་ས་གནས་འབྲེལ་མཐུད་པ་སྐུ་ཞབས་ཡོ་སེབ་སི་མི་ཌ་(Josef Schmid)ལགས་ཀྱིས་གྲོང་ཁྱེར་དེ་གའི་རིག་གཞུང་དུས་སྟོན་དང་འབྲེལ་བོད་ཀྱི་ཉིན་མོ་ཞེས་པ་ཞིག་གོ་སྒྲིག་གནང་ཡོད་ཅིང་། ཉིན་གུང་ཆུ་ཚོད་ ༡ ཙམ་ལ་མུ་ནིག་གྲོང་ཁྱེར་ནས་བོད་དོན་རྒྱབ་སྐྱོར་བ་དང་། ས་གནས་དེ་གའི་བོད་དོན་ཐོག་ཐུགས་ཁུར་ཅན་གྱི་གལ་ཆེའི་མི་སྣ་འདུ་འཛོམ་ཐོག གོ་སྒྲིག་པས་དུས་ཆེན་ངོ་སྤྲོད་དང་བོད་རྒྱལ་ཁབ་ཆེན་པོ་རྒྱལ་གླུ་གྱེར་འདོན། མི་མང་ལ་བོད་ཀྱི་ལོ་རྒྱུས་དང་རྒྱལ་དར་སྐོར་འགྲེལ་བཅས་གནང་ཡོད་འདུག
དེ་རྗེས་ཉེ་ལམ་བོད་རྒྱལ་ཁབ་དང་མི་རིགས་ཀྱི་ཆེད་དུ་སྐུ་ལུས་མཆོད་འབུལ་གནང་མཁན་རྣམས་ལ་གདུང་སེམས་མཉམ་སྐྱེད་ཆེད་མཆོད་མེ་ཕུལ་བ་དང་། གནའ་རབས་དང་ཉེ་རབས་བོད་ཀྱི་ལོ་རྒྱུས་དང་ད་ལྟའི་ཛ་དྲག་གནས་སྟངས་ངོ་སྤྲོད། བོད་དོན་སྐོར་གྱི་ཡིག་ཆ་མི་མང་ལ་འགྲེམས་སྤེལ་སོགས་གནང་ཞིང་། ཕྱི་དྲོར་བོད་ཀྱི་འབྲོག་པའི་དཀའ་ངལ་སྐོར་གྱི་གློག་བརྙན་གཟིགས་འབུལ་དང་འབྲེལ་ད་ལྟའི་བོད་ནང་གི་འཁོར་ཡུག་དང་འབྲོག་པའི་འཚོ་གནས་སྐོར་མི་མང་རྣམས་ལ་འགྲེལ་བཤད་གནང་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
རང་ནུས་གང་ཡོད་ཀྱི་ལས་འགུལ་བགྱི་བ་འདི་ནི་རང་མི་རིགས་ལ་དུང་ཞེན་ཡོད་མཁན་གྱི་མི་རིགས་ཤིག་གི་རིགས་བརྒྱུད་ཡིན་པ་གསལ་བོ་རེད། བོད་མི་རིགས་འདི་རྒྱལ་ཁབ་འདྲ་མིན་དུ་ཡོད་པ་དེའི་དགོས་པ་ནི་ལྟར་མ་ཡིན་ནམ། གང་ལྟར་རྩ་དོན་ལ་འབད་རྒྱུ་གལ་ཆེན་རེད་ཡིན་པས་དོན་སྙིང་ལྡན་པ་ཞིག་གནང་རོགས་ཞུ།
བོད་དོན་ཆེད་ལས་གང་བྱས་ལ་རྗེས་སུ་ཡིད་རང་དང་བསྔགས་བརྗོད་ཞུ།
དོན་སྙིང་ལྡན་པའི་བགྱི་བ་འདི་རིགས་ལ་ཡི་རང་བསྔགས་བརྗོད་ཞུ། ཕན་ཐོགས་མི་དམན་པ་ཡོད་ངེས། འབྲེལ་ཡོད་རྣམ་པར་བཀའ་དྲིན་ཆེ་ཞུ།