མོ་ཧ་མ་ཊི་བྷོ་ཛི་ཛིས་ཚེ་སྲོག་གཅིག་གིས་ཨ་རབ་ཀྱི་དཔྱིད་ཀའི་གསར་བརྗེ་སློང་ཐུབ་སོང་ཡང་། བོད་མིའི་ཚེ་སྲོག་སུམ་ཅུ་ལྷག་གིས་ཀྱང་ “གངས་ལྷ་མེ་ཏོག་གི་གསར་བརྗེ” སློང་མ་ཐུབ་པའི་རྒྱུ་མཚན་ཅི་ཡིན་ནམ།
ཨ་རབ་མི་མང་དང་བོད་མི་རིགས་གཉིས་ཀྱི་རིག་གནས་སེམས་ཁམས་ལ་ཁྱད་ཆེན་པོ་ཤོར་སོང་བས་ཡིན་ཏེ། ཨ་རབ་མི་མང་ལ་ནུབ་ཕྱོགས་རིག་གནས་ཀྱི་དཔལ་ཡོན་ཏེ། དམངས་གཙོ་དང་རང་དབང་། ཐོབ་ཐང་དང་འདྲ་མཉམ་སོགས་ཀྱིས་ཤུགས་རྐྱེན་ཚད་ངེས་ཅན་ཐེབས་ཡོད་པས། ཕྱིའི་རྒྱུ་རྐྱེན་ཕྲན་ཚེགས་གཅིག་གིས་ཀྱང་ནང་བསམ་བློའི་དཔལ་ཡོན་དེ་དག་མེ་རི་བཞིན་འཕྱུར་ཆོག་ཆོག ས་ཡོམ་བཞིན་འགུལ་ཆོག་ཆོག་གི་རྒྱུ་ས་བོན་སྔོན་ནས་བཏབ་ཅིང་རྐྱེན་ཆུ་ལུད་སོགས་འཛོམས་སོང་བས། རྒྱུ་འབྲས་ཆོས་ཉིད་ཀྱི་མཇུག་འབྲས་རླབས་ཆེན་ཞིག་ཐོན་སོང་བ་ཅི་ལ་མིན། བོད་མི་ཚོ་ལ་ཐར་བ་སྒྲུབ་བྱེད་ཀྱི་རིག་གནས་སེམས་ཁམས་ཡོད་པ་ལས། རང་དབང་དང་ཐོབ་ཐང་རྩོད་པའི་དམངས་གཙོའི་དཔལ་ཡོན་ལ་གོ་རྟོགས་དམན་པ་དང་འབྲེལ་འདྲིས་མེད་པ[མང་ཆེ་བ]ཡིན། རྒྱུ་མཚན་དེར་བརྟེན། དཔྱོད་ཤེས་མཁན་པོས “ཧོན་ལོག་ཁ་སྔ་དང་བྱ་རྒན་གྲག་སྔ་ཡི་ཚུལ་གྱིས་ཕྱི་ཆབ་སྲིད་དང་སྤྱི་དམངས་ཀྱི་ཆ་ཡི་རང་དབང་ལ་བརྩོན་པ་བསྐྱུར་བཞག་སྟེ། ནང་བསམ་བློ་དང་འདུ་ཤེས་ཀྱི་ཆ་ཡི་རང་དབང་བཤད་དེ་མི་རྣམས་སུན་པོ་བཟོས་སོང” པ་མིན་ནམ།
དེང་རབ་ཅན་ལ། དཔལ་འབྱོར་འཕེལ་རྒྱས་དང་སློབ་གསོའི་གོ་རྟོགས་སོགས་མང་དག་ཅིག མི་མང་གྲོང་ཁྱེར་དུ་འདུས་སྡོད་བྱེད་པ་ནི་ཆེས་གལ་ཆེན་དུ་གྱུར་བ་དེ་ལྟར་ན། ཨ་རབ་མི་མང་ལ་འདིའི་ཆ་ནས་ཀྱང་བོད་མི་དང་མི་འདྲ་བའི་ཡོངས་གྲགས་ལ་ལས་འགུལ་སློང་ཐུབ་པའི་ཆ་རྐྱེན་ཞིག་ཚང་སོང་བའི་རྒྱུ་མཚན་ཅི་ལ་མིན། བོད་མི་རྣམས་ནི་རང་བྱུང་གི་མི་བུ་དང་གདོད་མའི་སྤྱི་ཚོགས་ཀྱི་ངོ་བོར་གནས་ཡོད་པས། [ཞིང་འབྲོག་མང་ཆེ་བ]དམངས་གཙོའི་དཔལ་ཡོན་རྩོད་པའི་ལས་འགུལ་ལ་དཔའ་བོའི་ངར་ཡོད་ཀྱང་། མང་པོའི་དཔུང་མེད་པའི་རྒྱུ་མཚན་གྱིས། སྒེར་གཅོད་སྲིད་གཞུང་འཇིགས་སྐྲག་གིས་འདར་སིག་རྒྱག་མ་ཐུབ་པ་དང། རྒྱལ་སྤྱིའི་སྤྱི་ཚོགས་ཀྱིས་ཡ་ལན་བྱེད་པའི་ཟང་ཆ་སློང་མ་ཐུབ་པས། བོད་མི་ཚོར་སྒེར་གཅོད་སྲིད་གཞུང་གཏོར་ཏེ་དམངས་གཙོའི་དཔལ་ཡོན་རྩོད་པའི་ལས་འགུལ་ཀྱི་སྟོབས་ཤུགས་གལ་ཆེན་ཞིག་མ་ཚང་བ་ཅི་འདྲའི་ཕངས་པ་ལ།
བོད་མི་ཚོར་སྒེར་གཅོད་སྲིད་གཞུང་གིས་ནམ་གཞར་དུ་བདེན་དོན་གང་ཡང་མི་མཐོང་བའི་མིག་ཡོལ་འགེབས་རྐྱང་དང་། དྲང་གཏམ་ཅི་ཡང་མི་ཚོར་བའི་རྣ་བ་འགེབས་རྐྱང་བྱས་ནས་མི་དམངས་ལྐུག་པ་བཟོ་བའི་གདུག་རྩུབ་སྲིད་ཇུས་མུན་རུབ་པ་ལྟ་བུ་བྱས་ཡོད་པས། བོད་ནང་གི “སྒེར་གཅོད་སྲིད་གཞུང་གི་ལག་རོགས་སུ་གྱུར” བའི་རླུང་བརྙན་འཕྲིན་དང་དྲ་རྒྱའི་བརྒྱུད་ལམ་ཁག་གིས་བོད་མིའི་མེར་སྲེག་ལས་འགུལ་ལ། འཆར་གཞི་དང་སྒྲིག་འཛུགས་བཟོས་ནས་ཡོངས་གྲགས་ཀྱི་སྐུལ་སློང་མི་བྱེད་པ་ཨ་ཅང་ཅང་། ཐ་ན་བཙན་བྱོལ་གྱི་མི་ནུས་ཤུགས་ཅན་དང་གཞུང་གིས་འཆར་གཞི་དང་སྒྲིག་འཛུགས་བཟོས་ནས་སྐུལ་སློང་མི་བྱེད་དོན་ཅི། ཁོ་ཚོ་བོད་མིའི་ཚབ་མཚོན་གྱི་མི་སྣ་དང་འདོད་མོས་ཡོད་པའི་གཞུང་ཡིན་པར་ནམ་རྒྱུན་སྒྲོག་གི་ཡོད་པ་མིན་ནམ། གནད་འགག་དེ་འདྲ་དང་དུས་སྐབས་འདི་འདྲར་སླེབས་དུས་ཀྱང། ཁྱེད་ཅག་གིས་བོད་ནང་གི་ལས་འགུལ་ལ་རྒྱལ་སྤྱིས་ཡ་ལན་བྱེད་པའི་སྟོབས་ཤུགས་སྐྲུན་མ་ཐུབ་ན། བོད་མིའི་ཚབ་མཚོན་གྱི་མི་སྣ་དང་གཞུང་ཡིན་པར་སྒྲོག་པའི་དགོས་པ་དང་རྒྱུ་མཚན་ཅི་ཡོད། རྒྱ་མིས་ཡུལ་གྱར་བའི་སྐུལ་སློང་ཡིིན་ཞེས་བཤད་དུས་འུ་ཚོས་མིན་ཞེས་དག་འདོན་དགོས་དོན་ཅི་ཡང་མེད་དེ། ངེས་པ་དོན་གྱི་འུ་ཚོ་བོད་མིའི་ཚབ་མཚོན་དང་གཞུང་ཡིན་པའི་ཕྱིར། འུ་ཚོ་ལ་ལས་འགུལ་སྐུལ་སློང་གི་སྐད་ཆ་དེ་བཤད་པའི་ཐོབ་ཐང་དང་། འཆར་གཞི་སྒྲིག་འཛུགས་བཟོ་བའི་ལས་ཀ་དེ་སྒྲུབ་པའི་འོས་འགན་གཉིས་ཀ་ཡོད་པའི་ཕྱིར། སྐབས་དོན། འཆར་གཞི་སྒྲིག་འཛུགས་དང་ལས་འགུལ་སྐུལ་སློང་གི་བརྒྱུད་ལམ་ཁག་མ་འདྲ་པས། ཨ་རབ་ཀྱིས་གསར་བརྗེ་སློང་ཐུབ་པ་དང་། བོད་མིའི་མ་ཐུབ་པའི་རྒྱུ་མཚན་བཤད་རྒྱུ་ཡིན་ཡང་། འཕྲོས་བཤད་ཀྱིས་བསྒྲིབས་སོང་བས། མཚམས་བཞག་ཀྱང་རུང་སྟེ། འཕྲོས་བཤད་ཀྱིས་ཟུར་བལྟས་ལེབ་མཐོང་བྱེད་ཆོག་པའི་ཕྱིར། གོང་བཤད་ཀྱི་ཨ་རབ་དཔྱིད་ཀའི་གསར་བརྗེ་དང་ “གངས་ལྷ་མེ་ཏོག་གི” གསར་བརྗེ་གཉིས་ལ་རིག་གནས་སེམས་ཁམས་མི་འདྲ་བ་སོགས་ཀྱི་རང་བློར་བབ་པའི་ཁྱད་པར་གསུམ་བཤད་པ་ཙམ་ཡིན་པས། ཕྲི་སྣོན་བྱ་རྒྱུ་ནི་ཀློག་མཁན་དག་གི་བགོ་སྐལ་ལ་བཞག་པ་ཡིན།
འོ་རེད་ཡང་ཨ་ཁུ་ཞིག་ཡིན་ས་རེད། གནོད་ན་ར་ཐབས་ཤེས་ཡོད་ནི་མ་རེད། ངས་དུས་ལྟར་དུ་ཚོགས་བཞིན་པ་མ་ཤེས། མ་རིགས། མ་མཐོང་།
ཐུགས་རྗེ་ཆེ་དཔྱད་རྩོམ་འདི་འདྲ་སྤེལ་ན་རང་གི་རིག་གནས་དང་། མང་གཙོའི་ཁ་ཕྱོཊ་སོགས་ལ་ཕན་པ་སྐྲུན་ངེས་རེད།།
སྨོན་ལམ་ཉིན་ལྟར་ཚོགས་བཞིན་པ་རེད། རོ་བདག་ལགས།
དངོས་ནས་གནས་ལུགས་ཟབ་མོ་ཞིག་དང་རྒྱུན་མཚན་ཡང་དག་ཞིག་གི་རྒྱབ་ལྗོངས་མངོན་འདུག ངས་ཀྱང་འདི་ནས་ཁ་སྣོན་གྱི་ཚུལ་དུ་གདན་ས་གྲྭ་ཚང་ཁག་ལ་འབོད་བསྐུལ་ཞུ་རྒྱུ་ཞིག་ལ་རྒྱལ་གཅེས་པ་དེ་དག་ལ་ཅིས་ཕྱིར་སྨོ་ལམ་ཞིག་ཀྱང་ཚོགས་མ་དགོས་པ་ཡིན། ངག་ནས་ནམ་རྒྱུན་སེམས་ཅན་ཐམས་ཅད་ཟེར་བའི་སེམས་ཅན་དེ་དག་ད་གང་ལ་འགྲོ