ཉེ་ལམ་པཱ་ཀི་སི་ཐན་གྱི་རྒྱལ་སྲུང་སྲིད་ཇུས་ལ་བསྐྱར་བཅོས་ཀྱིས་ཨ་རི་གཙོས་པའི་ཕྱིའི་དམག་མིར་ཆོག་མཆན་མེད་པར་རྒྱལ་ཁོངས་སུ་འཛུལ་རིགས་ལ། པཱ་ཀི་སི་ཐན་གྱི་རྒྱལ་སྲུང་དམག་གིས་ཕར་རྒོལ་བྱ་རྒྱུར་དབང་ཚད་སྤྲད་ཡོད་འདུག
དེ་སྔོན་བྷེན་ལཱ་ཊན་དམར་གསོད་བྱས་སྐབས་ཨ་རིའི་དྲག་ཆས་དམག་ལ་པཱ་ཀི་སི་ཐན་གཞུང་གི་ཆོག་མཆན་མེད་པར་རྒྱལ་ཁོངས་སུ་འཛུལ་པའི་བྱ་སྤྱོད་དེས། པཱ་ཀི་སི་ཐན་གཞུང་ལ་ཁོང་ཁྲོ་ཆེན་པོ་བསླངས་ཡོད་པ་དང་། ཉེ་ལམ་ཕྱི་ཟླ་ ༡༡ ཚེས་ ༢༦ ཉིན་ཨབ་གྷན་ནང་ཡོད་པའི་ཎ་ཊོ་དམག་པཱ་ཀི་སི་ཐན་གྱི་རྒྱལ་མཚམས་ནང་འཛུལ་པ་མ་ཟད་པཱ་ཀི་སི་ཐན་གྱི་རྒྱལ་སྲུང་དམག་ ༢༤ དམར་གསོད་བཏང་པའི་དོན་རྐྱེན་བྱུང་རྗེས། པཱ་ཀི་སི་ཐན་གྱི་རྒྱལ་སྲུང་སྲིད་ཇུས་ལ་བསྐྱར་བཅོས་བྱས་ཏེ། ཕྱིན་ཆད་ཨ་རི་དང་ཎ་ཊོ་དམག་སོགས་ཕྱི་ཕྱོགས་ཀྱི་དྲག་ཆས་མི་དཔུང་གང་འདྲ་ཞིག་ཡིན་ཀྱང་། པཱ་ཀི་སི་ཐན་གཞུང་གི་ཆོག་མཆན་མེད་པར་རྒྱལ་ཁོངས་སུ་འཛུལ་རིགས་དགྲ་བོར་རྩིས་ཏེ། ཐད་ཀར་པཱ་ཀི་སི་ཐན་རྒྱལ་སྲུང་དམག་གིས་ཕར་རྒོལ་བྱ་རྒྱུའི་དབང་ཚད་སྤྲོད་འདུག
ད་ལྟའི་ཆར་ཨ་རི་དང་པཱ་ཀི་སི་ཐན་བར་གྱི་ཕྱི་འབྲེལ་ཛ་དྲག་ཏུ་གྱུར་ཡོད་པ་དང་། ཉེ་ཆར་ཨ་རི་གཙོས་པའི་ནུབ་ཕྱོགས་རྒྱལ་ཁབ་ཁག་ཨབ་གྷན་གྱི་གནད་དོན་ཐད་ཚོགས་ཆེན་ཚོགས་སྐབས་ཀྱང་། པཱ་ཀི་སི་ཐན་མཉམ་ཞུགས་མ་བྱས་པ་ཟད་ཨབ་གྷན་ནང་ཎ་ཊོ་དམག་དཔུག་འཇོག་རྒྱུར་ངོ་རྒོལ་བྱས་ཡོད་པ་རེད།
གསར་འགོད་པ། བནྡེ་སྐྱབས།
འཇིགས་རུང་དྲག་མཚོ་གདེངས་པའི་སོ་ཁ་ནས།
ཉམ་ཐག་འབངས་མིའི་ཚེ་སྲོག་ཡལ་ན་སྐྱོ།
དྲག་པོའི་མཐབ་རྩོད་ཀྱི་དཀའ་བསྔལ་དེ་དུས་ནམ་ཡང་མི་འབྱུང་བ་སྨོན།
རྒྱལ་ཁབ་གང་ཞིག་ཡིན་རུང་དང་པོ་ནས་དྲག་འཐབ་ཀྱི་དབང་དུ་མ་སོང་པ་ཞིག་བྱེད་གལ་ཆེན་པོ་རེད། དེ་ཕན་ཚུན་གཉིས་ལ་དྲག་འཐབ་བྱས་པ་ཡིན་ན་དགེ་མཚན་མེད་པ་གསལ་བོ་ཡིན་དུས་དེ་ལ་བསམ་བློ་གཏོང་དགོས་པ་ཞིག་མ་ཡིན་ནམ།