རྒྱ་དམར་གྱི་དར་དམར་མེར་བསྲེགས།

བོད་ཀྱི་གཞོན་ནུ་ལྷན་ཚོགས་ལ་སྨ་འབེབ་མཁན་གྱི་རྒྱལ་ཚོང་བ་རྣམས་ཀྱིས་དད་པ་མེད་ན་ཡོད་འདོག་བྱེད་བཞིན་གོང་ས་མཆོག་གི་དགོང་པ་དཀྲུག་སོང་ཟེར་་་་འོ་ན་ཁྱེད་ཚོ་ལ་བོད་རྒྱལ་ཁབ་ཆེ་མོ་འདི་དགོས་སམ་ཡང་ན་གོང་ས་མཆོག་དགོས།

གཞོན་ནུ་ལྷན་ཚོགས་ཀྱི་བཤད་ཡ་ལ་རྒྱུ་མཚན་འདུག།དེ་ལ་ང་ཚོ་བོད་པ་ཞིག་གིས་ངོས་ནས་སྐྱོན་བརྗོད་བྱས་ན་མི་འཚམས་པ་ཞིག་རེད།

རྒྱ་ནག་གི་རྒྱལ་དར་མེར་བསྲེགས་པ་ཙམ་ལ་བསམ་ཚུལ་གང་ཡང་མེད། དར་དམར་ཆུང་ངུ་ལས་ཆེན་པོ་རྡ་སར་ཁེབས་པ་འདྲ་པོ་བསྲེག་ཀྱང་རང་བཙན་གྱི་དྲི་ཙམ་མི་ཚོར་བ་སུས་ཀྱང་རྟོགས་ནུས ། ཁ་ནས་རྒྱ་ནག་ལ་རྒོལ་བ་བྱས་ཀྱང་ཞེ་ཕུགས་ནས་བོད་གཞུང་ལ་གཟས་པ་འདྲ་བོ་ཚོར་བྱུང་། རྒྱུ་མཚན་དར་དམར་བསྲེག་ན་རྒྱ་ནག་ལ་ཕོག་ཐུག་འགྲོ་མི་འགྲོ་ཞེས་པའི་སྐད་ཆ་ཤུགས་ཆེན་གློད་པ་དེ་སུ་གཟས་པ་རེད་ལབ་ན་ཟམ་གདོང་བླ་མ་ནས་ད་ལྟའི་རྒྱ་ནག་ལ་ཞི་འགྲིག་གི་སྐད་ཆ་མོལ་མཁན་ཚོར་རེད

རྒྱ་མིའི་དར་དམར་མེ་བསྲེགས་ཀྱི་ལས་འགུལ་ལ་རྗེས་སུ་ཡིད་རང་ཞུ།
གོང་དུ་མགར་ཚེ་སྐྱིད་དང་ཤར་མདའ་སོགས་རྒྱལ་ཚོང་དེ་ཚོ་སྐད་ཆ་དེས་ངོ་མ་ཡིད་ཐང་ཆད་དུ་བཅུགས་སོང་། བོད་ནང་དུ་སྲོག་བློས་གཏོང་གི་ལས་འགུལ་སྤེལ་དུས་ཁོང་ཚོ་ཉེན་ཁ་གཅིག་ཀྱང་མེད་ས་ནས་དམར་པོའི་གཞུང་ལ་རྣམ་འགྱུར་ངན་པ་ཞིག་ཀྱང་སྟོན་མི་ནུས་ག་རེ་ཡིན་ནམ། རྒྱལ་ཚོང་བ་ཚོ་ཅི་ཞིག་གི་ཆེད་དུ་བཙན་བྱོལ་སྤྱི་ཚོགས་ནང་ཡོང་བ་ཡིན་ནམ???????

ཡ་ཡ། བོད་ནང་དུ་གནས་ཚུལ་བྱུང་རིགས་ཕྱི་ལོག་དུ་གནས་པའི་གཞོན་ལྷན་གཙོས་པས་ངན་སྐུལ་བྱས་ནས་བྱུང་བ་རེད་ཟེར་བསྒྲགས་བྱེད་བཞིན་འདུག གལ་སྲིད་ཕྱི་ལོག་ཏུ་གནས་པ་ལ་དེ་ལྟར་སྐུལ་མ་བྱེད་ཐུབ་པའི་འཇོན་ནུས་ཤིག་ཡོད་ན་ཤིན་ཏུ་དགའ་འོས་ཀྱང་། དེ་ནི་མ་ཡིན།
བོད་ནང་བཙོན་དང་གཉིས་སུ་མེད་པར་གནས་པའི་དཔའ་བོ་དཔའ་མོ་གོ་རྟོགས་ཅན་རྣམས་ཀྱིས་མ་སྐུལ་དྭངས་བླངས་ཀྱིས་སྟོབས་ཆེན་གྱི་རྒྱལ་ཁབ་ཀྱང་། ཡོམ་ཡོམ་འགུལ་བསྐྱོད་བྱེད་དགོས་ཐུག་གི་འདུག
རྒྱ་གཞུང་གིས་དེ་དག་ལ་བཙན་གནོན་གྱི་ཐོག་ཏུ་དྲག་ཏུ་བཙན་གནོན་བྱེད་པའི་གོ་སྐབས་འཚོལ་གྱིན་ཡོད་པར་། གཞོན་ལྷན་གྱིས་རྒྱ་གཞུང་ལ་གདོང་གྲོགས་ཡག་པོ་ཞིག་བྱེད་འདུག་ག།
རྒྱ་གཞུང་གིས་བོད་མི་གསོད་ཕོད་ལ་ང་ཚོས་གུང་ཁྲན་གྱི་རྒྱ་དར་སྲེག་མི་ཕོད། དེའི་རྒྱུ་མཚན་ནི། དེའི་རྒྱུ་མཚན་ནི། ང་ཚོས་དྲག་པོས་ལས་འགུལ་གྱིས་རྒྱ་གཞུང་ལ་རྨིན་ལམ་ཚུན་གྱིས་ཁ་གཏད་གཅོག་མི་ཐུབ་པ། བྱིས་པ་བསམ་མེད་ཡན་གྱིས་ཤེས་ཐུབ། པཎ་ཆེན་སྐུ་གཤེགས་དམ་པ་དེས། བོད་ཀྱིས་རྒྱ་ལ་འཐབས་པ་དེ། གནམ་ལ་ཡར་འཆང་བ་དང་མཚུངས་གསུངས་པ་དེས་སྡོམ་ཚིག་བྱས་ཡོད་རེད།
ཚོགས་པ་འདྲ་མིན་ལ་ལྟ་གྲུབ་འདྲ་མིན་ཡོད་རེད་ལ་ཡོད་ཀྱང་ཆོག་རེད། འོན་ཀྱང་སྤྱི་ནོར་གོང་ས་སྐྱབས་མགོན་ཆེན་པོས་ལམ་སྟོན་གནང་བའི་འཚེ་མེད་ཀྱི་ལྟ་གྲུབ་དེ་ལྟ་གྲུབ་ཀྱི་སྲོག་དུ་འཆང་ནས་རང་ལུས་གཞན་གྱི་ཆེད་དུ་མེ་མཆོད་ཕུལ་བ་ཡན་གྱིས་ལས་འགུལ་རབ་དང་རིམ་པ་སྤེལ་བས། འཛམ་གླིང་གི་རྒྱལ་ཁབ་རྣམས་དང་། གཞུང་འབྲེལ་མིན་པའི་ཚོགས་པ་དག་གིས་བོད་པར་རྒྱབ་སྐྱོར་ཤུགས་ཆེན་དངོས་ཤུགས་བརྒྱུད་གསུམ་ནས་བྱེད་ཀྱིན་ཡོད་ལ། བོད་པའི་གནས་དོན་དེ་འཛམ་གླིང་གི་གནད་དོན་ཞིག་ཏུ་ཆགས་ཐུབ་ཡོད།

གཤམ་དུ་མི་མང་པོ་ཞིག་གིས་དགོང་ཚུལ་གསུངས་འདུག།ངས་བསམ་ན་གཞོན་ནུས་ལས་འགུལ་ལ་རྒྱབ་སྐྱོང་བྱེད་དགོས་པ་ཞིག་མཐོང་།གང་ལ་ཞེ་ན་རྒྱ་ནག་དམར་གཞུང་གི་རྒྱལ་དར་མེ་བསྲེགས་བཏང་བ་དེ་རྒྱ་ནག་དམར་གཞུང་གི་བོད་མི་ཐོག་འཛིན་པའི་སྲིད་བྱུས་ལ་ངོ་རྒོལ་བྱས་པ་ཞིག་ཡིན་པ་ལས་རྒྱ་མི་རིགས་ལ་མིན་པར་གསལ་བཤད་གཙང་མ་བཟོས་འདུག།སྐར་ལྔ་དར་དམར་མེ་བསྲེགས་བྱེད་དུས་རྒྱ་མི་སེར་ནང་ལ་བོད་ཀྱི་གནས་གཏང་མི་ཤེས་མཁན་མང་པོ་ཞིག་གི་སེམས་ལ་དེ་ཅི་ཡིན་ནམ་ཞེས་དྲི་བ་ཡང་ཡོང་སྲིད་ལ་དེ་ཡི་ཐོག་ཞིབ་འཇུག་ཡང་བྱ་སྲིད།
ཡང་ཁ་གཅིག་གིས་བོད་མི་ཐོག་མཐའ་གཅིག་ཏུ་སྡང་མིག་ལྟ་སྲིད་ཀྱང་དེ་ནི་ལོག་ལྟ་ཞིག་ཡིན་པའི་ག་ལེ་བྱས་ནས་གསལ་ཐུབ།
དབུ་མའི་ལམ་དང་ལྟ་བ་ཐ་དད་པ་ཡོད་དགོས་པ་ཞིག་རེད།གལ་སྲིད་ལམ་བུ་གཅིག་འགག་སོང་ནའང་གཅིག་ཡོད་ཡོད་པ་ཡིན་པའི་ལམ་དུ་འགྲོ་བསྐྱེད་བདེ།ང་ཚོའི་སྤྱི་ཚོག་ནང་དུ་རྒྱ་གཞུང་ལ་མིག་ནང་གི་གྲ་མ་གང་ཡིན་པ་དེ་ལ་མཐའ་གཅིག་དུ་བཀག་འགོག་བྱེད་ཀྱི་ཡོད་པའི་དེ་ནི་ང་ཚོའི་ནུས་ཤུགས་ཡོད་པའི་ཚོགས་པ་ཤིག་གམ་ནུས་པ་ཅན་གྱི་མི་སྣ་ཞིག་ཡིན་སྲིད་པའི་ང་ཚོས་དེ་ལ་རྒྱབ་སྐྱོང་མཐའ་གཅིག་ཏུ་བྱེད་དགོས་པ་ལས་ཕྱོགས་ཞེན་དང་ཕྲ་དོགས་བྱེད་མི་ཉན།ཕྲ་དོགས་དང་ཕྱོགས་ཞེན་བྱེད་ན་དགྲ་རྒྱལ་རང་འཕམ་ཡོང་བའི་རྒྱུ་ཡིན་པ་ཚང་མས་ཤེས་རྒྱུ་རེད།
རྒྱ་གཞུང་གི་བོད་མི་དམར་བསད་གཏོང་བ་དང་བཙན་འཇུག་བྱེད་པ་དེ་ཚོ་ཆོག་པ་ལ་ང་ཚོས་དར་དམར་མེ་བསྲེགས་བཏང་མི་ཆོག་པ་གང་ཡང་མེད།ང་ཚོས་བློས་བཏང་མང་པོ་བྱས་ཚར།ང་ཚོས་དར་དམར་མེ་བསྲེགས་བཏང་བ་ཙམ་གྱི་རྒྱ་སྤྱི་ཡི་ཁྲིམས་དང་འགལ་བ་ཡིན་ན་རྒྱ་གཞུང་གིས་བོད་མི་དམར་བསོད་བཏང་བ་སོགས་ལས་དེ།རྒྱ་སྤྱི་ཡི་ཁྲིམས་དང་མཐུན་པ་ཨེ་ཡིན་ནམ།གལ་སྲིད་ང་ཚོ་ལ་ཁྲིམས་དང་འགལ་ལོ་ཟེར་ན་དེ་ནི་ཕྱོགས་ཞེན་ནམ་སྤྲེལ་ལད་ཅིག་ཡིན་པ་ལས་ཡང་དག་པའི་ཁྲིམས་ཤིག་མིན་པ་གསལ་པོ་ཆགས་པ་རེད།དེ་ནས་བཟུང་ང་ཚོས་ཀྱང་བསམ་བློ་གཏང་དགོས་པ་ཞིག་ཆགས་པ་རེད།
གཞོན་ལྷོན་གྱི་ཁ་སང་སྤེལ་བའི་ལས་འགུལ་དེ་ལྡེ་ལི་རྒྱ་ནག་གཞུང་མཚམས་ཁང་གི་འདུན་དུ་ཡིན་ན་དེ་ལས་དགའ་བ།མུ་འཐུད་ནས་ལས་འགུལ་སྤེལ་དགོས་ལ་མཚམས་ཆད་མི་ཉན།དེ་ཡང་རྒྱ་ནག་གཞུང་མཚམས་མདུན་དང་མཉམ་འབྲེལ་རྒྱལ་ཚོགས།འགྲོ་བ་མི་ཡི་ཐོབ་ཐང་ཚོགས་པ་སོགས་ཀྱི་མདུན་དུ་སྤེལ་དགོས་པ་ལས་ས་ཁུག་ལུང་ཁུག་དུ་སྤེལ་ན་ནུས་པ་ཐོན་མི་ཐུབ།།བོད་མི་རང་དབང་གི་དོན་དུ་ལས་འགུལ་ཆེན་ཆུང་ཅི་སྤེལ་རུང་།ག་འདྲའི་ཞིག་སྤེལ་རུང་ཐམས་ཅད་ལ་རྒྱབ་སྐྱོང་དང་སྤེལ་མི་རྣམས་ལ་ཐུགས་ཆེ་ཞུ་རྒྱུ་ཡིན།།

དྲང་པོ་ཞུས་ན། གཞོན་ནུ་ལྷན་ཚོགས་ཟེར་ན་མི་འདོད་ཀི དེ་བས་མིང་བྱང་འདི་བསྒྱུར་ནས་དཀྲུགས་གཤིས་ལྷན་ཚོགས་ཟེར་ན་ཏག་ཏག་བསྡད་ཀྱིན་འདུག་པ་འདྲ། དེ་རིང་གི་ལས་འགུལ་འདི་༧གོང་ས་མཆོག་གི་བཀའ་དང་འགལ་བའི་གདུག་རྩུབ་ཅན་གྱི་བྱ་སྤྱོད་ཅིག་རེད། དེ་ནི་༧གོང་ས་མཆོག་གིས་འཛམ་གླིང་ཡོངས་ལ་བཤད་བཞིན་པའི་འཚེ་མེད་ཞི་བའི་ལས་འགུལ་ལས་རྒྱབ་འགལ་ཏག་ཏག་བཟོས་འདུག ངོ་མ་དེ་རིང་དཀྲུགས་གཤིས་ལྷན་ཚོགས་ཀྱིས་གླེན་རྟགས་བསྟན་འདུག

སྤྱི་སྟངས་གཞིས་ལུས་རྒྱ་ཆེའི་མི་མང་གི་རེ་འདོད་དང་བློས་བཏང་ལ་བསམ་ཤེས་དང་གོ་ཤེས་གནང་པར་བོད་ཀྱི་གཞོན་ནུ་ལྷན་ཚོགས་ལ་ཐུགས་རྗེ་ཆེ་ཞུ། འོན་ཀྱང་རྒྱ་དར་མེ་བསྲེགས་ཀྱི་ལས་འགུལ་འདི་ལྟ་བུས་དོན་དམ་དུ་གཞིས་ལུས་མི་མང་གི་མངོན་འདོད་འགྲུབ་པའི་འགོག་རྐྱེན་དུ་འགྱུར་ཉེན་ཆེ། རྒྱུ་མཚན་ནི་ཁོང་ཚོར་གཅིག་གྱུར་དུ་མངའ་བའི་མངོན་འདོད་གལ་ཆེ་ཤོས་གཅིག་ནི་༸གོང་ས་མཆོག་བོད་ལ་གདན་འདྲེན་ཞུ་རྒྱུ་དེ་རེད། དེ་མཚུངས་སུ་རྒྱ་ནག་མི་མང་མང་པོ་ཞིག་ལ་ཡང་མངོན་འདོད་འདི་གཅིག་མཚུངས་ལྟ་བུར་ཡོད་པས་མ་མཐའ་ཡང་རྒྱ་མི་ཁོང་ཚོའི་བསམ་བློ་སྤྱིའི་གོ་རྟོགས་ལ་བསམ་ཤེས་དང་ཕོག་ཐུག་ཏུ་མི་འགྲོ་བ་ཞིག་བྱ་དགོས་པར་སེམས་ཡོད། སྤྱིར་བཏང་གཞུང་འབྲེལ་གྱི་ལས་འགུལ་ཞིག་མིན་པས་ལས་འགུལ་ཀྱི་རྣམ་གྲངས་དང་རྣམ་པ་ལ་ང་ཚོ་དམངས་ཀྱིས་ཐེ་གཏོགས་དང་དེ་ཙམ་འབྲེལ་མིན་མི་ཤེས་མོད། འོན་ཀྱང་ཡིད་གཟབ་དགོས་པ་ཞིག་ལ། ང་ཚོ་གཞུང་སྒེར་སུའི་འཐབ་རྩོད་ཀྱི་ལྟ་གྲུབ་གང་ཞིག་ཡིན་ཡང་། མཐའ་མའི་གྲུབ་འབྲས་སམ་རྒྱལ་ཁ་ལེན་པ་ལ་ཐུན་མོང་དུ་མཁོ་བའི་ཆ་རྐྱེན་གཙོ་བོ་གཅིག་ནི་རྒྱ་ནག་མི་མང་གིས་རྒྱབ་སྐྱོར་དང་ངོས་ལེན་ཐོབ་པ་ཞིག་དགོས་གལ་ཆེ་བས། དོན་ལ་རྒྱ་བོད་མི་རིགས་ཀྱི་དབྱེ་འབྱེད་མེད་པར་སྒེར་གཅོད་དབང་འཛིན་པར་ངོ་རྒོལ་ཡིན་ཡང་ཕ་རོལ་རྒྱ་མི་དམངས་ལ་དེ་འདྲའི་གོ་རྟོགས་ཤིག་མེད་པ་མ་ཟད་ང་ཚོ་སྤྱི་སྒེར་སུས་རྒྱ་ནག་དབང་འཛིན་པ་དང་མི་དམངས་དབྱེ་འབྱེད་མེད་པར་རྒྱ་མི་དམངས་ལ་ཕོག་ཐུག་ཏུ་འགྲོ་བའི་ལས་འགུལ་སྤེལ་ན་ཡང་དེ་དག་རྒྱ་ནག་དབང་འཛིན་པས་ལས་སླ་བོའི་ངང་རྒྱ་ནག་མི་མང་ང་ཚོའི་ཁ་གཏད་དུ་ལངས་པའི་སྐུལ་སློང་གི་རྒྱུ་རྐྱེན་དུ་འགྱུར་པར་ངེས། དེས་སྟབས་ཀྱིས་ཕྱིས་སུ་ཡང་འཐབ་རྩོད་དང་ངོ་རྒོལ་གྱི་རྣམ་པ་རྒྱ་དར་མེར་བསྲེག་གིས་མཚོན་འབོད་ཚིག་དང་འཕྲེད་དར་སོགས་གང་ཡིན་ཡང་མངོན་གསལ་འདོད་པོས་དབང་འཛིན་པ་དང་དམངས་ཀྱི་དབྱེ་འབྱེད་ཐོན་པ་ཞིག་གལ་ཆེ་བར་སྙམ་མོ།།

གང་ལྟར་རྒྱ་དར་མེར་བསྲེགས་ཀྱི་ཐད་བསམ་ཚུལ་སྣ་ཚོགས་འདུག འོན་ཀྱང་ང་ནི་རྒྱ་དར་མེར་བསྲེགས་ལ་མི་མོས། རྒྱུ་མཚན་དེའི་དབང་གིས་མདང་དགོང་ས་གནས་ཀྱི་ལས་འགུལ་སྐབས་སུའང་རྒྱ་དར་མེར་བསྲེག་རྒྱུ་རེད་ཟེར་བས་དེར་མ་སོང་། སྤྱིར་ང་ཚོ་སུ་ཡིན་རུང་དགོས་པདང་དགག་བྱ་ལ་བསམ་བློ་བཏང་ནས་དགོས་ཆེན་པོ་ཡོད་ན་དགག་བྱ་ལ་ཆེར་མ་བལྟས་ཀྱང་འགྲིག་པ་རེད། འོན་ཀྱང་གཞོན་ནུ་དང་རྒྱ་དར་མེར་བསྲེག་ལ་རྒྱབ་སྐྱོར་བྱེད་མཁན་དག་ལ་དགོས་པ་དང་གྲུབ་འབྲས་འདི་དང་འདི་རེད་ཅེས་མིག་སྟོན་བྱ་རྒྱུ་མེད་པ་འདྲ།

ལས་འགུལ། སུ་དང་སུ་འགུལ་རྒྱུ་རེད། རྒྱུན་རིང་བོའི་ཆབ་སྲིད་ཀྱི་ཐབས་ལམ་བཙལ་ནས་འགུལ་དགོས་པ་ལས། སེམས་ཚོར་ཐར་ཐོར་དང་། གནས་སྐབས་ལམ་ལམ་གྱི་ཐོག་ནས་ཉུང་ཙམ་འཁྱུག་ཙམ་འགུལ་བས་མི་ཕན་ལ། འར་འུར་དང་ཀི་ཅོ་ཙམ་གྱིས་ཀྱང་ག་ལ་ཕན། ལྷན་ཚོགས་ལགས།
ས་ཡི་འགྱུར་བ་རྩྭ་དང་ཤིང་གིས་ཤེས།།
མི་ཡི་འགྱུར་བ་བསམ་བློ་རྒན་པོས་ཤེས།།
བློ་སྣ་ཐུང་བ་ཤེས་རྒྱ་ཆུང་བ་དང་།།
ཕུགས་རྒྱང་རིང་བོའི་བྱ་བ་དལ་དང་གཟབ།།

ཨ་རིགས་དགེ་མཐོང་གི་བཤད་པ་བདེན་ཕྱོགས་ཞིག་དང་། བོད་ཀྱི་གཞོན་ནུ་ལྷན་ཚོགས་རྒྱལ་དར་མེ་བསྲེགས་བཏང་བ་ལ་དགོས་པ་དང་རྒྱུ་མཚན་མང་པོ་ཡོད་རྒྱུ་རེད་སྙམས།
ཨ་རིགས་དགེ་མཐོང་དགེ་སློང་ཆོས་བསྒྲུབ་མཁན་ཞིག་ཡིན་པས་སེམས་གི་ཡངས་གི་རྣམས་པ་ཞིག་ཡིན་རྒྱུ་རེད་ད་དུང་དེ་ལས་ཚད་མདོག་ཁ་བོ་མ་རེད་རྒྱུ་མཚན་མང་པོ་ཡོད་རྒྱུ་རེད།
ཡིན་ཡང་ལས་འགུལ་ཞིག་སྤེལ་ན་དེའི་བཟང་ཕྱོགས་དང་ངན་ཕྱོགས་གཉིས་ཆ་བཤད་ན་ཡག་པོ་འདུག་མི་དྲང་མོ་ཞིག་ཡིན་པ་ཡང་མཚོན་རྒྱུ་རེད་ལ།
མི་མང་པོ་ཞིག་གི་བློ་སྐྱེད་ཡང་ཡང་པོ་ཞིག་རག་རྒྱུ་རེད།

གཞོན་ནུའི་ལས་འགུལ་ལ་རྒྱབ་སྐྱོར་ཡོད། རྒྱ་མིས་མི་གསོད་ཐུབ་ན་ང་ཚོས་རས་ཆད་ཅིག་ཅི་ལ་བསྲེགས་མི་ཐུབ་པ་རེད། སྲིད་གཞུང་གན་གི་སྙིང་ནང་ལ་གང་མི་འགྲོ་བ་དེ་བྱ་དགོས་པ་རེད། དགེ་མཐོང་ལྟ་བུའི་མིག་ཡ་གཅིག་ཅན་གྱི་ཆབ་སྲིད་པ་ཚོས་རྒྱབ་མིའི་ཚབ་ཏུ་བཤད་ཀྱིན་པ་ཞིག་དང་ཀུན་མཚུངས། འདི་ལྟ་བུའི་གུ་ཡངས་མདོག་དང་གཞན་བསྟུན་བྱ་མཁས་མདོག་བསྟན་ནས་མི་ལོ་ལྔ་བཅུ་སོང་བ་རེད། ད་ནི་སོ་སོའི་ཚེ་སྲོག་སྲུང་ཆེད་འཇིགས་སྐུལ་བ་ཕར་མེ་མདས་བཞུ་ཐུབ་ནའང་ཁྲིམས་འགུལ་ཡིན་ནི་མ་རེད། འདི་རྒྱལ་སྤྱིའི་རྩ་ཁྲིམས་ལས་རང་སྲོག་སྲུང་ཐབས་ཀྱི་ཐོབ་ཐང་ཞིག་ཡིན་པ་དེའོ།

ད་ཡིན་ན་གཞོན་ནུ་ལྷན་ཚོགས་ཡིན་ནམ་དོན་གྲུབ་ལྷ་དར་ཡིན། གང་ལྟར་ད་ཐེངས་ཀྱི་ལས་འགུལ་འདི་གླེན་རྟགས་ཚབས་ཆེན་ཞིག་ཡིན་པས་མི་མང་གིས་གཟབ་རོགས་ཞུ།
སྤྱིར་བཏང་བོད་ཀྱི་གཞོན་ནུ་ལྷན་ཚོགས་ནི་ང་ཚོའི་རེ་བ་རྒྱག་ས་ཞིག་ཡིན་མོད། གནད་འགག་གི་སྐབས་སུ་ཐོན་དུས་གླེན་རྟགས་ལས་མི་འདུག

གལ་སྲིད་རྒྱ་མིའི་རྒྱ་དར་མེ་བསྲེགས་རྒྱུ་ན་བོད་ནང་ནས་བསྲེགས་ན་བུ་ཡིན་ནི་རེད་ལ། དོན་གོ་ཡང་ཆོད་སྲིད། དེ་མིན་སང་ཉིན་བཟུང་ནས་རྒྱལ་སྤྱིའི་ཁྲིམས་ལུགས་དང་འགལ་བ་རེད་ལ། བོད་ནང་གི་སྤུན་ཟླ་ཚོ་ལ་བསམ་བཞིན་དུ་སྡུག་བསྔལ་མྱོང་བཅུགས་པ་རེད།
ཁོ་ཚོ་རང་དབང་ལུང་བ་ནས་བསྡད་དེ་རས་དམར་པོ་ཞིག་མེ་བསྲེགས་པ་རེད། ད་དུང་རྒྱ་མིའི་རྒྱ་དར་ལབ་པ་དོན་དངོས་སུ་རྒྱ་ནག་ནས་ཁྱེར་ཡོང་བའི་རས་རྐྱང་ཞིག་ཀྱང་ཕལ་ཆེར་ཡིན་རྒྱུ་མ་རེད། མི་མང་གིས་གཟབ་རོགས། མི་མང་མགོ་འཐོམ་མི་ཉན།