དེ་རིང་དབུས་བོད་མིའི་སྒྲིག་འཛུགས་བཀའ་ཤག་དང་སྤྱི་འཐུས་ལྷན་ཚོགས་གཉིས་ཀྱིས་བོད་ནང་གི་གནས་སྟངས་ཐོག་གདུང་སེམས་མཉམ་སྐྱེད་ཀྱི་ལས་འགུལ་སྤེལ་རྒྱུའི་ལས་རིམ་བསྒྲགས་འདུག
བཀའ་ཤག་གིས་ཕྱི་རྒྱལ་སྐུ་ཚབ་དོན་གཅོད་ཁག་ལ་བཏང་བའི་བརྡ་ཁྱབ་ནང་། ཕྱི་ཟླ་ ༢ པའི་ཚེས་ ༨ རེས་གཟའ་ལྷག་པའི་ཉིན་བོད་མི་དང་བོད་དོན་རྒྱབ་སྐྱོར་བ་ཚོས་འཛམ་གླིང་ཡོངས་སུ་ཉིན་བརྒྱ་དུས་གཅིག་ཏུ་བོད་དོན་ལས་འགུལ་དང་མཆོད་འབུལ་སྨོན་ལམ་གནང་དགོས་ཤིང་། ཉིན་དེར་བོད་མི་རྣམས་ཀྱིས་ངེས་པར་དུ་བོད་ཆས་གྱོན་ཏེ་ཁ་རས་ནག་པོ་དཀྲིས་ཏེ་བདེན་ཚིག་སྨོན་ལམ་འདོན་དགོས་པ་དང་། ཕྱི་ཟླ་ ༢ ཚེས་ ༢༢ ཉིན་བོད་ཀྱི་ལོ་གསར་ལ་འཁེལ་སྟབས། ཉིན་དེར་བོད་མི་ཚོས་ཆོས་ཕྱོགས་དང་སྲོལ་རྒྱུན་བྱེད་སྒོ་ཁག་མ་གཏོགས་སྤྲོ་སྐྱིད་རིགས་མི་གཏོང་རྒྱུར་འབོད་སྐུལ་ཞུ་བཞིན་ཡོད། ཅེས་བཀོད་འདུག
བོད་མི་མང་སྤྱི་འཐུས་ལྷན་ཚོགས་ཀྱི་བརྡ་ཁྱབ་ནང་། སྤྱི་འཐུས་ལྷན་ཚོགས་ཀྱིས་ལྡི་ལིར་བཅའ་བཞུགས་གཞུང་ཚབ་ཁག་ལ་བོད་ནང་གི་ཛ་དྲག་གནས་སྟངས་ཞུ་སྐུལ་དང་། རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་སྙན་ཞུ་བསྐུར་བ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་དཔོན་རིགས་ཁག་ལ་ཞུ་སྙན་འབུལ་རྒྱུ་དང་། རྒྱལ་ཚོགས་དྲུང་ཆེར་སྤྱི་འཐུས་ཀྱི་ཚབ་ཐུག་ཐབས་བྱ་རྒྱུ། ཕྱི་རྒྱལ་གྲོས་ཚོགས་ཁག་ཏུ་བོད་དོན་ཐོག་རྒྱབ་སྐྱོར་གྲོས་ཆོད་སྣོན་འཇོག་ཡོང་ཐབས་གནང་རྒྱུ་ཡིན་ཚུལ་སོགས་བཀོད་འདུག
གཞན། ཞི་རྒོལ་ནང་འདས་གྲོངས་སུ་ཕྱིན་པ་དག་གི་ཆེད་ཆུ་འབྲུག་ལོའི་ལོ་གསར་སྐབས། ཆོས་ཕྱོགས་ཀྱི་བྱེད་སྒོ་ཙམ་ལས་གཞས་ཞབས་བྲོ་སོགས་མི་གཏོང་རྒྱུ་དང་། ལོ་གསར་བསང་གསོལ་སྐབས་བདེན་ཚིག་སྨོན་ལམ་དང་། བོད་སྐྱོང་ལྷ་སྲུང་འཕྲིན་བསྐུལ། གུ་རུའི་ཐུགས་དམ་གནད་བསྐུལ། གསོལ་འདེབས་བདེན་པའི་རྔ་སྒྲ་སོགས་བགྲང་གསོག་གནང་རྒྱུ། ལོ་གསར་ཚེས་གཅིག་ཉིན་ཐེག་ཆེན་ཆོས་གླིང་གཙུག་ལག་ཁང་དུ་ཚེས་གཏོར་གྲུབ་རྗེས་ངྷ་སར་གནས་བཞུགས་སྤྱི་འཐུས་རྣམ་པས་དགོང་དྲོའི་ཆུ་ཚོད་ ༥ པ་བར་ཟས་བཅད་སྨྱུང་གནས་གནང་རྒྱུ་དང་། སྐབས་དེར་བཞུགས་སྒར་ཉེ་ཁུལ་གྱི་མི་མང་མཉམ་ཞུགས་དང་ས་གནས་ཁག་ནས་ཀྱང་དེ་ལྟར་ཡོང་བའི་འབོད་སྐུལ།
ད་ལོའི་ལོ་གསར་ནས་བཟུང་བོད་མི་གནས་ཡུལ་ས་གནས་ཡོངས་སུ་ལྷག་དཀར་ནམ་ཡིན་ལ་བོད་ཟས་དང་བོད་གོས། བོད་སྐད་བཀོལ་སྤྱོད་སོགས་བོད་པའི་ཆོས་དང་རིག་གཞུང་རྒྱུན་འཛིན་གྱི་བྱེད་སྒོ་ཁག་སྲུང་གཙི་དང་། ལོ་གཅིག་རིང་གཞིས་ཆགས་ཁག་ཏུ་ཟླ་རེའི་ལྷག་དཀར་དང་པོ་སྲུང་བརྩི་ཞུ་ཆེད། འབྲེལ་ཡོད་གོ་སྒྲིག་བྱེད་མཁན་ནས་ལྷག་དཀར་སྲུང་བརྩི་དགོས་པའི་རྒྱུ་མཚན་ངོ་སྤྲོད་དང་༸གོང་ས་མཆོག་གིས་ལྗགས་རྩོམ་གནང་བའི་ཞལ་འདོན་ཁག་བཞི་སྒྲོག་འདོན་བྱེད་དགོས། ཞེས་སོགས་བཀོད་འདུག
གསར་འགོད་པ། དོན་གྲུབ་བཀྲ་ཤིས།
ང་ཚོ་རང་དབང་ལུང་པར་སྡོད་པའི་བཙན་བྱོལ་གཞུང་དང་མི་མང་གིས་ཁ་སང་དེ་རིང་གི་ཛ་དྲག་གནས་བབ་འདི་འདྲའི་སྐབས་སུའང་སྔར་བཞིན་བསྔོ་སྨོན་མཆོད་འཔུལ་དང་། འདས་པོ་ཚོའི་གྲངས་འབོར་གསལ་བསྒྲགས་ཙམ་གྱིས་བོད་ཀྱི་རྩ་དོན་འགྲུབ་མི་སྲིད་ལ། གཞིས་ལུས་བོད་རྒྱ་ཆེའི་མི་མང་གིས་ང་ཚོར་བཅངས་པའི་རེ་བ་དང་ཡིད་ཆེས། ལྷག་དོན་ང་ཚོ་གངས་ཅན་པའི་སྤྱི་དོན་དུ་གཤེགས་ཟིན་པའི་དཔའ་བོ་དཔའ་མོ་ཚོའི་དམིགས་འདུན་དང་ཐུགས་སྨོན་གྱི་ཆ་ཤས་ཙམ་ཡང་སྐོང་ག་ལ་ཐུབ། གང་ལྟར་ཇི་ཡང་མི་འཇོན་གང་ཡང་མི་ཐུབ་ན་བཙན་བྱོལ་གཞུང་གི་རང་མདོག་ངོ་མ་དེ་གཞིས་ལུས་བོད་རྒྱ་ཆེའི་མི་དམངས་གཙོས་འཛམ་གླིང་ཡོངས་ལ་དམར་རྗེན་དུ་བསྟན་ན་མི་བཟང་ངམ།
བཙན་བྱོལ་བཀའ་སྤྱི་གཉིས་ལ་འདྲི་རྒྱུར། བོད་རྒྱ་ཆེའི་མི་མང་གི་དགོས་འདུན་དང་། འདས་ཟིན་པའི་དཔའ་བོ་དཔའ་མོ་ཚོའི་རེ་ལྟོས་ནི་མཆོད་འབུལ་བསྔོ་སྨོན་དང་ནམ་ཞར་གྱི་ཁ་གཡང་དེའི་ཆེད་དུ་རེད་པས????????????
ལས་འགུལ་འདི་རིགས་ལ་གུས་བརྩི་དང་རྒྱབ་སྐྱོར་ཞུ། ལྷག་པར་ལྷག་དཀར་གྱི་ལས་གཞི་རྒྱུན་འཁྱོངས་ཀྱིས་རྒྱ་ཁྱབ་ཏུ་སྤེལ་རྒྱུར་ད་དུང་ལས་གཞིའི་རྣམ་གྲངས་ཇེ་མང་དུ་གཏོང་འོས། དེ་ཡང་ཚོགས་པ་དང་མི་སྒེར་ངོས་ནས་རང་དབང་གིས་སྤེལ་འཐུས་པ་ཞིག་ཆགས་དགོས། ཚང་མས་སེམས་ཟུངས། ལག་ཏུ་ལོངས།
ཁ་སྟག་ཕུན་ཕྱོགས་ཟེར་བའི་གླུ་བ་ཞིག་གིས་བོད་ནས་བླངས་པའི་བོད་བཞས་གསར་པ། སྲིད་བློན་བློ་བཟང་སེངྒེ་ལ་བསྟོད་པ།
གངས་དཀར་གནམ་ཟུག་ཅིང་། །ཉི་ཟླ་མཉམ་དུ་ཤར་བ། །རྫོགས་ལྡན་གསར་པའི་སྐུ་མགྲོན། །བསུ་བའི་ལས་སྐལ་ལྕི་མོ། །མི་འཇིགས་ཕྲག་པར་ཁྱེར་མཁན། །གྱད་མི་བློ་བཟང་སེངྒེ། །སྲིད་བློན་ལགས། མང་པོའི་དཔུང་གིས་བཏེག་པའི། །གནམ་གྱི་སྲས་པོ་ཡིན་ཡང་། །གསེར་གྱི་ཁྲི་ལས་ཕབ་མཁན། །ཕ་མེས་བཙན་པོའི་རྐང་རྗེས། །ཟིན་པའི་བརྡ་ལན་སྤྲོད་མཁན། །དཔའ་བོ་བློ་བཟང་སེངྒེ། །སྲིད་བློན་ལགས། བཙན་དབང་གཉའ་གནོན་ཞིག་ལ། །ཞེན་ཁ་གཏིང་ནས་ལོག་པས། །གངས་ཅན་བོད་མིའི་སྐྱིད་སྡུག། ཐབས་དང་རྒྱུ་ལ་མི་བསྐུ། །ཆོལ་གསུམ་གཅིག་ཏུ་སྒྲིལ་མཁན། །དེད་དཔོན་བློ་བཟང་སེངྒེ། །སྲིད་བློན་ལགས། མང་པོའི་ཕྱོགས་སུ་མི་རྒྱུགས། །ཞེན་པའི་མཐའ་ལ་མི་ལྷུང་། །གཞིས་བྱེས་བོད་མའི་ཁ་ཕྱོགས། །བཅོས་བསྒྱུར་གསར་གཏོད་བརྒྱུད་དེ། །རང་དབང་རང་གིས་ལེན་མཁན། །མཛངས་མི་བློ་བཟང་སེངྒེ། །སྲིད་བློན་ལགས།
བཀའ་ཤག་གིས་རྟག་པར་སྨོན་ལམ་དང་མཆོད་འབུལ་རྐྱང་གནང་ནས་བསྡད་ན་འགྲིགས་སམ། གཤམ་གྱི་དྲྭ་བྱང་དེའི་ཐོག་གཅིག་གཟིགས་དང་། ངེས་པར་ཏུ་བླ་བཟང་སེང་གེ་ལགས་ཀྱིས་གཟིགས་རོགས།
http://www.facebook.com/photo.php?v=349813521710417
ཐུགས་རྗེ་ཆེ་ངོ་མ་ཡག་པོ་རེད་མ་གཏོགས་བོད་ནང་དུ་སྤུན་ཟླ་གང་མང་ཞིག་གི་རང་སྲོག་བློས་བཏང་ནས་བོད་མི་རིགས་ཀྱི་རྩ་དོན་ཆེད་དུ་འདི་ལྟར་དམར་གཞུང་གི་དྲག་གནོན་བྱེད་ཀྱི་ཡོད་པ་རེད། འུ་ཚོས་མཆོད་འབུལ་དང་བསྔོ་སྨོན་རེ་འདོན་གྱི་དང་མར་མེས་ཁྲོམས་སྐོར་རེ་བྱེད་རྒྱུས་ལས་ཐབས་གཞན་མེད་པ་རེད། འོན་ཀྱང་གང་ནུས་ཀྱི་འུ་ཚོས་ལས་འགུལ་སྤེལ་གྱི་གལ་ཆེན་རེད། སྤྱིར་བཏང་བཀའ་ཁྲི་དང་ཚོགས་གཙོ་རྣམ་གཉིས་ཀྱི་རང་ནུས་གང་ཡོད་ཀྱི་བོད་མི་རིགས་ལ་ཞབས་ཕྱི་སྒྲུབ་ཀྱི་ཡོད་པ་ཡིད་ཆས་ཡོད་བཀའ་དྲིན་ཆེ།
མྱ་ངན་དང་ མཆོད་འབུལ་ ཞུ་ དགོས་ངེས་རེད་ འོན་ཀྱང་དེ་ནས་ མཆོད་ཁང་དང་ ཚོགས་ཁང་སོགས་སུ་མ་ཡིན་པ་ ས་གནས་སོ་སོའི་རྒྱ་ནག་གཞུང་ཚབ་ཁང་དང་ གནད་ཡོད་ས་གནས་སོགས་ ཀྱི་མདུན་དུ་ གནང་ན་ གནས་ཚུལ་ཕྱིར་བསྒྲགས་འགྲོ་རྒྱུ་ ཕན་ཐོགས་ཆེ་བ་སྙམ་།
ང་ཚོ་རང་དབང་ལུང་པར་སྡོད་པའི་བཙན་བྱོལ་གཞུང་དང་མི་མང་གིས་ཁ་སང་དེ་རིང་གི་ཛ་དྲག་གནས་བབ་འདི་འདྲའི་སྐབས་སུའང་སྔར་བཞིན་བསྔོ་སྨོན་མཆོད་འཔུལ་དང་། འདས་པོ་ཚོའི་གྲངས་འབོར་གསལ་བསྒྲགས་ཙམ་གྱིས་བོད་ཀྱི་རྩ་དོན་འགྲུབ་མི་སྲིད་ལ། གཞིས་ལུས་བོད་རྒྱ་ཆེའི་མི་མང་གིས་ང་ཚོར་བཅངས་པའི་རེ་བ་དང་ཡིད་ཆེས། ལྷག་དོན་ང་ཚོ་གངས་ཅན་པའི་སྤྱི་དོན་དུ་གཤེགས་ཟིན་པའི་དཔའ་བོ་དཔའ་མོ་ཚོའི་དམིགས་འདུན་དང་ཐུགས་སྨོན་གྱི་ཆ་ཤས་ཙམ་ཡང་སྐོང་ག་ལ་ཐུབ། གང་ལྟར་ཇི་ཡང་མི་འཇོན་གང་ཡང་མི་ཐུབ་ན་བཙན་བྱོལ་གཞུང་གི་རང་མདོག་ངོ་མ་དེ་གཞིས་ལུས་བོད་རྒྱ་ཆེའི་མི་དམངས་གཙོས་འཛམ་གླིང་ཡོངས་ལ་དམར་རྗེན་དུ་བསྟན་ན་མི་བཟང་ངམ།
བཙན་བྱོལ་བཀའ་སྤྱི་གཉིས་ལ་འདྲི་རྒྱུར། བོད་རྒྱ་ཆེའི་མི་མང་གི་དགོས་འདུན་དང་། འདས་ཟིན་པའི་དཔའ་བོ་དཔའ་མོ་ཚོའི་རེ་ལྟོས་ནི་མཆོད་འབུལ་བསྔོ་སྨོན་དང་ནམ་ཞར་གྱི་ཁ་གཡང་དེའི་ཆེད་དུ་རེད་པས????????????
རང་གི་རྐང་པ་རང་གིས་མར་འཐེན་མཁན་ཞིག་གིས་ལས་འགུལ་འདི་འདྲ་ཞིག་མ་གཏོགས་ནམ་ཡང་ནུས་ཀྱི་མ་རེད། ནམ་ཡང་ཞལ་འདོན་དང་མཆོད་འབུལ་སྨོན་ལམ་འདྲ་བོའི་ལས་འགུལ་བྱབ་ཆུང་རྐྱང་གིས་བོད་ཀྱི་རྩ་དོན་ཕར་འགྱངས་བྱེད་ཀྱི་རེད། བོད་ཀྱི་དཔའ་རྒོད་ཚོས་བསྒྲགས་དང་སྒྲོག་གིན་ཡོད་པའི་ཁ་གཡང་དེ་དག་རྒྱབ་ལ་བཞག་ནས་དེ་ལས་ལྡོག་ཕྱོགས་ཀྱི་ལས་དོན་རྐྱང་རྐྱང་བྱས་སྡོད་ཀྱི་རེད། ད་་་་ལས་ཀྱི་སྣེ་མོ་འདི་ཚོ་ལ་ཡིད་ཆེས་འདུག་གམ། སེང་གེས་བསྒྲགས་པའི་གསར་བཏོད་ནི་མགོ་འདོགས་ཀྱི་ལས་ཀ་འབའ་ཞིག་རེད་འདུག་ག་་་་་
བཀའ་སྤྱི་ཡི་ལས་འགུལ་ཞིག་ལབ་དུས་དགའ་འོས་མོ།འོན་ཀྱང་མཆོད་འབུལ་སྨོན་ལམ་དང་ཞལ་འདོན་ཞེས་ཟེར་དུས་ངུ་བྲོ་ཞིང་སེམས་ཤུགས་གཏིང་ནས་ཆགས། ད་དངོས་གནས་གངས་ཅན་སྐྱིད་གཤོངས་ཆབ་སྲིད་ཀྱི་སྲིད་བྱུས་ཤིག་མེད་དམ། ཁ་གསལ་བོ་བཟོས་རོགས།
རེད་རེད། མར་མེད་ཅང་རྩམ་པ་ཕུར་ཕུར་གཏོང་དགོས་པ་དང་། ཇ་མེད་རུང་ཇ་དེམ་གནམ་ལ་བཀྱགས་ན་ལོས་བཟང་།