ངྷ་ས་ས་གནས་མགོ་འཛིན་གྱི་གོ་སྒྲིག་འོག མདང་དགོང་ཆུ་ཚོད་ ༦ དང་ཕྱེད་ཀའི་སྟེང་། བཞུཊ་སྒར་ངྷ་ས་མེག་གྷན་ཁྲོམ་གཞུང་དུ་བོད་མི་སེར་སྐྱ་ ༢༠༠ ཙམ་འདུ་འཛོམས་ཐོག འདས་པའི་ཉིན་གཉིས་རིང་མདོ་སྨད་རྔ་པ་དང་རེབ་ གོང་ཁུལ་དུ་རང་ལུས་མེར་བསྲེགས་གཏོང་མཁན་རྣམ་པར་གདུང་སེམས་མཉམ་སྐྱེད་མཚོན་ཆེད། ཁོང་རྣམ་པའི་སྐུ་པར་འཕྱར་ཏེ་བྱང་ཆུབ་སེམས་མཆོག་སྐྱོར་བཞིན་མེར་མེ་ཁྲོམ་སྐོར་ཞིག་གནང་སོང་།
མཇུག་སྡོམ་མཛད་སྒོའི་ཐོག་ཀིརྟི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་གྲྭ་ཀ་ཉག་ཚེ་རིང་ལགས་ཀྱིས། ཁ་སང་རྔ་པ་ཀིརྟི་དགོན་པའི་གྲྭ་བློ་བཟང་ཚུལ་ཁྲིམས་ལགས་ཀྱིས་རང་ལུས་མེར་བསྲེགས་བཏང་བའི་བརྒྱུད་རིམ་དང་། ད་ལྟའི་རྔ་པ་དགོན་གྲོང་གཉིས་ཀྱི་ཛ་དྲག་གནས་སྟངས་སྐོར་མང་ཚོགས་ལ་ངོ་སྤྲོད་གནང་ཡོད་ལ། དེའི་རྗེས། འགྲོ་བ་མིའི་ཐོབ་ཐང་བལྟ་ཞིབ་པ་སྐུ་ཞབས་ཚེ་རིང་རྡོ་རྗེ་ལགས་ཀྱིས། རེབ་གོང་ཁུལ་དུ་རང་ལུས་མེར་བསྲེགས་བཏང་བའི་གྲྭ་འཇམ་དབྱངས་དཔལ་ལྡན་ལགས་དང་། མི་སྐྱ་བསོད་ནམས་དར་རྒྱས་ལགས་གཉིས་ཀྱི་གནས་སྟངས་དང་། ས་གནས་མང་ཚོགས་ཀྱིས་རྒྱ་གཞུང་ལ་ངོ་རྒོལ་བྱས་པའི་གནས་ཚུལ་སོགས་ངོ་སྤྲོད་གནང་སོང་།
མཇུག་ཏུ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་གཞོན་པ་འཇམ་དཔལ་སྨོན་ལམ་ལགས་ཀྱིས། དེང་སྐབས་བོད་རང་སྐྱོང་ལྗོངས་ཀྱི་ཛ་དྲག་གནས་སྟངས་སྤྱི་དང་། བྱེ་བྲག་རྒྱལ་ས་ལྷ་ས་དང་གདན་ས་སེ་འབྲས་དགེ་གསུམ་གྱི་དྲག་གནོན་སྲིད་བྱུས་སྐོར་ཞིབ་ཕྲར་ངོ་སྤྲོད་གནང་སོང་།
གསར་འགོད་པ། དཔལ་ལྡན།
མར་མེ་ཁྲོམ་སྐོར་ཞིག་གིས།།བདེན་པའི་མཐའ་དོན་མི་སེལ།།སྐུ་ངོ་ཕེབས་ཐེང་ཅིག་གིས།།གདུང་སེམས་མཉམ་པ་མི་མཚོན།།
མར་མེ་ཁྲོམ་ནས་བསྐོར་ན།།
མེ་ལྕེ་བོད་ནས་མཆེད་གི།།
བྱང་ཆུབ་སེམས་མཆོག་བསྐྱོར་ན།།
བྱང་ཕྱོགས་བོད་ནས་ངུ་གི།།
ཁྱེད་ཅག་ཚོའི་སྙིང་སྟོབས་ལ་སྔགས་བརྗོད་ཡོད།
མར་མེ་ཁྲོམ་བྱེད་པ་ཐུགས་རྗེ་ཆེ་