དེ་རིང་གཟའ་ཟླ་བའི་ཉིན་ནས་བཟུང་རྒྱ་གཞུང་གི་བཀོད་ཁྱབ་འོག་ཟླ་གཅིག་རིང་བོད་ལྗོངས་སློབ་གྲྭ་ཆེན་མོའི་སྒོ་གཏན་རྒྱུ་ཡིན་འདུག
ཕྱི་ཟླ་ ༣ ཚེས་ ༥ ནས་བཟུང་རྒྱ་གཞུང་གི་བཀོད་ཁྱབ་འོག་བོད་ལྗོངས་སློབ་གྲྭ་ཆེན་མོ་ཟླ་གཅིག་རིང་སྒོ་གཏན་རྒྱུ་ཡིན་འདུག ཟླ་གཅིག་གི་དུས་ཡུན་རིང་སློབ་མ་གཅིག་ཀྱང་སློབ་གྲྭའི་ཕྱི་ལོགས་སུ་འགྲོ་མི་ཆོག་པའི་བཀག་སྡོམ་བྱ་རྒྱུ་ཡིན་པ་མ་ཟད། སློབ་གྲྭའི་ནང་ལོགས་སུའང་སློབ་མའི་ཐོབ་ཐང་ལག་ཁྱེར་ལ་ཞིབ་བཤེར་ནན་མོ་བྱས་ཏེ་སློབ་མ་རྣམས་ཀྱི་འགྲོ་བསྐྱོད་ལ་ལྟ་རྟོག་ནན་མོ་བྱ་རྒྱུ་ཡིན་འདུག
དྲ་རྒྱ་ཁག་ཏུ་ལུང་འདྲེན་བྱས་པའི་གནས་ཚུལ་མཁོ་སྤྲོད་པའི་སྐད་ཆ་ལྟར་ན། ད་སྐབས་ལྷ་ས་གྲོང་ཁྱེར་དུ་བོད་མི་ཚང་མའི་ཐོབ་ཐང་ལག་ཁྱེར་ལ་ཞིབ་བཤེར་བྱེད་བཞིན་ཡོད་པ་མ་ཟད། སློབ་གྲྭ་ཁག་ནང་སློབ་མའི་ཐོབ་ཐང་ལག་ཁྱེར་ལའང་ཞིབ་བཤེར་ནན་མོ་བྱེད་བཞིན་ཡོད་འདུག
ཆབ་སྲིད་དབྱེ་ཞིབ་པ་དག་གིས་རྒྱ་གཞུང་གིས་བོད་ལྗོངས་སློབ་གྲྭ་ཆེན་མོ་ཟླ་གཅིག་རིང་སྒོ་གཏན་དགོས་དོན་གཙོ་ནི། བོད་མིའི་སྒེར་ལངས་གསུམ་བཅུའི་དུས་དྲན་སླེབས་ལ་ཉེ་སྟབས། བོད་ལྗོངས་སློབ་གྲྭ་ཆེན་མོའི་སློབ་མ་རྣམས་ཀྱིས་སྤྱི་ཚོགས་ཁྲོད་ཞི་བའི་ཡར་ལངས་ལ་སྣེ་ཁྲིད་བྱེད་སྲིད་པའི་དོགས་སློང་དང་། དེ་བཞིན། སློབ་གྲྭའི་ནང་དུའང་ངོ་རྒོལ་ཡར་ལངས་དོན་རྐྱེན་རིགས་འབྱུང་རྒྱུར་བློ་འཚབ་ཡོང་གི་ཡོད་པ་ཞིག་ཡིན་པར་བརྗོད་འདུག
གསར་འགོད་པ། ཚེ་རིང་རྒྱལ།
ཨ་ཁ། བོད་ནང་གི་བོད་རིགས་སློབ་མ་རྣམས་དེ་འདྲའི་དཀའ་ངལ་འོག་ཏུ་ཚུད་བཞིན་པ་མཐོང་སྐབས་ངོ་མ་སེམས་སྐྱོ་གི་ཡ། སེམས་ཤུགས་མ་ཆག །ཉིད་གཅིག་ཁོག་མི་ཐུབ་པའི་དུས་ཤིག་ཏན་ཏན་སླེབས་ཀྱི་རེད། བོད་རྒྱལ་ལོ། །
ཨ་རོགས།དངོས་གནས་གསར་འགོད་པ་ལ་ཉམས་མྱོང་མི་འདུགགསར་འགྱུར་འདིའི་ཁ་བྱང་ལ་བལྟས་ཚོད་ཀྱིས་བོད་ལྗོངས་སློབ་གྲྭ་ཆེན་མོ་ལ་སློབ་མཚམས་བཞག་ཏུ་འཇུག་པ་ལྟ་བུའི་ཚོར་སྣང་སྟེར།ཞུ་རྒྱུ་ཞིག་ལ།བོད་རིགས་སློབ་གྲྭ་ཆེན་མོ་དང་བོད་རིགས་སྡེ་ཁགགཞན་རྒྱ་རིགས་སློབ་གྲྭ་ཆེན་མོ་ཡིན་རུང་རྒྱ་ནག་སྲིད་གཞུང་གིས་འདི་ལྟ་བུའི་འགྲོ་ལུགས་དེ་ནམ་རྒྱུན་ལག་བསྟར་བྱེད་བཞིན་ཡོད་པ་ཞིག་རེད།
མི་རིགས་རང་དབང་ཅན་དུ་མི་བཟོ་ཞིང་།།
གྲྭ་བར་གྲྭ་སའི་སློབ་གསོ་མི་སྤྲོད་པར།།
སློབ་མ་སློབ་གྲྭའི་ནང་དུ་མི་གཏོང་ན།།
ཁྲིམས་མེད་ལུགས་མེད་རྒྱ་གཞུང་ཐལ་བར་རློག།