གནས་ཚུལ་བཏང་འབྱོར་ལ། དེ་རིང་ཡུ་རོབ་བོད་རྒྱ་མཛའ་འབྲེལ་མཐུན་ཚོགས་དང་། བོད་རྒྱ་སོག་པོ་ཡུ་གུར་མཉམ་འབྲེལ་མཐུན་ཚོགས་ཞུ་བ་གཉིས་ཐུན་མོང་ཐོག ༼ རྒྱ་དམར་གཞུང་གིས་བོད་མིའི་ཞི་རྒོལ་ལ་ཁྲག་དྲི་བྲོ་བའི་དྲག་གནོན་ལ་རྒོལ་གཏམ ༽ ཞེས་པ་ཞིག་སྤེལ་ཏེ། བོད་ནང་རྒྱ་གཞུང་གིས་དྲག་པོའི་སྲིད་བྱུས་ལག་བསྟར་བྱེད་བཞིན་པར་སྐྱོན་བརྗོད་བྱས་འདུག
བསྒྲགས་གཏམ་ནང་བཀོད་དོན། “ ཕྱི་ལོ་ ༢༠༡༢ ལོའི་དཔྱིད་གསར་དུས་ཆེན་རྗེས་ཀྱི་ཉིན་ཤས་ནང་ཟི་ཁྲོན་ཞིང་ཆེན་གྱི་ནུབ་ཕྱོགས་སུ་ཆགས་པའི་བོད་ཀྱི་ས་ཁུལ་གསེར་རྟ་དང་། མགོ་ལོག་རྔ་པ་སོགས་ཀྱི་བོད་མིས་འགྲོ་བ་མིའི་ཐོབ་དང་རང་དབང་གྱི་འབོད་ཚིག་ཐོག་ཞི་བའི་སྐད་འབོད་ལ་རྒྱ་གཞུང་གི་དྲག་ཆས་ཉེན་རྟོག་དམག་དཔུང་གིས་དྲག་པོའི་མཚོན་ཆ་བེད་སྤྱད་དེ་དྲག་གནོན་བྱས་པ་མ་ཟད། མེ་མདའ་གང་བྱུང་བརྒྱབ་ནས་བོད་མི་དྲུག་དམར་གསོད་དང་། དེ་བཞིན་མི་ཉུང་བ་ཞིག་ལ་རྨས་སྐྱོན་ཚབས་ཆེན་བཟོས་ཡོད། ང་ཚོའི་ངོས་ནས་དེ་ནི་མི་རིགས་ཁེར་རྐྱང་གཅིག་གི་དྲག་གནོན་མ་ཡིན་པར་ཉེ་བའི་ཆར་ནང་སོག་དང་། ཡུ་གུར་མི་རིགས་ལའང་སྔར་བས་དམ་དྲག་བྱེད་ཤུགས་ཆེ་རུ་བཏང་ཡོད། དཔེ་མཚོན་ཞིག་ཞུས་ན། རྒྱ་དམར་དབང་འཛིན་པས་ཁཱ་ཟླ་ཡི་ནང་མི་ཚང་མར་སྡུག་གཅོད་མནར་གཅོད་དང་། དེ་བཞིན་ཡུ་གུར་མི་རིགས་དང་དམངས་གཙོའི་ལས་འགུལ་བར་ཉིན་རེ་བཞིན་གནོད་འཚེ་དང་དམ་དྲག་ཇེ་ཆེར་གཏོང་བཞིན་ཡོད ” ཅེས་བཀོད་འདུག
བསྒྲགས་གཏམ་ནང་མུ་མཐུད་དུ་བསྟན་དོན “ ངེད་ཡུ་རོབ་བོད་རྒྱ་མཛའ་འབྲེལ་མཐུན་ཚོགས་དང་། བོད་རྒྱ་སོག་པོ་ཡུ་གུར་མཉམ་འབྲེལ་མཐུན་ཚོགས་ཀྱིས་རྒྱ་གཞུང་གིས་བོད་མིའི་ཐོག་སླར་ཡང་དྲག་གནོན་བྱས་པ་ལ་རྒོལ་གཏམ་དྲག་པོ་གཏོང་རྒྱུ་ཡིན། དེ་དང་དུས་མཚུངས་བོད་མིས་དམངས་གཙོ་དང་རང་དབང་འགྲོ་བ་མིའི་ཐོབ་ཀྱི་བདེན་པའི་འཐབ་རྩོད་ལ་མཐའ་གཅིག་ཏུ་རྒྱབ་སྐྱོར་དང་། ཞི་བའི་ལས་འགུལ་ནང་སྐུ་སྲོག་ཤོར་བ་དང་རྨས་མ་དེ་བཞིན་རྒྱ་ཡི་བཙོན་འོག་ཏུ་ཚུད་པ་རྣམས་ལ་གདུང་སེམས་མཉམ་སྐྱེད་ཞུ་རྒྱུ་ཡིན་ལ། རྒྱལ་སྤྱིའི་སྤྱི་ཚོགས་དང་རྒྱལ་ཁབ་ཁག་གི་སྲིད་གཞུང་གིས་དཀའ་ཚེགས་ཆེ་བའི་དུས་ཚོད་ལ་བྱ་ཐབས་ནན་ཏན་དང་ལག་ལེན་ངོ་མའི་ཐོག་ནས་བོད་མིའི་ཚོའི་གཞི་རྩའི་འགྲོ་བ་མིའི་ཐོབ་ཐང་ལ་སྲུང་སྐྱོབ་ཐུབ་པའི་འབོད་སྐུལ་ནན་པོ་ཞུ་རྒྱུ་ཡིན། ཞེས་སོགས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
ད་ལྟའི་འཆར་ང་ཚོས་བོད་རྒྱ་སོག་པོ་ཡུ་གུར་སོགས་ཀྱི་ཐུན་མོང་ཐོག་མཉམ་འབྲེལ་མི་རིགས་མཐུན་སྒྲིལ་ཚོགས་པ་ཞིག་གི་ངོས་ནས་ག་དུས་ཡིན་ནའང་སྲིད་དབང་སྒེར་སྤྱོད་ཀྱི་གཞུང་འདི་ཡང་དམངས་དག་པའི་དམངས་གཙོའི་ལམ་ཞིག་ཏུ་བསྒྱུར་ཐུབ་པའི་ངོ་རྒོལ་དང་ལས་འགུལ་བསྟུད་མར་སྤེལ་དགོས།
དེ་ནི་གྲངས་ཉུང་མི་རིགས་ཁག་གི་རང་དབང་དང་ཐོབ་ཐང་གི་མངོན་འདོད་ཀྱང་ཡིན་ལ་རྒྱ་ནག་མི་དམངས་དུང་ཕྱུར་༡༤ ཙམ་གྱི་རེ་བ་ཡང་ཡིན།
གང་དུ་དྲག་གནོན་ཡོད་ན། དེ་རུ་ང་ཚོས་ངོ་རྒོལ་ངེས་པར་དུ་བྱེད་དགོས།
འདི་ལྟར་མི་རིགས་ཀྱི་རང་དབང་དང་ཐོག་ཐང་ཆེད་ལས་འགུལ་སྤེལ་ཐུབ་པ་ཡིན་ན་དམར་ཕྱོགས་ཚང་ཕབ་ངེས་རེད། དུས་ནམ་ཡིན་རུང་མི་རིགས་ཀྱི་ལས་དབང་འདི་བརྗེད་ཐུབ་མེད་པ་ཞིག་ཡིན་པ་སེམས་ལ་འཛིན་རྒྱུ་གལ་ཆེན་རེད། ད་སྐབས་དངུལ་ཅུང་ཙམ་རེ་ལག་ཏུ་རག་ན་གཞན་ཕན་ཆེད་དུ་གཏོང་བ་ལས་མི་རིགས་ཀྱི་ཆ་སྲིད་ཀྱི་དར་རྒུད་ཆེ་དངུལ་སྤྲོད་མཁན་མེད་པ་དང་བོད་མིའི་བསྟན་སྲིད་ཆེད་ཕྱག་ལས་གནང་མཁན་ཚོའི་ཆེད་དུ་ཡིན་ཟེར་ནས་དངུལ་སྤྲོད་མཁན་མེད་པ་འདི་མི་རིགས་ཀྱི་རྩ་དོན་དེ་སེམས་ལ་མེད་རྟགས་ཞིག་མ་ཡིན་ནམ།
ཡོ་རོབ་ནང་ང་ཚོས་རྒྱའི་དྲག་པོའི་བྱ་སྤྱོད་དེར་ཁ་བརྡུང་བཏང་། འཇར་མཱན་ནིའི་ཅང་སཱི་ལ་རྒྱ་ནག་ལ་ཕྱིན་ཏེ་ཡོ་རོབ་ཀྱི་དཔལ་འབྱོར་དཀའ་ངལ་སེལ་རྒྱུར་རེ་བསྐུལ་ཞུ་བཞིན་ཡོད། འོན་ཀྱང་རྒྱ་གཞུང་གིས་རང་ཉིད་ཀྱི་དངུལ་ལོ་རྣམས་ཡོ་རོབ་སྐྱོབ་ཆེད་དུ་བེད་སྤྱོད་གཏོང་རྒྱུ་མིན་ལུགས་བརྗོད། དེའི་ཁར་ཨ་རིས་ཀྱང་རྒྱ་ནག་གིས་ཡོ་རོབ་ལ་རོགས་སྐྱོར་བྱེད་དགོས་པའི་གནོན་ཤུགས་སྤྲོད་བཞིན་ཡོད། འོན་ཀྱང་དཀའ་འཚེགས་སྣ་ཚོགས་ཀྱི་ཁྲོད་ནས་ཡང་སྙིང་འགྲོ་བ་མིའི་ཐོབ་ཐང་རིན་ཐང་ཆེ་བ་ཡོད་ཀྱང་དཔལ་འབྱོར་སྟོབས་ཤུགས་ཆེ་བ་ཡོད་མིན་རིམ་པས་ཤེས་ཡིན་ནོ།
ཡོ་རོབ་ནང་ང་ཚོས་རྒྱའི་དྲག་པོའི་བྱ་སྤྱོད་དེར་ཁ་བརྡུང་བཏང་། འཇར་མཱན་ནིའི་ཅང་སཱི་ལ་རྒྱ་ནག་ལ་ཕྱིན་ཏེ་ཡོ་རོབ་ཀྱི་དཔལ་འབྱོར་དཀའ་ངལ་སེལ་རྒྱུར་རེ་བསྐུལ་ཞུ་བཞིན་ཡོད། འོན་ཀྱང་རྒྱ་གཞུང་གིས་རང་ཉིད་ཀྱི་དངུལ་ལོ་རྣམས་ཡོ་རོབ་སྐྱོབ་ཆེད་དུ་བེད་སྤྱོད་གཏོང་རྒྱུ་མིན་ལུགས་བརྗོད། དེའི་ཁར་ཨ་རིས་ཀྱང་རྒྱ་ནག་གིས་ཡོ་རོབ་ལ་རོགས་སྐྱོར་བྱེད་དགོས་པའི་གནོན་ཤུགས་སྤྲོད་བཞིན་ཡོད། འོན་ཀྱང་དཀའ་འཚེགས་སྣ་ཚོགས་ཀྱི་ཁྲོད་ནས་ཡང་སྙིང་འགྲོ་བ་མིའི་ཐོབ་ཐང་རིན་ཐང་ཆེ་བ་ཡོད་ཀྱང་དཔལ་འབྱོར་སྟོབས་ཤུགས་ཆེ་བ་ཡོད་མིན་རིམ་པས་ཤེས་ཡིན་ནོ།
འདི་ནི། ༡༩༠༥་ལོར་སུན་ཀྲུང་ཧྲན་གྱིས་འགོ་འདོམས་གནང་སྟེ་ཏུང་ཅིན་དུ་ཞིན་ཀྲུང་ཚོགས་པ་དང་། ཧ་ཞིན་ཚོགས་པ། ཀོང་ཕུ་ཚོགས་སོགས་མཉམ་རུབ་ཀྱིས་སྐུ་ཚབ་འཐུས་མི་བརྒྱ་ལྷག་ངོ་ཕེབས་ཀྱིས་ཚོགས་པ་དེ་གསུམ་ཟླ་བསྒྲིལ་བཏང་སྟེ་ཀྲུང་གོའི་མནའ་མཐུན་ཚོགས་པ་ཞེས་པ་གསར་འཛུགས་བྱས་པའི་རང་བཞིན་དང་ཀུན་ནས་མཚུངས་པས། ད་ནི་འདི་ལྟར་ང་ཚོས་ཤུགས་རྒྱག་དགོས་ཡ།
འདི་ནི་སྟག་སེང་ཁྱུང་འབྲུག་ངོ་མ་ཞིག་ཏུ་སྒྱུར་རྒྱུར་མི་རིགས་བཞི་གའི་མི་དམངས་ཚོ་ཅི་ཙམ་ཚོགས་ཞུགས་དང་མཉམ་འབྲེལ། མཉམ་ལས་ཐུབ་མིན་ལ་རག་ལས་ཡོད། མངོན་པར་བསྟོད་ཀྱང་རྗེས་སུ་འཇུག་པར་བྱའོ།